تجمع مواليد نوفمبر2012 نوفمبر يات حياكم الرحمن

[أم الهواشم]

ام جنى عاشت ايامج حبيبتي
ام معاذ الله يعينج ليه باجر ان شاءالله تكون زينه من التطعيم انا
طعمت ولدي من قبل اسبوعين وايد تعور حبيبي

 

[حور البحرين]

مساء الخير بنات

شخباركم ولهت عليكم كلكم

سامحوني غطيت عنكم مع بناتي مرضو من هالبرد

التجمع. وايد. هدوء صاير

اتمنى يكون نشاط التجمع مثل تجمع الحمل

 

[أم معاذ الكندري]

أي والله نتمنا يكون نشيط

 

[حور البحرين]

ام معاذ شخبارج

وشخبار زنوب رفيجة. بنيتي

ان شاء الله احسن

والله ودي بزيارة للكويت

بس انطر يتعدل الجو

 

[حور البحرين]

سوسو ام جنى قولقيست ام الهواشم بريتي ماما
غالية بغلاها وكل البنات شخباركم
وشخبار بيبياتكم

 

[أم الهواشم]

هلا وغلا حور حياج الله بديرتج الكويت وانا ودي اروح البحرين استانس لمن ايي عندكم

 

[مسبار]

شلووونكم انا معاكم بالتجمع

بنات اللي تعطي الياهل حليب صناعي لاتنسى تكبر حلمة الرضاعه من سمول الى ميديم لان الياهل الحين اسم الله عليه يبي يشفط اكثر فمقاس سموول يتعبه

 

[أم معاذ الكندري]

هلا مسبار
أنا كبرتها خليتها مديم بس بنتي كلش ماتقبلتها مسكينه يمكن عشان بنتي نتفه ومريضه

 

[om-Jana]

انا مايلحق لان اتطلع حليب لمن يشرب يختنف منها لان ينزل كميه اكثر من الي محتاجها

 

[++صدفة++]

قوة بنات شلونكم شخباركم و شخبار بيبياتكم
بغيت اسألكم عن التطعيم .. لازم اطعم بالمستوصف حسب البطاقة المدنية ولا عادي اي مستوصف ؟؟ و اقدر اطعم بالخاص ولا بس بالمستوصفات اكو تطعيم ؟؟

 

[أم الهواشم]

هلا صدفه خليج على مستوصفكم احسن لان اذا طوفتي اي تطعيم يتصلون فيج

 

[Pretty_mama]

هلا حور
الحمدالله بخير انتي شخبارج
والله انا بين فتره وفتره اطل عالتجمع بس خاموووش ماكو حس مو مثل تجمع حوامل

 

[sosowaty]

صدفه ما يصير بالخاص اصلاااا

مرا سالتهم قالو ممنوع و مايصير

 

[sosowaty]

حوووور بخير حياتي وانتي شلونج يالغاليه

 

[أم معاذ الكندري]

قوه بنات شلونكم شخباركم
التجمع حده صخه وينكم
امبيه لهدرجه الحمال كان مقعدنا جدام المنتدي
وسامحوني والله أنا حدي لاهيه بين الجامعه وبنتي وبيتي
لان ماعندي خدامه والحياة لونها بمبي

 

[*ريمي*]

وواي شخباري عنكم شلون حبيباتي ايااام والله كانت ايام جميله اشوف الصوو وانا حامل واما توني والده لاااا ذكريات حلوة
انا للحين ارضع بنتي الحلمه سمول مافكرت انه لازم تعير الحين ولاطرا في بالي الا لما قريت هني كاتبين
شلون بيباتكم شخباركم وشخبارهم وبجريات شلون الامومه وياك
الحمدالله رب العالمين تاقلمت عالوضع

 

[om-Jana]

شخباركم بنات

 

[*ريمي*]

وقف التجمع ويييينكم

 

[أم الهواشم]

صباح الخير على الجميع شلونكم وشلون بيبياتكم
اي والله تجمعنا نايم غير عن تجمع يوم كنا حوامل
انا مادشيت الفتره اللي طافت كانو عيالي امتحانات بس الحمدالله اليوم اخر يوم

 

[مرهفة]

مرحبا شخباركم وشلون بيبياتكم
اقول ترى اليوم تفاجأت من طريقة حساب عمر البيبي عبالي ولدي بيكمل الثلاث شعور طلع توه بيدش الشهر الثالث !
يعني من اول اسبوع لين الاسبوع السابع عبارة الشهر الاول وبعدين كل اربعة اسابيع حسبة شهر !
ياترى ليش اول شهر عن سبعة اسابيع ؟