تزوجتي ولد عمج .. ولد خالتج ..أحد يصيرلج تعالي ؟!

[اميرة الوجدان]

انا مو متزوجه ولا مخطوبه بس انا احب ولد عمي بس حب حلال وامه وخواته يعرفون وطريقة تعاملهم معاي واااايد زينه وانا احبهم بعد

 

[دانة_ دبي]

شوفي مهما كان


لو تزوجتي من اهل
تظل ام زوجج خالتج او عمتج
يعني لو زوجج فيه عيب تقدرين تخلينه امه بصفج


انا اخوي متزوج بنت خالتي
بس والله فيه خير يسوي فيها شي
لان امي ما ترضى عليها ابدا
لو اخوي كامل مكمل و العيب فيها
ما ترضى عليها
ابدا ابدا ابدا ابدا
و تموت عليها و ع الارض اللي تمشي عليها
و تحب عيالهم
و ساكنين بيت بروحهم
وكلما حد نغز امي بكلمة و يقولون لها بنت اختج سكنت بروحها
تقول من حقها الحرمة تسكن بروحها يعني ما تقول وي هاي ما تستحي سكنت بروحها مع ان بيت ابوي كبير واييييد

و تاخذ لها دراعات و تشتري لعيالهم
و لو مثلا بيسافرون تمسكهم و تقول لهم هاتوا اليهال
و انتوا طلعوا سافروا
و لو قرب العيد تقول لاخوي يالله قرقش جيبك للمدام
يعني الحق يقال ان امي تموت عليها
و قريب العيد تشتري لها دراعة ولا عبايه و وقت الولادة
ما تقصر عليها تشتري لها اطقم و اشياء حلوة


مثلا انا تزوجت زوجي هو غريب علي
صح هو زين بس مرات من اجوف امي اغار شوي
خاصة كنت ساكنة معاهم بعدين انتقلت بيت بروحي بسبب المشاكل
اقول يا ريت عندي عمة مثل امي
تحبني و ادللني و ادافع عني
عمري ما جفت الهدية
وكل يوم هاذي من تكون عشان تسكن بروحها و ياخذ لها بيت
وكل يوم تشتكي لزوجي و تشيشه
و امي كل يوم هدايا و دلع
بس كل شي حظ و نصيب


ما ادري انا مرات اجوف زواج الاهل حلوو ما تحسين بغربة
و تحسين ان ممكن تخلين ام زوجج بصفج و يحن قلبها عليج لانج بنت اختها او بنت اخوها ف النهاية ​

 

[cutaaa..]

انا متزوجه ولد عمتي وتصير بينا مشاكل بس مشاكلنا ماتطلع برا ولانحب احد يتدخل بينا ابدآ جذيه اريح واحسن لنا

 

[هيبة ملك]

زوجي. الاول. ولد. عمي. تطلقنا. وماصار اي خلاف. بين العايلتين. ولله الحمد وللحين. يزورونا. ونزورهموالحين. زوجي. برا. العايله. والحمدلله. متهنيه. معاه. لكككككككككن. صراحة. ولد. العم غير. والعيشه. مع. اهلك. مختلفه.زوجي. يتيم. ولا. له. خوات. لكن. حريم. خوانه. بنات. عم وخال. فانا. الغريبة. بينهم. ولازم. اسمع. لو فيها. خير. ماطلعت برا. اهلها طبعا. مو. لي. لكن. مقصودة يسمعوني. هالكلام.




وهو. حسب. العوايل. فيه. عوايل. عاقله تفرق. بين. الطلاق. والروابط الاسريه. وفيه. العكس