تجمع مدرسه كيمبرج الانجليزيه ( المنقف ) 2011/2012

[ام سليمان 2008]

مرحبا بنات

انا بنتي بسادس 6_G في احد بالتجمع عياله بسادس
:eh_s(7):

 

[كوكو لاتي]

حياج الله بالتجمع ام سليمان

معانا مس روبنز ولدها بسادس بعد

 

[اجمل احساس ..!]

انا ولدي بكي جي اورنج ياربي اليوم سوو مناااحه بجي هستيري عندهم وولدي طبعاً مع القائمه : )

كوكو اي منطقه انتي عشان الباص والباص يودي كل مرحله ولا كل المراحل بباص واحد يعني ولدي كي جي ون

يروحون معاه كل المراحل

 

[كوكو لاتي]

لا كل مرحله باص بروح الكيجي بروح والابتداءي بروح انا بيتي مبارك الكبير اليوم سجلته بس ودفعت ١٠٥ وقالي من اسبوع الياي يوم الاربعا ياخذه الباص بس احس وايد ليش بعد اسبوع بصراحه باجر بروح اكلمهم خل يمره يوم الاحد ليش الاربعا

 

[اجمل احساس ..!]

اي انا كنت عندهم قالوا الباصات الاربعاء كلها مو الاحد

 

[كوكو لاتي]

بس بصراحه باص اريح لان وقت الهده لاتشوفين الزحمه الكل بيدخل ياخذ عياله والله جنا بمقصف مدرسه من الزحمه والممر صغير اللي يودي حق الابتداءي والحريم والرياييل دز مدازز اسجله باص احسن ويطلع قبل الطلبه بربع ساعه عن الزحمه احسن له ويعطونج رقم سايق الباص علشان تتواصلون معاه

 

[اجمل احساس ..!]

والله اني خايفه ومردده خاصه ولدي ارفل ودلوع هههههههههههههههه

وهو كي جي 1 يعني متعلق حده فيني شلون ادخله بباص ولالا

 

[كوكو لاتي]

حاولي تقنعينه انا جذي قلت حق ولدي اذا سجلتك في الباص راح تطلع قبل اليهال كلهم قاعدين بالصف وانت بس ترجع البيت هني استانس ههه

بس انتي ولدج صغير الله يعينج احس صعبه عليه بس حاولي تقنعينه

 

[في عينيك عنواني]

السلام عليكم
بنتي بدأت اليوم قطعت قلبي بدها تبكي وحابسة دموعها
ربنا يهديهم ويوفقهم اولادي واولادكم واولاد المسلمين
الباص بدأ من امس الثلاثاء وتوجد مشرفة في الباص
ويوجد باص لكل مرحلة يعني ال كي جي و الريسبشن يطلع واحدة ظهرا
وباقي المراحل يطلعوا الساعة 2

 

[في عينيك عنواني]

مرحبا بنات

انا بنتي بسادس 6_G في احد بالتجمع عياله بسادس
:eh_s(7):

ابني ب 6 red

 

[في عينيك عنواني]

الحين بنتي تبكي مابدها تروح المدرسة
هي بتروح مع اخواتها
دلوني شو اسوي

 

[كوكو لاتي]

غريبه معاها اخوانها وماتبي تروح ؟؟

طمنيها قولي لها ان اخوانج معاج كل شوي يمرونج لاتخافين

 

[اجمل احساس ..!]

يؤ الله يعينج في عيونك هذا وخوانها معها شكلها دلوعه نفس ولدي

انا سألت المحاسبه قالو معاهم بالباص فراشه مو مشرفه

واللي قالت لي اسمها نسيته بس بنت اشكناني

 

[كوكو لاتي]

مو بنت اشكناني

بنت البلوشي تصحيح المعلومه

 

[ماريا 2006]

بنات انا بنتي باولي ابتدائي حكومه السنه الجايه انشالله بحولها كيمرج قالولي تعالي شهر3 اشتنصحوني استمر علي هالقرار
وثانيه جم رسومها وشلون الدفع طريقته
جزاكم الله خييير

 

[كوكو لاتي]

الدفع اقصاد بس وقت التسجيل تدفعين ٢٠٠وباجي المبلغ يتقصد واعتقد انتي وكيفج انا انشاله بدفع لهم كل شهر ٢٠٠

المبلغ حق اولى ١٥٢٠

 

[اجمل احساس ..!]

ههههههههه اي اشكناني والبلوشي سيم سيم ههههههههههههه

يسلم ع تصحيح المعلومه

 

[ماريا 2006]

كوكو مشكوره بس ماتدرين بجم ثانيه يزيد

 

[كوكو لاتي]

زيدي المبلغ ١٠٠ يعني ثانيه ١٦٢٠ وثالثه ١٧٢٠

 

[ماريا 2006]

كوكواذيتج بس تستاهل هالمبلغ
ومشكوره