تجمع مواليد نوفمبر2012 نوفمبر يات حياكم الرحمن

[أم الهواشم]

سوسو بشوف عاد ان شاءالله احصله لان خالص بجم فرع

 

[om-Jana]

غاليه

الله يهديه ويعينج

 

[غالية زمانها]

صبااااااحوووووو على الامهات
اشششلونكم ؟؟؟
انا احسسسه مسحووور لانه مو طبيعي
يقولي انا احبج واحب هالبيت واحب اعيالي بس هذا مايعني اني ماتزوج حتى لما قلت له اني بطلق جان يقول حبي كوعج اطلق بس زواج بتزوج !!!! وانتي بكيفج بتردين ردي هذا بينج وبيت اعيالج

 

[sosowaty]

عادي لا تستغربين خصوصا اكبر منه

و الحين الجرااايد كل شوي كاتبين موضوع شطوله عن البنات الي ما يستحون

يسحرون هالرياييل وووووو

عشان فلوسه

و في بعضهم عشان الجنسيه

 

[om-Jana]

استغفر الله


الله يهدييييه

 

[غالية زمانها]

الله يهديه يااارب

 

[أم معاذ الكندري]

قوه بنات شلونكم شخباركم
شلون بيبياتكم أن شاء الله تمام
سامحوني غطيت عنكم
سهر وأنا حايشتني سخونه وكحه ومشاكل مع زوجي والحمدلله ع كل حال
قولقست حبي ماعرف أقول اسمح فا راح اسميج جوجو
غاليه الله يهدي ريلج لج ويهدي ريلي لي
بنات ريلي حيل متغير حيل حيل ماعرف أقول شلون

 

[أم الهواشم]

ام معاذ عسى ماشر يمكن ريلج عنده ضغوطات اومشاكل بالدوام بس مايحب يضايقج
بنات اقرو على نفسكم وخلو دايماً سورة البقره شغاله بالبيت والله يهديهمم يارب

 

[أم معاذ الكندري]

مادري والله يا أم الهواشم أنا مستمره ع الرقيه وع أذكار الصباح والمساء
بس سبحان الله مادري شسالفه حتي انسدت نفسي عن أني أجهز واكمل شغلي
قعدت معاه وتكلمنا بس ماقول غير الله يهديه

 

[geologist]

غاليه حبيبتي الله يهدي زوجج و لا تطلقين بالعكس قعدي على قلبها بواقه الرياييل اللي ماتستحي و الله حارتني و ودي اقول كلام اكثر من جذي عنها بس مااقول الا حسبي الله و نعم الوكيل عليها

ام معاذ الله يهدي ريلج
امبيه اشفيهم الرياييل استخفوا و الله صايريين مو طبيعيين كلش الله يهديهم و يصبرنل عليهم
انا ريلي خلاص مابإذنه ماي راح بسافر دبي ٥ ايام و راح يطفي جهازه و مو راضي حتى يدز مسج و كلمته ماكو فايده استسلمت و سكت مااقدر اسوي شئ

 

[Pretty_mama]

امبيه شفيهم الرياييل مو من صجهم
المفروض احنا اللي نتغير و نهج طالعين من حمال وولادة و هرموناتنا متخربطة هذا غير مسئولية البيبي لا ليلنا ليل ولا نهارنا نهار
المفروض احنا اللي نصرخ من قمة راسنا بس تعبنا
وفوق كل هذا اييج الريل يقثج زود جنج ناقصته
الله يهديهم بس

 

[أم معاذ الكندري]

الله كريم صج الله يهديهم
توني مسكره التلفون منه ومتناجرين فوق أني موقاعده أشوف النوم وبنتي سلمه عليها حنانه وفوق أني لزم أغير جدولي مال الجامعه كله واحتمال كبير ما أخذ امومه بس اخلص الوضع وداوم وفوق أني لي الحين فيني عوار من العملية وعوار ابرة الظهر كل هذا ومافي تقدير

 

[om-Jana]

الله يهديهم

يمكن مو متقبل الوضع او ع كلام ام الهواشم متضايق من شي


اي والله صاجين احنا مابين عيالنا وهم نحاتي طلعه الاربعين نبي كلشي حلوو يكون

واهمه بارده مبرده منفسين ولا تقدير الله يسهل اموركم يارب وتنخل كل المشاكل

 

[om-Jana]

بنات ابي صنفره حلوه للجسم ز

 

[Pretty_mama]

ام جنا عاد توني ماخذة سنفرة من سبا تايم
بس ليلحين ما جربتها
وخذيت منهم ماسك بعد يفتح المناطق السمرا

 

[حور البحرين]

الله يهدي ريايلكم ويسخرهم لكم

بنات ابي مواقع مضمونه اطلب منها ملابس الى بناتي .. اتمنى انكم تساعدوني

 

[om-Jana]

اممممممم


صار صخه التجمع


شكلكم لاهين تحهيز والي خلص نفاس

 

[أم معاذ الكندري]

امبيه أنا مؤ بأجر اليمعه الياي ارد بيتي ولا خلصت شئ ولاجهزت شئ استغفر الله
أي البنات صخه

 

[Pretty_mama]

اي والله لاهين صالون وسوق كل يوم
بس وينكم شدعوة جذي صخه الصفحات ما تحركوا

 

[geologist]

مرحبا بنات

حور حبيبتي ماعندي علم بالمواقع بس انا لقيت في ebay ملابس حلوه حق بنتي ماركه جوسي كوتور و نفانيف بيربري

بنات الي اشتكي لكم لان ماعندي احد غيركم اشتكيله
بنات ريلي صاير له فتره كل يوم يطلع الصبح و الليل و يقول عندي شغل و مايرضى يقولي وين رايح
و لما يكتب واتس اب يقعد يتبوسم و باله مو معاي
قمت اشك و الشك ذبحني المهم اليوم المغربيه هد تلفونه و راح اشوي و كان مفتوح على الواتس اب جان اشوف الاسماء و اشوف قاعد يكلم منو
ولقيت اسم وحده و امكلمها و طالعت اشوي من المحادثات و يسولف معاها و يضحك
لبست بنتي و رحت بيت امي لانها داقه بتشوف بنتي و طول الوقت احس نفسي مخنوقه و ماسكه نفسي عشان امي مااتحس
و اخير شئ ماقدرت و دزيت له شنو علاقتك اب (كتبت له الاسم) و عصب لاني امفتشه تلفونه المهم و قال هذي اللي كان يداوم عندها ابدوامه الثاني
و لما رديت البيت انا قمت اتكلم
الملخص اللي صار اهوا عنده الوضع عادي و اهيا مثل اختي و راح اتم اسولف معاها لان على كلامه ان عنده مصالح
و انا غيرتي اوفر و قايل لها مرتي اتغار ابشكل مو طبيعي و انا عادي اكلم وحده اذا فيه شغل او فرند بس انتي اذا كلمتي احد على اساس عندج شغل معاه او فرند راح اذبحج و المفروض مااتعصبين و مارضا يوريني المحادثه يقول ان شفتي المحادثه راح اتعصبين واايد لانج وايد اتغارين و يقول لي روحي قولي حق امي راح اتقول ان ماعندج سالفه تزعلين و تتضايقين و يقولي اساسا هالمره مالجه و هالمره سوريه
و اللي قهرني ان كان يشوف اذا اهيا فاضيه و يروح المكتب على قولته و يشرب معاها قهوه ( طبعا زل السانه لما قال جذي و بعدين قاعد يرقع)

و وااايد اشياء قالي ياها
بنات انقهرت حدي مقهوره ماادري شسوي و لما قلت له عطني عنوان المكتب مارضا كلش
اشلون اتصرف شوروا علي و الله محتاجه نصيحتكم ودي احن و اخذ العنوان بس شنو راح اسوي بس ودي اشوفها و اشوف صج اهيا عندها مكتب و لا لا
لان من قبل قالي اهيا سكرت مكتبها و قاعده تشتغل اببيتها و اليوم يقولي لا بعدين دقت علي و قالت لي انها ماسكرت المكتب
ماادري اصدق شنو و لا شنو *