تعالي معاي نجهز روحنا حق رمضان & اسراري في ادارة وقتي من غير خدامه

[مدّهره !]

تسسسسلم هالإيد خيتي



يامال العااافيه ......~




بجرب كم طبق وأذوووقه أهلي ....~

 

[أحـلام * ورديـة]

قواج الله على الموضوع الحلو

وصراحة شوقتيني على المطبخ

والله يوفقج ويسهل عليج امتحاناتج

 

[اللوحه الفضيه]

يعطيك ألف ألف عافيه علي هالافكار الحلوة

 

[أحلى همبه كويتية]

الله يوفقك يارب
موضوع حلو وافكارك سهلة
عساك على القوة


​

 

[أحلى همبه كويتية]

وهذا موضوع فطور وسحور رمضان بالصور 2013

ان شاء الله راح افتحه ليله رمضان


وهالله هالله بالمشاركات الحلوة

http://www.q8yat.com/t1138460.html​

 

[حرم راشد الماجد]

علينا وعليج همبه حبيبتي

واكيد ان شاء الله راح نكون اول المشاركين

 

[حرم راشد الماجد]

اليوم الملف حق حبايبي اللي يسون دايت ويحبون الاكل الصحي

انتي يا حياتي ماجلتج غير


سجلي عندج

شيرة تروبيكانا للحلويات العربيه

شراب البرتقال من نفس الماركه ( نفس التانج )

روب خالي الدسم او قليل الدسم

حليب خالي الدسم حق المهلبيه

شوفان

برغل خشن

عيش اسمر

شوربة

فواكهة منوعه

والحين نبلش وصفات دايت رووووووووووعه نبلش من الشوربات وننتهي عند الحلويات وكللللللله دايت لعيونكم

 

[حرم راشد الماجد]

بسم الله الرحمن الرحيم

الشوربات اللي تسوينها حق البيت كلها مسموحه اذا مافيها بروتين

او اذا تبين شوربات البروتين لازم بعدها تاكلين الاكل جاول <<<<<<<<<< اقدم مافي ؟؟؟!!! ( جاول يعني من غير ايدام )



شوربات البروتين

عدس
شوربة الدجاج بالذره


فيما عدا هال2 كله مسموح


نبلش
شوربة البصل الفرنسيه

1 ملعقة زيت زيتون
3 بصلات مقطعه جوانح
2 ملعقة اتش بي صوص
1 ملعقة خلاصة شوربة الخضار اللي حطيتها فوق


الطريقه
- تحمسين البصل ليين يذبل وتضيفين عليه الشوربه البودره وتحمسين وتحطين الاتش بي صوص وتحمسين وبعدين تضيفين ماي تدريجيا وتخلينها تطبخ عالراحه

تاخذ من 20 الى 25 دقيقة

مالج خلق هاللويه مع انها حلوه وايد هالطريقه

عندج شوربة كنور هم حلوه

شوربة الخضار المنوعه

تحمسين بصل شرائح بملعقة زيت زيتون وبعدين تحطين عليها خضار مشكله مثلجه او معلبه وتحمسين وتحطين عليهم شرائح ثوم وملعقة دقيق كامل وتزيدينها ماي وملح وتخلينها تثقل

 

[حرم راشد الماجد]

يتبع بعد الحصه

 

[Queen_seham]

يعطيج العافيه
مشكوره عل الموضوع جد خبرتج قيمه ومنج نستفيد

 

[حرم راشد الماجد]

تسلمين حياتي وان شاء الله تستفيدون فعلا من اللي موجود وتدعون لي


نكمل حديثنا


الشوربات :

شوربة الخضار بالشوفان

شوربة ارض الطبيعه مع ماي حاااااااار واخليها تطبخ شوي وتحطين فوقه ملعقتين شوفان وتخلينه 5 دقائق وتصكين الجوله ( فظييييييييييعه )


شوربة كريمة الدجاج من ماجي + نص كوب ذره ( مسموح للريجيم لا تحاتون )


طبعا كل ماسبق ممكن تاخذين منه كوب او كوبين قبل الصلاة


أما بعد الصلاة ييبي الصحن المقسم وحطي كميه سلطة راهيه + طبق رئيسي وراح احط نماذج بتعجبكم

سلطة ممكن تاكلين الي موجود عدا سلطة الباستا

نيي الحين للطبق الرئيسي

يا اما تاكلين بروتين فقط بكميات مفتوحه او كربوهيدرات ( ألياف غير ذائبه + 60غرام بروتين )

ادري مو واضح راح اوضح الحين


يقولج اذا اخذتي حصة كافيه من الألياف الذائبه او الغير ذائبه اي شي تاكلينه وراه ما يمتص منه الا 30%


يعني خل نقول كليتي طاسه كبيره من الخس + ذرة + ملفوف أحمر <<<<<<<<<< هذي كلها ألياف

وكليتي بعده قطعة حلو ماراح يمتص منها الا 30 % بس وين اللي يقدر ياكل اي شي بعد 30 غرام من الألياف

شلون تحسبين الحصه اللي تحتاجينها من الألياف ( عمرج + 5 ) مثال عمرج 25 + 5 = 30 غرام

انزين شلون تتأكدين انج خذيتي 30 جرام

اكيد ماكو شي يخليج متأكده 100% انج خذيتي الحصه الكافيه

وهم حطي ببالج ان الألياف بعد فيها سعرات حراريه على حسب نوعها


فشتسويييييييييين

تقسمينها :
12 ورقة خس + ربع كوب ذره ( بالشوربه ) + شوفان ( هريس كاذب ) + بزاليا ............. وهكذا
تكثرين من الخضار الغنيه بالالياف وقليلة السعرات وتضيفين بعدها بالتدرج الالياف منخفضة السعرات

انزين شنو الاشياء اللي فيها الياف عاليه :

فواكهة :
برتقال + تفاح بقشره + تمر + كيوي + افوكادو

خضار :
خيار + بزاليا + الورقيات + خس بأنواعه + ملفوف + فلفل بارد + الذره

الحبوب :
البرغل + الشوفان + الحمص + دقيق القمح الكامل + دقيق النخاله + الرز الأسمر + الكورن فليكس

كل المجفف يحتوي على الياف ( مشمش + تين + قراصيا + توت + طماط )

 

[حرم راشد الماجد]

عشا جذي لو تبدلين العيش بالبرغل يكون افضل مو معناته ان البرغل مافيه سعرات ولكن فيه الياف يعني فايده غذائيه اكبر وطعمه حلو ومقبول وماتحسين انه مو عيش جنه عيش مصري

فوائد :

الأبحاث العلمية تثبت أن البرغل يلعب دوراً كبيراً في الوقاية من سرطاني القولون والثدي والسكري
د. جابر بن سالم القحطاني
البرغل bulgur هو جريش القمح
الحصول على المزيد من الألياف في الغذاء يساعد على خفض نسبة الكوليسترول في الدم ويقلل خطورة الإصابة بالسرطان وكذلك مرض السكر. بالإضافة إلى الوقاية من أمراض الجهاز الهضمي وبالأخص الإمساك ومرض البواسير.
والبرغل معروف انه مصدر جيد للألياف، حيث إن فنجاناً مطهياً من البرغل يمد الجسم بأكثر من 8جرامات من الألياف أي حوالي ثلث المقدار اليومي.>>شئ رائع

آلية عمل البرغل
إن أغلب فوائد البرغل تأتي في الحقيقة من الألياف غير القابلة للذوبان، إن هذا النوع من الألياف لا يتحلل داخل الجسم، ويظل في الأمعاء ويمتص كثيراً من الماء وهذا يزيد من وزن الفضلات مما يجعلها تتحرك بطريقة أسرع في الأمعاء وتخرج من الجسم بسهولة كذلك المواد المحتمل أنها تسبب السرطان ولا يوجد لديها وقتاً لكي تسبب أي مشاكل. >>سبحان الله والحمدلله
لقد أجريت دراسة في مركز كوزنيل الصحي في مستشفى نيويورك واستمرت طوال أربع سنوات، أجرى الباحثون دراسةعلى 58رجلاً وسيدة لديهم تاريخ مرضي في مخاط الأمعاء على الرغم من أن المخاط ليس ضاراً في حد ذاته إلا أنه بمرور الوقت قد يصبح سرطاناً، لقد ثبت من خلال هذه الدراسة أن الذين تناولوا البرغل زاد احتمال انكماش المخاط أو اختفائه تماماً لديهم من الذين تناولوا مواد قليلة الألياف

جيلتج طاسة الروب

تحطين نصها برغل وتنقعينها 3 ساعات وتالي تفوحينه مثل العيش مع ملح وتشخلينه وتحطين لج منه كوب روب يعني كوب الروب قياسج وتاكلينه مع البروتينات

الرز الاسمر نفس الطريقه
او مايعادلهم من الخبز


او استغني عنهم بالالياف الي عندج بالخضار والفواكهه

جريش كاذب :

او هريس الشوفان

تفوحين دياي او لحم مع بهارات عدله ليييييييييين يذوب طبعا تحطين الكميه المسموحه لج من البروتين مو اكثر
وبعدين تحطين عليه الشوفان كوب تقريبا وتخلينه يطبخ لين يثقل وتعالي اكلي احلى هريس

الدارسين الدايت :
3 ملاعق سويتن لو او سكر فواكهة + دارسين مطحون

تحطين منه كوب روب وتاكلين عالفطور كوجبة رئيسيه

السبانخ : غنيه بالحديييييييييييييييييد وزينه للرجيم
تحمسين بصل من غير زيت بمقلاة تيفال وترشينه ماي مثل الحشو لين يذبل البصل تحطين شوي ثوم ولحم مفروم لين يشنف مايه تحطين ملح وفلفل اسود والسبانخ وتخلينه لين ينشف وتحطين عليه شوي ليمون

 

[b2door2]

تسلمين على هالموضوع السنع الي يفتح النفس قبل رمضان وعسى الله يعيدة علينا وعليكم لافاقدين ولامفقودين

 

[soso o]

بصرااحه مااقصررتي الله يعطيك العافية :eh_s(17):

 

[أميرة-]

يعطيج العافية صج موضوع مميز

بس بغيت اسألج العصافيري شلون اقليها نفس اللقيمات يعني كمية الدهن بالمقلا تكون عميقة ولا شوي الدهن

 

[أحلى همبه كويتية]

يعطيج العافية صج موضوع مميز

بس بغيت اسألج العصافيري شلون اقليها نفس اللقيمات يعني كمية الدهن بالمقلا تكون عميقة ولا شوي الدهن

عادة العصافيري ما تنقلي تكون نيه :eh_s(17):

 

[حرم راشد الماجد]

يعطيج العافيه همبه

حبيبتي اللي سـألت عن العصافيري

العصافيري هو القطايف اللي حباته صغار
وهو طريقته تسكرينه للنص وتحشين النص المفتوح بالقشطه


طريقة القشطه ( مالتي المعتمده

قوطي قيمر
+ قوطي كريمه
اخلطهم عدل مع بعض واحطه م
عالجوله لين تثقل وبعدين احط خمس قفاش ماي زهر وخمس ماي ورد وبعدين تحطين شيره او عسل وفستق فقط


اما القطايف العاديه عاده انا ما اقليها بزيت غزير لانها اصلامستويه بس تحمير يعني شوية زيت مو وايد


وتقدرين تشوينها بعد بطريقه روعه وحصريه

ترشين القطايف من السبري اللي مكتوب عليه بيكنغ تحصلينه بمركز سلطان

وتشوينه بالفرن خمس دقايق تقريبا بس تتابعينه يعني توقفين يمه كل مانشف ترشين

يطلع ناشف من الزيت ومقرمش ولذييييييييييييييذ


جربيها وادعيلي

 

[حرم راشد الماجد]

نرجع للاطباق الصحيه :


انا راح ابلش بأطباق الخضار لان اكثرنا وقت الرجيم ما نعترف بأطباق الخضار بدل البروتين


ملوخيه دايت بالدجاج
تفوحين صد ر دياي مع كزبة ناشفه وشوية ثوم لين تستوي الديايه وتحطين عليها الملوخيه الناشفه او المثلجه بس الناشفه انطع

وتخلينها تطبخ 10 دقائق
تجهزين التقليه

في حاله الرجيم
تحطين ملعقة زيت وشويه ثوم لين يتغير لون الثوم شوي بس حطي بالج لان بسرعه يحترق وتسكرين الجوله وترشين عليه كزبر ناشف يمطحون و مدقوق

وتحطينه عالملوخيه اللذيذه
تسوينها تشريبه وتلذذي

مشروم مشوي

تحمسين مشروم فرش مقطع مع بصل بمقلا تيفال من غير دهن لين يسود تحطين ملح وفلفل

 

[حرم راشد الماجد]

فاهيتا المشروم
- بصل جوانح
- فلفل ملون جوانح
- مشروم

تحمسين البصل من غير زيت بالمقلا وترشين ماي عشان ما يلزق بالمقلا وبعدين الفلفل وشويه بابريكا ( ملعقة صلصة فرنسيه + ملعقة مايونيز لايت + كتشب )
وتحطينهم بصمونه وعليج بمليونين عافيه او من غير صمون او خبز صاج

 

[حرم راشد الماجد]

بيتزا دايت
خبز صاج تجفسينها مثلثات يعني الدائرة تجفسينها من النص تصير نص دائرة تجفسينها مره ثانيه تصير مثلث تقصصينها بالمقص وتاخذين مثلثين

وتحطين صلصة البيتزا نص قفشه وكتشب شويه وتحطين الخضار اللي تحبينها والزيتون والفطر والموزاريلا وتحمشينها شوي من تحت بالمقلا وتحطينها بالفرن

لذيذه وصحيه ومافيها دهون ممكن تاخذينها بالغبقه قطعتين