تجمع مواليد نوفمبر2012 نوفمبر يات حياكم الرحمن

[sosowaty]

اهلين ام معاذ و انتي شلونج حبيبتي

 

[sosowaty]

حووور حبيبتي بخير حياتي ما تشوفيش وحش حبيبتي و انا اشتقتلج بعد

طالعه من كل شر حياتي :*


حووور عفيه شلون الاوضاع عندكم بالبحرين ان شاء الله

لاني مفكره اروح بحرين اقل من يوم

 

[sosowaty]

النيره عادي جدا الحبوب و ديري بالج تعطينه كريمات انتبهي

لان تروح من نفسها الحبوب

و الرضعه مو شرط ع حسب شكثر يشرب ولدج

 

[Pretty_mama]

اي سوسو تحسين صج بجرية ماعرف اي شي عن سوالف موانع الحمل
ضريت نفسي بدون لا ادري

 

[sosowaty]

ركبي لولب بريتي ماله سلبيات مثل الحبوب

 

[حور البحرين]

هلا سوسو الغالية الحمدالله
الامور الحمدالله اوكي الاوضاع مستقرة

 

[حور البحرين]

بريتي يقولون الحبوب الحبوب تسبب عصبية
انا عن نفسي مانع طبيعي

 

[أم الهواشم]

ام معاذ صح كلامج من جسم لي جسم يختلف بس الواحد يخاف يجازف مايدري جسمه من اي نوع
النيره الحبوب شي طبيعي لاتحاتين والحلمات مكتوب عليهم الاعمار والحليب اقري عالعلبه نفسها يكتبون جم مكيال على حسب العمر وحليب عن حليب يختلف المكيال
بريتي مااذكر اذا كانت يايه لي الدوره ولا لأ بس اذكر اني كنت دايماً ارضه طبيعي بدون صناعي

 

[^SamBateeKa^]

قوه بنات شخباركم؟
واي تعبانه فيني فقر نوم ببجي والحين بادي فيني بلاعيم
بنات انا مارضعت بنتي من صدري يمكن 3ايام عادي تهقون نشف؟

اكره الرضاعه تملل

 

[sosowaty]

النيره لا تتوهقين و تاخذين فتحته المميه ميديوم نفسي توهقت ترا وايد كبيره للرضيع

 

[sosowaty]

حووور ان شاء الله ع طول الاوضاع عندكم مستقره

 

[sosowaty]

المانع الطبيعي مو كل مرا اتصيب

 

[sosowaty]

اهلين سمبتيكا شخبااارج

كلنا فينا فقر نوم ماندري شلون نرد بيوتنا و ويوهنا تعبانه و صفره من السهر و التعب

 

[geologist]

بنات اشلونكم شخباركم

موقادره اتحمل و بفضفض لكم لانكم خواتي و ماعندي احد افضفض له غيركم. تحملوني حبيباتي

بنات حدي تعبانه من شغل البيت و الكراف و البيبي مو قاعده انام و مو قاعده ارتاح كلش حتى و انا اكل بنتي في حضني و تبجي و ريلي مايساعد كلش تعبت من طريقته. البيت بدال ماانظفه مره بالاسبوع لاماعندي وقت قاعده انظفه كل يوم يمشي و يقط اغراضه و انا القط من وراه و لما اكلمه يعصب و يقول مو عاجبج ردي بيت امج. ماكان جذي وايد متغير علي كله اعصاب و صراخ و ماله خلقي كلش ان قلتله احبك يقولي خلاص بسج مسلسلات تركيه احنا مو مراهقين مع ان عمري ٢٥ سنه ماني كبيره. و ان قلت له ولهانه عليك مايعجبه يقولي بسج بسج
انزين اشلون اتصرف معاه يعني وكل شئ مو عاجبه. قمت مااقوله كلام حلو و عنده الوضع عادي. و قلل اشوي قاعده اسإله وين رحت و شنو سويت جان يصرخ علي و يعصب و يقول مو شغلج لا تسإلين احنا مو مراهقين خلاص انا اطلع انتي مو لزوم تعرفين انا وين و شنو سويت و ان طلعت لا اتدقين

امانه شسوي معاه اشلون اتصرف ؟!! و حتى صاير مايبي يقعد بالبيت كله ابيطلع و بس يرد بالليل يادوب نص ساعه و ينام. و الله في وايد اشياء ابقلبي وااايد احس اني مخنوقه و اليوم احس زاد الهم اللي فيني لما خالتي ام ريلي قالت جدام حماي و مرت حماي اليوم اول مره يشوف حماي بنتي جان مرت حماي اتقولي بنتج صارت تشبهج جان خالتي اتقول اي بنتها جيكره و سمره طالعه على سمار امها. وااايد حزه ابخاطري مع اني مو سمره و الله لوني حنطاوي و اهما همن فيه من اهل ريلي نفس لوني و في افتح و فيه اغمج. احس كلمتها اجرحتني

عفيه بنات شوروا علي اشلون اتصرف مع ريلي شسوي !!! احس نفسيتي قاعده تتدمر وزي اخذ اغراضي و اطلع من بيتي مو قادره اتحمل اكثر *

 

[geologist]

حور حبيبتي تشتاق لج العافيه انشالله

 

[om-Jana]

جيولجست

عورتي قلبي يمكن ازمه واتعدي

يوم حطي بنتح عند اهلح وقعدو قعده صراحه يمكن في نتيجه

ما بي اعطيج حلول يمكن ويمكن ويطلع كلامي مو في محله بس الاحتمال الكبير المسووليه مع الياهل مو عاجبته ويتهرب او مصدوم من المسووليه

 

[om-Jana]

او في شي مضايقه

 

[geologist]

ام جنا و الله ماادري شنو قاعد يفكر فيه و لا ادري شنو في باله
موقادره انام وايد متضايقه و كلام خالتي وايد جرحني. تخيلي كل يوم لما ريلي ينزل يقعد عندها اتقول ييب بنتك و اتحن و ريلي ياخذها و ينزل بنتي عند خالتي و الله يشهد اني اكون امبدلتها و امشربتها حليب و كل يوم و ترك او كل يومين اسبحها بس بنتي حنانه و عسره و لما انزل اخذها او حماي اييبلي ياها اتدق علي و اتقولي بنتج حنانه و اذتني بس اخذوها و والله ريلي مااييبلي ياها لما اقوله ييب بنتي
و امس من بين كلامها اتقولي ريحه شعر بنتج اتلوع الجبد و اهيا تدري ان اليوم اللي قبله كنت ام سبحتها و بنتي شعرها كله يصير عرق و اهيا نايمه لاني اغطيها وايد. و يوم قلت لها اني امسبحتها امس جان اتقولي عادي الياهل راسه يفرز ماده و يصير ريحه الشعر مو حلوه. انزين مدام اهيا اتقول جذي ليش اتقط علي حجي و اتضايقني و لما قلت حق ريلي امش انقوم انسبح بنتي لاني اخاف اسبحها ابروحي جان يزفني جدام امه و عيال حماي
مو قادره انام من الضيقه و فيني بجيه. صج ماادري شسوي مع ريلي و خالتي*

 

[geologist]

سامحوني بنات وايد قاعده اتحلطم عليكم بس و الله ماعندي احد غيركم اشتكيله

 

[emerald]

مرحبا امهااااات

الحمدلله اليوم خلصت الاربعين وخلصت امتحاناتي على خير .. الحمدلله مر النفاس والكورس الاول على خير وما كنت اتوقع اني بقدر عليهم وكنت ناوية اخلي الدراسة وارد الكويت من كثر المحاتاة قبل الولادة والضيقة عقبها .. الحمدلله الحمدلله..
بسألكم .. ماوقف دم النفاس وانتو بكرامة طول الاربعين مرات يقل ومرات يزيد بس امس لا نزل جنه دورة مع عوار.. موعدي الخميس بس مادري اروح والا انطر .. ومادري متى بيوقف ..
طبعا ماسويت اي شي لطلاعتي زوجي مجابلني 24 ساعة وتوني خلصت امتحاناتي مادري شسوي .. بس شريت جم اطقم من باث اند بوي وركس وبيجامتين ..