تعالو اقروا معاي ذكرياتي مع التخرج

[.]

واي حسبي الله عليها..

غثتني..

ناطرين الباجي..

 

[eng.mimi]

الحمدالله والشكر
ترى في بعض الناس يبوقون مو للحاجه ولكن مرض فيهم


يللا كملي نبي اكشن يديد :ggdw:​

 

[bent 3sal]

حسبي الله ونعم الوكيل عليها

 

[جرجيره]

قهرتني!!!

 

[ميني كويتيه]

كملي كملي متاابعين و بقوووووووووووووووووووووووووووووووووووووووووووه

 

[flowerlife]

لا يــــــــــــوقف

لا يــــــــــــــــــــــــــــوقف

:ggdw::ggdw::ggdw::ggdw:

 

[ReMaaas^MLS]

أيام البرزنتيشن ((Presentation

ايام الثانويه كان البرزنتيشن مجرد 5 اسطر او فقره بسيطه تتكلمين فيها بسرعه وخلاص ويمكن تقولينها بينج وبين الابله وتعطيج الفل مارك بدون ما تعبين عمرج ولا شي وانا بنسبه لي لحقت على البرزنتيشن اخر سنتين ايام ثانويه فمكان ذات اهميه كان مجرد لعب لنا
بس أيام الجامعه تختلف نهائيا عن الثانويه كان برزنتيشن بنسبه لنا رعب وخرعه وننطر متى نفتك منه:cxxxp: وكان لازم انه انجهز وانسوي هالشفافيات او البور بونت (Power Point) وهذا غير وقوفج بالكلاس وطريقة كلامج وغير الاسئله الي تنسألين فيها والمصيبه الكبيره انج راح تشرحين جدام الشباب وهذا صج احسه احراج ولا يسألج سؤال وانتي مو عارفته صج تتوهقين ودج تزنطينه لووول
أول برزينتيشن لي كان بالكلاس انجليزي عند المس الي تخرع (قلت لكم عنها بداية البارت) وكان الموضوع اهي الي تختار لنا وكان موضوعي عن حمى لدى الاطفال (Fever in infants) كان موضوع حلو وسهل بس كنت وايد مخترعه وكنت قاعده ادرب بحدود يومين او 3 على ما اعتقد وكنت ادرب جدام اخواني واهلي علشان اكسر الخوف واتعود قبل ما اقدم عندها والحمد الله كان تقديمي زين وخذيت معاي جم بندول للحراره علشان اعرضه بوقت التقديم وغير هذا الكاكاو لانه المس اموصيتنا على الكاكاو اكثر من اي شي ثاني لا اتشوفون شكلها واهي مندمجه بالكاكو بوقت الشرحه اتقولين اهي بعالم ثاني غير عن عالمنا الحمد الله عدت على خير وخذيت عندها -A، اصلا كل البرزينتيشن لي بالجامعه كان مستويA- وكان كل البنات يستانسون علي وانا اتكلم لانه انطلق واتحرك بالصف واحرك ايدي اتقولون هذي وحده امسكته ما يدورون اني مليون مره ادرب قبل ما اقدم لهم
في مره من مرات كان عندي برزينتيشن وكان هذا الكلاس الثاني لي بالانجليزي وكنت عايده هالماده فخذيته عند دكتور الكويتي، فلما تأخرت صرت مع السنه اولى بس بالانجليزي، وقتها انا كنت افهم منهم وعارفه شلون الكورس بيمشي وفقلت هالمره بالبرزينتيشن بسوي شويه حركات.. فكان موضوعي عن البلازما ) Plasma) رحت البيت جهزت اوراقي واغراضي حق تقديم وغير الصور وحطيت اسئله حق الكلاس وغير الكاكاو والاقلام الي وزعتها عليهم واتفقت مع التكنولجت الي بالكليه انه يسحب لي الدم ويفصل مكونات الدم عن البلازما يعني حركه للمقدمه، كنت ابي اكون اول وحده علشان افتك وارتاح ولا اقعد على اعصابي بس في وحده من البنات تبي اتكون اول وحده حتى اني قلت لها ميخالف خليني انا اول شي انا قلت قبلج بس اهي اصرت فقلت اوكي انا راح اكون الثانيه، فجهزت عمري على اساس اكون ثااني وحده بوقت البرزنتيشن ورحت الصبح وسحبت الدم وقال راح يكون جاهز بعد 10 قايق قلت اوكي انا ثاني وحده يعني عندي وقت.
المهم اشوف البنت ما قدرت اتقدم مادري اشفيها احسها اختنقت ولما اوقفت بتقدم مو قادره حتى تنطق بكلمتين على بعضها وقالت حق دكتور ميخالف اتخلي جمااانه قبلي انا اهني بطلت عيوني @@ قلت بقلبي لأ انا للحين الدم الي سحبه لي ا للحين قاعد يفصلهم وقالي بعد 10 دقايق تعالي اخذيه.. انا اهني توهقت قلت حق دكتور احنا اتفقنا انه اهي اولى ما يصير جذي قال عادي ووقال منو يبي يكون اول واحد من البنات او شباب؟؟ كلاس صار سيلنت (Silent) محد يبي يكون اول شي الكل مخترع تدرون سنه اولى خخخخخخخخخخخخخخخخ :dddds:
اهني كسرت خاطري البنت قلت حق الدكتور خلاص انا راح اقدم اول وحده بس عطني شوية وقت بروح اييب اغراضي واييه قالي اخذي وقتج، فركضت بسرعه والحمد الله كان امخلص وناطرني وخذيته ولا اطير حق الكلاس وطلع ارغاضي واقعد اتكلم بكل ثقه وارويهم الصور وعينه الدم وغير الاسئله وكاكاو والاقلام الي وزعتها عليهم كان شغلي واااايد حلو اصلا احلى برزنتيشن قدمته وحتى دكتور وايد استانس علي وقال لهم شفتو شلون حتى دمها متبرعه لكم علشان توريكم شنو البلازما لووووووول وحتى وحده من ابنات مدحتني وايد وتقولي ما هقيتج جذي طلعتي مو هينه قلت اي أناا بس بالبرزنتيشن ولا بشي ثاني اخووووووره لووووووول

للحديث بقيه..

 

[أميرة الحزن:)]

يسلمووو على الموضوع

 

[جرجيره]

ماشالله عليج... عاد تدرين البرنزنتيشن شنو مسويلي ارق!!! كان معانا بالكلاس صبي واحد و اهو بروحه دعله لا والحين برزنتيشن عاد على كيفه يتفنن بالأسألة بس الحمدلله اني وصلت الكلاس متأخرة و اهو كان مقدم البرزنتيشن ماله و مخلص فأول ما ييت على طول طلع عاد انا استانست و الحمدلله قدمت عدل.... و بمادة انجليزي ثانية كنت يايبة الفلاش بس ما اشتغل تخيلي برزنتيشن بدون بور بوينت!!!

 

[.]

لا اشوه احنا الشباب مايسالون..

 

[flowerlife]

:ggdw::ggdw:

يعطيج العاااافيه



نــــــــــــــــــــــــــــــــاطرين البقيه

 

[ميني كويتيه]

يلا ناطرينج يا عسل

 

[جرجيره]

ناطــــريــــــنج

 

[F.A]

[/url][/IMG]
بانتظار البقيه

 

[sindrella]

بانتظار البقيه



متابعه

 

[ReMaaas^MLS]

المختبر (LAB)

في يوم من أيام كان عندي مختبرحق مادة المناعه (immunology) كنت بسنه ثالثه وكانت هالسنه قثيثه حدها وكل دكتور على باله انه مادته اهو وبس جنه ما عندنا مواد ثانيه غيره فكانت كميه وايد كبيره اووووووووف صج لاعت جبدنا وهذا غير المختبر وحوسته:cxxxp:

في مره كنا قاعدين بالمختبر وكان فترة رمضان.. تدرون خو رمضان غير الاكل ومسلسلات ماكو غير هالحجى نتحجى فيهم، كنا قاعدين انسوي تجربه وتقريبا في تجارب يبيلهم وقت حق تفاعل المواد او (antigens antibodies) وكنا ننطر 5 دقايق او ربع ساعه او ساعه ونص احيانا، فكنا قاعدين ننطر تجربه فشوي شوي اتجمعنا ونقعد انسولف عن المسلسلات ولا بعد شوي انصير مجموعه كبيره وقاعدين انسولف وانحش وضحك وسوالف واذكر كانت وحده فينا اتسولف عن مسلسل الفريه وتقول قصة المسلسل حقنا وشوفوا شلون مندمجين حدنا وصوتنا شبه عالي والمشكله تجربه معطينها شبه طاف لوووووووول:dddds:
احنا بنص السوالف ولا اشوف البنات يأشرولي اشوف وحده اتغمزلي انا استغربت!!! قلت لها اشفيج وانا كنت منقهره من حصه الي بالمسلسل الفريه وانا اقولها كملي وبعدين اشصار ولا اشوفها تبتسم وتقولي بعدين انشوف تجربه بالاول انا قلت لها اي ماراح يصير شي للحين توالناس كملي كملي مالج شغل.. ولا مره وحده اسمع احد يقولي: كملي مو مشكله اهم شي المسلسل حق جمااااااانه كملي ولا تجربه لاحقين عليها
ولا انا انصدم و افتر من وراي ولا اشوف دكتووووووووور قاعد وراي وحاط ايده على خده ويرفع لي حواجبه مع ابتسامه مخيفه ويقول كملوا ليش سكتوووووا؟ ، خو انا اهني بطلت عيوني@@ وابتسم ابويه وقلت اسفين دكتور ولا يقول انتي سكتي جمانه التجربه مو مهمه بس حصه وسوالفها المهمين هاااا !!؟؟ لوووووووووووووووول صج موقف انحرجت منه وقلت له اسفه دكتور خلاص الحين اقعد اجابلها ولا بسرعه اروح واقعد اشتغل عليها
صج صرت بنص اهدومي وكان موقف يفشل بس اشوه انه دكتورنا حبوب لو كان اقشر لا طيح حضنا مو بعيده نقصنا درجات بس الحمد الله عدت على خير بس شنسوي احنا الحريم نموت على سوااااااااااااالف:gathering:

للحديث بقيه..

 

[ReMaaas^MLS]

مشكورين حبايبي المتابعين وسامحوني عالتاخير بس كان عندي ظروف امنعتني
انشاء الله اذا الله قدرني راح احط لكم بارت ثاني بعد شوي

 

[.]

اخذي راحتج..

مااحب هالمواقف خخخخخخخخ غصبن عليج تصيرين مجتهده عقبها خخ..

 

[جرجيره]

لووووووووووووووووول حده تحفه الموقف...

 

[ReMaaas^MLS]

المختبر2

كنت بسنه ثالثه وكان اول الكورس كان عندنا مختبر بس ما اذكر بأي ماده بس المهم كنا قاعدين كلنا ولا دش الدكتوره واتقعد تشرح لنا وكان هذا المختبر جديد علينا توه امسوينا لنا وكان كل شي فيه جديد حتى الكراسي ،المهم احنا قاعدين ودكتوره تشرح ولا نسمع احد يطق علينا الباب ولا انشوف طالب معانا بس متاخر ودكتوره قافله الباب يعني محد يدخل بعدها
المهم الصبي يطق الباب يعني فتحولي والدكتوره حاقرته تكمل الشرح ولا وحده من البنات تقول دكتوره طالب الفلاني بره ولا ترد وتقول ادري قاعده اسمع بس انا اشقلت لكم اول الدوام ما ابي تاخير بس هالمره بطوفها.. ولا تروح عنده وتبطل الباب خو تدرون مختبرنا جديد ويتبطل الكترووني ( الله يرحم ايام القفل والمفتاح لووووول)
ودش الطالب بعد ما سمعته محاظره اشطوله جدامنا والمسكين صار ويهه احمر شوي انحرج، وراح يدور له كرسي مو لاقي ولا يروح المختبر ثاني ويقعد يسحبه وحالته حاله ودكتوره كل شوي تخزه يعني ازعجتنا وبعدين، المهم لقى الكرسي وحط اغراضه ولا مره وحده نسمع طرااااااااااااااااااااااااااااااااااااااااااااااااااااااااااااااااااااخ
ولا نتلفت من وين هالصوت ولا انشوف @@ طالبنا المزعج طايح من الكرسي لوووووووووووووووووول انكسر الكرسي فيه وتكود على الارض المسكين صج كسر خاطري يومه منحوس حده لووووووول:dddds:
المشكله مو بس جذي احنا قعدنا نضحك والكل ضحك احس حتى دكتوره فيها ضحكه بس ماسكه نفسها امبيه صج فشله المهم في بنات ما اسكتو ويضحكون بصوت عالي لدرجه انه كلنا سكتنا واهم للحين يضحكون دكتوره قاعده تكمل شرح واهم للحين يضحكون وااااااااااي صج مصاااخه :eh_s(14): خلاص ارحمو هالصبي المسكين بروحه صاير بنص اهدوومه والله يا بنات لو اتشوفون ويهه شلون صاراهو ماشاء الله عليه ابيض صار احمر اتحسين دم كله صار ابويهه صج صج كسر خاطري لدرجه اني خزيت البنات واشرلهم سكتوا بس ما نفع معاهم الا لما زفتهم الدكتوره اهني انجعمووووووا مالهم اي صوت خخخخخخخخخخخخخ
الصراحه بنات منو ويده فيكم يكون مكانه وبفشلته ؟؟:0bee2e8d89:

للحديث بقيه..