تزوجتي ولد عمج .. ولد خالتج ..أحد يصيرلج تعالي ؟!

[بكيزة هانم]

اذا تفرقوا الزوجين تصير قطاعة بين الاهل

 

[قَلبڪْ صًخرْ]

الزواج قسمة ونصيب

 

[Tom ♥ Jerry]

,


انا متزوجه من آهلي

بس في اتفاق بيني و بين زوجي من آول الزوآج
انه حياتي الشخصيه انا وياه مآ يدخلون فيها لا اهله و لا اهلي

و المشاكل الزوجيه تنحل بتفاهم بين الزوجين مآله دآعي الكل يدري انه متهاوشين
يعني كلا يعتمد على ذكاء الزوج و الزوجه

 

[!! دلوعته !!]

اااااااااااااااب

 

[دلوعة أبوهآ]

يعتمد حسب شخصيآت الزوجين ..
ولآ المشآكل بتلآحق الكل سواآء قرآيب او غير قرايب ..

الاتفاق والتفاهم ببدآية المواضيع هو الحل ..

 

[live life]

انا عانس خخخخخ بس نصيحة الاقارب عقارب يعني اكس عليهم

بحياتي ماشفت نفس الشفاقه اللي انتي فيها

نصحي ولا سكتي

كلش مو وقته الاقارب عقارب مالتج الحين؟!!!!

المهم


اختي اهم شي علاقتج انتي بريلج سوا كان قريب ولا بعيد

هالعلاقه اهي اللي بتحدد مصير حياتكم

واكيد اذا المشكله كبيره تأثر عالطرفين اهم شي الواحد يتقي ربه بكل شي

 

[sukrah]

انا متزوجه ولد خالي واخت زوجي متزوجه اخوي

صارت مشكله بس بزواج واول شهر بسب خالاتي والي هم عماته
بعدها عطيتهم اكبر طاف والله يابنات اني عايشه عيشه ملكه والله الحمد

المراه اذا كبرت عقله وطنشت الكل وبعدت عن القيل والقال بتعيش براحت باله

مع اني عمري مافكرت اجذ من الاهل بس النصيب
اختي تزوجت من القرايب وتطلقت منه و الحين بعد كم يوم انشاء الله بتتزوجت من ولد خالي ومن الملكه وهو شايلها فوق راسله الله يتمم عليها بخيير

 

[منيرة@]

مع توم وجيري

 

[مزيونة الخبر]

انا بعد ايد زواج البعيد من طولي عمري اقول ابي زواج بعيد احسن الاقاريب كله مشاكل

 

[123tootaa_q8]

بل. بل بل لايحووشك

 

[الجذابـة2022]

ممكــن الواحد يقول الزواج حظ ونصيـب وقسمة ربي

بس انا عن نفســي اناي اخذ من الاهــــل ,,, لان مهما صار لو اتف الاسباب

بتصـير حساسيــة بين الأهـــل يعنـــي لو خذت من الاهـل مع المشاكل بتصيـر حساسيـات واجـد ..

اما اذا كـان الغريب وصارت المشاكـل كل من بيـروح في حال سبيلـــة ,,,

ومثل الواحد يقول هذا نصيـب ...​

 

[ام يارا القمره]

الرسول محمد صلى الله عليه وسلم انه اكد الافضل عدم زواج الاقارب واحاديث كثيره تدل ان البعيد افضل
هذا زوجي اخذ بنت عمه قبل وصارت مشاكل وتفرقوا وعقبه اخذني وانا قبيله غير قبيلته والحمد لله
اما اختي اخذت من عيال عم ابوي اعوذ بالله حقد وشاكل تتمنى انها بعيده عنهم

 

[افتداه]

المشاكل لابد منها سواء الزواج قريب ولا بعيد

 

[روج وردي]

حظوظ لكن انا متعقده من زواج الاقارب بسبب 3 زيجات
فاابي اخذ من برع العايله
وربي ييسر اموري واخذ من برع

عموما احنا عايلاتنا مانزوج اقارب واهل كله من برع

 

[حبيبي مالكني]

انا تزوجت واحد من الاهل
بس ما فكر ازوج بناتي من الاهل
ابعد عن الشر احسن
المشاكل تيي من كل صوب
انا الحمدالله عرفت الدرس من وقت ان لازم ما تعطين اهل ريلج قدر اكبر من قدهم
وتخلين علاقتج رسميه معاهم
وماعتقد في هالزمن احد يتزوج بالغصب
بس انا واثقة ان الحب الي ايي بعد الزواج اقوى من الحب الي بعد الزواج
بس اهم شي يكون في البداية قبوا من الطرفين

 

[نـعـومـه]

كنت اقول القريب اوله من الغريب

بس انا وبنت خالتي رفيجات من الابتداءي واسرار ومواقف وطلعات الحين يمر شهر مادري عنها بسبب هالسالفه

اكلمها مو ماكلمها بس رسمييي

 

[غلآ نوآف]

ما أيد زواج الاقارب
سواء للبنت او للريال
وخاصة اقاربنا مالت عليهم خخخخخ
لكن الدنيا حظوظ
في منهم اقارب ينحطون عالجرح
بس الافضل الابتعاد تجنبا للامراض الوراثية

 

[~ بنت الهدى ~]

احنا دايما لما تصير مشكله بين الزوجين اذا عيال خاله ولا عيال عم او تطلقوا .. يختلفون العايلتبن و تصير مشاكل

بس يتصالحون مع الوقت ..


انا خطيبي ولد خالتي و ملجتنا الشهر الجاي ..

و خاايفه لا سمح الله لو تصير مشكله مابي اهله و اهله يدرون لأني خايفه ..

دايما الأهل يكبرون المشاكل و يسوون من الحبه قبه و الزوجين ينسون بس الأهل ماينسوووون

في ناس قالو لي الله يعينج ولد خالتج و اهل تصير مشاكل..بس ما اهتميت لكلامهم

ماخذين بعض عن حب سنيين مستحيل اتخلى عنه

الله يبعدناا عن المشااااكل ياااارب . علاقة اهلي و اهله حلووووه الحمد لله دوم يارب

 

[smo0o]

أنا زوجي ولد عمي و الحمد لله علاقة أهلي و أهله حلوه

مشاكلنا بينا ما تطلع برى البيت أبد

 

[فوفو22]

ما جربت

ولكن افضل زواج بره العايله

فوفو