تعالي معاي نجهز روحنا حق رمضان & اسراري في ادارة وقتي من غير خدامه

[شادن33]

الله سلطه البطاط حلوه وسهله بس مابحط سكر فيها عادي

انا اي شي فيه بطاط احبه سبحان الله احسه صحي ويشبع

 

[آلعنقآآ]

يعططيج ألف عآفيهه

و يستااهل التثبيت ??

متابعتج ??

​

 

[مموريز]

ماشاء الله لاقوة الابالله...........

عن جد فنانة,,,,,,,,,,,,,,,يعني طبخات وتتظيم وسنع ........ماشاء الله عليك....

وبما انك خبيرة بالمطبخ,,,,,,,,,حابة استفيد من خبرتك فيه,,,,,

1- شلون افرزن السمبوسة........ ولما يفك الثلج عنها ماتصير العجينة لينة ورطبة من الثلج الذايب؟؟؟؟؟

2- المعجنات تقدرين تفرزيننها بعد مااطلعينها من الفرن (باردة)................ ولا ماينفع؟؟؟؟؟؟؟؟

3- ممكن طريقة النودلز الصينية بالدجاج والخضار والشرمب...........عيالي يحبونها بس مالقيت طريقة حلوة وتعجبهم مثا حقت المطاعم الصينية..........

جزاك الله ألف خير...............وعساك على القوة دوم......

 

[امـونه]

ماشاء الله تبارك الله تسلم ايدك وجزاك الله خير ع المجهود الله يبلغنا رمضان وياكم وكل مسلم لافاقدين ولامفقودين يارب العالمين

 

[حرم راشد الماجد]

الله سلطه البطاط حلوه وسهله بس مابحط سكر فيها عادي

انا اي شي فيه بطاط احبه سبحان الله احسه صحي ويشبع

وتمتن :eh_s(16):

 

[حرم راشد الماجد]

ماشاء الله لاقوة الابالله...........

عن جد فنانة,,,,,,,,,,,,,,,يعني طبخات وتتظيم وسنع ........ماشاء الله عليك....

وبما انك خبيرة بالمطبخ,,,,,,,,,حابة استفيد من خبرتك فيه,,,,,

1- شلون افرزن السمبوسة........ ولما يفك الثلج عنها ماتصير العجينة لينة ورطبة من الثلج الذايب؟؟؟؟؟

2- المعجنات تقدرين تفرزيننها بعد مااطلعينها من الفرن (باردة)................ ولا ماينفع؟؟؟؟؟؟؟؟

3- ممكن طريقة النودلز الصينية بالدجاج والخضار والشرمب...........عيالي يحبونها بس مالقيت طريقة حلوة وتعجبهم مثا حقت المطاعم الصينية..........

جزاك الله ألف خير...............وعساك على القوة دوم......

حياتي تسلمين

بالنسبه حق السمبوسه تشترين عجينه جاهزه من الجمعيه وتحشينها بأي حشوه تبين وتفرزينها واذا بتسوينها تطلعينها من الفريزر عالنار وماتخترب ولا تصير لينه


المعجنات تفرزينها بارده اهم شي فرش

النودلز الصينيه

تفوحين الشعيريه بالماي وملح وتصفينها وتخلينها شوي

تقطعين الدجاج صغار وتحمسينه مع بصل اخضر وزنجبيل وفلفل ملون + جزر + ملفوف ابيض وصويا تقريبا نص كوب وتخلينه يستوي عدل
الربيان تفوحينه بروحه وتحطينه فوق الخلطه

الحين بمقلا تحطين زبده وتحطينها عليها المعكرونه وتخلطينها مع الزبده عدل وتالي تحطين حمستج وتقلبينها وممكن بعد تحطين فوقها بيض اذا تبين

وبالهنا والشفا

 

[حرم راشد الماجد]

ماشاء الله تبارك الله تسلم ايدك وجزاك الله خير ع المجهود الله يبلغنا رمضان وياكم وكل مسلم لافاقدين ولامفقودين يارب العالمين

تسلمين يا قلبي وعساج من عواده

 

[حرم راشد الماجد]

نكمل موضوعنا اكلات بيتزا


جوانح الدجاج

نص كوب معجون طماط
صلصة الجوانح من الجمعيه
نتفة كتشب تعادل الطعم

تنقعينها ما لا يقل عن 3 ساعات بالثلاجه وتقلينها بزيت حااااااااار



خبز بالثوم

تجيبين خبز فرنسي وتقصصينه دوائر مثلا

وتخلطين بماعون صغير زبدة ذايبه شوي وتخلطينها عددددل مع بودره الثوم وتدهنين الخبز وفوقه الجبن وقطعة زبده او تخلطين الموزاريلا بزيت زيتون قبل لا تحطينه فوق


اصابع الموزاريلا

خلطة البروستد من كنور

موزاريلا

توست
بيضه مخفوقه مع ملح وفلفل اسود

تحشين التوست بالجبن وتلفينه وتالي تحطينه بالبيض وبعدين بخلطة البروستد وتقلين


شوية فناتق

توست ساور دو

تجيبين بيبروني من الجمعيه وتحمشينه شوي بالزيت
وتحطين صلصة البريغو عالتوست وتحطين فوقها البيبروني وممكن جبن تطلع حلوه ومن غير الجبن هم حلوه


رولات السبانخ

تحمسين لحم مفروم مع بصل ليييييييييين ينشف مايه وتحطين بهارات شويه وفوقها السبانخ وليمون شوي وتخلينه لييييين يستوي وينشف مايه

تجيبين خبز الصاج وتدهنينه بصلصة البلو تشيز وفوقه السبانخ


وتسوين له تغميسه عباره عن

ريحان مجفف + جبن فيلادلفيا + ملعقة صلصة بلو تشيز وتخلطينه عدددددددل وتضيفين حليب بالتدريج عشان قوامها شوي يصير رخو مو متماسك وايد


وتحطين الرولات بصينية الفرن وتدخلينه شوي عشان ينف الخبز وتصير مقرمشه

بطاط ودجز

( مكرر )

تقصصصين البطاط على شكل قوارب مع قشره
تحطينه بماعون وتضيفين له زيت زيتون وخلطة الدجاج بالتوابل من كنور وتحطيطنه داخل جيس الفرن وتشوينه


أصابع الدجاج المقرمشه

تسوين خلطه حق الدياي ( تتبيله )

عصير ليمون ورشة ملح ليمون
فلفل اسود
وملح شوية صويا لاتكثروووووون

وتخلينها تتشرب بالخلطه عدل

تخلطين طحين ونشا وفلفل اسود وتغمسين اصابع الدجاج وتقلينه حالا بزيت حار وتقصرين عالجوله عشان يستوي
فظييييييييييييييييييييييييع جربوه وادعولي

يتبع .............................

 

[انصاريه قمره]

وأي الموضوع اينن اينن اينن واصلي حرووومه ناطرينج

 

[أحلى همبه كويتية]

يعطيك العافيه ​

 

[حرم راشد الماجد]

الله يعافيكم ويخليكم حبايب قلبي كلللللللللللللكم


بسم الله نكمل


الحين نيي حق وجبات المطاعم العاديه ( الشبح والزعيم ........................ الخ



الزعيم هي تكون دايما

دجاج محشي جبن يسمونه ( جيكن الا كيف )

تيبين صدور الدجاج مالتج اللي تبلتيها معاي اول مايبتيها
وتدبغينها ( تضربينها ضربا مبرحا مبرحا حتى تستغيث )
وبعدين تحشينها

ثوم
جبن كرافت تشيدر
جبن موزاريلا
بقدونس خفييييييييييييف
وتلفينها عدل تغمسينها ببيضه مخفوقه وعقب بقسماط وتخلينها بالفريزر تثلج ولي بغيتي تسوينها تخلين الزيت حاااااااااااااااااااااااااااااااااار
وتحطينها وتقصرين عليها عشان تستوي ويذوب الجبن داخل بعد
طبعا المايونيز والكتشب شغلج انتي ورغبتج


الاكله نفسها اذا حطيتي مع الجبن مرتديلا راح تصير شبح



الحين الفاهيتا

فلفل ملون جوليان
ستيك لحم جوليان
زنجبيل

خيار مكعبات
كميات متساويه من
صويا + كتشب + hp
تخلطينهم وتخلينهم على جنب شوي

بالمقلا تحطين ززيت وتقلين بصل لين يصير شفاف وعقب اللحم عليه ملح وفلفل اسود بسسسسسس من غير بهارات كلش
لين يطلع اللحم مايه وينشف تحطين الفلفل الملون والزنجبيل وتخلينهم ينحمسون وبعدين تحطين عليهم الصوص وتخليهم شوي يتشربون الصوص عدل وتحطين الخيار وانتي تسكرين الجوله

وتقدمينه بخبز التورتيلا او صمون فرنسي او صاااااااج


لذيذة

تقطين نقانق صغار
شرائح مرتديلا
شرائح فلفل ملون او اخضر بس
جبن موزاريلا
مايونيز
بصل شرائح
تحمسين البصل مع فلفل اخضر وتحطين عليهم المرتديلا والنقانق وتحمسين واخر شي الجبن والمايونيز


يتبع........................

 

[الهنوف بنت سعود]

موضوووع رووعه
ونااااايس
الله يعطيكي الف عافيه حبيبتي

شكرا لك

 

[ذوق باسلوبي]

يعطيك العافية

 

[д7βk βşķάť]

عسى ربي يسعدج ويوفقج ​

موضوعج حده عجيب في ميزان اعمالج يارب​

وعسى ربي يبلغنا رمضان وياكم وكل مسلم لافاقدين ولامفقودين يارب العالمين​

لاايوقف الموضوع حده عجيب :$​

 

[حرم راشد الماجد]

تسلمون عالردود الحلوه بنات والله يبلغكم رمضان

نرجع نكمل


دجاج كنتاكي


تتبلين الدجاجه بالبهارات والروب فقط من غير ليمون كلش ولا صويا


روب وبهارات

وتخلينه ليلة مثلا

عقب ما تطلعينه تغسلينه عن الروب وتحطينه بالطحين والنشا ( تخلطين كوب طحين معاه ملعقة نشا ) وعقب تغمسينه ببيضه مخفوقه مع فلفل أسود وفلفل احمر بودره وتغطينه بالكورن فليكس ( كورن فليكس تكسرينه بايدج لين يتفتت ) وتخلطينه معه شويه بقسماط بس الكورن فليكس اكثر من البقسماط

وتثلجينه وتقلينه بزيت حار وتقصرين عالجوله عقب ما تحطينه عشان يسستوي



روبيان شرمبي

1 كيلو ربيان جامبو منزع القشر
تقصين الربيانه تقريبا ثلاث ارباعها بحيث تككون عندج شريحه مثل شريحة الدجاج
تتبلينها بحليب وملح وفلفل اسود
تطلعينه من التتبيله بعد ساعتين او ثلاث وتغمسينه بالبيض والبقسماط وتقلينه مثل الدجاج


صلصة التارتار

مايونيز
تشيلي
خيار مخلل
تخلطينهم مع بعض بالخلاط عشان يتقطع الخيار والتشيلي وتحطين عليهم ليمون وتقدمين طبقج الاحترافي اللي ماياخذ نص ساعه




حمسة الناجتس الخطيييييييييره

اول شي نسوي الدجاج مثل اصابع الدجاج اللي حطيتهم فوق

وبعدين نقطعه ونخليه يبرد


نحط بالمقلا
زيت
بصل
لين يصير شفاف

مشروم فرش وتحمسين لين يصير اسود
فلفل أخضر بارد و تصبين عليها كريمة شوية ومكعب ماجي وتخلطين راح تصير ثقيله
وتحطين عليها


3 ملاعق من كل شي
كتشب
مايونيز
صلصة فرنسيه اكثر من 3 ملاعق بس حسب الرغبه لانها حاليه شوي
صلصة جوانح الدجاج
شوية دقوس غراش اذا ما تحبين الحار استغني عنها
وتصبينه عالخلطه
وتخلينهم شوي

وتفرشين خبز صاج بصينيه الفرن وتصبين فوقه الخلطه وفوقه جبن موزاريلا
وتخلين الخلطه تنشف شوي ويذوب الجبن وتعاااااااااااالي اكلي

تقدرين تسوينها مع البريوش بس راح تصير ثقيله


وصفة يمونها فيل او ستراغانوف

بس انا سميتها ستيك بالصلصه <<<<<<<<<<<< اهم شي النيه تكون سليمه والا الاسامي ما تفرق

تيبين لحم عجل هبر
وتقطعينه شرائح وتحطينه بجدر او مقلا غزير وتخلينه يطلع مايه تصبين عليه شويه زيت وتحمسينه مع بصل لين تحسين ان تشبع بالزيت والبصل صار اشقر
تحطين عليه قطعه زبدة وتذوبينها عدل وفوقها طحين وتخلطين عدددددددددل مدل وتحطين ملح وفلفل اسود وماي كميه كبيره وتخلطين وتخلينه يطبخ عالجوله وكل فتره حركيه عشان ما يحترق الطحين وهم بعد عشان تثقل الخلطه


تقدمينه مع عيش مقلي مخلوط احط لكم طريقته لما نوصل حق العيش ان شاء الله الحين بس حمسات وفناتق

 

[زوجت الشمري]

يربي وش تخلني الموضوع اشتهيت هاكلات تجنن يعطيج العافيه

 

[شادن33]

والله طلعت الفاهيتا سهله بنتي تموت فيها
عاد انا لما احب انرفزها اقولها كله من المفهيه اللي تاكلينها
تقولي ماما فااااهيتااا اقولها كلهم واحد هههه
خلاص بفاجئها واسويلها المفهيه مالتها ههههه

حرمرم تسلم هالاصابع مجهود رائع الصراحة

 

[<<لمار>>]

يعطيج العافيه ملف مميز

 

[nadoooy]

موضوعج روعه يعطيج الف عافيه حتى انا ماعندي خدامه واحب كل شغلي اسويه بيدي وفوق هذا اسوي الكبب حق اهلي واللهم بلغنا رمضان لا فاقدين ولا مفقودين يارب

 

[nadoooy]

ضيفي عليهم ورق العنب والملفوف لفيه جاهز عالفريزر انا اشكل بالكبب وحشوات السمبوسه والسبرنغ رول اصابع الموتزريلا اجهزها بالبقصمات عالفريزر بطاط مهروس اخلطه ويا مرتديلا وزيتون وذره وهلابينو واكور بالبقصمات وافرزنه حمسه اللحم المفروم اذا زادت الخلطه هم احطه بجيس عالفريزر قبوط او شيش برك اسوي العجينه واحشيها وافرزنها