تعالي معاي نجهز روحنا حق رمضان & اسراري في ادارة وقتي من غير خدامه

[حرم راشد الماجد]

يعطيج العافيه ندوي

انا هالايام مشغوله بالامتحانات

اخلص وارجع لكم

 

[جذابه بنت ذيابه]

موضوع روعه

مشكووره ولاهنتي .. بسالج الشوربه اطبخها و كل شي و احطها بجياس و وقت التقديم اسخنها بس ..؟ مايتغير طعمهاا

 

[Red Al Rainbow]

حبيت آلموضوع وآآآآيد . . .

سيفت طريقة آلخبز بآلثوم + البيتزآ بآلتوست . . .

فخآطري آجربهآآ . . .

يآليت يوم تحطين وصفة تحطين حقنآآآ الــصورة بعد . . .

مآ آعرف آتخيل خخخخخخ

 

[حرم راشد الماجد]

موضوع روعه

مشكووره ولاهنتي .. بسالج الشوربه اطبخها و كل شي و احطها بجياس و وقت التقديم اسخنها بس ..؟ مايتغير طعمهاا

لا حبيبتي ما يتغير اصلا جنج توج مسويتها

 

[حرم راشد الماجد]

حبيت آلموضوع وآآآآيد . . .

سيفت طريقة آلخبز بآلثوم + البيتزآ بآلتوست . . .

فخآطري آجربهآآ . . .

يآليت يوم تحطين وصفة تحطين حقنآآآ الــصورة بعد . . .

مآ آعرف آتخيل خخخخخخ

ان شاء الله بحاول

 

[يحبنى الله *]

الله يجزاك خير وينجحنى وينجحك بالامتحانات يارب


لى رده تعلمين شلون اساعد اهلى

 

[زوجة عزيز]

ماشاء الله عليج الله يعطيج الصحه والعافيه ويبلغنا وياكم رمضان وانتو بأحسن حال

 

[دارسين]

يسلموو حرووووووووووووووم الله يعطيج العافيه

 

[دارسين]

حرووووووم ياليت تكتبين لنا طريقة الخبز عرووووووووق تكون ناشفه

 

[غلاي غالي]

يعطيج الف عافيه متابعين

 

[حرم راشد الماجد]

يعافيكم حبايب قلبي

يلا شدو الهمه مابقا شي على رمضان

حرووووووم ياليت تكتبين لنا طريقة الخبز عرووووووووق تكون ناشفه

مافهمت شنو طلبج بس عموما العروق


بصل مبشور
ثوم مدقوق مع نتفة زنجبيل <<<<<<<<<<< انا احط اللي مثلجته
بقل
كرفس
بقدونس


( لومي اسود + ملح + فلفل اسود )

وتخلطينهم عدل وتحطين طحين يدوب بس يمسك الخضره يعني الطحين اقل من الخضرا ( انا اخلط طحين نخي مع عادي واضيف شوي شوي )
وتقسمينها بأكياس وتفرزينها وقت الاستعمال تضيفين عليها طماط مكعبات يعطي حموضه شوي وقفشة نشا عشان تقرمش

 

[حرم راشد الماجد]

لي عودة قريبا ان شاء الله ومايمنع تشاركونا

 

[أحلى همبه كويتية]

الله يوفقك حبيبتي حرم راشد الماجد


موضوعك روعه وعساك على القوة
​

 

[أم محمد*]

تسلم ايدج الغالية على هالأكلات الحلوة ...

 

[عانس كول]

يعطيكي الففف عاافيه جددد جدول رررررااااااائع

جزاكي الله كل خير

 

[غلاي غالي]

تسلم يدينج

 

[سماء الاحساء]

جزاك الله خيرا والله يبلغنا شهر الخير في تمام الصحه والعافيه

 

[خلطات المزيونة]

يعطيج العافية وماقصرتي

ياليت اذا تعرفين خلطة ماكدونالز السرية بالوجبات

ومشكورة وجزاج الله خير

 

[حرم راشد الماجد]

يعطيكم العافيه حبايبي اللي شاركو

وانا ناويه اشارك من زمان بس لهيت





يلا صلو عالنبي


الحين ناخذ نموذج حق يوم رمضاني


تبلشين تحضير عالساعه 3


أول شي تسوينه ( عن تجربه ) تكتبين الاطباق اللي بتسوينها وتجيكين على اغراضج اذا اغراضها مو متوفره بدليها بأي شي ثاني لا تأزمين نفسج

بس لازم تحطين ورقة وقلم عالثلاجه وتكتبين الشغلات اللي ما حصلتيها عشان لما تروحين الجمعيه تيبين كل اللي ناقصج ( يعني مو كل يوم مشوار جمعيه لا يوم بالاسبوع كافي )

خنقول انج كتبتي بقائمتج



الشوربة : شوربة الفطر

السلطات : سلطة تقليديه
المقبلات : 6 حبات سمبوسه + 6 حبات كبة عروق + 6 حبات كبب منوعه من كل نوع حبتين راح يصير عندج 18 نوع مقبلات
الطبق الرئيسي : مرق لحم للتشريب + عيش مشخول + بلاليط + طبق فنتق ( رولات المسخن )
وحسبي جم شخص عندج بالبيت خنقول 10 سوي كمية الطبق حق 5 أشخاص فقط


مثال :
مرق لحم جدر وسط + عيش مشخول 2 جيله ونص + نص كيس شعريه ( بلاليط ) + كيس خبز صاج + 2 صدر دجاج


اللي عددهم قليل وتحب تنوع دايما تسوي نص الكميه اللي يحتاجونها بالطبق الواحد <<<<<<<<<<<< اتمنا تكونون فهمتو من شرحي المتواضع


حلويات السفره : لقيمات كميه قليلة من العجين يدوب تترسين صحن وسط لكل 5 أشخاص لان عق كل هالاكل مالهم نفس ياكلون لقيمات بس لا تكثرين الا اذا بتدزين حق فقارى مساكين وهذي نصيحة لكم

عقب ما تطبخين وتخلصين ترسي صحون القصدير من كل صنف سوييتيه بوحطيه بجيس ووديه المسجد وتاخذين اجر المسلم الصايم اللي شاركج فطورج شعور رائع جربوه

ع مثال أول يوم رمضان تسوين قمر دين ومهلبيه

حلويات الغبقة : مهلبيه + جلي + قمر دين + حلو مانجا + كيك البايركس صنفين كل جم يوم على حسب يعني متى ماخلص سوي غيره


السحور خفيف يعني ممكن من الفطور او تسوين عشا



طوووووول ما انتي تطبخين غسلي وراج مواعينج ولااااااااااا تكودين حواليج مواعين مثال

حطي لحمتج عالنار وخليها تستوي على نار هاديه عالراحه وروحي صلي واقري قران ليييييييين ينشف ماي اللحم عدل تحطين فوقه الزيت والبصل وتحمسييييييييين لين يتغير لون البصل تكونين مجهزة جياسج اللي فيهم الخضراوات مفرزه تحطين ( قرع + كوسا + جزر + بطاط ) وغطي الجدر شوي وتالي حمسيه مره ثانيه وتحطين معجون وتحمسينه معاهم وتالي الماي والملح واللومي وخليه ساعه يستوي ويذوووووووووووب

اذا طبخ تحطين عليه 2 ملعقة دبس رمان وثوم >>>>>>>>>> دبس الرمان اختراعي عشان المرق يصير حامض عجييييييييب


لما تحطين اللحم ينشف مايه تسوين عجينتج ( لقيمات + صب القفشه + معجنات ) وتخلينها تخمر بالفرن

في هالاثناء تفوحين ديايتج مع بهارات عدله وتقصصين بصل حق العيش المشخول والمسخن وتجهزين العيش تغسلينه وتنقعينه


الحين روحي صلي اقري قران شوي
وتالي رددي المطبخ ونتفي الدياي وحمسيه مع بصل وسماق واذا عندج بنوته تحب الشغل خليها تلف لج اياه بخبز الصاج وتصفه بصينيه ماعندج

اخذيه بروحج وقعدي بالصاله سمعي قران والا تابعي لج مسلسل ولفي الرولات وضبطيهم وحطيهم على جنب لحين اقتراب موعد الاذان

وبعدين تسوين العيش المشخول

وتنجبين كل اللي سويتيه وتحطينه بسخان ماعندج سخان خليه بجدوره لين يأذن

اذا بقا عالاذان ساعه
تقومين زي الشاطره تسوين الفيمتو وتحطينه بفريزر او ثلاجه
تقلين اللقيمات وتحطينها بالشيره وتحطينها بصحون
تقلين مقبلات وتسخنين شوربتج اللي حضرتيها مسبقا >>>>>>>>>>>> عجبتني حضرتيها مسبقا
وتنجبين عالراحه
وتغسلين بقايا المواعين وتخلين نفسج على مواعين الفطور فقط ماكو شي وصخ واذا في وقت غسلي المطبخ

وعقب الفطور اخذي المواعين وسبعيهم بماي وقطيهم بطشت فيه ماي وصابون وروحي ريحي وقعدي شوي


وغسليهم عقب التراويح وانتي تسوين جاي الغبقه



ودمتم بووووووووود




طبعا مانسينا اللي يسوون رجيم ويحبون الاكل الصحي


يايتكم بس اجهز الصور

 

[بنفسجيه_Q8]

يعطيج العافيه والله يوفقج بالامتححانات