تجمع مواليد نوفمبر2012 نوفمبر يات حياكم الرحمن

[geologist]

ولما سألته انت وين تطلع و اتروح كل يوم و اتقول عندك شغل
اتروح عندها جان يقولي لا انا كل يوم اطلع و اروح ستاربكس اقعد ابروحي و اشرب قهوه و لما سألته ليش اتجذب علي جان يقول لان ان قلت لج اني بروح اقعد ابروحي راح اتحنين و اتقولين بيي
مع العلم انه يوم السبت مسافر دبي لمده خمس ايام ابروووحه و بيطفي جهازه و سكت و ماقلت شئ

ودي ادش الدار و اخذ تلفونه و اقرى المحادثه كامله لس اخاف يشوفني و يسوويلي سالفه
قلبي شاب فيه نار

 

[geologist]

الحين قمت بقرا المحادثه من تلفونه ولا شفت انه مسح الواتس اب ابكبره
حدي منغثه اذا شئ عادي ليش مسح الواتس اب

 

[Pretty_mama]

جيولوجست نصيحة لا تفكرين انج تفتشين من وراه وتقرين الواتسب لانج انتي اللي بتنقهرين واهوا ولا هامه وراح يرقعها
ادعي الله يهديه
والله يعينج حبيبتي ان شالله نزوة وتعدي ومرده لج

 

[geologist]

برتي المشكله انه مسح الواتس اب ابكبره من جهازه
و دزيت له مسج ابي عنوان المكتب عشان بروح له
ماادري شنو راح اسوي بس بروح بشوف كلامه صج و لا لا !!! و اذا ماعطاني ياه ماادري شنو راح اسوي
احس اني مختنقه

 

[أم معاذ الكندري]

جوجو حبيبتي لاتقهرين نفسج كل الريايل ماتنترس عيونهم إلا التراب
بس ابصراحه سالفة بيروح دبي أسبوع ويبي يسكر جهازه مايصير
قولي له بكلام حلو أن عندكم بنت ويمكن اتوهقين بشي لها ع الأقل أدق
عليك أخذ رأيك واطمنك عليها وتعالي له من صوب بنته يعني ماتبي تطمئن ع بنوتك ومن هالحجي
وداعي أن الله يهديه ويبعده عن هالبنت

 

[++صدفة++]

قوة بنات شلونكم شخباركم
من زمان مو داشة المنتدى حدي لاهية مع بنتي
بنتي ظلت اسبوع بالحضانة و طلعت يوم السبت اللي طاف
أول جم يوم كانت هادية وحليوة بس أحطها بالفراش تنام الحين صارلها يومين صايرة ما تنام إلا بحضني وما تبي الفراش
أعترف آنا خربتها لأن عسى ما قالت آآ شلتها مع أن شكثر قالولي خليها لاتعودينها عالشيل .. بس شسوي قلبي مايطاوعني أحطها بفراشها وهي مو نايمة
و بغيت أسألكم .. آنا حق الغازات أعطيها غاز بمبي و الحمدلله يريحها بس أخاف أعطيها أكثر من مرة باليوم.. بغيت أسألكم جممرة مسموح أعطيها باليوم ؟؟

 

[om-Jana]

جيوجلست

الله يعينج بس تبين الصراحه مبرراته مو طبيعه ماتدش العقل
وشنو فرند انا اكلم عادي انتي فرند اذبحج لان يدري غلط بس بيقنعج ان الي يسويه مو غلط وطبعا العكس صحيح

وكافي انج ساكته ع سفرته الغريبه
قوليله شنو الي غيرك علي ماكنت جذييي لهدرجه هاينه عليك اتسافر واطلع منغير لا ادري

الله يعينح سالفتج اثرت فيني الله يهديه

 

[om-Jana]

صدفه

انا اعتقد كافي لان راح تتعود عليه مع الوقت ماترتاح الا عليه
دام ماشيه مره لا تكثرين
هذي وجه نظري ما احب اعطي هالعمر ادويه وايد الا اذا مضطره

 

[geologist]

برتي للاسف ماسمعت كلامج و طلعت انا الغلطانه
و الموضوع وصل ليه الطلاق و طلعني انا الغلطانه لاني فتشت تلفونه


ام معاذ مو راضي يبطل جهازه كلش و سكت الله كريم

 

[geologist]

ام جنا حط الحق علي و اني اغار وايد عليه و خانقته على قولته
و قالي ياها بصريح العباره اخذي اغراضج و بنتج و ورقتج توصل ليه ببت امج
و اشكثر بجيت و طحت غشيانه و ترجيته عشان بنتي و بالاخر كل اللي يبيه بسويله ياه
و قبل اشوي كليت من الصبح و انا مو شاربه ماي حتى

 

[om-Jana]

الله يعينج

بس كل الي يسويه ماله حق انتي انسانه واكيد بتخافين على بيتح


الله يهديه

 

[om-Jana]

وين خانقته

طلعات وقاعد يطلع
سفر وبيسافر



ويييييين الخنقه '،،،،،،، عصبت تره

 

[geologist]

ام جنا لان على كلامه اذا طلع اسإله وين بتروح و شنو بتسوي و متى بترد
اهوا يبي مااسأل ولا اتكلم

فيه اشياء قالها فعلا انا غلطانه فيها بس الباجي لا
بس مطره يا اني اسوي اللي يبيه او اني اتطلق ماعندي حل

 

[om-Jana]

السالفه ماتسوى طلاق يبيلها تفاهم

 

[geologist]

ام جنا ريلي دايما يقول اللي امصبرني عالزواج لانج طيبه و خوش بنت
و انا ناطر عليج الزله عشان اطلق
و اليوم قالي تفتيش تلفوني هذه الزله اللي راح اطلقج علشانها. قالها اشكره

والله ام جنا مع ان تصافينا بس قلبي مغموت اشلون جذي رضا يبيعني ابهالسهوله. احس انه كسرني
الله يسامحه و يهديه

 

[om-Jana]

الله يهديه مومن صجه
الطلاق مو لعبه ولا الزواج لعبه


الله يسخره لج يارب ادعي ابهل مطر ويموت فيج ومايشوف غيرج

 

[geologist]

الله يسمع منج ام جنا

 

[Pretty_mama]

حبيبتي جيولجست ما عليه
ترا الرياييل مو كلهم نفس بعض انتي شوفي شنو صفات ريلج وعامليه على هالاساس
اذا عصب سكتي حتى لو اهوا غلطان عشان لا يتهور ويصير طلاق
ولااااا تفكرين تتجسسين عليه مرة ثانية لان قلتلج انتي الخسرانة واللي بتنقهرين
اوكي اذا اكتشفتي انه يخونج شراح تسوين غير انج تنغثين وتسكتين او انج بتتهاوشين معاه و تتطلقين يعني في الحالتين الزوجة اهيا الخسرانه والمتضررة انا عندي لو الزوج يخون افضل اني اتغيبا واسوي روحي ما ادري ولا اني افتش وراه واتاكد من خيانته وانقهر
وكلامي هذا حق البنات كلهم نصييييحه التفتيش ورا الزوج ماوراه الا المصايب لاناللي بتفتش راح تلاقي
خلوا الحياة ماشية
حبيبتي والله حاسة فيج منغثة منه بس شتسوين كل شي يهون عشان زواجكم يظل عشان بنتج اذا مو عشانج
وكل ريال بحياته نزوة و ان شالله ما تطول
ولا تنسين احنا مجتمع شرقي يعني كل شي عادي الريال يسويه بس المرة لا اهوا عادي يكلم فرند بس المرة لااااا ما يصير اهما تفكيرهم جذي خلاص
واغلب الرياييل جذي مو بس ريلج عادي هونيها وتهون
والحل خلج اوبن مايند وخليه على كيفه فرند فرند الزم ما عليج نفسيتج وبنتج واهوا كيفه دام اهوا يبي جذي وناطر الزلة خليه كيفه واذا بيرد يرد من كيفه
انتي الحين اهتمي بنفسج عشان نفسج وعشان انتي تحبين نفسج مو عشانه ولا تصيرين نكدية ترا الريال ما يحب المرا اللي تنكد عليه بالعكس يحب المرة المفرفشة اللي تتغشمر و تضحك
وصدقيني راح يرجعلج ويتعلق فيج بس انتي عرفي مفاتيحه و وخري عن الاشياء اللي ما يحبها

 

[sosowaty]

جيوجلست ريلج شاافج وقت الولاده ؟؟

و لما كنتي بالنفاس كان يشوفج باحسن حالاتج

و لا لبسج كان عادي و ريحة الادويه ووو ؟؟؟

 

[geologist]

بريتي ياليت لو كنت سامعه نصيحتج و مافتشت
و مشكوره عالنصايح و راح انبعها حرفيا و انا بضل عشان بنتي و ماابي اسمي يصير مطلقه عندي اتحمل و لا ارد بيت اهلي. الله لا يقوله
و الله يعيني عالايام اليايه و منها اهوا امسافر انا اريح و اغير جو عشان لما يرد اكون طبيعيه لاني الحين مو متحمله كل اشوي اتذكر و ابجي*