تجمع لمشتركات نادي (( كيرفز )) تعالو فيدو واستفيدووو

[نجمة فجر]

انا مشتركة بس بفرع قطر

صار لي شهر

ماشي الحال زدت كيلو مدري ليش رجيمي عادي مو قاسي

اختي موشرط تاخذين سنه
انا مسجله ثلاث اشهر بس واذا ابي بمدد
ثلاث اشهر طلعت لي 1375 ريال قطري تقدرياً 100 دينار

 

[zqertya]

بغيت اسال الي بالسالميه وين صاير ؟؟
وبجم اشتراك الشهر ؟؟

 

[بمبة المفترسة]

اللي بالجابرية اي صوووب
وتلعبين بس نص ساعة مايصير اكثر
واذا بشترك شهر يصير

 

[almulla_11]

مرحبا
يعطيكم العافية على الموضوع انا بعد أسأل
(((اللي بالجابرية اي صوووب
وتلعبين بس نص ساعة مايصير اكثر ))


::::::::::::::::::::::::::::::::::::::::::::::::::

 

[_zahra]

مرحبا بنااات,,ودي البنات اللي قالو سجلنا ببداية الموضوع يفيدوني لأني ابي اشترك ومتردده بين كثرة هالأندية وانا متينة وابي انزل 25 كيلو تقريبا ادري مو شي سهل وماني مفكرة انزلهم بسرعه,,بس بيفيدني ؟ ودي اقري تجارب البنات اللي نجحت معاهم قكرة النادي؟؟

 

[_zahra]

للرفع والافاده بليز

 

[_zahra]

للرفع والافاده

 

[وردة النرجس]

انا والله بنات من مؤيدي كيرفز

إشتركت فيه اول شي لمدة 3 شهور

بس بعدين من أول شهر حولت إشتراكي لمدة سنة


والله راح تشوفين نتيجة حلوه إذا إجتهدي وثابرتي باللعب وييتي 3 مرات بالإسبوع

وطبعا لازم تسوين دايت وياه علشان تشوفين نتيجة طيبة

وان الحين صارلي 3 شهور وياهم وطبعا أول شهر نزلت وايد والي بعده هم نزلت

بس الحين أخر مره بس 2 كيلو نزلت لأن قالولي المدربات هذا شي طبيعي لأن كل ماقل الوزن يصير النزول أبطأ

وكل شهر يآخذون قياساتج

بس أهم شي تخففين اكلج وايد علشان تحسين بفرق

 

[_zahra]

تسلمين يا قلبي انتي بردتي قلبي بردج هذا ,,والله يسعدج ان شالله,,انا رحت لهم اللي بالشعب وان شالله بشترك اللي مدته سنة والله كريم يا رب

 

[meen_ana]

بناات خااطري اسجل في الانه ماعندي وقت وهذى يختصر الانه وراي بنتى الصغيروونه بشووفها وبقعد وياها وشنو نظام الرجيم للي اتبعه برايكم

 

[_zahra]

مرحبا مين انا ,,انا رحتله امس والمكان فعلا صغير بس فكرته جذي والاجهزة علي اساس تحرك كل جزء بجسمج ويقولون انها تكفي هالنص ساعه انج ترفعين مستوي الدم والاوكسجين بجسمج وتحرقين سعرات وتشدين جسمج ,,والله كريم ويوفقني ان شالله وانزل وزني واشد جسمي ,,شغلة مو سهلة والله كلش

 

[7atoto]

اهوا صح صغير بس هذي كل الاجهزه اللي تحتاجينها عشان تحركين كللل عضلاتج
وترا يصير كل يوم تورحين هذا اللي قالولي اياه ليما رحت .. بس نص ساعه حتى لو كل يوم

 

[_zahra]

صح كلامج صااجه بس ممكن اسالج لآن شكلج مجربتهم ..شنهي اللي استفدتيه منهم ماعليج امر وهل نزل وزنج عليه؟

 

[_zahra]

ونسيت اسال شرايج معا النادي المساج انتي جربتي جذي؟

 

[وردة النرجس]

تسلمين إختي العزيزة زهرا على الدعوة

والله يوفق الكل لنزول بصحة وعافية

وتقدرين تروحين كل يوم إذا تحبين عادي

والدايت احسن شي تكوين مع إخصائي تغذية مثلا علشان يعطيج النظام المناسب وتنزلين معاه

وإذا الميزانية ماتسمح

إخذي نصحية من إختج

حاولي تتريقين الصبح عادي الريوق المتعارف عليه

والغدا تبتعدين عن العيش وتآكلين إيدام خالي وتكثرين السلطة

والسناك العصر حاولي يكون نوع واحدمن فواكة

وإذا إشتهيتي الحلو والكاكاو تقدرين تآخذين الكاكاو الميني الصغير الي يي بجياس

والعشى خل يكون مبجر يعني بعد ال9 مثلا لا تآكلين شي وخليه مثل الريوق يعني توسته وجبن لايت أو شاي حليب وبسكوته دايجستف

وراح تشوفين نتيجة بإذن الله

وطبعا لا تنسين تشربين ماي وااايد تقريبا 2 لتر باليوم ضروري لأن الماي اهو الي يساعدج على النزول بتسريع عملية الإيض

والله يوفق الجميع

والنادي صج راح تشوفين الفرق بعد شهر وراح تلاحظين شلون راح يشد جسمج بس لعبي صح على الأجهزه وشدي حيلج بإلتزام الحضور

بس نصيحة ثانية من إختج أحسن لا تروحين كل يوم علشان لا تملين يعني رتبي جدول يوم نادي ويوم مشي ساعه او نص ساعه إذا تقدرين

وسلامتكم

 

[_zahra]

وردة النرجس انتي اكثر من رائعه وتسلمين علي هالرد الطيب والله يوفقج دنيا واخر ان شالله ,,وان شالله بتبع تعليماتج وانا من باجر ببدي باذن الله وصاري يومين اخفف واه مشي عندي الريوق والعشا قاعده اخفف واحاول اتعشي مبجر ويكون شي صحي,, والله يوفق الجميع ياا رب وجانزين الباجي يشاركونا بتجاربهم بنادي كيرفز

 

[_zahra]

للرفع ,,,,

 

[وردة النرجس]

حياج حبيبتي زهرا

كافي دعوتج الحلوه لي

وإنشالله توصلين للوزن تبينه بس قوى إرادتج

 

[_zahra]

يا رب يا وردة النرجس,,ان شالله اجمعين,,اليوم اول يوم لي وكانت بداية حلوة ,,ولان غداي كان خضار مشكلة وتبولة و2توستت اسمر فبعد النادي يعت كثير,,قلت امر لو فات وخذيت توست الحلوم وسلطة الحمدلله,,

 

[قطوه ملثونه]

حبيباتي بغيت اسالكم جم اشتراك 3 شهور
واشتراك السنه ؟