تعالو اقروا معاي ذكرياتي مع التخرج

[HANOOOODA]

والله صج خوووووش مذكرات إستانست وايد و أنا أقراها
عفييييييييييييه نزلي البارت اليديد

 

[ReMaaas^MLS]

سامحوني بنات كنت مشغوله شوي وكنت بنزل لكم امس بس كان اللمنتدى معلق مو راضي يدخلني
بس انشاء الله كلها ثواني وراح انزلكم جم بااارت يديد

 

[ReMaaas^MLS]

لحظات تخرج3
رنت الساعه وفجيت عيوني واقول امبيه امتحان يالله خالأروح اغسل والبس واروح اراجع بسرعه لانه كانت الكميه كبيره شوي خاصة انها مادة ميكروو((microbiology يعني حجي متروس بالماده هذي خاصة كانت عن بكتيريا وكل وحده نوعه وخواصه وشنو اختبار الي اسويلها علشان نعرفه نوع البكتريا.. وهوووووسه تخلي المعلومات دش على بعضها ومخج يضرب لوووووووووول
المهم وصلت وراجعت عالسريع... عاااااااادي طاااف اخر امتحان واخر يوم دراسه بالكليه هذا اهم شي الي امونسني احس كل شي يهون وماكو زعل بهاليوم
دشيت الحمد الله امتحنت كان زين بس اسئلة MCQ اول 30 سؤال كان تششيييير حده لانه كان شغلات ماخذتها من سنه ثالثه وهذا شي ما ركزت عليه وااايد بس الباجي الاسئله كانو اووووووكي والحمد الله لاخر لحظه وانا اكتب واحل واقول يالله جماااااااااااااانه ما بقى شي استفيدي من كل دقايق.. والله اذكر دكتور لحظتها يقول: اشدعوه بنات يا شباب ترا امتحان مو صعب وليش قاعدين للحين تحلون يالله انا ابي افتك منكم ابي اخرجكم ماااا تبون انتووو!!.. يالله روحو طلعو استانسو اشعليه اخر امتحان من قدكم، مع انه كنا شويه بالقاعه يعني الاغلبيه اطلعوو.. وكل شوي يطفرنا هاا لا تغشون دربالكم ماتسوى عليكم اخر الكورس حرمان، وانا قاعده احل واكتب كل شي لانه ابي احط كل الي اعرفه علشان احصل شي حلوو من هالماده لانها اعلى وحدات كانت بالكوورس هذا.. ومن سرعتي ولا القلم يطير من ايدي ويرووح جدامي لووووووووووول وانا رايحه اخذه ولا يشوفني دكتور ويقولي هاااااا جكوووه شتسوين تحت زميلتج؟؟!! لوووول اقوله دكتور قلمي طاح مني ورحت اخذه وبس .. بالله يعني شسوي تحتها دكتور لووووول ولا يبتسم ويقولي اي على بالي خو احنا انعرف سوالفكم قلمي طايح وبروح اخذه وعيونكم طايحه عند اورقة زميلتكم.. ااااااخ منكم لوووووووووول اقوله دكتور حرام عليك عاد انا ماعمري سويت جذي اصلا لو عطتني اورقة امتحان قبلها ما راح اييب FULL MARK لووووووووووووول وقعد يضحك يقولي اطفرج يالله روحي كملي امتحانج قبل ما يخلص الوقت، يحليله دكتورنا كان واااايد حبوب وطيب وغشمرجي وااااااايد معروف بالكليه ومعرووف انه يحفظ اسم طالب او طالبه لو شافج مره ويذكر لو بعد سنتين راح يقول اسمج الثلاثي بعد لوووول ماشاء الله عليه عيني بارده
المهم خلص وقت امتحان وسلمت الاورقه والحمد الله حليت وكل شي فات على خير المهم اني خلصت تعرفووووون شنووووووووووووووووووووووووووو معنات خلصت امتحانات الفاينل لاخر كورس لي بالجامعه
وااااااااااااااااااااااااااااااااااااااااااااااااااااااااااااااااااااو شعور موطبيعي اصلا مو مستوعبه وكنت اقول حق امي صج انا خلصت انا خلصت.. جني مينونه لوووول
المهم الحين باقي لي بس Presentation حق البحث التخرج
انتظرووووني.....

 

[ReMaaas^MLS]

لحظات تخرج 4

بحث تخرج كان بعد امتحان 3 ايام تقريبا معطينا وقت علشان انزهب نفسنا وانجهز power point وانا الحمد الله دكتوري الي كان معاي بالبحث تخرج ساعدني وماقصر وقال لي قبل presentation بيوم انه اشرح جدامه وجدام جم بنت تقريبا يعني مثل تدريب ويعلمني اذا في اي شي وصج كانت ملاحظاته وااايد فادتني وحسيت انه حاجز الخوف من هاليوم كان وااايد اخف علي لاني كنت مخترعه حدي وخاصة اني كنت ثالث وحده تقريبا راح اقدم بيوم presentation ومادري شقول بالضبط لانه البحث طويل ويبيلي اختصر هالحجي 10 دقايق و10 slides حدي في power point يعني احس اني متقلقصه بس الحمد الله اتسهلت
المهم صار اليوم وكاان وقتي تقريبا ساعه 8:45 للتقديم، فقعدت من نوم واتسبحت وبدلت كشخت عالخفيف وحطيت شويت ميكاب ورحت الكليه وانا طول طريج قاعده اقول طريقة القائي يعني ادرب مع ويهي لووووول المهم وصلت ولا توهم امبلشين وماشاء الله ركض الوقت وصار دوري وقمت وبديت اتحجى ....ماشاء الله عليه كنت very good مو غرور بس زميلاتي اهم الي قالولي وقالو طريقتج والقائج واحلى مافيج ثقه بنفسج وانتي تتكلمين وهذا اهم شي presentation، وجاوبت على اسئله والحمد الله فات اليوم على خير وخلصنا ونطرت ارفجتي تقدم والحمد الله خلصت وقررنا انرووح انقززززززز ونحتفل لانه خلاص خلصنا الكورس ومابقى شي غير انطر الدرجات وحفلة التخرج... صج كان شعووور واااااااااااااااااااااااااااااااايد حلوووووووووو احس اني بطير من الفرحه اصلا طرت بس بسيااارتي عالشوارع لوووول ماخليت اغنيه ما غنيتها وهرناااات بشارع وقاعده اييبب مع ارفيجتي وانغني وقتها<< وحيااااة أالبووو وافرااحو (عبدالحليم حافظ) صج كنا ميااانين وقتها بس بنفس الوقت كنا خايفين من الدرجات يعني كان في ماده كنت خايفه منها انا وارفجتي يعني فرحتنا مهتززه اشوويه لوووول
المهم خلصنا واستانسنا وقطيت ارفجتي عند سيارتها و رديت البيت رحت بدلت وحطييت راسي ونمت وانا مرتاااحة البال ياااااااااااااااااااااااااااااي شنو شعور ايهبل اتنامين وانتي ما تحاتين ولا شي صج نومه حلوه بمعنى الكلمه لووول

يتبع..

 

[ReMaaas^MLS]

سامحوني عالتاخير وانشاء الله كلها جم يوم واحط لكم بارت يديد وهالمره راح تكون عن حفلة تخرج
نطرررررررررررررررررررووووووووني يا متابعيني الاعزاااء

 

[.. مـــلاكـ ..]

موفقه
اختي

 

[F.A]

أحلى شى حفلة التخرج
ناطريييييييييييييييييييييييين

 

[ReMaaas^MLS]

مشكورين حبايبي ملاك وحواء الصبوره
بس عذروني راح اتأخر شوي عليكم

 

[د.ساره]

و الله قريت كلمة كلمة حتى ردود المتابعين
و الله ما أعرف شلون أوصفلج إعجابي الكبير
انا متابعتج للآخر وأتمنى تطولين الموضوع وتكثرين منه لأنه صج أحلى ذكريات قريتها و مرت علي
وعطيتيني فكرة مباشرة عن الكلية وأحب فيج تفاؤلج
بالتوفيق يا رب
انا متابعتج ............... متاااااااااااااااااااااااااااااااااااااااااااااااااااااااااااااااااااااااابعتج وناطرة على أحر من الجمر

 

[قمر بدر]

ريماس طولتي علينا وااااااايد حبوبه
صار فيني فضول أبي أعرف الأحداث القادمه

 

[ReMaaas^MLS]

و الله قريت كلمة كلمة حتى ردود المتابعين
و الله ما أعرف شلون أوصفلج إعجابي الكبير
انا متابعتج للآخر وأتمنى تطولين الموضوع وتكثرين منه لأنه صج أحلى ذكريات قريتها و مرت علي
وعطيتيني فكرة مباشرة عن الكلية وأحب فيج تفاؤلج
بالتوفيق يا رب
انا متابعتج ............... متاااااااااااااااااااااااااااااااااااااااااااااااااااااااااااااااااااااااابعتج وناطرة على أحر من الجمر

مشكوره اختي والله على مرورج ابموضوعي وانشاء الله راح اكتب جم بارت لكم بس راح اطول عليكم شوي

 

[ReMaaas^MLS]

ريماس طولتي علينا وااااااايد حبوبه
صار فيني فضول أبي أعرف الأحداث القادمه

والله حبيبتي انشغلت شوي وانشاء الله بحاول اكتب لكم بس نطرو علي شوي
ومشكووووورين على متابعتكم لي والله فرحتوني

 

[د.ساره]

ناطرين على أحرررررررررررررررررررررررررررررررررررررررررررررررررررررررررررر
من الجممممممممممممممممممممممممممممممممممممممممممر
وأبرررررررررررررررررررررررررد من الثلج

 

[queen angel]

ما شاء الله ذكرياتج حيل حلوة صراحة استمتعت كثير وأنا أقراها وناطرينج في حفلة التخرج

 

[د.ساره]

و الله ناطرتج تكفين لا تطولين علينا

 

[ReMaaas^MLS]

انشااااء الله د.ساره حاضرين حق حبايبنا وحق كل المتابعين

 

[ReMaaas^MLS]

ما شاء الله ذكرياتج حيل حلوة صراحة استمتعت كثير وأنا أقراها وناطرينج في حفلة التخرج

حياااج بينا حبيبتي وانشاء الله من عيوني

 

[ReMaaas^MLS]

نتايج1
مرت أيام وقعدنا ننطر درجتنا وحفلة تخرج وكانت الدرجات راح تنزل قبل الحفله بيوم وكانت هالشغله امريحتني لانه راح اعرف درجاتي قبل الحفله علشان تكون الفرحه كامله، المهم قبل الدرجات بجم يوم رحت الكليه علشان استلم روووب التخرج وكان في تصوير باللبس تخرج لانه كانو بيعرضوون صور الخريجين كلهم power point يعني كان تصوير الزامي، لبست روب وانا للحين احس اني بحلم مو مصدقه اني شفت هاللبس .. صج ما بغينا، المهم صورنا وخلصنا وعلقت لبس وكل واحد كاشخ فيه واحنا قاعدين نتمشى فيه وشاااقين هالحلج يعني شوفونا خريجين لوووووووووووووووول احس انه لحظتها الكل يطالع ويقولون بعيونهم يا حظهم خريجين تخرجوا يريت احنا مكانهم لوووووووول بديت افسر كلام العيون بكيفي لوووووول
المهم وانا طالعه سمعت طراطيش حجي انه الدرجات ما راح تنزل الا بعد الحفله بجم يوم فضاق خلقي وقلت لازم اتأكد، فرحت ارشاد وسألت عن الدرجات متى راح تنزل بس طلع الكلام صحيح وانها راح تنزل بعد الحفله بجم يوم خو وقتها ضاق خلقي وقلت ليش؟ مايصير نحتفل بتخرج واحنا ماندري اذا نجحنا ولا لا؟!:flower:
انا الحمد الله امسويه عدل باالامتحانات بس كانت عندي ماده وخايفه حدي منها.. اخاف يكون عندي دور ثاني IC فجذي كنت ابي اعرف علشان افرح من كل قلبي واكون مرتاحه ما احاتي، موبس جذي وكنت ناويه اسوي حفله بيتنا بمناسبة التخرج باسبوع نفسه وماكنت حابه اجلها حق اسبوع ثاني لاني ابيها بوقتها (مثل ما يقولون حار ابحار لوووول) واذا تأخرت درجات ما راح يمديني اجهز الحفله بيومين:0bee2e8d89:
فرديت البيت وانا قاعده افكر ياربي شسوي ابي اعرف درجاتي على اقل الماده الي خايفه منها علشان ابي يكون هالاسبوع كله فرحه وناسه وعلشان بعد اضبط حالي، فقعدت:080402ask_prv: افكر افكر اقلبها يمن واقلبها يسار بعدين يتلي فكره قلت ماكو الا قبل حفلة تخرج بيوم اروح الكليه وادش على دكتور دكتور واعرف شنو درجتي او على اقل يقولولي اني Pass يعني المهم اكون ناجحه هذا اهم شي وشنو grade ما يفرق لانه اخر كورس ما راح احاتي المعدل لانه فرحتج بتخرج ينسيج المعدل لووووووول، فاتفقت مع نفسي ان باليوم الفلاني راح اروح الكليه وعرف الدرجات لانه قلت بقلبي اكيد درجات طالعه لانه صارلنا اكثر من اسبوع امخلصين امتحاناتنا يعني مو معقوله ما اطلعت الدرجه!

يتبع..

 

[د.ساره]

مبرووووووووووووك مؤخرا عالتخرج
اي و الله حلات التخرج
اما سالفة الحفلة قبل ما تعرفون الدرجات صج اي شي وين قاعدين و الله تذكريني بثنويتنا مسوين الحفلة حق الدفعة السابقة خلال حصتين الحفلة ووقتها كان في امتحان كيميا عليهم :S
وأتمنى بعد ما تخلص الذكريات تجطين مقتطفات أكثر عن وقت فراغكم شنو تسوون شلون مكتبتكم اللي عندكم >>> اكثر شي احبه :d ما فكرتي مرة تدرسين فيها...وين اكثر مطعم تغدين فيه >>> ناطرة السحور

يلاااا ناااطرين الجزء اللي بعده
و الله كل شوي اسوي تحديث للصفحة ناطرينج و الله

 

[sindrella]

يلاا ناطرين البارت