تعالو اقروا معاي ذكرياتي مع التخرج

[ReMaaas^MLS]

نتايج2
صار اليوم وقعدت الصبح يعني كانت حوالي ساعه 10 ونص وبدلت ورحت الكليه واقعد ادش لكم عند دكتور دكتور خو قلبي مو يطق اصلا احس انه وقت اني بختنق مو قادره اتنفس وقلبي حيل يرقع خاصة لما دكتور يدور اسمي ويقولي درجتي، بالاخص الماده الي خايفه منها صج احس اني شوي كنت ببجي شوفو شنو صار
مريت صوب مكتبها ولا اشوف بابها امبطل يعني موجوده ولا ابطل عيوني @@ واقول ادش ولا لأ؟ اخليها اخر ماده احسن اخاف اسمع خبر يضيق خلقي وقفت عند باب وانا متردد ادش واسألها ولا لأ؟ وقلت خليني ادش اصلا اهم ماده هذي الي ابي اعرف درجتي فيها طقيت الباب طق طق
دكتوره: تفضل
انا: سلام دكتوره ومبتسمه ابتسامه مخلوطه بخوف
د: اهلين جمانه
أنا: شلونج دكتوره؟
د: تمام اعرف ليش يايه لا تاخافون كلكم Pass ما عندي احد يالله نجحتوا نبي نفتك منكم
أنا: @@ بطلت عيوني شنو؟ صج والله
دكتوره: يعني اجذب عليج ناجحه والله ناجحه.. يالله روحي وبشري ارفيجاتج او زميلاتج بالخبر انا ادري كلكم كنتو خايفين لانكم بدعتو باجوبه بس انا ماشيتها لكم وعطيتك بعد كيرف((Carve اشتبون بعد.. علشان تدعون لي مو تدعون علي وقعدت تضحك
أنا: مشكوره دكتوره ما قصرتي ويعطيج العافيه وسامحينا اذا قصرنا بشي
دكتوره: لا بالعكس الله يوفقكم وشدو حيلكم بالشغل ما نبي تفشلون نبيكم اتبيضون اويهونا
أنا: انشاء الله دكتوره يالله مع السلامه
وانا وقتها احس اني خلاص تخرجت مع انه في مواد للحين ما عرفت شنو درجتي بس لانه هالماده clinical chemistry كانت هم بنسبه لي لانه بامتحان ما سويت عدل كلش
المهم رحت كملت مشوراي بين دكاتره خو انزرعت تقريبا اكثر من 3ساعات علشان اخلص هالدرجات لانه يا يكون دكتور مشغول او يكون عنده اجتماع او انه للحين بالمستشفى ما رد المكتب يعني تعبت لما عرفت
اذكر دكتور الميكرو( الي يحفظ الاسامي ) ينني لما قالي شنو درجتي اول شي زرعني اكثر من نص ساعه وانا انطره ولما شافني ويقولي ها اشتبين يايه تبين تعرفين درجتي قلت اي دكتور بليز خو ترجيته علشان يقولي انا عارفه اهو راح يقول بس ادري فيه يحب يطفرنا لوووووووول يحليله صج ما قصر عطاني خوووش grade
المهم خلصت المشوار والحين عرفت اني ناجحه واني تخرجت مادري شلون كان شعوري وقتها لو اقولكم اني مستانسه مستانسه مستانسه مستااااااانسه شويه احس اني صج حققت شي بداخلي ماني عارفه شقوله لكم بس شغله واااااااااااااااااااااااااااااو صج روعه واتفرح:ggdw:

يتبع..

 

[ReMaaas^MLS]

مبرووووووووووووك مؤخرا عالتخرج
اي و الله حلات التخرج
اما سالفة الحفلة قبل ما تعرفون الدرجات صج اي شي وين قاعدين و الله تذكريني بثنويتنا مسوين الحفلة حق الدفعة السابقة خلال حصتين الحفلة ووقتها كان في امتحان كيميا عليهم :s
وأتمنى بعد ما تخلص الذكريات تجطين مقتطفات أكثر عن وقت فراغكم شنو تسوون شلون مكتبتكم اللي عندكم >>> اكثر شي احبه :d ما فكرتي مرة تدرسين فيها...وين اكثر مطعم تغدين فيه >>> ناطرة السحور

يلاااا ناااطرين الجزء اللي بعده
و الله كل شوي اسوي تحديث للصفحة ناطرينج و الله

الله يبارك فيج حبوبه
وعن وقت فراغي ما كان في اكشن علشان اكتبه لكم بس يعني يا نتغدا فيه او انسوي فيه ريبورت قليل ما كنت اطلع مع ارفيجتي لانه فراغي يكون اكثر شي ساعتين هالساعتين ما يمديج اتسوين فيه شي يعني اكثر شي اخلص فيه ريبورت او شغله معينه حق الدراسه
وعن المكتبه كانت زينه لا بأس فيها بس قليل ما كنت ادرس فيها يمكن اراجع فيها قبل امتحان شوي واذكر مره درست فيها نوته يعني بطلع فيها مثل الطلبه الي يدرسون بالمكتبه اذكر اني ما قدرت اركز بدراسه كلش واحس اني ضيعت وقني لو دارسه بالبيت وااايد احسن لي من يومها ما درست بالمكتبه كلش
واكثر مطعم اتغدا فيه كان ماكدونلدز واذا بالكليه كنت اتغدا المطاعم الموجوده فيها احب اكل حلوم وبطاط اكثر شي بس قليل ما اكل بالكليه

 

[د.ساره]

بصراحة أحلى ذكريات قريتها ويا رب يوفقج دنيا و آخرة
وتأكدي ان انا متابعتج للآخر

 

[ReMaaas^MLS]

مشكوره حبيبتي ويسلموووووووووووو على امتابعتج
وراح انزلكم بارت ثاني بعد هذا عيديتي لكم لووووووووووووووووووووووووووووول

 

[ReMaaas^MLS]

نتايج3

ركبت السياره وقعدت اقول ابشر منو بالأول قلت اول شي ابوي دقيت عليه
ترن ترن ترن
أبوي: الوووووو نعم
أنا: اهليييين بابا شلونك
أبوي: تمام بابا انتي شلونج ها بشري
أنا: احم احم ممكن تقولي خريجه جماانه
أبوي: صج والله نجحتي بابا يالله عالبركه
أنا: اي بابا الله يبارك فيك.. بابا لا تقول حق امي انا راح اقولها بس بطرقتي الخاصه ابي اطفرها شوي
أبوي: حرام عليج بروحها اتحاتيج لا تخرعينها
أنا: لا بابا شويه مو وايد علشان تستانس اكثر بعد الخرعه لووووووووووول ( صج انا مجرمه لوووول)
اوكي بابا يالله باي

وانا بطريج رايحه البيت ولا افكر اقول خلني اروح الجمعيه لانه قبل كنت اقول حق امي اذا نجحت ابي ينقط علي نون انا ولا مره بعمري احد قط علي نون (مادري على بالي اني ياهل او توني امشي لووووول) المهم رحت واخترت نوني على كيفي وحطيت هالكاكو وهالحلاو ترسته السله
وصلت البيت رحت حق امي كانت تتكلم بتلفون لما شافتني ولا تخلص مكالمتها بسرعه واتصكره ولا تقولي
امي: هااا بشري ناجحه؟
أنا: زعلانه وماده شبه بووز ولا اطالعه بنظره حزينه:0bee2e8d89:
امي: شنو لا تقولين عندج دور ثاني انا قلت انتي كله تنامين ما تدرسين عدل جذي ما حليت عدل بامتحان
انا: بعد شسوية يماااه وانا للحين ماده بوز وماااشي تمثيليه على امي والجيس كاكاو مخشوش ورا القنفه مو شايفته امي
امي: يالله ماكو حفله ولا شي يالله انتي حاطه على قلبج من قبل.. متى امتحانج راح يصير
انا: متى ؟ اممممم يمكن ( ولا اخذ الجيس) بعد ما تقطين على هالنوووون... يماااااااااااااااه ترااا نجحــــــــــــــــــــــــــــــــــــــــــــــــــــــــــــــــــــــــت بصوووووووت عالي انا شاقه هالحلج :dddds:
امي: ولا تفز من مكانها والله صج صج يمه ولا تلمني حيل وتقولي مبرووووك ولا تبوسني لوووووووول احس امي دمعتها على عينها وانا وقتها احس انه خلاص ببجي خاصة لما لمتني امي:krkrkr: ( وعلى فكره انا اخر العنقود بالبيت.. يعني بنتها الصغيره صارت كبيره تخرجت لوووول )
امي: خرعتيني قلبي طاح بطني بس الحمد الله وبعدين ليش شاريه نونج المفرووض انا اشتريه لج يااه
انا : ما كوو فرق مو مهم منو يشتريه المهم انج تقطينه علي وهالله هالله بالفلوس خو الفلوس عليج_03BA: لووووووووووووووووووووووووووووول
امي: انشاء الله راح نضبط امورنا وانشوف بيوم يمعتنا راح انقط نون عليج مثل اليهال

لوووووووووووووووووووووووووووووول:ggdw:

للحديث بقيه..

 

[ReMaaas^MLS]

يالله حبايبي ثلاث بارتات بيوم واحد هذا تعويض لكم عن ايام الي طافت
كل عام وانتو بخير وعساكم من عواااده انشاء الله
يالله انشوفكم انشاء الله بعد العيد وانشاء الله اكتب لكم بعد جم بارت بعد ونزلهم مره وحده علشان خاطر عيونكم

 

[د.ساره]

لوووووووووووووووووووووووووووووووووووووووووووووووووووووووووووووووول مبروووووووووووووووووووووووك
حرااام عليج جذي تسوين بأمج ! :d
حلوووووووووووووووووووووووو
لا يوقف ...
اووو
ترى عادي لو تكملين ما عندي مانع ...بس اخاف اذيناج
يلاااااااا عقبال الترقية بالشغل يا رب

 

[قمر بدر]

لووووووووول
مشكوره حبوبه
أيامج سعيده
والله أنا بغيت أبجي
عموما مبروك وناطره الحفله
متاااااااااااااابعه بشغف

 

[ReMaaas^MLS]

شلونكم حبايبي المتابعين وبأخص د.ساره وقمر بدر الي يعتبرون مستجدات كليتي الله يعينكم لووووووووووول اموفقين
حبيت ابارك لكم على العيد وعساكم من عواده
انشاء الله بكتب لكم جم بارت راح انزله باقرب وقت بس شويه وقت
انتظرووني

 

[ألماس q8]

يا حلاة موضوعج ويني عنه من زمان؟؟؟؟؟؟؟؟؟؟؟؟؟؟؟؟؟؟؟؟؟؟
والله بجيت على بعض مواقفج
خاصه فواز لما كان ينصحج وامج لما فاجأتيها
يارب يوفقج في كل لحظه بحياتج وانشالله اتخرج قريبا
ويلا كملي ناطرينج

 

[ReMaaas^MLS]

حفلة تخرج الجامعه1

بدا العد تنازلي وصار اليوم الحفله_03BA: الي كل طالب وطالبه تنطر هاليوم على احر من جمر مثل ما يقولون بس بالنسبه لي كان حلم طويل انطره وعد ايام علشان افرح بلحظه هذي، اهو صج النجاح حلو بس حفلة مع النجاح يصير لها طعم ثاني خاصة انج خلصت الجامعه يعني حياة جديده تنطرج مو مثل ثانويه للحين وراج دراسه، يمكن انه ممكن الواحد يكمل دراسته بعد الجامعه بس هذي شغله اختاريه للشخص يعني الي يخلص الجامعه او دبلوم يكون مستعد للدوام وتحمل المسؤوليه واذا يبي يكمل فيعتبر زيادة خير.. هذي نظريتي لوووول:dddds:
قعدت من النوم تقريبا كانت 11ونص تحممت وبدلت ولبست بنطلون اسود وبدي اسود ولبست اكسسوار ذهبي مع حزام عالخصر لونه ذهبي وشيلتي كانت سوده عالطرف كان فيها اجوارفسكي ذهبي يعني كان مرتب، و لبست جذي لاني كنت مرتبطه بروب التخرج، جهزت وكشخت وخذيت الروب تخرج و جنطتي وتوكلت على الله كنت بطلع مع ارفيجاتي وكانت في وحده من ارفيجاتي مع اختها وكانت بنت اختي معانا، يومها رحنا تغدينا بفرايدز عالبحر وكنا نبي نلبس بدلت التخرج بس استحينا وترددنا لانه كان زحمه شوي حسينا اشويه فشله فخذينا بس الكابوس يعني علشان انصور فيه
المهم قعدنا وسولفنا وتغدينا واتصورنا امبيه كنا لما نلبس الكابوس وانتصور الكل يطالعنا يعني احنا الخريجين لوووول بس مو ثانويه دربالكم لوووووول
بعد ما خلصنا كل وحده فينا ركبت سيارتها و قمنا افترينا عالبحر وعالحب صج يومها بدعنا سوينا مسيره وشبنا الفلشر وطق طق هرنات و انا خو بعتها حدي قاعده اقحص بسيارتي يمين ويسار.. يمين ويسار مع الاغنيه:lolo: لووول(بو محمد) كان يومها شويه غبار وما كان شارع زحمه لانه كان بنص اسبوع فجذي ماخذه راحتي بشارع لووووول
عالساعه 5 تقريبا وصلنا القاعه كانت حفلتنا بفندق مرينا قاعة سلوى الصباح، قالولنا انه الخريجين يوصلون عالساعه 5 والاولياء الامور عالساعه 7

يتبع..

 

[ReMaaas^MLS]

حفلة تخرج الجامعه2

فلما وصلنا وخذينا روب تخرج ودشينا عالطول عالحمام لبسنا وتعدلنا وتميكيجنا يعني كل وحده حايسه فينا والي ترتب حق ثانيه والي ضبط حالها يعني كان حووسه شوي بس كانت الفرحه وضحك بالحمام كان شي موطبيعي تحسين وناسه طالعه من @@عيون كل وحده فينا وكل ساعه تسمعين: اخيرا ما بغينا نتخرج.. ووااي مو مصدقه صج احنا خريجين<<<ومن هالحجي امشي وسمعي لووول:eh_s(6):
بعدين دشينا القاعه وكانو حاطين عالجنب كراسي حق الخريجين والضيوف يكونون بنص القاعه وكان عالمسرح صور كل الخريجين وغير power point عالجنب صوب كراسينا، المهم قعدنا تقريبا عالساعه 7وربع تقريبا بلشووو واول شي بلشو مقدمه حق الحفله وبعدين ايه من القرآن الكريم وبعدين حيينا نشيد الوطني.. عاد انا من ثانويه ما حييت نشيد الوطني شخباري لوووووول، وبعدين تكلم واحد من طلبه يشكر في الكليه وعميد الكليه وغير الشركات الي كانت برعاية هالحفله، وبعدين وحده من الطلبه قالت كلمة الخريجين وعرضوا لنا بعض لقطات عالPower point حق الطلبه وطالبات وهم بالكليه لما يشتغلون وبوقت امتحانات وكلاسات يعني مثل فيلم مر علينا وكان في اغنيه عن التخرج جذي هادية صج احس دمعتي اشويه وتنزل :eh_s(11): بس خفت عالمكياجي لا يخترب لوووووول
المهم اول شي بلشو بالمتفوقين بعدين بالخريجين وكان بترتيب اول ما وصل تخصصنا خذونا ودونا صوب البوفيه يعني علشان نطلع صوب مسرح يعني امنظمينا، لما وصل دوري ونادوا اسمي حسيت بخرعه واحس امبيه اخاف اطيح ولا اتعرجب لووووول من خرعه بس الحمد الله وصلت عندهم وسلمت عالعميد وعلى مرزوق الغانم كان يااي الحفله بعد لانه اهو راعي الحفله مع الشركات
وبعدين كل واحد قعد عالكرسيه مره ثانيه وبعد ما خلصوا تكريم الخريجين سوا لنا عرض بالاضواء صارت القاعه جنها دسكوو كلها ليتات والوان واغاني كان صج ودي ارقص:ggdw: لوووول خو انا برقص جاهزه، وبعد هالعرض بدا العميد يقول القسم واهو يقول واحنا نردد وراها:
ابنائي طلبه وطالبات سوف تكونون مؤتمنين عن هذا القسم
اقسم بالله العظيم ان اقوم على رعاية حياة المرضى.. وان اكون كاتما لاسراره..صائنا كرامته..ساترا عورته..و ان اخاف الله فيه.. وان اعامل جميع المرضى معامله واحده..سواء كان عدو او صديق .. وان اقوم بالتزاماتي المهنيه على اكمل الوجهه.. وعلى ان اعمل على تطوير علمي وعملي بما ينفع الانسان.. وان اكون مخلصا لكل زميلا لي في مهن الطبيه.. متعاونين جميعا على البر وتقوى.. وان تكون حياتي مصداقة ايماني في سري وعلانيتي.. والله على ما اقول وكيل
يطرح البركه فيكم انشاء الله
وبعدين قطينا كبابيسنا كلها وصرخنا باعلى صوت:lkmnkl: وغير يباب الي صار بصاله:eh_s(9)::stars: وكل وحده تلم ارفيجتها وتبوسها والي تبجي:krkrkr:.. ياااااااي صج لحظه ما راح انساه والله يشهد علي بنات هالقسم كتبته لكم مثل ما قاله لنا لاني كنت امصوره هاللقطه (قاعده اشوف الفيديو و اكتبه لكم احس دمعتي بتنزل لانها كانت احلى لحظه) وبعد ما قسمنا حسيت اني صج مسؤوله عن هالقسم الي راح يكون بذمتي صج لحظه ما راح انساه شعور وايد غريب وحلووو
الحين الكل طلع من القاعه يدور اهله وانا ادور امي وابوي اول وحده سلمت عليها اختي كانت ابويهي واهي تبجي وبعدين امي لميييتها حيل ولا ابجي ما قدرت امسك نفسي:eh_s(16): وبستها على راسها وابوي بعد لميته حيل وبسته احس خلاص دموعي مو راضيه امسكها كلش فقد سيطره وسلمت على بنت اختي كانت وصيفتي بالحفله لووووول
وبعدين رحنا تصورنا مع الدكاتره وسلمنا عليهم واذكر دكتورتي biochemistry كنت ابي اصور معاها ويايه اقوله
أنا: يبه..لا لا يمه اووووه اشفيني امضيعه دكتوره لووووووول
دكتوره: انتي كله امضيعه مو اول مره تعالي تعالي صوري لووووول :dddds:

قصت ويه لاني كنت ايننه بالمكتب خاصة اذا مو فاهمه اشكثر تعصب علي لوووول، وطبعا اكيد صورت مع دكاتره المفضلين عندي بذات دكتوري بو اسامي Micro و وhistology الي كان معاي بالبحث تخرج اعز دكاتره عندي
بعدين تعاشينا وردينا البيت انا وبنت اختي رديت بروحنا واحنا طالعين من الفندق ولا الشباب و بنات الكليه امأجرين همر لموزين وغير سيايير الي وراهم امسوين مسيره وهرنات بالشارع البحر خووو ما يبيله جمانه ملقوفه و دش وياهم وهرنات وفلشر واسويت مسيره معاهم وبس طقيت فره معاهم ورديت البيت
الحمد الله عدى كل شي على خير ولقيت اخوي بالبيت كان توه ياي من سفر سلمت عليه ويقولي خلاص تخرجتي ماكو دراسه خلاص لوووووول اقول واخيرا ما بغينا لوووول
بعدين صعدت غرفتي وبنت اختي كانت نايمه عندي يحليله توها امخلصه امتحاناتها الفاينل وعالطول خذيتها معاي علشان الحفله ونامت عندي علشان اتساعدني على تجهيز الحفله الي بسويها بالبيت، فبدلنا وصلينا ونزلنا الصور وبعدين نمنا كانت نووومه انما ايه زي الفل لووووووول:ggdw:

للحديث بقيه..

 

[ألماس q8]

يا حلاتج ويا حلاة التخرج
احس طعمه غيييييييييييييييير
انا تخرجت من الروضه ومن الابتدائي ومن المتوسط ومن الثانوي كل تخرج له طعم
وعقبال ما اتخرج من الكليه قولي آآآآآآآآمين

 

[ReMaaas^MLS]

يا حلاتج ويا حلاة التخرج
احس طعمه غيييييييييييييييير
انا تخرجت من الروضه ومن الابتدائي ومن المتوسط ومن الثانوي كل تخرج له طعم
وعقبال ما اتخرج من الكليه قولي آآآآآآآآمين

ااااااااامــــــــــــــــــــــــــــــــــــــــــــــــــــــــــــــــين ونفرح فيج

 

[د.ساره]

وناااااااااااااااسة و الله خوووووووووووووووووش ذكرياااااااااااااااااااااااااااات
إن شاء الله أجربها بعد ما أتخرج هالسنة من الثنوي قطيعة
بالتوفيييييييييييييييق بحياااااااااتج يا رب

 

[سارونه87]

احلا ذكريات صج

 

[ReMaaas^MLS]

وناااااااااااااااسة و الله خوووووووووووووووووش ذكرياااااااااااااااااااااااااااات
إن شاء الله أجربها بعد ما أتخرج هالسنة من الثنوي قطيعة
بالتوفيييييييييييييييق بحياااااااااتج يا رب

اجمعين يارب
وانشاء الله تتخرجين ودشي الجامعه وتكتبين لنا ذكرياتج

 

[ReMaaas^MLS]

مشكوووره اختي سارووونه

 

[ReMaaas^MLS]

بنات عطوني جم يوم وانشاء الله انزل لكم جم بارت

 

[قمر بدر]

يا الله يا ريماس بلش الدوام وحسيت فيج
بس بسإلج دكتور الأسامي إسمه علي؟
بس صج ريماس الكليه هلاك الدوام متعب