تعالو اقروا معاي ذكرياتي مع التخرج

[ReMaaas^MLS]

لوووووووووووول بعدج ما شفتي شي
اي اسمه علي

 

[قمر بدر]

بعدي ما شفت شي ؟!؟
في أكثر من التعب اللي شفته ؟!؟
من الجابريه للخالديه ومن العلوم للهندسه
صج تعب والكتب ألف ورقه
كل هذا وفي بعد
لا بشرتيني
بس دكتور علي تكلم معانا باللقاء الإرشادي وحسيت إنو أهوا اللي تقصدينه مبين عليه ذكي ما شالله تبارك الله
ويالله حبوبه مبروك التخرج >> طالعه من قلبي إدعيلي عسى ربي يوفقج

 

[F.A]

بالانتظارررررررررررررررر

 

[ReMaaas^MLS]

بعدي ما شفت شي ؟!؟
في أكثر من التعب اللي شفته ؟!؟
من الجابريه للخالديه ومن العلوم للهندسه
صج تعب والكتب ألف ورقه
كل هذا وفي بعد
لا بشرتيني
بس دكتور علي تكلم معانا باللقاء الإرشادي وحسيت إنو أهوا اللي تقصدينه مبين عليه ذكي ما شالله تبارك الله
ويالله حبوبه مبروك التخرج >> طالعه من قلبي إدعيلي عسى ربي يوفقج

مشكوره حبوبه والله يوفقج ولا تحاتين كل شي بفوت بسرعه بس راح تنقثين شوي بس صدقيني بنهايه راح ترتاحين وانتي مرفووعة الراس شدي حيلج

 

[ReMaaas^MLS]

تجهيزات الحفله
وبعد ما خلصت الحفله الجامعه وتمت على خير قررت اسوي حفله عائليه بمناسبة تخرجي واستانس فيها مع اهلي وحبايبي وكنت بسويها بيتنا، وكانت الحفله باسبوع نفسه يعني تقريبا بعد 3 ايام من حفلة الجامعه يعني جهزت هالحفله بوقت قصير جدا جدا مادري شلون؟؟!! بس قدرت اخلص لاني كنت امخططه كل شي بالي وكل الي ابيه من بوفيه ودي جي وشغل الحفله كاتبته بورقه وماخذه الارقام فجذي سهلت اموري واكيد انه في مساعدات من امي واختي ومرت اخوي ومرت خالي ما قصروا معاي يعطيهم العافيه
اول شي بعد الحفله الجامعه رحت انا وامي وبنت اختي توووته( لقبها) رحنا اندور ملابس الحفله وكان بالي اني اشتري بدلتين بدله استقبل فيها الناس وبدله ثانيه حق دخلتي لان كان بالي دخله جذي مثل العرووس لووووووووووووووول واايد امصدقه نفسي على بالي عروووس خخخخخخ:dddds:، الحمد الله تسهلت الامور ولقيت الي في بالي فخذيت بدلتي الاولى كانت بسيطه وناعمه ونافشه اشوي لونها التركواازي المايل على اخضر بس بصوره جنه ازرق صايره مادري ليش!! ووايد حلوه بلبس وهذي صورتها:


وهذي من قريب شوي:


وبدلتي ثانيه كانت استايل لبناني يعني مو نافشه لونها اسود ويكون جهة البطن يبين شوي وطويل في ذيل وهذي صورتها:


وبعدين ردينا البيت وتعشينا وقعدنا انا وتووته انعد المعازيم وانخطط شلون بنحط الكراسي وشلون ترتيبات
باليوم ثاني قعدنا من صبح ودقيت على البالونات وحجزت جم شغله منهم وامي حجزت الكراسي والبوفيه ودي جيه وتصوير ويعني شغل الحفله كلها لاني انا كنت قبل اسبوع داقه وسائله ويعني بالايام هذي مجرد حجز ودفع عربون يعني كنت امجهزه شغلي، وبعدين على المغرب طلعت انا وتوووته نحجز الكيكه ويبت كيكتي من سابليه وبعدين رحنا الجمعيه شرينا جم شغله مثل الكلنيكس ومعطرات حق الحمامات تكرمون وغير الحلاو الي بحطه عند المدخل، وبعدين ردينا البيت ومرتنا اختي ورحنا نحجز الحلووو القهوه وحجزت الحلو من سلفرينيا وبعد ما خلصنا طلبنا العشى ورحنا عالبحر وتعشينا وبعدين ردينا البيت ورتبا شغلنا وقعدنا نحسب ونخطط تعرفون شلون تصير سوالف اذا عندج حفله شلون نقاشات اتصير ما تخلص:gathering: لووووووول
بدا العد تنازلي وبقى يوم واحد حق الحفله خو بهاليوم صج كنت حايسه حدي احس كنت مضغوووطه مادري ليش؟؟!! ومسكينه بنت اختي حاايسه وياااي صج كانت وصيفتي بمعنى الكلمه لووووول
قعدنا يومها متأخر كلينا شي خفيف ورحنا الصالون وحفيت وشلت شيره وسويت بدكير ومنكير وتنظيف بشره حق ويهي ومساج يعني عااايشه الجوووو خخخخخخخخ
وبعد ما خلصنا من صالون رحت السوق واكمل شغلي من اكسسوارات حق بدلتي وخلصت شغلي بسرعه الا صار الوقت 8 بليل ماشاء الله الوقت صج كان يركض وقتها ما احس فيه كلش وكانت امي امسويه عزيمه حق اخواني ممكن تقولون يمعتنا ونادينا فيها بنات خالتي وعمتي و ولد عمي وزوجته وعياله يعني امي امسويه عزيمه حق اليهال وبنفس الوقت يمعتنا علشان تقط علي نووون الي شريته تتذكرووون لوووول
وبسرعه بسرعه وصلت البيت ودشيت من باب المطبخ علشان لا حد يشوفني خو شكلي تحفه كان واصعد بسرعه حق غرفتي واتسبح وابدل والبس دراعتي واحط شوية ميكاب وانزل لهم خوو اكيد وصيفتي وراااي لووووول لابسه دراعه مثلي خخخخ، خو اول مادشيت وناسه الكل يبب لي واااي حسيت اني عروووس مو خريجه لووووول احس استحيت واحنا طبيعتنا نقعد مع بعض رياايل وحريم فجذي يتلي ضحكه لوووووول وقعدنا وضحكنا وتعشينا وبعدين صااارت لحظه الي انطرها وانا بوقت امتحانات انه يقطون علي نووون امي قطت علي الكاكاو والحلاو وعمتي وخالتي بعد وابوي قط علي الفلوووس.. واااااااااااااااااااي صج وناسه احس كلهم يلقطون وين ما ارووح اليهال وراي يلقطون خخخخخ واااااي تفلعت وااايد بس الحمد الله طلعت منها سليييمه خخخخخخ
وبعدين راحوو الناس البيت وظلت اختي ومرت ولد عمي وقعدنا نلبس الطاوله حق الكيكه وقاعدين يزيننونه وقاعده ارتب واجهز طاوله حلو واصفف الكاكااو عند المدخل الحمد الله تم كل شي ورحت بدلت ونمت انطر الحفله بااجر _03BA:

للحديث بقيه..

 

[بدويـــة مودرن]

عزاااااااااااااااااااااااااااااه الثانوية أحلى ايام عمري...مشكوره ريماس

 

[bnt_7waa]

wanasa mtab3a

 

[ReMaaas^MLS]

اهلين بنت حوا شلونج وينج ما تبين انشاء الله بخير

 

[د.ساره]

متاااااااااااااااااااااااااااااابعين

 

[ReMaaas^MLS]

واااااااااااااااااي امبيه قصتج تينن بس وانا اقرا دموعي اربع اربع...والله شكثر بجيت لما قريت

سامحينا اذا بجيناج دموعج غاليه علينا وحياج بينا
وانشاء الله راح اكتب لكم بارت يديد انشاء الله عن قريب بس اضبطه شوي

 

[ReMaaas^MLS]

اهلين د.سااره وينج غيبتي عنا واشتقناااااااااااااااااااااااااااالج يا بنت

 

[د.ساره]

هلاااااااااااا أختي
و الله المدرسة وامتحاناااااااااااات ويمكن أطول ما أقعد عالنت إلا للتقارير و الأبحاااث
بس متابعتج للآخر و عفية لا تطولين علينا

 

[^غدير^]

الله يعطيج العافيه

يا حلات ذيك الأيام دوام وتقارير وبرزنتيشن

الله يوفقج ويهنيج

 

[ReMaaas^MLS]

الله يوفقج د.ساره انشاء الله وسهل عليج امورج ودراستج
صح كلامج غدير وحيااج بينا صج ايام و ذكريات ما تنسى

 

[ألماس q8]

يلا كملي حبيبتي

الله يوفقج يارب

 

[ReMaaas^MLS]

انشاااء الله حبوبه وحيااج بينا

 

[ســوســو]

متابعه

 

[يا ليل مطولك]

ريماس
ابدعتي في تسجيل ذكرياتج
صج صج الجامعه غيييييييييييير

وما يحس بهالشي الا اللي يبعد عنها..

 

[ReMaaas^MLS]

حيااج سوسو بينا

يا ليل مطولك: صح كلامج ما حد راح يحس بالجامعه وذكرياته الا لما نبتعد عنه ولا واحنا لما انكون فيها ندعي متى نخلص ونفتك منها لوووووووووووووول

 

[ReMaaas^MLS]

ادري بنات طولت عليكم بس انشاء الله باقرب وقت راح انزل لكم بارت ويمكن راح يكون اخر باارت على حسب

بس بنات ابي دعوااتكم لي محتاااجتها بهالوقت ادعولي انه الله يوفقني ويحقق الي في بالي وتتيسر اموووري