تجمع للصف الاول ابتدائي للعام الدراسي 2012 / 2013

[شيهانه شماليه]

السلام عليكم


شلونكم

اشتقت لكم


انا احاتي ولدي 


بس قاعده ادعيله ربي يحفظه من كل شر

اممممم

وان شاء الله لي عودع اكتب لكم شنو طلبات مدرسته لانهم يعطونا ورقه


بس ودي ادق عليهم نفسج لكن من وين اجيب الرقم ؟؟


يمكن امرهم الاحد او اقول لابوه يمرهم هم علشان يشوف الملف لانه كان بخاصه بالروضه


الله يوفق عيالنا كلهم

بدا الجد خلاص واللي بجر نفسي بتفقد شغلات واجد خصوصا النوم عند الاهل 

 

[ام مريووووم]

ام البراء بالتوفيق وناطرين تجربتج
اما شيهانه الله يحفظ ولدج ويعوضج عن نومة اهلج هههههههههههه بس اتوقع عادي روحي الخميس ونامي وبالليل ردي للدراسه والتسبح والنوم مبجر

 

[Alias]

متي دوام اولي يوم الأحد ولا الاثنين

 

[الوردة المكنونة]

الدوام الاثنين حفله تروحين معاهم المدرسه لين يخلصون حفلتهم ووزعون الكتب ويردون معاج البيت

 

[ديانا سبنسر]

انا بعد ولدي هالسنة. اولى ابتدائي خلصت اغراضه بس باقي لبس الرياضة وابي اشتري له ملفات زيادة والله يوفق عيالنا ونشوفهم باعلى المراتب

 

[ام مريووووم]

حياج الله ديانا والله يسمع منج
تتوقعون باي الاسبوع يدرسونهم والا كالعاده ضحك ولعب وجد وحب :eh_s(9):

 

[الوردة المكنونة]

كالعاده اول اسبوع لعب لين يجهزون جداولهم ويردون مدرساتهم

 

[Q8_QT]

شلونكم بنات
تعرفون دورات زينة لتحفيظ القرآن ودي ادخل ولدي ياليت اللي تعرف تفيدني

 

[شيهانه شماليه]

باجر الميدان ياحميدان


انا موقادره انام 



الله يوفقهم

 

[بقلبي انت]

يووووه يابنات ولدي جنني مو راضي ينام وشايل فكرة المدرسه من باله عباله نفس الروضه كل شوي جايني ابي عشا
شوي بطني يعورني شوي ابي اسهر مافيني نوم جنني والله
وابوه كان بحطه بمدرسة فحيحيل النموذجيه بس وايد بنات ذموها يقولون مو مثل مستواها اول من تغيرت الناظره
وانا وابوه هوشات مابيه يدخل النموذجيه ابيه يروح الحكومه وبالنهايه انا ربحت كنت ابي النجاة بس مافي تسجيل
اكتمل عددهم

يالله موفقين عيالنا باجر وبداااا المشواااااار

 

[بقلبي انت]

هههههه شيهانه شكلج انتي بداومين مو ولدج

 

[ديانا سبنسر]

الله يعينا على اول شهر وبعدين سهالات

 

[بقلبي انت]

امهات وينكم شخبار اول يوم

انا رحت مع ولدي الساعه 7ونص قعدنا بالمسرح بس اربع صفوف اولي بالاول ولدي خاف وفيه رهبه
لكن لما شاف ربعه كانوا معاه بالروضه استانس وطيح سوالف معاهم وخليته يشارك بمسابقه وفاز فيها
وكل شوي هديه او لعبه من ابله وخذوهم للصفوف عشان يستلمون الكتب واحنا الامهات قعدنا نتقهوي مع المدرسات

بس المدرسه مكانها زحمه حيييل بين روضه ومتوسطة بنات مايفرق بينهم إلا شارع بس

 

[بقلبي انت]

نسيت اقول مدرسة ولدي اسمها صهيب بن سنان بالرقه ق7

 

[Q8_QT]

شلونكم بنات
اليوم صارلي موقف غريب رحت ويا ولدي الصبح عشان اوديه المدرسة عبدالعزيز الغربللي بقرطبة واول مادخلت وعطيتهم اسمه دوروا عليه وقالولي مو مسجل مع انه كان بروضة قرطبة واحنا بطاقتنا على قرطبة اتصلوا على الروضة يشوفون وين مودين ملفه ولا المفاجأة مودينه هشام بن امية بحطين وفعلا رحت هناك ولقيت اسمه والحين محتارة شور يقولي خيرة من الله وشور يقولي اوديه قرطبة عشان ربعه يشوفهم هناك بنات شرايكم أحد سامع في مدرسة هشام بن امية ؟؟؟؟؟

 

[سفرجل]

شئ حلوو بالعكس المدارس الي في جنوب السره ممتازه
وانتي شوفي الطريج تقدرين عليه ولا لا

والله يوفق اعيالكم يارب

 

[المشتاقة لله]

اليوم رحنا انا وولدي الساعه سبع ونص والاستقبال بمدرسة خالد بن الوليد اللي بمبارك الكبير كان يينن شخصيات انقري بيرد والسنافر والسلاحف مابقا شي ماحطوه حق اليهال ونطاطيات وبوب كورن وذره ودونات وحلاو وكاكاو ونسو اليهال عدل غير الهدايا اللي من كل قسم صج ماقصرو الاداره والابلات وكان الاستقبال بالمسرح سوو مسابقات وولدي اشترك وفاز استانس وايد يقولي هذي المرسه حلوه عقب رحنا الفصول واستلمنا الكتب وطلعنا وباجر دوام كامل

 

[اطياب طيبه.أم عبدالله]

سنه دراسيه يديده مباركه عليكم
شدو الهمه وياهم من البدايه وبتشوفون نتيجه حلوه باذن الله

 

[عـــزآآآآآهـ]

شلونكم امهات

الحمد لله عدى اليوم الاول ع خير الله يستر من باجر لا دخلت بنيتي المدرسه وطلعت

 

[الوردة المكنونة]

اليوم رحت المدرسه رديت بناتي لي منطقة الروضه لان العام اخر السنه ابوهم نقلهم فهد الاحمد
حضرت نص الحفله بفهد الاحمد بمدرسة هند بنت اثاثه وطلعت مبجر
رحت مدرسة سميه بالروضه لقيت الحفله خالصه استلمت كتب بنتي ورديت
ونسيت ماخذيت ورقة الطلبات
نفسيتي ارتاحت لاني كنت احاتي الطريج