تجمع للصف الاول ابتدائي للعام الدراسي 2012 / 2013

[شيهانه شماليه]

صباح الخيييييير ..

قلبي يعورني على ولدي مسكين ضعيييييف والجنطه شكبرها 
ماعطونا جدول 

اللهم استودعتك ابناءنا فحفظهم يارب وسخر لهم من عبادك الطيبيين واكفهم شر شياطين الانس والجن

يارب احفظهم

 

[أم عبووووود]

صباح الخير حبيباتي

شلون عيالكم مع المدرسه امس وفرحتهم باستلام الكتب يا عل ربي يوفقهم ان شالله

فكرة كل مادة بملف ممتازه انا اتبعتها مع عيالي اسهل في تبديل الكتب وارتب للشنطه .

حبيباتي عندي لكم نصيحه دايما وانتي تفتحين الكتب ولا انتي تدرسينهم قولي سهل، الله ، بيني لهم ان المنهج سهل وحلووو ولاتذكرين المادة اللي انتي ماتحبينها او صعبه بالنسبه لج عشان ما يتاثرون عيالكم .

حبيباتي اي استفسار او ملاحظه انا بالخدمه بالخاص والعام .

ربي يوفق عيالي وعياالكم ان شالله

 

[غلا 200]

اهلين مبرووووك ع التجمعععع انااا ولدي اولي كسررررر خاطرري احسس تعب علية لانه ضعيف وبسرعة يتعب الله يعيناااااااااااااا

 

[غلا 200]

يااااقلبي ام عبوود انتي مدرسة

 

[غلا 200]

خليججججج معانااااااااااا

 

[ديانا سبنسر]

رحت اليوم علشان انقل ولدي بالمنطقة اللي ساكنين فيها وريتهم عقد الايجار قالو لا لازم يدرس على عنوان اللي بالبطاقة شسوي مدري شكلي بقعد ولدي هالسنة لين نعدل اوضاعنا بس. صراحة مارتحت للمدرسة وللادارة احسها موشي يمكن خيرة الله واعلم

 

[ام عواشوو]

وانا بعد بنتي ضعيفه علي هالجنطه شكبرها
رحنا الصبح وكان في حفله ومسابقات وزعوو
هدايا واستلمنا الكتب وطلعنا. اما اليوم دوام كامل
واحاتي بنتي احسها ماتعرف شي بروحها????

 

[أم عبووووود]

يااااقلبي ام عبوود انتي مدرسة

هلا حبيبتي
لا والله مو مدرسه بس عندي خبره بسيطه من عيالي الله يحفظهم

 

[ام مريووووم]

امس رحنا مبجر نشاط ماكوا لاحفله ولاشي جمعوهم بصفوفهم رتبوا كشوفهم وزعوا الكتب ووقعونا على الصحه المدرسيه صفقوا وغنوا والابله تقولهم اللي تبي ترقص ترقص. الله يهديها البنات خايفين واللي تبجي المهم عدا على خير
جلدت الكتبرتبتهم بملفات كنت مزخرفه كشاكيلها العربي وسومات وستكر الانجليزي رسمت الشخصيات اللي بالكتاب الارنب وهيا وعلي وحطيت الصبوره ورا كل كتاب وحطيتلها الوان واقلام وكل شي وحطيت اكل والمطاره
وداومت ردت تقول مادرسونا بس طلعوا كتاب هذا ودخلوا هذا تقال تعبونا. الظاهر يبون يعودونهم على الكتب وسلامتكم

 

[دلوعة حمني]

السلام عليكم و رحمة الله و بركاته

اول يوم الحمدلله عدا على خير ... بس الوكيلة كانت حييييل حييييل قاسية و ما تعرف تتعامل الا بالصراخ ماحبيتها
ولدي مسكين كل ما يبي يقوم يشترك في مسابقة حسبي الله على ابليس يقعون لين بجى اخر شي و ما رضى يروح مع الأبلة فوديته الصف و قعدته جدام والحمدلله لما رد كان مستانس و شايل كتبه

اليوم الثاني مادرس شي بس خذا الكتب مسكين و الجنطة ثقيل والله بالغصب شلتها!! الله عينهم مساكين احنا استلمنا الجدول و ورقة الطلبات و الصراحة المدرسة حليوة بس اسلوب الوكيلة هو اللي خرب و سلامتكم

 

[ام مريووووم]

الله يسلمج
بس وين الامهات لهيتوا والا قل الحماس؟؟!!

 

[بقلبي انت]

اليوم وديت ولدي المدرسه مادخلت معاه وقفت عند الباب وخليته بروحه يدخل بجي بالاول بعدين سويت حالي معصبه
عليه وسكت وقالي ببوسج ياخذني بالكلام فديته ودخل وصج مادرس اليوم بس قروا سورة الفاتحه والابله قالتلي نبتدي من
الاسبوع الجاي بالتدريس

مدرسته بشكل عام حلوه ومدرساتها حليوات والناظره ماشفتها للحين لكن إلي غثني باب الدخول وخروج
الطلبه صغير وعلي جانب المدرسه يعني زحمه حييل هذا إلي ماعجبني

بس رحت كلمت الاخصائيه النفسيه عن ولدي لان يقطع بالكلام عشان يدارونه اكثر وماقصرت بتابعه اول باول

 

[مروووم]

اشلووووونكم يا امهات
انا اليوم ولدي بماده العربي خلته يكتب اسمه والرياضيات خذا الدرس الاول الانماط ولون
الله يستررررررر
��

 

[مروووم]

منو ولدها بمدرسه الشايجي الي بالرميثيه

 

[ام عواشوو]

احنا للحين مادرسوهم بنتي تقول ابلتها قايلتلها
من الاسبوع الياي انبلش. والله يستر

 

[دلوعة حمني]

السلام عليكم و رحمة الله و بركاته

اليوم ماشي حاله بس صج مبطوطة جبدي من ولدي كل ما اسأله يقولي ماعرف!!! و انا جذي @@
ابيه يتلحلح شوي والله هو شاطر ماشاءالله و يعرف معلومات بس مادري ليش مو متجاوب مع المدرسة هذي؟؟
اليوم عطوهم الأنماط و سورة الفاتحة حفظ و شوية عربي و سلامتكم
بليز اللي عندها طريقة نخلي العيال يتجاوبون لا تبخل علينا و شكرا

 

[ام مريووووم]

مريوم اليوم حاله بالعربي التظليل والرياضيات الانماط عدلناهم بالييت وحطينا ستكر نذرب الصفحه والعربي ماخذه الدفتر اللي تعبت وانا ارسم واللون واحط ستكرات فيه فسطرتلها واحد ثاني الدين سمعتلها الحمد الحمدلله حافظتها بس شرحت المعاني وجاوبنا التقويم والعلوم عدلنا الرسمه كائنات حيه وغير حيه وشرحت لها شلون تميز واللي مو حيه يعني جماد والانجليزي شرحت درسين مع ان الابله بس شفوي والكراسه ماسلموها لهم للحين وسلاااامتكم


الولد العنيد او اللي مايتجاوب اوتقع يبيله تعب. ممكن اول شي بالمساحل والشغلات واللي يحبها بعدها بالتكرار كل يوم اسأله لين ينطق بعدها وهو الحل الاخير احرمه من شغله يحبها مثل الكرتون واقوله ان صرت خوش اردها لك
هذا اللي عندي ان شاء الله ينفعج

الله يهدي عيالنا ويحفظهم

 

[دلوعة حمني]

مشكورة حبيبتي أم مريوم
والله هو اشزينه بكل مكان بس ماحب المدرسة مادري ليش؟؟

 

[ام مريووووم]

دلوعه كحل مؤقت حطيله نوت صغير بالجنطه وبلغي مدرساته انه خجول ومايقول عن الواجب وعيره خل يكتبونلج الواجب الطلبات اي شي يبونه فيها وانشاء الله مرحله وتعدي

 

[أم بتول*]

أنا بنتي لسه ما درسو شي بس عطوها الكتب وورقة الطلبات