تزوجتي ولد عمج .. ولد خالتج ..أحد يصيرلج تعالي ؟!

[F6oom.f]

السلام وعليكم

بنات الي تزوجت احد من اهلها ولد عمها ولد خالتها اي احد من العايلة


شلون حياتهم في مشاكل واذا تهاوشت مع ريلها تفترق العايلة و ما يكلمون بعض ؟


والي تزوجت مو مقتنعة اهلها زوجوها غصب حبت ريلها ولا ليحين ؟


يلا كل وحدة تقولونا الي تزوجت من اهلها وشلون حياتها ؟

 

[ام فواازي]

انا زوجي مايصير لي والحمدالله مشاكلنا ماتأثر بأهلنا لكن اعرف اثنين من اهلي متزوجين و مشاكلهم تاثر على اهلهم وقاعده اشوف هالشي مع ان المشاكل تافهه بس المره باسها قوي ومدلعها ابوها و تكبر هالمشاكل وابوها يوقف معاها مع اني اشوفها قلة عقل على شي مايسوى ويردون يتراضون لكن القلوب تكون شايله من بعضها ومايتصافون والعلاقات ماهي نفس قبل
عشان جذي ماايدها

 

[سارة ة]

والله عل حسب الحظ
الزوج حظوظ مو قريب ولا بعيد
كاني انا متزوجه من بعيد وما افتكيت من المشاكل وكل يوم عن يوم اكتشف شي جديد

 

[ديانا سبنسر]

انا متزوجة ولد عمي تبين الصراحة المشاكل الكبيرة تاثر عليهم بس الحلو انج لما تزوجين ماتحسين بغربة وتحسين زوجج يخاف عليج وانج بامان يعني ان تفاهمتو راااح تكون حياتج حلوة وان صارت مشاكل كبيرة لابد تاثر على العائلتين

 

[brettey]

شوفي عيال خالتي مره وريال خذوا عيال عمهم
والي صار ان ولد خالتي صارت له مشاكل مع زوجته وطلقها بس ماعيل منها اهي قطت البلا عليه ان ما اييب عيال
فبنت خالتي تمشكلت مع زوجها صف مع اخته وقال مثل ما اخوج طلق اختي انا بطلقج والمشكله ان عندهم عيال
وتفرقوا العمام
طبعا اهو تزوج ولد خالتي وزوجته عيلت وطليقته تزوجت بس مايابت عيال يعني العيب منها
وبنت خالتي تزوجت وطليقها تزوج
طبعا بنت خالتي يده الحين لان عيالها تزوجوا وعيلوا
بس تصالحوا العمام وردت العلاقات

انا مو مع زواج الاهل الصراحه وااايد مشاكل الزوجه اذا شافت زوجها دعله وماينبلع ممكن انها تسكت وتبلع حرات عشان خاطر العايله
او تنفجر وتطلب الطلاق ويتفرقون الاهل
اعرف عايله الاغلبيه ماخذين من الاهل فوحده كانت مصادقه حمواتها ايام الثانويه كانت علاقتهم سمن على عسل عقب ماتخرجوا دشت المعهد وبالعيد مادري الخيران شافها اخوهم واعجب فيها وخذاها وسكن عند اهله بس طلعت مو هينه وتناجرت مع حمواتها واهو احتار بين زوجته وخواته قام بنى لها دور فوق يطرد فيه الخيل ومخرجهم بروح ارتاحوا ماتييهم الا مره بالاسبوع وخفت المشاكل
وهم وااايد من هالعايله ماخذين من اهلهم في منهم مرتاحين وفيه منهم لا بس بالعينها وساكتين وفي منهم ماتحملوا طلبوا الطلاق وصارت خلافات بين الكبار

انا مو مع زواج الاهل

 

[Sara_BH]

رايي مثل سارة الزواج حظوظ ....
اعرف ناس وايد ماخدين من العايلة واوكي ماكو مشاكل

 

[شروق &]

انامتزوجه ولدخالي والحمدلله
مافي مشاكل وأنالايمكن أخليهاتوصل للكبار
وربي يديم عليناسعادته

 

[LA TROO7]

اهو على حسب شخصياتكم

 

[رنيم الروح]

انا تزوجت من شخص لاعرفه ولا اعرف اهله من بعيد حتى مو نفس المدينه الي اهلي فيها صح فيه مشاكل اتصير بيني وبين زوجي بس نادرا وانتم عارفين بهارات الحياه و الحمدلله ماتاثر في علاقتنا في بعض ولا على علاقة اهله في اهلي بالعكس مايدخلون بينا و
حياتنا زينه الحمدلله

 

[عاشقة الاسلام]

انا تزوجت ولد عمتي وطلقت وصار زعل بين الاكبار وصارت مشاكل والله عوضني وتزوجت رجل بمعني الكلمه والله يديم علينا المحبه يارب
واختي تزوجت ولد عمي والله رزقها 3 بنات ومشاكل بسبب اهله وطلقت وتزوجت واحد بره العايله والحمدلله
واختي الثالثه هم تزوجت ولد عمي وعندها ولد ولد عمي يموت فيها بس اهله مليبونها بس اهو متمسك فيها وهي متمسكه فيه والله يستر
صراحه وبكل امانه مايد زواج القاريب وفي ناس وايد اعرفهم هم نفس الشي

 

[لمى الهاجري]

انا عانس خخخخخ بس نصيحة الاقارب عقارب يعني اكس عليهم

 

[نسمة الأشواق]

زواج الأقارب دايما يسسبب مشاكل .

 

[غرام القمة]

انا خذيت من قبيله غييييييييييييييير وما ايد وحدة تاخذ غير عن اصلها ( حلات الثوب رقعته منه وفيه ) نصيحت اختي الكبيرة هههاي بس اللي ما يسمع النصيحة

 

[عهد الغرام]

مااايد بالمره دامهم مرتاحين ليش أعكر جوهم معروفه المشاكل ا

 

[اناظرك وكلي حزن]

انة اخوي ماخذ بنت خالتي وامي اللي مختاره له وامي متحسفه حدها وقالت توبه تاخذ من الاهل روح بعيد تعال سالم

 

[كليـ دلعـ]

انا زوجي ولد عمي

المشاكل في كل حياه زوجيه مومساله

اذا يصيرلذ تزبد!!


واي ياثر ع الاهل

واااايد ياثررر

اشوف ناس وايد تفارقووو


بسبت بنتهم وولدهم

يعني ينقاطعون الاخوان

ووووو مالي ذلك

بس موو الكلل

بعض الحمايل تنحط ع الجرح يبراا

نااس صااحيه

وبعطهم اللهم ياااكاافي

فالمساله ارزاق حظوووظ وكلن وبيئته

وتحباتي لج

 

[انثى عاشقة]

اتوقع تصير مشاكل بين العايلتين
شي نااااااادر ان الخلافات ما تأثر
لان العين بتكون عليهم ..
​

 

[حكاية حزن]

وانا والله ماااييد زواااج الا قارب ابدا لان هالششي
راح يتأثر بأي مشكله تووصل لهم والاكيد اني مع زوااج اللي من برى العايله يعني حتى لو صار بيننا شي راح يكون من بعيد وماراح يتأثر جو الاقارب بشي
تحياتي لك يالغاليه ولطرحك الحلووووو

 

[F6oom.f]

والله تبون الصراحة انا اايد زواج الاهل احس واييد احسن
تاخذين واحد تعرفينه و قاعدة معاه ما تخافين منه و يخاف عليج
لان بنت عمه
و اشوف ترا اذا الزوجين يصير مشاكل بينتهم لاسمح الله يحلون
بينهم ليش يدخولن فلان و علان و كبير و صغير بالعايلة مهمة يكون
هذول اهلج من لحمج و دمج

 

[البرنسيسة غلا]

,



آلزوآج كله حظوظ سوآء أخذتي من آلعآيله أو برآ آلعآيله
و على حسب طبيعةة آلأشخآص
يعني :

أعرف وحدهـ مآخذهـ ولد خآلهآ و صآرت مشآكل كبيره و تطلقت منه بس آلعلآقه صآرت رسميه بينهم

و وحدهـ ثآنيه مآخذهـ ولد خآلهآ و صآرت مشآكل و تطلقت منه و عندهآ ولد و آلحمدلله علآقتهم من أحسن مآ يكون و لآ تفرقت آلعوآيل و أختهآ مآخذهـ أخو طليقهآ آلكبير و عآيشه معآهـ و آلحمدلله و أختهآ آلصغيرهـ قبل فترةة تزوجت أخو طليقهآ آلصغير و آلحمدلله عآيشين حيآتهم طبيعي



,​