تجمع لمشتركات نادي (( كيرفز )) تعالو فيدو واستفيدووو

[فـرفـر]

اهلييين بالغزلاااااااااان
انا لي اليوم 3 يوووووم انا بفرع ديسكفري حده هاادي وللي هنااك باداره النادي يجنووون

انا مابي اضعف بس ابي اشد وليااقه

بنات هالنص ساعه جم كيلووري تحرق ؟؟
سمعت من رفيجة اختي تقول 200 سعره حراريه وفي بعضهم يقولون 400؟

وين الصج

 

[وردة النرجس]

اى فرفر انا مرتين لعبت فيه حلو

والمدربات كلهم روعه

وباجر إنشالله بروح ألعب الصبح وناسة بس نص ساعه وخالصة

وماأدري انا سمعت من حجي المدربات أن بين 200 لي 400 كالوري تحرقين إذا لعبتي حيل

 

[_zahra]

انا بعد مادري !!! لشكلكم مو متان نفسي عيل انا يبيلي تقريبا وايد انزل فوق ال30 كيلو ,,,,,يا رب تعطينا القوة والاراده والصحة والعافيه

 

[_zahra]

مرحبا بنات,انا باجر راده عالنادي توقفت لمدة 5 ايام بسبب الحلوة ,,

 

[وردة النرجس]

إنشالله تنزلينهم بصحة وعافية

انا موقفة لمدة 5 ايام علشان بكون بالخيران

بس بحاول امشي إهناك

 

[فـرفـر]

انا امس مارحت
الهبوط ذبحني صايره ماتحمل اى مجهود لو انه خفيف

باجر ان شاء الله برووووووووح

 

[فـرفـر]

اليوم رحت الصبح حده هااااااااااااااادي
حبوباات لما تعدون نبضاات القلب دايم معدل النبض عندكم جم

انا احس انى ماعرف احسب بطيئه بالعد؟

 

[_zahra]

مرحبا بنات شلونكم,,اليوم رحت الساعه 2 لعبت ورديت البيت عالثلاث تغديت شوربة خضار وسلطة وكفته والحين بريح شوية,,انا اول راوند يطلعلي بو16 او 17 وثاني جولة بو20 او 22 ,,وبس وسلامات فرفر ماتشوفين شر واجازة سعيده بالخيران وردة

 

[سنبلة]

وين افرعهم وبجم الاشتراك؟

 

[_zahra]

هلا اخت سنبله في بالسالمية والشعب والجابرية وديسكفري مول الثلاث اشهر ب112 اعتقد والسنة ب300دينار.. انا صارلي 5 ايام بس

 

[وردة النرجس]

قوه بنات

أكلمكم من الخيران

لعبت يوم السبت بفرع الشعب الصبح وناسة شرح يدخله الضوء من كل مكان يعني مو بسرداب نفس الباجي

وطبعا بالخيران ماكو مجال أنج تسوين رجيم الجو مايشجع فقاعده أخربط

وقاعده أمشي نص ساعه على الأقل وبس

 

[hello.kitty_85]

بنات الحين فرع الجابريه بالسرداب ؟ انزين ماكو سوالف جاكوزي وساونا ؟ وبجم اشتراكهم بالسنه وتنصحوني فيه والا لأ انا بخاطري بمكان يكون فيه سونا وجكوزي وسباحه ورقص وخرابيط وين تنصحوني ؟

 

[فـرفـر]

8
8


حبوبه النادي نظامه غير النوادي
اجهزه معينه وكل جهاز تقعدين عليه نص دقييقه

بصرااحه لي 10 اياام واحس جسمي بداي شد الحمد الله

روحي وشوفيه اانا بفرع ديسكفري شرح وحلووو

 

[وردة النرجس]

السلام عليكم

انا وقفت 5 أيام مالعبت كنت بالخيران

واليوم مارحت علشان الدوره إنشالله من السبت راجعه بقوة وحماس

 

[_zahra]

مرحبا فرفر وردة شلونكم,,,يالله عوضينها وردة ان شالله ,,انا احاتي تاريخ 24 الشهر بياخذون وزني ومقاساتي ونسبة الدهون مرة ثانية وان شالله يا رب مواظبتي اليومية تييبي نتيجه علي الاقل,, لو كيلوين نازلة مع المقاسات زين ان شالله,,

 

[_zahra]

مرحبا بناات شلونكم,,في حد قرب موعد اخذ وزنه وقياسااته ؟؟

 

[فـرفـر]

اهليين زهوووراا
اانا اخر الشهر اخذ قياسات لانه للحين ماكملت الشهر

وجتني الدوره بوووقف رياضه هالاسبوع

 

[_zahra]

يالله يعطيج العافيه ريحي عيل,, توني راده من النادي بريح وكليتلي رووب ماني ناوية اتعشي مو حاسة بيووع

 

[وردة النرجس]

السلام عليكم

عفيا عليج يا زهرا زين تسوين واظبي وراح تشوفين نتيجة مبهره

وصدقيني راح تتفاجأين بنتيجة أخذ القياسات وقولي نرجس ماقالت

انا الإسبوع الياي موعد قياساتي

وأكيد راح أعلمكم

 

[_zahra]

صج الاسبوع الياي انا اللي بعده تاريخ 24 ويااارب في نتيجه مع اني احس اني مو نالزة شي ليما الحين,,يا رب عاد انا متحمسة لج ان شالله خير وتكوني نازلة