تجمع مدرسه كيمبرج الانجليزيه ( المنقف ) 2011/2012

[كوكو لاتي]

انا ولدي كان بالتكامل وهذي اول سنه له بكيمبردج ما اقدر احكم الحين عطيني فتره واعطيج رايي

بس بشكل عام المدرسه حلوه والمستوا وايد ناس مدحوه لي وسعر المدرسه واااايد زين بالنسبه للمدارس الاجنبيه ماراح تحصلين ارخص من جذي
انا ولدي كان بالتكامل كي جي وسعرهم لاولى ابتدائي ٢٤٦٠ غير الكتب ١٠٠ والملابس ٥٠ صيف وشتا

انا اشوف كيمبردج وايد سعرها افضل وانشاءالله تكون بالمستوى المطلوب

 

[اجمل احساس ..!]

امين يارب تكون بالمستوى المطلوب ولد عمي فيها من الروضه

وامه تمدحها حييييييييييييييييييييييييييل

 

[كوكو لاتي]

اي حتا انا رفيجتي بنات خالها بالمدرسه بسابع وايد يمدحونها وتقول لغتهم وايد زينه بينهم وبين بعضم يتكلمون انجليزي

 

[ماريا 2006]

اكو لي سابع

 

[عروس الحب]

اهلين بنات انا امس الاربعاء دوام بنوتي كي جي 1
واااي الاطفال قطعوا قلبي صراغ وبجي يالله اشوه بنتي ساكته وطالع اسم الله عليها متعودة لانها قبل كانت بحضانه يعني الحمدلله بنتي عادي متعودة علي هالجو
والله مبين عليها خووش مدرسه الله يوفق عيالنا بس انا بعرف اهم طول اليوم بصفهم ماعندم مثل الروضه الحكومه طابور الصباح النشاط
مايحيون العلم ويدأون بطابور وبعدين يروحون صفوفهم !!!!
وعندي ملاحظه ثانيه ودي اعرف شنو مكتوب بالورقه الي عطوني ايها مالت خطه الاسبوع امبيه فهمت تلاطيش كلام ماعرفتها كلها!!!!!
بليز مساااعدة

 

[عروس الحب]

اهلين بنات انا امس الاربعاء دوام بنوتي كي جي 1
واااي الاطفال قطعوا قلبي صراغ وبجي يالله اشوه بنتي ساكته وطالع اسم الله عليها متعودة لانها قبل كانت بحضانه يعني الحمدلله بنتي عادي متعودة علي هالجو
والله مبين عليها خووش مدرسه الله يوفق عيالنا بس انا بعرف اهم طول اليوم بصفهم ماعندم مثل الروضه الحكومه طابور الصباح النشاط
مايحيون العلم ويدأون بطابور وبعدين يروحون صفوفهم !!!!
وعندي ملاحظه ثانيه ودي اعرف شنو مكتوب بالورقه الي عطوني ايها مالت خطه الاسبوع امبيه فهمت تلاطيش كلام ماعرفتها كلها!!!!!
بليز مساااعدة

 

[hotchocolatee]

السلام عليكم بنات لوسمحتو جم اسعار الروضه عندهم

 

[linabmc]

أنا ابني year 1 green
مع أ/ نسرين

 

[مبرقعات]

مدرسة كيمبردج البريطانيه وااااايد ممتازه كأخلاق ولغه والتزام ونظافه بأذن الله كل عيالى يدرسون فيها انا معاهم صارلي 5 سنوات والمدرسه ممتازه جدا لاكن في عندى بعض الملاحظات على المدرسين مثلا فى مدرس مصري يصارخ على الطلبه ويحط حطه غير طبيعيه عليهم ويكره الطفل فى الدراسه وهذا يسئ الى سمعة المدرسه حتى وان كانت ممتازه واحيان تطلع لج مدرسه بريطانيه تناشب بنتج او ولدج وتقول يا انا يا اهو بالمدرسه اقسم بالله وشنو عذرها ان الطالبه او الطالب كثير الحركه بالصف حتى لو كان الطالب ممتاز وذكي المهم ان يتحنط مايتحرك بالصف يكون مثل ابو الهول او هالمدرسه تبي تطفشه من المدرسه بأي طريقه ويحطون على الطلبه بالدرجات واحنا ندري مدرى كره الأجانب للعرب منذ الأزل والمدرسين والمدرسات كل جم شهر يتغيرون مادري ينحاشون عندهم مدرسه اسمها كاساندرا اعوذ بالله حقوووووده لدرجه ماتتصورونها المصيبه انها صارت مسلمه ومعروف عنها من صارت مسلمه تحولت الى بن لادن الجزء الثانى وقاسيه جدا مع الطلبه ومع الخادمات فى مدرسة كيمبردج جن مدرسة ابوها وهي تدرس فى المنقف للمرحله الأبتدائيه وعندهم مدرس مصري اسمه وليد الطلبه يكرهونه والسبه عصبيته المفرطه ومن كثر مايصارخ حييييل على الأطفال يبا انت مدرس قبل ماتدرس يعطونكم دوره تتعلمون شلون تعاملون الطالب انت وين ماخذ هالدوره ب امن الدوله مثلا ؟ اتمنى من ادراة مدرسة كيمبردج تركز على مدرسينها وعلى حسن معاملة الطلاب فى جميع المراحل دون استثناء والمدرسه ممتازه جدا لاكن مدرس او اثنين اهم اللى يخربون على سمعة المدرسه بكبرها وينحشون الطلاب الى مدارس اخرى ترى الناس ماتقط فلوسها عشان معامله سيئه من مدرس او مدرسه شاذه فى التعامل والتصرف وبالنسبه للأخصائيه بالمدرسه اللى اسمها مروه مصريه ماتعرف كوعها من بوعها ووايد تتوهق بحل مشاكل الطلبه حتى وان كانت مشكله بسيطه جدا لاتذكر ولا تستحق المبالغه يبا حطو اخصائيين واستشاريين نفسيين ذوات شهادات معتمده مو تحطون وحده وتسمونها اخصائيه غلط محسوب على ادارة المدرسه وعندهم فراشه عراقيه اسمها ام محمد عيالي كانو يقولون لى ماكنت استوعب لين سمعتها اكثر من مره تسب وتتحلطم على الخادمات او المدرسات بكلام اقسم بالله صعب مااقدر اقوله كلام مثل ابن الق... او هاي الابله القوا..... او ابن الزمال و ياخني..... بالذمه شنو هذا ؟ لما بناتى او ولدى يلقط هالكلمه من مره عوده ويقولها لا ومن مدرسه شقوله ؟ وانا سمعتها كذا مره ب اذوني بس شقول ؟ قمت اقول حق عيالى تجنبو هالمره اللى اهي الفراشه ام محمد ووخرو عنها وهالفراشه ماديه الى ابعد الحدود يعنى بخيها جم دينار تشهد لج زور عند الاداره ضد اى طالبه او طالب والمدرسه قبل ماتتصلون على اولياء الأمور حلو مشكلة الطلاب بذكائكم وحنكتكم مو تخلون مسؤوليتكم جنكم زهقانيين العيشه وله ليش سموكم وزارة التربيه والتعليم جان حطو بس التعليم والتربيه قطوها كلها على الاهل اتمنى ان المدرسه تعطي شوي من عمرها ويتعبون اكثر على الطلاب ويحلون مشاكل الطلاب داخل المدرسه المدرسه حلوه وراقيه جدا لاكن فى بعض الاخطاء اللى يجب ان تتم ازالتها وتعديلها وبالنسبه للنادي الصيفي مال المدرسه ليش تحطون نادى من خارج المدرسه ؟ وتقولون للعالم لا تسجلون لان النادي الصيفي مو تبعنا و موشي ؟ ليش ماتخلون النادي الصيفي من المدرسه نفسها عالأقل المدرسه تعرف الطلبه مو تجيبون ناس من برا ماهمهم غير البيزه والنادي شغل مش حالك وكله هواش وسب وقلة ادب وخالطين الحابل بالنابل يعنى طالبه عمرها 6 سنوات ومعاها طالب عمره 13 او 11 سنه بنفس الباص ؟ والنادي لو كان من المدرسه النادي يمنعون اختلاط الصغار بالاعمار الكبيره وهذا اللى عندي حاليا وسلامتكم

 

[كوكو لاتي]

الروضه ١٣٠٠

 

[كوكو لاتي]

عروس الحب مادري والله عن كيجي ون انشاله اجمل احساس تفيدج ولدها مع ولدج

مشكوره مبرقعات وكل مدرسه فيها ايجابيات وسلبيات وانشاءالله الله يحط عيالنا عند مدرسين زينين ويخان الله بعيالنا

 

[ام سليمان 2008]

حياج الله بالتجمع ام سليمان

معانا مس روبنز ولدها بسادس بعد

الله يحييج كوكو لاتي :eh_s(7):

ابني ب 6 red

اهلا في عينيك جم صارله ولدج بالمدرسة؟

 

[الشيرازية]

السلام عليكم اليوم داوم ولدي بالreception واول مرة اجرب الخاص واول مرة اشوف ان الصفوف حاطينها علي اسامي الوان انا ولدي green وطبعا جاي من اولي روضه حكومة لايفقه شئ اللي حولي عيالهم مدارس خاصه استغربو شلون قبلو ولدي واهو ما يعرف شي نهائي بالانجليزي لا نطقا ولا كتابه اصلا حتي بالعربي مايعرف بعض الالوان عالعموم اهو عند مدرسه اسمهاhazel لما وديته اليوم الصبح صراحه حيل حبوبه بس مو مبين اهي شنو جنسيتها منو فيكم ولدها مع ولدي وشنو تعرفين عن الteacherزينة ولا لا وباخر الدوام لقيت وحدة بالصف تقول انا ال assistant اسمها غادة شكلها بعد حبوبه

 

[كوكو لاتي]

الشيرازيه اي كيمبرج يقبلون ثانيه روضه من غير امتحان قبول بس حق الابتداءي وايد يدققون ويسوون له امتحان اذا اوكي بالانجليزي ينقبل اذا مو زين ماينقبل ولد رفيجتي ما اقبلوه مع ان ياي من اكسفورد البريطانيه

 

[عروس الحب]

عروس الحب مادري والله عن كيجي ون انشاله اجمل احساس تفيدج ولدها مع ولدج

مشكوره مبرقعات وكل مدرسه فيها ايجابيات وسلبيات وانشاءالله الله يحط عيالنا عند مدرسين زينين ويخان الله بعيالنا

هلا فيج حبيبتي بغيت اسالج واسأل الينات شنو تحطون اكل لعيالكم ؟؟؟؟؟؟؟؟

 

[كويتية222]

خووش تجمع موفقين فيه وربي يوفق عيالكم

عندي جم سؤال ياريت تجاوبوني عليهم ومشكورين مقدما :

1- الهيئة التعليمية للمواد شنو ؟
2-كم رسوم المرحلة الابتدائية؟
3-هل جميع المواد باللغة الانجليزية والعربي والاسلامية باللغة العربية ؟
4-هل يهتمون بالتلميذ والا بس همهم البيزات والدروس الخصوصية ؟

 

[كويتية222]

وياريت رقم المدرسة بعرف وقت التسجيل للسنة اليديدة واللي يعافيكم

 

[الشيرازية]

والله انا خايفه ما يمشي ولدي وخصوصا انه عنده بعض الاحرف ما ينطقها صح بس تصدقون انه اليوم لما رد البيت مادري اشسوتله الخدامة جان يقولها thank you

 

[كوكو لاتي]

هلا فيج حبيبتي بغيت اسالج واسأل الينات شنو تحطون اكل لعيالكم ؟؟؟؟؟؟؟؟

انا ولدي دوامه لي 2 وعشر واايد فاحطله صمونتين وحده هوت دوق و وحده جبن سلايس ومرتديلا مرات ياكلهم اثنينهم ومرات بس وحده واحطله ذره وبطاط وعصير وكيك او بسكوت مرات اغير احطله تفاحه مقصصه

ممكن تحطيله نفيش بدل البطاط واذا عندج افكار عطيني لان دواكه طويل واحتار شنو احطله واهوا ما يعجبه اي شي

 

[الشيرازية]

وبالنسبة للرقم للاخت اللي طلبت٢٣٧٠٠٠٠٠