تجمع مواليد نوفمبر2012 نوفمبر يات حياكم الرحمن

[أم الهواشم]

حبيبتي جولجست لاتضيقين خلقج يمكن ريلج متضايق من دوامه او من اي شي ثاني بس مايبي يشغلج معاه نطري مع الايام ان شاءالله تتعدل الاوضاع
وبالنسبه لبنتج لاتسبحينه يوم وترك اخاف تمرض والجو بارد وتعودي انج تسبحينها بروحج ولاتطلبين منه

 

[$ النيره $]

بنات اشلونكم شخباركم

موقادره اتحمل و بفضفض لكم لانكم خواتي و ماعندي احد افضفض له غيركم. تحملوني حبيباتي

بنات حدي تعبانه من شغل البيت و الكراف و البيبي مو قاعده انام و مو قاعده ارتاح كلش حتى و انا اكل بنتي في حضني و تبجي و ريلي مايساعد كلش تعبت من طريقته. البيت بدال ماانظفه مره بالاسبوع لاماعندي وقت قاعده انظفه كل يوم يمشي و يقط اغراضه و انا القط من وراه و لما اكلمه يعصب و يقول مو عاجبج ردي بيت امج. ماكان جذي وايد متغير علي كله اعصاب و صراخ و ماله خلقي كلش ان قلتله احبك يقولي خلاص بسج مسلسلات تركيه احنا مو مراهقين مع ان عمري ٢٥ سنه ماني كبيره. و ان قلت له ولهانه عليك مايعجبه يقولي بسج بسج
انزين اشلون اتصرف معاه يعني وكل شئ مو عاجبه. قمت مااقوله كلام حلو و عنده الوضع عادي. و قلل اشوي قاعده اسإله وين رحت و شنو سويت جان يصرخ علي و يعصب و يقول مو شغلج لا تسإلين احنا مو مراهقين خلاص انا اطلع انتي مو لزوم تعرفين انا وين و شنو سويت و ان طلعت لا اتدقين

امانه شسوي معاه اشلون اتصرف ؟!! و حتى صاير مايبي يقعد بالبيت كله ابيطلع و بس يرد بالليل يادوب نص ساعه و ينام. و الله في وايد اشياء ابقلبي وااايد احس اني مخنوقه و اليوم احس زاد الهم اللي فيني لما خالتي ام ريلي قالت جدام حماي و مرت حماي اليوم اول مره يشوف حماي بنتي جان مرت حماي اتقولي بنتج صارت تشبهج جان خالتي اتقول اي بنتها جيكره و سمره طالعه على سمار امها. وااايد حزه ابخاطري مع اني مو سمره و الله لوني حنطاوي و اهما همن فيه من اهل ريلي نفس لوني و في افتح و فيه اغمج. احس كلمتها اجرحتني

عفيه بنات شوروا علي اشلون اتصرف مع ريلي شسوي !!! احس نفسيتي قاعده تتدمر وزي اخذ اغراضي و اطلع من بيتي مو قادره اتحمل اكثر *

,

اقعدي معاه قعدة مصآرحه .. خلي الاجواآء هآديه بالبيت نومي بنتج شربيها مآي غريب
ولما يكون الوقت متآخر شوي يكون آفضل وتحسين زوجج رآيق ومزآجه آوكي
امسكي ايده وخلي ملامحج ملامح البنت البريئه > :eh_s(2):
وهنيه قوليله صآرحني ليش جذي متغير شنو تبي عشآن آرضيك
فيه شي مو عآجبك بوضعنا وتبيني اغيره
انت زوجي وحبيبي ولازم انضحي عشآن بعض نبي حيآتنا تستمر والبآقي عليج
بس خلكم ريلااااااااااااااااااااااكس
ويومها قبل لا تكملنيه تكشخي كشخه بسيطه وناعمه
وان شاءالله ماكو الا كل خير زوجج فيه شي مو مريحه يمكن ازعاج بنتج لان هالشي جديد عليه
والله يسخره لج يارب

 

[$ النيره $]

,

بنات تكفون شنو الحل مع الغآزآت والله يقطع قلبي لمآ يتعصر ياعمري
والله ينقلب آززززززززززرق يخرعني
كل شي جربت معاه هميلايا وينسون وبابونج والله ما نفع
وانا ارضعه طبيعي + صناعي ( سيميلاك كومفورت ) ؟؟؟؟

 

[حور البحرين]

جولجيست حبيبتي حاولي تقعدين معاه وتكلمينه
وبالنسبه الى خالتج سوي نفسج ماتسمعين طنشي لانه بتعبين

 

[حور البحرين]

النيرة الغازات عطيه قاز بمبي وان شاء الله بصير زين
جدتي تقول ماي النعناع تغلين جم ورقه نعناع مع الماي وتعطينه البيبي
بس انا بصراحة ماجربت

 

[emerald]

حل الغازات:
-دوا الغازات مرتين او اكثر حسب حاجته
-بعد الرضعة تحاولين تحطينه على جتفتج واطبطبين على ظهره ليما يطلع الهوا من حلجه
-كل ماتغيرين الدايبر حركي رجوله بطريقة جنه راكب قاري
-سويله مساج بزيت وطريقة المساج موجودة باليوتيوب
-عدلي وقت الرضعات يعني مو كل مابجى تعطينه حليب شوفي عمره وشنو حاجته من الحليب ورتبيها باليوم وقللي رضعات الليل والافضل ماتعطينه واذا بجى عطيه مصاصة ويسكت شوي شوي يتعود على هالنظام
-اذا مانفع معاه شي غيري الحليب لحليب خاص بالغازات

 

[حور البحرين]

بنات نازل عليي افرازات بنيه
للعلم اني صار لي اسبوع مانزل علي شي
وعقب باجر اطلع من الاربعين
تتوقعون هاي اخت النفاس او يمكن بتنزل لدورة:gr4uu::gr4uu:

 

[sosowaty]

الدم البني يعني الوصخ و عادي ينزل اخر الايااام حووور

 

[sosowaty]

جيوجلست ريلج في شي اكيد

و لازم انتي تعرفينه

يمكن من المسوؤليه و ازعاج البيبي عرفتي

 

[sosowaty]

غوالي وينج ؟؟؟؟

 

[أم الهواشم]

النيره في حليب ابتاميل كمفرت هذا وايد زين حق الغازات

 

[sosowaty]

ايميرالد حياتي طالعه من كل شر حبيبتي 

 

[sosowaty]

النيره انا جربت هيميلايا ارتاحت عليه بنتي

و انصحج بعد بغاز بمبي روووعه وحده ب وحده

 

[sosowaty]

امبيه باقيلي اسبووعين و ما جهزتلي و لااا شي

و ما عندي وقت اجهز

امتحاناتي ورا بعض

و كل شوي ناس داخله و ناس طالعه

و حالفه ما استقبل احد بعد

بعد يوم الخميس هههههه استغفرالله والله ما انلاام

شلون بجهز و انا كل يوم استقبال و بنتي و دراسه الله يعين

والله احنا نكسر الخاطر

 

[sosowaty]

و قبل شوي قلت حق ريلي طلعني قالي قعدي عند بنتج

ببجي يا كرهي للحكره هههههه

 

[om-Jana]

جيولجست


الله يسهل امورج وطوفي سوالف خالتج شتسوين بعد
وريلج ضروري بهدوووء اتكلمينه وهم لازم يعرف اذا اهو متضايق لازم يكلمج عدل جدام الناس

 

[geologist]

حبيباتي ماقصرتوا
اليوم كلمته لما مزاجنا صار اشوي رايق لاني كنت متنرفزه عالمغربيه و متضايقه و اهوا نفس الطريقه و اثنينا مانتحاجا كلش
المهم بليل بعد العشا كلمته و قال انا تعبان ة امي وايد قاعده تضغط علي كل اشوي طلبات كل اشوي طلبات و انا تعبان و من هالحجي
و انا سكت و ماقلت شئ و قال يبي يسافر ابروحه بيروح دبي و بيطفي جهازه ابيقعد اهناك ٤ او ٥ ايام و قلتله على راحتك
اتهقون ان خليته على راحته نفيسته راح تتعدل و لا غلط اللي اسويه
حدي محتاره

بنات بغيت اسألكم ماادري شنو قاعد يصير معاي
انا ولدت تاريخ ١٠/١٨
و يتني الدوره ( اخت النفاس ) ١١/١٨
و ضلت ١٠ ايام و بعدها تاريخ ١٢/٢ جان يرد ينزل دم و كان نزيف جنه دوره و عطوني حبوب توقف الدم و مع هذا تمت ١٠ ايام
و توه رد نزل دم يعني تاريخ ١٢/١٦
شنو اعتبرها دوره و لا لا ؟!!
شالسالفه بنات ممكن بعد الولاده تتخربط الدوره ليه هالدرجه !!!

 

[حور البحرين]

الله يهديه ويسخره لج قولقيست
بالنسبه الى الدم انا افضل انج تراجعين دكتورتج احسن

 

[om-Jana]

جيولجست

الله يهدي سركم
بس من راي انج اتقولين له طمني عليك عالاقل بمسج

راجعي مكان ثاني شوفي شنو يقولون لج

 

[geologist]

حبيبتي حور ماقصرتي
والله ام جنا قلت له على الاقل مسج واحد باليوم و انا ماراح ادق و لا راح ادز مسج بس مارضا كلش قال ولا مسج و بطفي جهازي هناك
الله يهديه
والله شكلي هذا اللي بسويه بروح الطبيب و الله كريم