تجمع مواليد نوفمبر2012 نوفمبر يات حياكم الرحمن

[مرهفة]

بنات ولدي مايتقبل الممية خير شر ولايتقبل اي طعم يديد عليه سواء دوا والا حليب صناعي
اليوم جربت اذوقه بسكوت فارليز لاعت جبده ورجعه
شالحل معاه !

 

[مرهفة]

شلونكم بنات انا بنوتي توه دشت عمرها 3 شهور
بس بعرف منو نفس مشكلتي بنتي خشمها كله امصكر ويطلع صوت مادري شالحل ؟؟؟
استخدمت البخاخ ماي وملح مع الشفاط وينظف الخشم بس اتنام وتقوم يرجع يتصكر​

عادي حبيبتي ولدي كان جذي بتكبر ويروح مع الشهر الرابع تقريبا بس حاولي اتنظفين خشمها قبل لا تنام
الدكتورة اتقول الفتحة مالت الخشم صغيرة تكبر شوي مع كبر الجمجمة توسع الفتحة واتصير اوكي ان شاء الله.

 

[أم معاذ الكندري]

قوه بنات شخباركم شعلومكم والله مشتاقة لكم

 

[أم معاذ الكندري]

بنات وينكم وشنو مسوين مع البيبيات

 

[حور البحرين]

ام معاذ شلونج

وشلون زنوبه

انا بنتي طعمتها بداية الشهر تطعيم 4 شهور وصخنت شوي بس الحمدالله عدت

ام معاذ قضيتي اذن زنوب او للحين

 

[أم معاذ الكندري]

هلا والله حور قلب
أي طعمتها الأربعاء الي طاف هذا والله مسخنه وتكسر القلب تطعيم بؤ ٤ اشهر
أي قضيت أذنها من هي بالشهر الثالث عشان لا تحس

انتي شلونج وشلون الكتكوته

 

[كتكوته حبيبي]

شلونكم نوفمبريات انا جارتكم من تجمع اكتوبر
لفت نظري شي دنيتي شلون تطهرين ولدج 1/4 راح يكون كبير ويحس حرااتم انا ولدي طهرته 18 يوم وقلبي عورني عليه
عالعموم من ثاني يوم او ثالث نقعي شاش بمره اول شي صبي ع المره ماي حار مووايد شوي وغطبها لما تصير ثقيله غمسي شاش وحطي مكان الطهاره يبرد عليه ويريحه انا مجربه وعادي من اول يوم بس انا حطيته ثالث او رابع ماكنت مقتنعه بس لما شفته يبجي واايد حطيته ورتاح وبعد لاتنسين البندول عشان يسكن العوار

 

[أم معاذ الكندري]

هلا والله كتكوته
أنا ولد أخوي طهروو لمه دش ١٤ يوم

 

[(دنيتي)]

مشكورين بنات جميعا ع النصايح

مشكوره كتكوكه قلبي ع الرد والنصيحه ماقصرتي فديتج


بعد عمري انا اظطريت ااخره مو بكيفي بس كان عندي ظروف والله


الطهار قرب وحدي متصروعه عليه عفيه ادعولي مايتعذب ولا يعذبني!!!

 

[غالية زمانها]

السلام عليكم اشلووووونكم وشاخباركم مع بيبياتكم
انا جدي لهيت بالدراسه وباعيالي

 

[أم معاذ الكندري]

هلا والله بنات
شلونكم شخباركم شعلومكم
والله صج مأكو وقت بين الدراسة والدوام والبيبي

 

[حور البحرين]

انا للحين ماقضيت اذن بنتي
قلت الشهر الياي بتكون 6 اشهر بطعمها وبقض اذونها
اكره التطعيم

 

[أم معاذ الكندري]

وأي ليش جذي ماخرتها حور راح تحس بالعوار
والله يعينج ع التطعيم
صج وين باجي البنات سوسو وأم الزين وجولجست وكل البنات

 

[++صدفة++]

قوة بنات شلونكم شخباركم ؟؟؟ شلون عيالكم الحلوين
بديتوا توكلون عيالكم ولا بعد ؟؟ انا بنتي وايد ضعيفة اضعف من اليهال اللي اصغر منها بس انا عندي دام صحتها زينة ما يهمني المتن
بس خالتي ام ريلي تقول لازم تبدين توكلينها لأن الحليب ما يكفي جسمها لازم مصادر ثانية
قبل يومين فوحت قطعة قرع وحطيتها مع قفشة عيش ابيض وطحنته بالفود بروسسر بس احسها ما حبيته كانت تطلعه من حلجها
حطيت بحلجها بسكوت فارليز حبته العيارة حبته لأنه فيه حلاة بس انا عطيتها نتفة ما ابيها تتعود عليها وما تاكل باجي الاكل
انتوا بشنو بديتوا توكلون عيالكم؟؟

 

[(دنيتي)]

صدفه ام معاذ وحور وكتككوته قلبي وكل البنات شاونكم شخباركم


انا الحمدلله طهرت ولدي صج التهب بس الحمدلله طابع الفوسيدين وماي الملح


وللحين مابديت اوكله صج ذوقته من الحالي والمالح وحوامض كل شي ذوقته وحسيته الحمدلله حسيته متقبل

احس وزنه زين بس ماعرف وزنه جم ولا الوزن الطبيعي المفروض جم ؟بعمره



شلون عيالكم ان شالله طيبين ؟

 

[حور البحرين]

بنات شلونكم وشلون عيالكم
واااايد صاخ التجمع
انا بديت مع بنتي اوكلها خضروات وفواكه وعيش
وعصير برتقال مخفف بماي

 

[*ريمي*]

هلالالالالالالاو بناات لكم وحشه يا احلا تجمع

 

[*ريمي*]

انا بديت اوكل شيوخ الي جدامي بس طبعا مو دهون مثلا بطاط ولا قرع الي بلمرق نتفه عيش يعني هلسوالف

 

[*kim*]

السلام عليكم شلونكم بنات سوينا تجمع يوم كنا حوامل وشاركتكم كل اللحظات والتعب والمعاناه الين ولدنا بس للاسف ماقدرت اشاركم بهالتجمع لسوء حالتي الصحيه وصحه ولدي ولدت بعمليه وتعبت وولدي جبته تعبان وكان ودي دايما اني اشارك بس ماحصلت فرصه ولهت عليكم كلكم الحمدالله الحين ولدي زين وصحته زينه وانا بعد كنت سنتين تعبانه وتوني بديت استعيد صحتي والحمدالله على كل حال شي مكتوب .. شخباركم اتمنى تشوفون كلامي وتردون علي ولهت على الكل والله تذكرووني ولا نسيتوني ��

 

[^^ام الزين^^]

اهلين كيم حبيبتي ما تشوفين شر ان شاءالله يا حلو ذيج الايام طبعا مو ناسيتكم وان شاءالله صحتج الحين احسن