تجمع مدرسه كيمبرج الانجليزيه ( المنقف ) 2011/2012

[مس روبنز]

كوكو لاتي يعطيج العافيه حبيبتي

خذينا الملابس اليوم الصبح والدوامات بتبدي مع الحكومه الاسبوع الجاي

ودي بصراحه يعطلون اجازاتهم وتصير مثل كلامهم إنها متوافقه مع عطل واجازات الحكومه بدال الخربطه اللي تصير كل سنه
كله يخربون عطلنا وما يصادف إلا اسبوع من اجازة الباقي سواء بأولها أو آخرها​

 

[مررريضه]

مرحبا انا محتاره بولدي اهوا ثانيه روضه وحابه اني اداخله مدرسه خاصه ومحتاره الكمبيرج الروضه يعلمونه الكتابه

 

[مررريضه]

حبايبي الي عندها معلومات عن المدرسه بخصوص المستوى الي يطالع فيه الولد ترد علي بليز لان باجر بروح اسجل ولدي

 

[كوكو لاتي]

والله ما ادري اذا يعلومنه الكتابه او لا انا ولدي اول سنه معاهم وانشاءالله خير بس المدرسه زينع وقويه بشكل عام

 

[ابي قطوة ميوووو]

الله ايااااااااااااااااااااااااااااام
هذي كانت مدرستي بالكي جي بس بعدين طلعت :$ خخ
بس ترا استغلو هالجم اسبووع اذا عيالكم كانو روضة حكوومة علمووهم الاحرف الانكليزية واللاوان والفواكه وهالاشيااء لانه اساسية بالنسبة حق الروضة ومدارس الحكومة مخاذينها الروضة لعب مايعلمون الا نادر فنصيحتي دربو عيالكم على هالاشياء قبل المدارس وشكرا :**

 

[عروس الحب]

مرحبا انا بنتي kg1 يبدا دوامها الاربعاء 14 سبتمبر وkg2 الخميس 15\9
واليوم اشتريت ملابسها
ربنا يوفق اولادنا جميعا ويحفظهم

ووناااسه مع بنتي انا اتصلت فيهم قالو دوامهم الكي جي 1
تاريخ 14تسعة
ويقولون الملابس كل شي منهم والله راحة بس ماتدرين بجم تكلف الملابس!!!!

 

[كوكو لاتي]

انا اخذت حق ولدي بنطلون وقميصين ولبس رياضه وكرفتتين ب ١٩ والله سعرهم زين

 

[عروس الحب]

اهلين كوكو

انا رحت اليوم ملابس البنات خالصة خذيت القميص رقم والنفنووف رقم وطلعو كبار علي بنتي لازم ابدلهم امبيه تخيلي النفنوف مافيه شعار ياربي شنو هذا
وللبعد لبس الرياضة مالهم يلووع الجبد
صاااجه اسعارهم حلووه

 

[كوكو لاتي]

صاجه عروس الحب

لبس الرياضه يلوع الحبد جنا بجامه والخامه اي شي شكله غسله وحده ويتوسع

بس ليش النفنوف ماعليه الشعار ؟؟؟

*

 

[ام عبودي1]

مرحبا
أمس رحت خذيت قميصين وخام حق البنطلون
ونسيت لبس الرياضه ما خذيت

دوام أولى ابتدائي يوم الثلاثاء الجاي

الله يوفقهم يارب.

 

[عروس الحب]

اليوم دقيت عليهم قلت ابي ابدله لبسها كبير تكلمني بتلفون مصريه نفسها خايسه مادري شلون حاطين وحدة نفسها جذي ترد علي الناس

 

[كوكو لاتي]

عروس الحب يمكن المصريه زهقانه من الزحمه والغرفه صغيييره وحر موت الله يعينها انا لما اخذت الملابس

قتلها اذا المقاس مو مضبوط ارجعه ابدله قالت عاادي

 

[كوكو لاتي]

اب اب اب

منو تعرف طلبات يير ون ؟

 

[في عينيك عنواني]

مافي طلبات معينة هي الشنطة واللانش بوكس وعن الادوات هايبعتوا رسالة مع الطالب
وعموما هي اقلام رصاص والوان خشب ومحاية وفولدر او اتنين
الله الموفق

 

[في عينيك عنواني]

اول يوم سيكون هناك اجتماع مع مدرسة الفصل ولا تقلقي

 

[كوكو لاتي]

مشكوووره حبيبتي
بس اول يوم ناخذهم معانا نفس الحكومه ولا نتركهم بالمدرسه ؟؟

ولاي ساعه دوام يير ون ؟

 

[اجمل احساس ..!]

السلام عليكم ورحمة الله وبركاته,,’

انا ولدي بيروح كي جي 1
وباجر راح اشتري له ملابسه منهم.
ولنا عوده ان شاء الله

 

[ipink]

بلييز قولولي شلون تاسيسهم للروضه وحضانتهم تنصحون فيها؟ والمدرسه وين مكانها بالضبط ؟ ودوامهم من ساعه جم لي جم؟ واي عمر ياخذون الروضه عندهم؟؟

 

[كوكو لاتي]

انا ولدي اول سنه له بالمدرسه بس سمعت ان تأسيسهم وايد قوي
اهيا بالمنقف مقابل مركز سلطان والعزيزيه دوام الروضه لي الساعه وحده

 

[كوكو لاتي]

الروضه ياخذون 3 سنين وتص اعتقد