تعالو اقروا معاي ذكرياتي مع التخرج

[ReMaaas^MLS]

توني اطييييييح على هالمذكرات السنعة
يالله نااااطرييييينج تكملييييييين :ggdw:

حياااج بينا حبيبتي

 

[ReMaaas^MLS]

شلونكم شخباركم حبايبي المتابعين وكاني رديت بسلامه الحمد الله وكاني امجهزت لكم بارت عالسريع وانشاء الله يعجبكم

 

[ReMaaas^MLS]

صاااادوه

كنت بسنه رابعه وكانت اخر سنه حقي وكان عندي ميداني وكان يعتبر اول مره اشتغل بالمستشفى واتعامل مع المرضى، كان شعور وااايد حلو خاصة انه لابسين هالبالطو الابيض وكاشخين فيه والاسمي عليه وااايد كنت مستانسه احس صج الحين بدا الجد ولازم اكون قد هالمسؤوليه
في اول يوم لنا كنا ضايعين ما ندري شلون انروح؟ وين؟ وعند اي دكتور؟ كنا صج تايهين وانا صراحه كنت خايفه مادري شلون احس انه مسؤوليه كبيره ولازم اشتغل بضمير مو نفس المختبر كليه نقعد على كيفنا واذا غلطنا نرقع بالموضوع لووول فكان شوي صعب خاصة الي راح يباشرونا بشغل مو دكاترتنا او تكنيشن الي بالكليتنا يعني حسيت بخووف شوي، وكانو امقسمينه مجموعات وكل مجموعه بقسم معين وكل اسبوع كان يتغير فكنا انشوف اشكال والناس وعينات غريبه وكل قسم عاد تصير مواقف حلوه وذكريات عجيبه الي ضحك والي تخرع واشكثر ما انزفيت من الدكاترة المختبر لانه كنت وايد اغلط بتشخيص بس يالله الحمد الله عدت على خير خاصة الكورس ثاني تعودت وعرفت شلون النظام وطريقه فمشيت وصار تشخيص واايد احسن من هذاك الكورس الي طاف و ما صرت انزف وااايد لووووووول:dddds:
اتذكر كان اول اسبوع لي بالمستشفى كان عندي امتحان بنهايه اسبوع (يعني كل نهايه مختبر يصير عندنا امتحان ) وكان هالامتحان شفويevaluation ، وكنا كلنا خايفين ما ندري شلون الامتحان وبشنو راح يسألونه المهم انا درست كل الاوراق العملي وغير نوتات الي عطونه يااها وكنت اقعد مع المجموعتي ونتناقش وندرب على الاسئله وكان الي بيعطينه الامتحان رئيس القسم المختبر وكان شوي يعصب يعني تخافين منه
المهم احنا درسنا وتوكلنا ورحنا عنده بالغرفه وقعد يسألنا وانا على بالي يعني جواب جماعي يعني مثل مناقشه بس طلع كل وحده بروحها وكل وحده لها سؤالها وتناقش جوابها بروحه مع دكتور انا اهني اخترعت وقلت الله يستر، وكنت اجاوب بس لما اشوف ارفجتيه تتوهق اجاوب عنها مثلا يعني بساعدها وارفجتي نفس شي تساعدني اذا توهقت وكنا ننزف منه وقال انتو ملاقيف ترا كل وحده وسؤالها وعاد شوفو اشسوا فينا حط علينا وضغطنا بالاسئله كل ما حس اني ما عرف زاد علي باسئله حتى كان يسألي اسئله ما عرف شنو اجابتها مادري من وين ياييبهم وحتى لما يسأل البنات ما يعرفون الجواب صج عذبنا بأسئلته :0bee2e8d89:
بس الحمد الله اخر شي عطانا هالابتسامه الحلوه وقال انتو احسن مجموعه نسبه حق الي طافو وقال بس في اهني جم وحده مستعيلين على رزقهم مادري ليش لوووووووووووول يعني انا وارفجتيه لوووووول
اشوه فاااات على خير

 

[قمر بدر]

يالله حبوبه ناطرينج كملي
أنا مستجده بكليتج
فأبي أعرف
وناااااااااسه كملي كملي

 

[ReMaaas^MLS]

يالله حبوبه ناطرينج كملي
أنا مستجده بكليتج
فأبي أعرف
وناااااااااسه كملي كملي

الله يعينج على الكليه بس لا تيأسين وكل شي راح يتسهل بس شدي حيلج مافي لعب هناك
الله يوفقج

 

[ReMaaas^MLS]

صاااااااادووه2

كنت بسنه رابعه وكان عندي ميداني بنك الدم كان شغل هناك حلو بس متعب شوي بس كان اونس مختبر وكان شغل يبيله شوي تركيز علشان اذا غلطتي راح تصير نتايج غلط وقتها كل شغلج غلط وقعدي عيدي من اول وايديد وهذا شي ما نبيه لانه راح نقعد بالمختبر وراح نتأخر ما يمدينا نرتاح شوي قبل المحاضره وهذا غير ريبورتات الي لازم اسلمها بعد كل مختبر وتكتبين كل شغلج فيه وشنو نتايج ومع القواعد حق Safety والمقدمه يعني في وايد حجي لازم اتسووينه
يوم من الايام الرمضان كان عندي هالمختبر وخلصت ساعه 11 تقريبا وقلت ماراح احضر المحاضره لاني برد البيت برتاح اشوي واقعد اخلص ريبورتاتي علشان بعد الفطور بطلع مع امي كان عندنا زواره قلت يعني اخلص ريبورت واريح جسمي شوي يعني قلت مو مشكله لو اطنش هالمحاضره، المهم وصيت وحده من ارفيجاتي اتوقع لي اورقة الحضور وكنا احنا جم وحده اموصينها المهم قلنا لها ورحنا البيت على طول وسويت شغلي مثل ما خططت الحمد الله
صار باجر رحت المختبر وانا قاعده اشتغل ولا اتقولي ارفجتيه ترا امس صارت سالفه قلت لها خير اشصاير؟؟ تقولي ترا دكتوره صادتكم امس شنووووو؟؟ متى ؟ وشلون؟؟ قالت لي امس وقعت لكم وبعدين لما خلصنا المحاضره قامت قرت الاسامي كلها وصارت تنادي اسم اسم ولا الكل كان حاضر بس انتو الثلاثه المشكله اموقعين عند اساميكم بس مو موجودين!!
صج صج كبسه مو شي كلش اصلا وهقه ولا تقول الدكتوره الي وقع حق البنات خليها تقولهم انه 5% ماراح يحصلون منها شي ويعتبرون صفر يعني راحت علينا، كلش موشي احنا بالغصب اندور درجات يعني لما قررنا نكشت اتصيدنا اووووووف انا احس انه احد كفخني على راسي ماني عارفه شلون بحط عيني بعين الدكتوره اصلا ماعندي ويهه

يتبع..

 

[ReMaaas^MLS]

صاااااادوه2

بعد المختبر رحت الكليه لانه عندنا محاضره وأنا بطريجي للمحاضره ولا اشوف جم وحده تقولي ترا دكتوره(الي صادتنا...) تبيني اروح لها المكتب وكان هالحجي مو بس لي كان حقنا احنا الثلاثه المجرمين لووووووول وانشهرنا الكل ما ييت وحده معانا بالمحاضره قالت لنا روحو حق الدكتوره؟؟ انفضحنااااا لووووووول
ولييه ياربي شسوي لازم اروح بس شقولها حدي مفتشله ماعندي عذر ولا اقدر ارقع اصلا قلت خلني اروح بعد شسوي ماكو غير هالحل:0bee2e8d89:
رحنا احنا الثلاثه عندها وكل وحده فينا ادز ثانيه منو يدش قبل وانا خوو ميته من ضحك مادري ليش كنت بس اضحك مادري يمكن من خرعه، المهم طقيت الباب ودشينا واول مادشينا عطتنا ابتسامه حلو بس الي مخشوش وراها حجي ولا تقول لنا قعدووو فقعدنا ، قالت لنا انتو تدرون ليش طالبتكم انا قلنا لها مع بعض اي دكتوره قالت انا ما هقيت جذي منكم خاصة انتو الي تعتبرون عندي طلبه زينين ودرجاتكم حلو عندي بالمختبر ليش جذي اتسووون انا لو ما احبكم لا نقصتكم بدون ما اكلمكم بس انا اعرف انتو مو من نوع الي طنشون المحاضرات ولا الي كساله عندي
قلنا لها اسفين كل وحده طلعت لها عذر وانا قلت لها اني تعبانه.. صج ما نستحي عذر اقبح من ذنب لوووول
قالت مو مشكله تعالو قولولي مو طنشون وتخلون وحده من ارفيجاتكم اتوقع لكم هذا الي صج قهرني حييل منكم واحنا في ارمضان بعد ، احنا صج انحرجنا وظلينا ساكتين اصلا ما عندنا اي رد.. ندري احنا غلطانين شنو راح انقول بعد!!
المهم اعتذرنا وسامحتنا وقالت لنا هذي اخر مره وبشوف اذا ما عدتووها راح اعطيكم 5%
الحمد الله تأسفنا ورحنا على طول على المحاضره وعدت على خير بس صج يوم ما راح انسى كلش خلاني امووت من ضحك والفشله لووووووول
صج حبل الجذب قصير :dddds:

 

[قمر بدر]

نااااااااطرتج

 

[حور العيون]

نااااااااااااااااااطرينج حبيبتي

 

[ReMaaas^MLS]

لحظات التخرج 1

كان هالكورس اخر كورس لي بالجامعه وكان احلى شعور انه ما يكون عندي تسجيل ولا ريبورتات ولا امتحانات يعني حياة وعالم يديد ناااطرني_03BA:.. يعني مثل ما نقول ابتدى دوووري بالحياة والمجتمع اني اعطيه واكيد ما انسى الكويت ديرتي الغالي الي ما قصرت معاي الحين دوري اني ما قصر معااااها، وهذا بنسبه لي كان احلى شعور مع انه كان ممزوج بالخوف ورهبه يعني ممكن تقولون اني مستانسه وخايفه وضايق خلقي بعد لانه راح اهد ارفيجاتي والدكاترة وراح اتحمل مسؤوليه بس مستانسه اني راح افتك من الدراسه :cxxxp:
المهم كان في اخر الكورس عندنا مثل البحث او مشروع التخرج وكنت اشتغل فيه تقريبا من اول كورس ثاني صج تعبت فيه بس الحمد الله تعبي ما راح بلاش بس ما كنت تعبانه من كتابة البحث ولاالموضوع اصلا كان كل خوفي يوم البرزينتيشن Presentation كان هذا كابوس الكل لانه هالمره كان غير عن اي برزينتيشن لانه كل دكاترة القسم وغير دكتوره اتكون يايه من امريكا علشان تقيم هذا البحث وكان لازم يسألونه عن الموضوع عاد شوفو شلون الوهقه اذا ما عرفتي شنو الجواب
صج صج مو حلوه بحقج وحرام تنقصين دراجاتج فيه:0bee2e8d89:

يتبع..

 

[bnt_7waa]

كله هااذي اللحظاات ماره علي


بس والله طلعتي مو هينه لووول



ناطرين حفله التخرج


ومتابعين

 

[ReMaaas^MLS]

كله هااذي اللحظاات ماره علي


بس والله طلعتي مو هينه لووول



ناطرين حفله التخرج


ومتابعين

هلا والله حبيبتي وينج غطيتي عنا
اكيد محد فينا هين وكل واحد عنده مواهبه وحركاته الخاصه:dddds:
وانشاء الله حفلة تخرج يااايه بطريج نطروني وراح ازهبه لكم ومع الصور انشاء الله هالمره

 

[ReMaaas^MLS]

لحظات تخرج2
كاهو الكورس مر بسرعه وعدا كل شي على خير وخلصنا الميداني وسلمنا البحث وبدينا امتحاناتي الفاينل وانشاء الله بتكون اخر امتحانات لي وبما انه اخر امتحانات خوو شقوووونه شق بدراسه وخلونا ندرس تقريبا كميه كبيره يعني ممكن تقولون الفاينل هذا كان عباره عن دراسة سنتين الي طافوا سنه 3 ورابعه بس مو كل شي كانو يحددون لنا والدراسه يعني مو صعبه لانه كل شي ماخذينا وعارفينا خاصة انه درسناه عملي بس الكميه شوي دسمه خاصة انها كانت 6 مواد بس الحمد الله عدت اسابيع امتحانات على خير، وكنت كل ما اخلص امتحان ارد اشخبط على الماده الي خلصته واحط اوراقي ونوتات وكتاب الماده بصوب يعني خلصته وافتكيت منه لوووول، وكنت اعد الوقت وساعات وايام اني اخلص وكل ساعه اطالع الجدول امتحانات واقول يالله متى يصير اخر يوم واخلص ومتى احط كل كتبي ونوتاتي بالجهه هذي واااي كنت كل ساعه اسرح بلحظات الي راح اخلص فيها
المهم مرت ايام وكان باقيلي اخر امتحان وكنت يومها وااايد مستانسه مالي خلق ادرس بس كنت اقول حق نفسي يالله ميخالف ضغطي على نفسج شوي وراح ترتاحين من شي اسمه دراسه وكنت اشجع نفسي وكملت ادرس لين صار الفير تقريبا يمكن كانت ساعه 3 ولا احس اني تعبت ولا انسدح اشوي على الفراش اريح ظهري شوي الي احسه انكسر واتقوس من هالكليه ودراستها
وانا منسدحه سرحت ورحت افكر بأول يوم لي بالجامعه شلون بديت شنو لبست وشنو المواقف الي صارت لي، صدقوني كل الي كتبته لكم بالمذكرات كنت اذكرها يومها وفي بعد اشياء ثانيه بس ما اقدر اذكرها لكم لانه خاصه شوي لووول، واقول بقلبي صج ايام اركضت هال5 سنين مرت بسرعه مع اني صج تعبت فيها بس كانت ايام حلوه ومره شوي بس حلوه ابمرارتها
فزيت على صوت الاذان ولا اقوم واصلي واحط راسي انام لانه كلها 4 ساعات وراح يبتدي الامتحان..

يتبع..

 

[قمر بدر]

كملي كملي
ناطره

 

[Artya 【ツ】●]

WaitinG

 

[ReMaaas^MLS]

بنوته وقمر بدر
انشاء الله راح اكمل بس عطوني اشوية وقت وبنزل لكم بارتات يديده عن قريب

 

[قمر بدر]

أوكي موافقه بس لا تطولين علينا

 

[قوطي نيدو]

الله وناااسة

كملي احنا بالانتظار

 

[bnt_7waa]

ونااااسه متى اييه هليوم حقي ويكون اخر يوم لي


متابعه وياااج

 

[*نور الدنيا*]

متابعه


بسرعه شوقتيني