~{{ تجمع مشتركات نادي "كيرفز" العقيله }}~

[ويـــزا]

انا اليوم ثااني يومم متحمسه بالناادي

بس في شي ماعرفته ليش نوقف ونحط ايدنا على رقبتنا محد فهمني هالشي بس قالتلي حطي ايدج حق شنو مادري

وليش اعد بعد

ههههه جروح الروح ضحكتيني
امبلى تلقين قالت لج بس انتي ما فهمتي عليها
شوفي حبيبتي
احنا نحط ايدنا على ارقبتنا علشان نعد النبض جم دقه لقلبج
وهالشي علشان تعرفين اذا عالي تخفظين من طاقتج شوي واذا عادي تستمرين عادي
لبس انا كله عالي عندي فوق ال 25 ودايم يقولون لي عدي خنسه ثواني قبل لا تشتغلين بالجهاز ههههههه
اامهم
بالتوفيق حبيبتي معانا بالنادي
وان شاءالله تستمتعيم مع ان مرات تزهقين ههههههه
بس اهم شي انج تحصلين النتيجه اللي تبينها
مثل ما انا وصلت لها ولله الحمد بعد اربع اشهر بالنادي والحميه الغذائيه
*

 

[حيوته]

ويزا متى تروحين النادي عشان نتلاقى

 

[miss_tikana]

هلووووووو
شخباركم :$​

على فكرة مسؤولتهم + "manager" إهيا اللي عبالي أنا كويتية ! طلعت إيرانية ! =)​

 

[عز الاسلام]

السلام عليكم و رحمة الله و بركاته

بنااات الله يرضى عليكم خل كل وحدة فينا تخاف ربها و ان شافت شي عجبها بغيرها تسمي بالله ولا تقول ما شاء الله
ترى العين حق

انا الحين صارلي اسبوعين مو قادرة اداوم النادي بالاول عضلات ريلي اليمين كانت مشدودة بعدين ركبتي بعدين صارت اليسار و مرات يروح العوار و يرد جني مشلولة و الله العظيم
و مرات و انا نايمة بعز نومي افز من العوار و مرة شغلت سورة البقرة و قعت اقرا مع الشريط والله العظيم طول ما انا قاعدة اقرا راح العوار جنه ماكو شي و بعد ما خلصت بشوي رد مرة ثانية
بالاول كان عبالي ان من الاجهزة او قلت يمكن لعبت بطريقة غلط على جهاز ولا مع الاسترتشج بس لا



دعواتكم لي بس

 

[واثقة بجمالها]

فددديت هالناادي غرااامي صاار والله لا يغير علي ان شاءالله

وانا جددت اشتراكي سنه والحمدالله ووااايد فرق علي جسسسسمي ومستمرة ان شاءالله


مووفقيين

 

[ويـــزا]

ويزا متى تروحين النادي عشان نتلاقى

هلا حبيبتي
للامانه انا بوقت الدوامات كانوعندي وقت محدد واللي اهو بعد الدوام على طول
بس الحين مو عطلنا لاني مدرسه
فما عندي وقت محدد متى نا حسيت الوقت ناسبني لبست ملابسي وطلعت للنادي
والا يشرفني اتعرف عليج والله
بس ما عليه خل نتواعد على يوم نكون مع بعض *

 

[ويـــزا]

فددديت هالناادي غرااامي صاار والله لا يغير علي ان شاءالله

وانا جددت اشتراكي سنه والحمدالله ووااايد فرق علي جسسسسمي ومستمرة ان شاءالله


مووفقيين

عالبركه والحمدلله لقيت احد معاي استفاد من النادي ووصل للهدف اللي يبيه
وانا بعد ما خلص اشتراكي ال3 اشهر جددت وخليته سنه
والاسبوع اللي ما اواضب عليه بالنادي احس بالحسره
يا اختي النادي يعطيج طاقه مو طبيعيه ولياقهالله يتمم علينا
والفال لباجي البنات يا رب*

 

[حيوته]

صح كلامج ويزا من عطلنا ماصار عندنا وقت ثابت
حبيبتي مشكورة واتشرف بمعرفتج قلب :*

 

[ويـــزا]

وااااااااااااااااااااااااااو
ويستمر الأنجازوتحقيق الأهداف
اليوم كان عندي اخذ القياسات بالنادي
والحمدلله الحمدلله الممدلله نازله كيلوووووو وشي ووصلت للوزن (( 51 ))
هيااااااااااااااااااااااااااااااا
مع اني كنت خايفه لاني كنت اخربط شوي بالأكل ومو ماشيه عالنظام فكنت اكل شغلات مو بالحميه بس بكميات صغيره

يلااااااا الفااااااااااااااااال لكم ياااااااااااارب

 

[واثقة بجمالها]

الحمدالله انا ملتزمه بالناادي واحسس ماشاءالله ووااايد استفدت
وان شاءالله بكمل والله لا يغير علي :yaaaaaarb:

 

[Mona Lisa]

يعطيج العافيه حبيبتي النادي فيه حمام سباحه ولا لا

 

[ويـــزا]

الله يعافيج
لا والله مافيه حمام سباحه بس اجهزه
وحياااااااج الله 

 

[miss_tikana]

ميااااااااااو :$
هيهيهي
شخباري منتدى ​

 

[أم مهند]

مساااء الخيرررر

بنات شلون مواعيدهم برمضااان

ومنو ضعفت عليه ؟ وجم خسرت؟

 

[أم مهند]

اب

اب

 

[9aBa]

مواعيد رمضان

من 11 - 4.30
من 8-11.30

 

[خجل~]

وااااييي بصراااحه ويزااا
أنتي تشوقين

الله يهنيج ي رب ويخلي لج بنتج


أنا جسمي زين حده ماشاء الله
وزني 50 وطولي 160 أتوقع
ماعندي كرشه ولاشي
يعني الحمدلله جسمي متناسسق
وأنا مومتزوجه بس بصير عروس ههع


بس أحب الرياضه بس لو أقول لأمي بشترك بتقول شحقه



ي الله إن شاء الله بعد الولآده لأنه قريب من بيت زوجي





ومشكوره حيل ساعدتينا والله

 

[ويـــزا]

مرحباااااااا بنات
ومل عام وانتوا بخير
ومبارك عليكم الشهر

اشلونكم مع النادي ؟؟
الصراحه ماني عارفه اروح للنادي في رمضان
قبل الفطور نو واااااي اروح بهالحر
اما بعد الفطور لا اله الا الله ماكو وقت ما تشوفين الا الساعه ١٠
وانا ما احب الطلعه بالليل ما اعرف 
وفكرت اوقف اشتراكي ومحتاره

انتوا اشرايكم ؟؟
وخاصه ان بعد شهر بداية الدوامات وبدخل بنتي حضانه وخدامتي بتسافر
يعني صج ماراح يصير عندي وقت للنادي كلللللللللش

 

[مفرفشه عالاخر]

اب

اب
اب

اب

 

[عز الاسلام]

:eh_s(16):

بناات انا منحبطة
انا مسجلة بكيرفز الجابرية اشتراك 4 شهور من شهر 7
اول شهر كنت من الحماس ما شاء الله اروح كل يوم
ثاني شهر اول اسبوعين مريضة ما كنت اروح و اخره فاينلات الجامعة
و رمضان كله مارحت
الحين كرشتي وووايد زادت
و جسمي احسه مترهل اكثر من قبل مو من كثرة الاكل لا لان انا اصلا ما كنت اكل برمضان
بس يمكن من السوائل و الرباده و القعدة فترات طويلة و طول الليل سهر و الصبح نوم
والله واايد متضايقة من نفسي