تزوجتي ولد عمج .. ولد خالتج ..أحد يصيرلج تعالي ؟!

[ملگه]

انا مخذه ولد عمتي هوطيب وحبوب وعمتي طيبه بالمره بس على حسب الي يعامل الناس بطيب يصيرون هم اطيب انامحترمتها كئنها امي حتي الحناء احنيها فديتها

 

[الشيخة@]

مشاكل بمشاكل

 

[AL-7Oo0b]

الزواج قسمة ونصيب يمكن تاخذين من اهلج وترتاحين معاه ويمكن لا
ويمكن تاخذين من برع اهلج ترتاحين معاه وبعد يمكن لا ،،

الزواج مثل البطيخه ،،
سواء من الاقارب او من برع

 

[ليمونة وزيتونه]

هو صج ع حسب بس البعيد احسن

 

[white**angel]

ماااااا احب زواج الاهل اهوا الصح انه المره السنعه ما اطلع مشاكلها حق اهلهاا سواء اهل ولا مو اهل

 

[أبله أريج]

حظ ونصيب

 

[صدى الجروح]

انا ماخذة ولد عمي واختي ماخذة بعد اخوة يعني ماخذين عيال عم وانا وياه بداية حياتنا وايد نتهاوش ع شي يسوا ومايسوا ونتناجر باتفة الاسباب وبعدين الحمدلله صفينا بس المشكله بامة من لحضت ما خطبني واهي جانه جنونها وتبي من قرايبها حتى حفلت ملجتي ماحضرتها وبعرسي مطنقرة وكله تتااف وحدها لايعة جبدها المهم كل يوم جايبتلي سالفة وشفت النكد ع اصوله كل يوم تزف وتهاوش وتلعن وتسب وتغلط لين كرهتني عيشتي وانا حامل بس يلا تعزم برفيجاتها وتخيلو الطبخ والتنظيف والغسيل كله علي ماعندنا خدامة بحكم ان بس انا واهي وولدها ريلي يعني وعندها ولد اسمله ع عيالكم مغولي في توحد طبعا هذا بروحة قصة والله معلمته تعلوم خايس وبس يقط ويوصخ ولاعب بالبيت لعب وانا ساكتة عشان هالريل الطيب وبالاخير قطت علي تهمة شكبرها الله الشاهد بريه منها والاحين انا بيت اهلي بس والله معني زعلانة بس احس مرتااااااااحة بوااايد من مجابل ويها يمااا جننتي احس عن جد شفت نجوم الليل بعز الضهر واااي موطبيعية حسبي الله ونعم الوكيل

اسفة ع الاطالة بس حبيت افش خلئي ع قولتهم ههههههههه

 

[بدويه ستايــل..]

الزواج قسمه ونصيب. وتوفيق من الله قريب ولا بعيد بس المثل يقول خلك بعيد تصير حبيب

 

[عبيرالحب]

كل زواج فية مشاكل سوى زوجك قريب لك او بعيد مو من العايلة لكن اللي توجع اذا جت المشاكل من ناس
انتي حاسبتهم مثل عايلتك وهم مو بكفو قدامك بوجهه ومن ورالك بالف وجهه

 

[ملامح سما]

والله سواء كانت مًٍـًٍـًٍنْ الاهل والا مًٍـًٍـًٍنْ برا

المشاكل موجوده مًٍـًٍـًٍنْ اسلوب المره

فٰـِٰـٰيْ حريم مٍـٍْْـْْا يوصلون اي شي للاهل

سواء كانوا قرابه او لًا

/

وانا ماخذه ولد خالتي والحمدلله عايشه سعيده

ومستحيل اوصل المشاكل لاهلي الا الشي الجايد طبعا

ٱللَـھٓ لايجيب المشاكل

/

 

[dana.o0o]

عن نفسي تزوجت واحد من قرايبنا ومادام زواجنا اربع اشهر ، كله يسمع كلام امه وحسره عليا الطلعه بره وحتى الجامعة كنسلني منها، وبعدين تعبت حيل وقلت حق اهلي ، واهلي وقفو معاي وطلقوني منه قوه وتطلقنا ، والحين تقدم لي ولد عمي وانا مؤ مقتنعه فيه بالمره لان احب ولد عمتي من زمان وحاطه عيني عليه وماادري وش اسوي ،، محتاره والله الي عندها حل تقولي أمانه لا تبخلون علي،،

 

[ام احمد الزاهر]

والله لاياثر والا شي احمد ربي مليوووووووووووووووووووووووووووون مره انه اهي اختارو لي ولد عمي وشكوووووووووو تتفكك العايله لا اختي بالعكس اذا صار مشكله تلقين كل العايله تحاول تصلح الموضوع ومافي بيت مايخلى من المشاكل واذا تفكت عايله ع مشكلهبين واحد وزوجته اعرفي ان العايله تبي التفكك لان المشاكل وارده سوا كان ولد عم ولا ولد خال ولا شخص بعيد

 

[كلي علو ومهابه]

الاقارب عقارب

 

[Lucky grl]

سلام عليكم اختي
انا عرفت من مشاركاتج انج اتعرفين خبيرة تجميل ريما ابو غيدا بغيت رقمها اذا ما عليج امر فديتج

 

[Lucky grl]

ممكن ترسلين لي الجواب على بريدي الخاص فديتج
[email protected]
انطر منج الجواب

 

[Lucky grl]

ممكن ترسلين لي الجواب على بريدي الخاص فديتج
[email protected]
انطر منج الجواب

 

[Ranoon]

بالعكس موشرط الي تزوج من اهل
وتصير مشاكل بين زوجين يتفرقون اهل

على حسب. عقلية وتفكير زوج وزوجه
في رياجيل طايشين وهم حريم خبلات ...
يخلون مشاكلهم تأثر على اهلهم. ..

وبالعكس من قال الاقارب عقارب .. ناس ماحصل
لها زواج من اقاربهم قالوا هالكلام. البايخ ..

 

[PuPa^^SWeeT]

الرسول صلى الله عليه و سلم


حتى قال انه الافضل الزواج اتكون من عوايل مالهم صلة ببعض

 

[شموخ احساسي]

انا ماخذه ولد عمي وما اقولج ماكو مشاكل امبلا في بس عادية خلافات عاديه بس نهائيا ما نوصلها لأهلنا وانا اهلي من النوع إلي ما

يتدخلون بالمشاكل وما يأثر ع علاقتنا الاجتماعية اللهم لك الحمد

 

[ReemAR]

حبيبتي ماله شغل كله توفيج من الله

إحنا ماشاءالله يعني عايلتنا كله ناخذ من بعض

قليل يطلعون برا في ثنتين خذوا ناس بعاد وتطلقوا ..

و الحمدلله عايشين أحلى عيشه الله لا يغير عليهم

وانا مع أم أحمد لما تقول إن يحاولون يحلون المشاكل صح كلامها

وبعدين يعتمد حسب البنت نفسها يعني مو حلوه إطلع مشاكلهم برا تحاول تحل بنفسها أو تستشير أحد معين

وحسب أهل الولد شنو إهما مثلا أمه أو خواته سواء برا العايله أو بالعايله يعتمد عالاشخاص ماله شغل قريب ولا بعيد

ويعطيج العافيه