تزوجتي ولد عمج .. ولد خالتج ..أحد يصيرلج تعالي ؟!

[M!SS.LOBY]

لا حول ولاقوة الا بالله

 

[M!SS.LOBY]

اذا كانت الوحدة ماخذه من العائلة اكيد اى مشكلة بين الزوجين يصير الوضع حساس والعائلة تتفرق 70% يأثر

 

[شندوخه]

مو مع زاج الاقارب
اولا منعا للامراض الوراثيه اللي تصير ببالاطفال
وثاني لو اقل مشكلله النفوس تشيل ابعضها
والاخوان والخوات كل من شايل بقلبه عالثاني والسبب خلافات عيالهم مع بعض
ابعد اللحم عن اللحم لايخيس

 

[جووري الكويت]

انا متزوجه ولد عمتي والحمدلله .. الله يبعد عنا المشاكل والعين ويخلينا لبعض يارب مااقولج ماتصير مواقف تصيير كثير بس انا طاف نفس ماقلتي .. عمتي متوفيه وابوه متوفي وصايره حماتي جنها امه بالبدايه كانت تسأل وين تروحين وش بتتغدون بس ماكنت ادقق على الكلام وازعل مخليه الامر جدا عادي مااتحسس وطاف .. وحتى اذا بتنصحني لاتسوين جذي سوي جذي اسمع كلامها للاخر واحترمها وبالنهايه انا بسوي اللي مقتنعه فيه واللي بيعجبني مالي شغل بأحد .. والحمدلله الحياه مستمره بس يبيلها تكبرييين عقلج وانا وياج بهالجمله

 

[سندس 90]

،.


على حسسب

،.

 

[ليدي بجد]

الأقارب عقارب

 

[المشاعر تحبك]

سواء الزواج من العايلة أو برا العايلة كله نفس الشي إذا كان الزوج و الزوجة عاقلين وقد الزواج والمسؤولية

والمشاكل هم بعد تعتمد على الزوجين اهما اللي يكبرونها ويصغرونها يعني لا صارت بيني وبين زوجي مشكلة ما أروح وأقولها لأهلي شي طبيعي بتكبر حتى لو كانت ما تسوى !!

أنا أعرف ناس عيال خاله كانوا متزوجين وتطلقوا ولا زالت العلاقات بينهم وبين أهلهم زينه

 

[Ranoon]

الي يقول أقارب عقارب شاف ماله نصيب من قرايبه
راح قال هذا مثل تافه


زواج من بعيد او قريب
ماله شغل بمشاكل أهل
يعتمد على عقل زوجين
وقدرتهم على تحمل مسؤولية
وأي مشكلة تصير ما تطلع للأهل
لأي سبب يحلون مشاكلهم بنفسهم

 

[M!SS.LOBY]

لا حول ولا قوة الا بالله

 

[M!SS.LOBY]

الي يقول أقارب عقارب شاف ماله نصيب من قرايبه
راح قال هذا مثل تافه


زواج من بعيد او قريب
ماله شغل بمشاكل أهل
يعتمد على عقل زوجين
وقدرتهم على تحمل مسؤولية
وأي مشكلة تصير ما تطلع للأهل
لأي سبب يحلون مشاكلهم بنفسهم

لا يا قلبي الاقارب عقارب فعلا واهم ساس البلاء والمشاكل بين الزوجين بالنسبة80%

اذا كانت زوجة ولدهم من قرايبهم يستفردون عضلاتهم ويتدخلون بكل كبيرة وصغيرة

واذا كانت زوجة الولد بعيده مو من معارفهم يحسبون لها ألف حساب ويحترمونها وخايفين من شرها
والكل يتحاشى ما كو ميانة زايده

 

[انت العمر كله]

اول شي المشاكل تصير حسب شخصيات المتزوجين كيف يحبون بعض ومتفاهمين ولا لا ومادخله هاد

خالتي متزوجه ابن عمتها وابن خالها يقربلها من كل الجهات ههههههه وما شاء الله حياتهم سعيده ومتفاهمين بس مع هيك ما بايد زواج

القرايب بالمره لانه بتصير مشاكل كتير وبتاثر ع عائلات احسن واحد ياخدمن بره العايله اريح للكل


والله يوفق الجميع

 

[كاريزما حلوة]

والله اللي فيه الخير من قريب والا من بعيد

وانا متزووجة ولدعمي قفا مو خليصي يعني ولد عم ابوي



وصح في خلافات كثيرة بينا بس احلى شي ان مشاكلكم لا تطلع برة بيتكم لانكم لو دخلتم احد هني راح تكبر المشاكل سواء كانوا اقاربكم او بعاد


لازم مشاكلكم تكون بينكم هني مربط الفرس انتو تحددون اذا مشاكلكم بتكبر والا تصغرونها

 

[مذهلة2013]

ريلي مو من العايله

 

[عاشقة هواك]

انا مع زواج الاهل الزواج التقليدي وبالنسبة للمشاكل سواء من اهل او زواج برا العايله اهوا اكيد اميه بالاميه في مشاكل بس الشاطر اهوا الي يتجنب المشاكل ويعرف شلون يتعامل وياه بس انا اقولكم العيب بزواج الاهل في ناس راح يتدخلون بحياتكم بالبدايه بس اهني المره الذكية تعرف شلون تخلي حياتها تمشي نفس ما اهيا تبيه وسلامتكم

 

[انصاريه قمره]

زواااج الاهل فيه ايجابيات وفيه سلبيااات
يعني في ناس ما تفرقهم مشاكل عيالهم عقول كبيره وواعيه
وفي ناس لله الحمد والشكر يسوون من الحبه قبه ويكبرون المشاكل

 

[Red Al Rainbow]

طبعآ رآح تصـير مشآكل . . . و رآح يصيـر touch

 

[nfnf_q8]

بلاااااا قراااايب بلا بطيخ ماوراهم غير المشااااكل والتفرقه بين الاهل

 

[M!SS.LOBY]

الله يعين

 

[M!SS.LOBY]

الاقارب عقارب

 

[شهرزااد]

انا ملجت على ولد عمتي


و مافي اي علاقه بيني وبين عمتي وبناتها وعياالها يعني اللي بيني وبينهم معرفه اهل
وحيل خايفه من المشاكل بعد الزواج مع اهل الزوج او معاه



اللي نصيبها مثل نصيبي
تقولي شلون كانت علاقتها معاهم بعد الزواج وخصوصا انا راح نسكن ببيت اهله
يعني اخلي علاقتي سطحيه معاهم مثل اللحين او اتقرب منهم اكثر ؟