تجمع مدرسه كيمبرج الانجليزيه ( المنقف ) 2011/2012

[كوكو لاتي]

كويتيه ٢٢٢ كل المواد بالانجليزي ماعدا العربي والدين مااقدر افيدج عن الاهتمام لان ولدي اول سنه بس وايد ناس بمدحون المدرسه*

 

[كوكو لاتي]

شيرازيه لاتحاتين انا ولدي ماكان يعرف شي بالانجليزي نهائيا قبل لايدخل الروضه الحين اهوا باولى ابتدائي ماشاءالله يعرف الاحرف والارقام والاشكال ووايد كلمات ويقول جمل ولدج غصبا عليه بيتعلم اهوا يروح كل يوم المدرسه وطول الوقت كلامهم بالانجليزي اكيد بيتعلم لاتحاتين حبيبتي انا كنت مثلج خايفه ان مايفهم شنو قاعد يصير ولا شنو تقول الابله بس نطري عليه وبتشوفين فرق ولاحظيه راح تشوفينه يقط جم كلمه انجليزي مثل ماقال للخدامه ثانك يو وهذا من يومين بس مداوم فمابالج نهاية السنه والله يوفقه انشاءالله

 

[كوكو لاتي]

كويتيه التسجيل يبدي شهر ٣ الياي ورسومهم اولى ابتدائي ١٥٢٠

 

[قره عيني صلاتي]

يعطيج العافيه ياختي صاحبه الموضوع انا بنتي وياكم لكن كيجي 2 اورنج ثاني سنه لها فيها وصراحه هالمدرسه حيل حلوه بخاطري تكمل فيها اول ابتدائي بعد لكن ابوها رافض يقول حكومي الابتدائي احسن واليوم دوامها كان

 

[كوكو لاتي]

العفو قره عيني الله يوفق بنتج انشاءالله

 

[الشيرازية]

كومو لاتي الله يطمن قلبج بس نسيت اقولج ترا سوت interviewحق ولدي لما جيت اكمل اوراق التسجيل طلبت منه يعد الخمسه قام يطالعها ويتبوسم ما يدري اصلا شقاعدة تقوله جان تمسك ايده وتقوله يلا انا راح اساعدك قول one رد وراها قالتله قولtwo قال وراها جان تقوله كمل وبعدين جان يقولها انتي قولي عاد انا قلت بس رحنا وطي بس مادري شلون سكتت وكملت تسجيله سبحان الله

 

[كوكو لاتي]

اي عادي اهما سووله مقابله علشان يشوفونه الولد طبيعي يتكلم مافيه شي بس

مو علشان تشوفه يعرف انجليزي ولالا لان اهوا روضه

 

[في عينيك عنواني]

اهلا في عينيك جم صارله ولدج بالمدرسة؟[/QUOTE]


ولدي صاير له من year 1

وبنتي من kg وهي الحين في year 4

 

[كوكو لاتي]

ماشاءالله شلون مستواهم بالانجليزي عيالج ؟؟؟

 

[اجمل احساس ..!]

اهلين بنات انا امس الاربعاء دوام بنوتي كي جي 1
واااي الاطفال قطعوا قلبي صراغ وبجي يالله اشوه بنتي ساكته وطالع اسم الله عليها متعودة لانها قبل كانت بحضانه يعني الحمدلله بنتي عادي متعودة علي هالجو
والله مبين عليها خووش مدرسه الله يوفق عيالنا بس انا بعرف اهم طول اليوم بصفهم ماعندم مثل الروضه الحكومه طابور الصباح النشاط
مايحيون العلم ويدأون بطابور وبعدين يروحون صفوفهم !!!!
وعندي ملاحظه ثانيه ودي اعرف شنو مكتوب بالورقه الي عطوني ايها مالت خطه الاسبوع امبيه فهمت تلاطيش كلام ماعرفتها كلها!!!!!
بليز مساااعدة

منوره عروس الحب شكلي اعرفج انتي بنتج بالحضانه البريطانيه اللي بصباح السالم
وعن الورقه ماعطوني ويمكن عطو ولدي بس ماشفتها رحت زيارة اهلي ع طول :eh_s(10):

مدرسة كيمبردج البريطانيه وااااايد ممتازه كأخلاق ولغه والتزام ونظافه بأذن الله كل عيالى يدرسون فيها انا معاهم صارلي 5 سنوات والمدرسه ممتازه جدا لاكن في عندى بعض الملاحظات على المدرسين مثلا فى مدرس مصري يصارخ على الطلبه ويحط حطه غير طبيعيه عليهم ويكره الطفل فى الدراسه وهذا يسئ الى سمعة المدرسه حتى وان كانت ممتازه واحيان تطلع لج مدرسه بريطانيه تناشب بنتج او ولدج وتقول يا انا يا اهو بالمدرسه اقسم بالله وشنو عذرها ان الطالبه او الطالب كثير الحركه بالصف حتى لو كان الطالب ممتاز وذكي المهم ان يتحنط مايتحرك بالصف يكون مثل ابو الهول او هالمدرسه تبي تطفشه من المدرسه بأي طريقه ويحطون على الطلبه بالدرجات واحنا ندري مدرى كره الأجانب للعرب منذ الأزل والمدرسين والمدرسات كل جم شهر يتغيرون مادري ينحاشون عندهم مدرسه اسمها كاساندرا اعوذ بالله حقوووووده لدرجه ماتتصورونها المصيبه انها صارت مسلمه ومعروف عنها من صارت مسلمه تحولت الى بن لادن الجزء الثانى وقاسيه جدا مع الطلبه ومع الخادمات فى مدرسة كيمبردج جن مدرسة ابوها وهي تدرس فى المنقف للمرحله الأبتدائيه وعندهم مدرس مصري اسمه وليد الطلبه يكرهونه والسبه عصبيته المفرطه ومن كثر مايصارخ حييييل على الأطفال يبا انت مدرس قبل ماتدرس يعطونكم دوره تتعلمون شلون تعاملون الطالب انت وين ماخذ هالدوره ب امن الدوله مثلا ؟ اتمنى من ادراة مدرسة كيمبردج تركز على مدرسينها وعلى حسن معاملة الطلاب فى جميع المراحل دون استثناء والمدرسه ممتازه جدا لاكن مدرس او اثنين اهم اللى يخربون على سمعة المدرسه بكبرها وينحشون الطلاب الى مدارس اخرى ترى الناس ماتقط فلوسها عشان معامله سيئه من مدرس او مدرسه شاذه فى التعامل والتصرف وبالنسبه للأخصائيه بالمدرسه اللى اسمها مروه مصريه ماتعرف كوعها من بوعها ووايد تتوهق بحل مشاكل الطلبه حتى وان كانت مشكله بسيطه جدا لاتذكر ولا تستحق المبالغه يبا حطو اخصائيين واستشاريين نفسيين ذوات شهادات معتمده مو تحطون وحده وتسمونها اخصائيه غلط محسوب على ادارة المدرسه وعندهم فراشه عراقيه اسمها ام محمد عيالي كانو يقولون لى ماكنت استوعب لين سمعتها اكثر من مره تسب وتتحلطم على الخادمات او المدرسات بكلام اقسم بالله صعب مااقدر اقوله كلام مثل ابن الق... او هاي الابله القوا..... او ابن الزمال و ياخني..... بالذمه شنو هذا ؟ لما بناتى او ولدى يلقط هالكلمه من مره عوده ويقولها لا ومن مدرسه شقوله ؟ وانا سمعتها كذا مره ب اذوني بس شقول ؟ قمت اقول حق عيالى تجنبو هالمره اللى اهي الفراشه ام محمد ووخرو عنها وهالفراشه ماديه الى ابعد الحدود يعنى بخيها جم دينار تشهد لج زور عند الاداره ضد اى طالبه او طالب والمدرسه قبل ماتتصلون على اولياء الأمور حلو مشكلة الطلاب بذكائكم وحنكتكم مو تخلون مسؤوليتكم جنكم زهقانيين العيشه وله ليش سموكم وزارة التربيه والتعليم جان حطو بس التعليم والتربيه قطوها كلها على الاهل اتمنى ان المدرسه تعطي شوي من عمرها ويتعبون اكثر على الطلاب ويحلون مشاكل الطلاب داخل المدرسه المدرسه حلوه وراقيه جدا لاكن فى بعض الاخطاء اللى يجب ان تتم ازالتها وتعديلها وبالنسبه للنادي الصيفي مال المدرسه ليش تحطون نادى من خارج المدرسه ؟ وتقولون للعالم لا تسجلون لان النادي الصيفي مو تبعنا و موشي ؟ ليش ماتخلون النادي الصيفي من المدرسه نفسها عالأقل المدرسه تعرف الطلبه مو تجيبون ناس من برا ماهمهم غير البيزه والنادي شغل مش حالك وكله هواش وسب وقلة ادب وخالطين الحابل بالنابل يعنى طالبه عمرها 6 سنوات ومعاها طالب عمره 13 او 11 سنه بنفس الباص ؟ والنادي لو كان من المدرسه النادي يمنعون اختلاط الصغار بالاعمار الكبيره وهذا اللى عندي حاليا وسلامتكم

يمال العافيه حبيبتي لابد كل مدرسه تصير فيها مشاكل وثغرات الله يعين يارب

عروس الحب مادري والله عن كيجي ون انشاله اجمل احساس تفيدج ولدها مع ولدج

انا بالخدمه دوم
​

 

[كوكو لاتي]

ترا حتا انا بيت اهلي صباح السالم يعني من سكانها

انا ولدي كان بالتكامل اللي بصباح السالم وعذي السنه نقلته كيمبردج

 

[في عينيك عنواني]

ماشاءالله شلون مستواهم بالانجليزي عيالج ؟؟؟

والله كان ابني في مدرسة الفحيحيل الباكستانية وكان طالع منها ما يعرف ينطق كلمة انجليزي اللهم الحروف abc وكنت خايفة موت انه مايفهم شي
الحمد لله ماشاء الله الحين يتكلم انجليزي ممتاز وباللكنة البريطانية
وميزة مهمة في النظام الانجليزي انه بيعطي الولد ثقة بالنفس عالية انه حسيتها في ولادي
وربنا يحفظلنا ولادنا واولاد المسلمين

 

[في عينيك عنواني]

ترا حتا انا بيت اهلي صباح السالم يعني من سكانها

انا ولدي كان بالتكامل اللي بصباح السالم وعذي السنه نقلته كيمبردج

الله يحفظلك ولدك بس ليش طلعتيه من التكامل اسمع يمدحونها كتير

 

[عروس الحب]

هلا فيج
اجمل احساس ياحياتي ماتقصرين اي والله يريت نتعاون ونتشارك بما ان عيالنا نفس المرحله عفيا شوفي الورقة معطينهم يوم الاربعا وبلغيني
لا والله انا مالي درب علي صباح السالم
بنتي قبل حضانه عاديه عند بيتنا ماكملت الا شهر وطلعت لان اهتمامهم بالروضه مو فيها قصدي حضانه

 

[ام سليمان 2008]

في عينك ولدج شسمه لان ماشاء الله بنتي تعرف كل اللي معاها

 

[في عينيك عنواني]

في عينك ولدج شسمه لان ماشاء الله بنتي تعرف كل اللي معاها

ابني red 6 اسمه يوسف
وبنتك شنو اسمها

 

[عروس الحب]

كو كو لاتي

انا احطلها بالجنطه توست وجبن او كروسون وسويت كل مرة غير وخيار او جزر صغار وعصير برتقال او مانجو ومطاره الماي وبطاط
ذكرتيني بالنقانق والمرتدلا عاد اهي تحبهم يبيله سندويشه ثانيه صراحة اخاف تشتهي واحد فيهم
ودي احطلها روب عشان يجبرونها تاكله لانها ماتشرب حليب خير شر ولا تعرفه*

 

[كوكو لاتي]

في عينك طلغت ولدي من التكامل لهذه الاسباب

ولدي يوم كان بالتكامل كي جي 1 كانت ابلته لبنانيه بس تهبل وخفظ معاها كل الاحرف والاشكال والالون والكلمات البسيطه

يوم راح كي جي 2 ظل صفهم شهر كل يومين ابله شتتوا اليهال ليما بعد شهر يابو ابله يديده من امريكا بااااااارده وكبيره

تخيلي ماتقدر تسيطر علا الاطفال وقت الطلعه تسكر اليتات علشان اليهال يخافون وما يتحركون وكان يروح ويرجع علا الفاضي

نسا الاحرف والاشكال اقوله انت تروح المدرسه شتسوي كل يوم كان الوضع مزري

غير المبلغ الاوفر اولا ابتدائي 2500 غير فلوس الكتب 100 غير كل يوم عطونا فلوس حق الرحلات والصور 10 دنانير

ووايد اشياء

 

[اجمل احساس ..!]

مرحبا امهااات شخباركم

عروس الحب انا رديت لبيتي ولقيت الورقه الخطه الاسبوعيه

ماعرفت هههههه ترى انا ماعرف انجليزي وبخلي اختي تترجمها لي ههههههههه شسوي

زوجي مسافر يكمل براااا هو اللي كان يشوف الاوراق اللي توصل لولدي من حضانه البريطانيه

والحين توهقت اللي عرفته يبون صور وملابس تغير خخخخخ

 

[كوكو لاتي]

ههه حطي قوقل وترجمي الورقه