تجمع للصف الاول ابتدائي للعام الدراسي 2012 / 2013

[ام مريووووم]

الحال من بعضه ام بتول كله تلوين او توصيل دراسه ماكوا اليوم نفس الشي طلبوا تكتب اسمها والآيه وشلامتج بس حاولي انتي تحضربن معاهم اول بأول وتخلينها فاهمه قبل الباجي علشان يحس الطفل بالتميز ويحب الدراسه وسلامتج

 

[شيهانه شماليه]

الله يوفقهم

ولدي توه اليوم عطوه جدول

الله يعين

 

[بقلبي انت]

عني انا ولدي اخذ سورة الفاتحه وسمعها للابله لانه حافظها وحطتله ستيكر تشقق من الوناسه والرياضيات اخذ
الانماط بس كتاب التمرينات ماحصلته معاه والله خوفي يكون مضيعه والعلوم اخذ كائنات حيه وغير حيه واليوم
شارك معاها وعطته حلاوه خاشها لي عشان اشوفها ياقلبي ومستانس والعربي للحين مادرس شي
الحمدلله احسه كل ماله يتعود عالمدرسه بس للحين يركض عاللعب وينسي الدراسه


امهات شوي شوي عودوا عيالكم عالدراسه للحين مو مستوعبين الوضع عبالهم مثل الروضه لعب وبس
يعني اول مايجي من المدرسه يتغدا وبعدين سأليه شنو اخذ وخليه يلعب ساعتين وانتي
فتشي جنطته عدل شوفي الكتب شنو ماخذ وشنو الواجب والعصر قعدي معاه ودرسيه
بس بين الدروس يكون فيه بريك استراحه ربع ساعه ياكل شي او يشرب عشان مايمل وبعدين كملي معاه
واهم شي لا تعصبين عليه وانتي تدرسينه مسكي اعصابج وفهميه شوي شوي المعلومه واذا كان شيطان
مايسمع كلامج احرميه من شي يحبه وقولي مااعطيك لين تخلص او مافي طلعه باجر او مافي حديقه اي شي يحبه
انا اتبع هالاسلوب ويا عيالي والحمدلله ماشيه معاهم صح

وشغله ثانيه اشتري العاب من بو ميه فلس وكل ما شفتي دراسته زينه ويكتب مع الابله الواجب والدروس ويجاوب
ويشارك معاها عطيه لعبه تشجيع

انا شريت هدايا حق صفه يوزعهم عليهم عشان يكسبهم ويصيرون اصدقاء يتقربون من بعض ان شاءالله الاحد
يوزعهم وبس

 

[الوردة المكنونة]

للحين ما درساو كل مراجعه الرياضيات خذت النمط
الدين الفاتحه

 

[شيهانه شماليه]

شلونكم بنات

انا ولدي بس اخذ اول ثلاث ايات من الفاتحه واهو الحمدلله حافظها وحافظ السور القصيره
والرياضيات الانماط يلون ومستانس حاطتله نجمه
والعربي يكتب اسمه ومستانس ع تشجيعهم
والعلوم ماجتهم
والوطنيه ماجتهم

الاحد عنده بدنيه مادري اخليه يداوم بلبس الرياضه والا البسع فوقه لبس المدرسه احس موحلو يطلع خصوصا بلوزتهم زرقا حقة الالعاب

وبالطو العلوم كنت ناويه اطرز اسمه عليه بس مشكله اسمه فيه لفظ الجلاله ماراح اقدر اغسله بالغساله البالطوا

امممممممم

الكل يقولي لاااااازم تحرصين عليه باولى لانه اذا فلت باولى خلاص ماراح تقدرين عليه

قاعده احاول اشجعه دايم واقول لابوه يشجعه وامدحه دايم واناديه ياذكي ياشاطر واقوله انت بتطلع الاول واعلمه اقوله احمد ربك ترا الله هو اللي رزقك الذكاء وخلاك ذكي

عجبتني فكرة الهديا من ابو ١٠٠ بروح باذن الله وبشتري كميه اخشهم كل ماقدم شي مميز اعطيه

اما فكرة يوزع هدايا ع عيال صفه حلوه بعد ويكسبهم بس ماتوقع يتجرأ ولدي يسويها عاد حيل حلوه الفكره

قولوا لنا افكار نفس جذي علشان نشجع بعض

اي وبالنسبه للمصروف كل يوم اعطيه واوصيه اقوله اكل وجبتهم واذا اشتهيت شي اشتر من المقصف بس. يرد مو معاه الفلوس ولا مشتري اقوله وينه يقول عطيته الصبي ماعنده فلوس ههههههههه شجعته عالكرم بس خلاص الظاهر ماراح اعطيه دامه ياكل وجبتهم تكفي

يارب افرح وتفرحون باعيالكم باعلى المراتب

امنيتي يطلع الاول ع الوائل وينادوني ويرفع راسي  اخنقتني العبره 

 

[Q8_QT]

شلونكم بنات
اول يوم كان متعب حيييل تجليد وتحضير الطلبات تعبت والله
وبالنسبة لولدي اول يوم كان ضايق خلقه ويدور اصدقاءه ويسأل عنهم بس اشوفه الحين مستانس ويقولي تعرفت على صديق يديد بس موعارف اسمه ههههههه انا ولدي مايحفظ اسماء ربعه بسرعة مادري ليش المهم والدروس العربي خلوه يكتب اسمه وبالزووووور ياالله خليته يكتبه لأن اسمه طويل والرياضيات عطوهم الأنماط
بس بنات بسألكم العلوم كتاب واحد ولا اثنين ؟؟ آنا ياني ولدي يقولي يما في كتاب حق العلوم ضايع وآنا ماعطوني له إلا كتاب واحد وموجود قتله يما كاهو كتابك يقولي لأ الابله قايلتلي انت ناسي كتابك

 

[ام مريووووم]

صاج ولدج كتابين في مع العلوم والرياضيات والانجليزي كراسه يحل فيها التمارين
الله يوفقهم تعبكم الحين بتشوفونه جداااام لما يعتمد على روحه مبجر وفعلا الولد اذا مو من البدايه يفلت منج مو نفس البنت
ممكن تسون وسيله للدرس اللي تحظرونه من مجهودج لاتكلفين على عمرج يكون نوع من المساعده للابله بالشرح وماتكلف الا الوسيله وتقسمينها بالنص وتفنني بالالوان والرسم خذي كفكره وتضمنين درجات النشاط
ممكن يسوي ولدج بعد كروت فيها اشكال وارقام واحرف مثل أ. ارنب. ب. بطه يعني ويتزين فيها الصف وسلامتكم

 

[المـــــها]

مرحبا
أنا ادرس رياضيات اولى و ثانيه
أي سؤال أنا موجوده بس بلغوني ع الخاص

 

[ام مريووووم]

جزاج الله خير وكثر الله من امثالج المها

 

[دمعاتي تونسني]

عني انا ولدي اخذ سورة الفاتحه وسمعها للابله لانه حافظها وحطتله ستيكر تشقق من الوناسه والرياضيات اخذ
الانماط بس كتاب التمرينات ماحصلته معاه والله خوفي يكون مضيعه والعلوم اخذ كائنات حيه وغير حيه واليوم
شارك معاها وعطته حلاوه خاشها لي عشان اشوفها ياقلبي ومستانس والعربي للحين مادرس شي
الحمدلله احسه كل ماله يتعود عالمدرسه بس للحين يركض عاللعب وينسي الدراسه


امهات شوي شوي عودوا عيالكم عالدراسه للحين مو مستوعبين الوضع عبالهم مثل الروضه لعب وبس
يعني اول مايجي من المدرسه يتغدا وبعدين سأليه شنو اخذ وخليه يلعب ساعتين وانتي
فتشي جنطته عدل شوفي الكتب شنو ماخذ وشنو الواجب والعصر قعدي معاه ودرسيه
بس بين الدروس يكون فيه بريك استراحه ربع ساعه ياكل شي او يشرب عشان مايمل وبعدين كملي معاه
واهم شي لا تعصبين عليه وانتي تدرسينه مسكي اعصابج وفهميه شوي شوي المعلومه واذا كان شيطان
مايسمع كلامج احرميه من شي يحبه وقولي مااعطيك لين تخلص او مافي طلعه باجر او مافي حديقه اي شي يحبه
انا اتبع هالاسلوب ويا عيالي والحمدلله ماشيه معاهم صح

وشغله ثانيه اشتري العاب من بو ميه فلس وكل ما شفتي دراسته زينه ويكتب مع الابله الواجب والدروس ويجاوب
ويشارك معاها عطيه لعبه تشجيع

انا شريت هدايا حق صفه يوزعهم عليهم عشان يكسبهم ويصيرون اصدقاء يتقربون من بعض ان شاءالله الاحد
يوزعهم وبس

مشكوووووره علي النصايح الحلوه والله يوفق عيالنا
انا ولدي لحد الحين ما درس شي بس الانماط وهو مستعجل علي الدراسه كل مايجي يقول يالله درسيني

 

[بقلبي انت]

دمعاتي تونسني العفو حبيبتي واحنا بهالتجمع عشان نفيد بعض بالنصايح وطريقة التعامل مع عيالنا الله يوفقهم وينور دربهم

بالنسبه لملابس الالعاب طريقة مدرستنا الطالب يلبسهم تحت ملابس المدرسه لكني انا مو مقتنعه بهالشي
احس يضايق الولد يعني يلبس بنطلونين غير السروال الداخلي اكيد سيور البناطلين بتضغط علي بطنه وبيتضايق بروح واشوف
شنو يقولون يمكن اغير قانون اللبس >>>حد الثقه
لا صج والله اول مدرسه تمر علي جذي العاده اشوف مدارس الصبيان يلبسون لبس الالعاب باليوم اذا عليهم واذا ماعليهم
يلبسون البنطلون والقميص

 

[ام مريووووم]

معاج حق بقلبي انت يعني ابتدائي طول الاسبوع بدنيه مو معقوله كله لابسين تحت ملابسهم موت حر حرام
غيري القانون واحتا معاج :eh_s(1):

 

[دلوعة حمني]

السلام ليكم و رحمة الله و بركاته ....

الصراحة تجمعا حو و لو ان المشاركات قليلة

ولدي عطوه انماط و مستانس عليهم علشان تلوين ... و الدين عطوه الفاتحة الحمدلله حافظها فالأبلة قالت له شاطر و حطتله نجمة صج طاير من الوناسة...فديته
عنده صديق اسمه احمد سويتلهم اوريو كب كيك علشان باجر تاكلونه مع الريوق ...لان ولدي مايحب الأكل اللي يوزعونه فاعطيه انا من البيت ريوقه
لعلوم طبعا كائنات حية و غير حية سويته على اللوحة اللي في البيت شكال و انماط حلهم ماشاءالله
و حضرت حق بكرة الله يسهل عليهم و يوصلونالى اعلى المراتب قولوا امين

 

[لوزين]

ادري داشه عرض

بس بغيت طريقة اوريو كب كيك ولدي يحب هالسوالف بس انا ماعرف


وبالتوفيق لعيالنا وعيالكم يارب

 

[شيهانه شماليه]

صباح الخيييير




لاتنسون الدعاء لعيالكم واستودعوهم الله


موفقين ويارب يارب نشوفهم باعلى المراتب

 

[شيهانه شماليه]

انا ولدي كلللش ماياكل غصب يشرب حليب الصبح عاد كل يوم بالليل افكر بريوقه واتفنن له وغير بس ماكو فايده

انا حيل احب الريوق لازم الطفل يتريق اهم شي بس للاسف ولدي مو يم الاكل كللللللش واذا قعد عالسفره يفهي 

 

[pinkmoon]

صباح الخير
انا بنتي باولي ابتدائي وتقريبا بنتي نفس عيالكم مايعرفون حق الابتدائي للحين بيلعبون بس ودي اتشارك معاكم دامكم يبتوا طاري الوجبات انا بنتي عسرة بالاكل واول يوم دراسة ماكلت ولاشي والوجبات اللي عطوها حطتهم بالشنطة ويوم رحت خذيتها بالهدة لقيتها مسكينه ميته يوع جنها صايمة بس تبي تلعب وماتحب تتريق شنو اقتراحاتكم للريوق والعشا وجزاكم الله خير

 

[شيهانه شماليه]

بنك مون

والله العظيم نفس مأساتي بالاكل مع عيالي كلش ماياكلون وكل شي نجيبه لهم ونشكل ونغيير ماااكو فايده اصلا مبين ع هيئتهم ضعاف وقصار الله يهديهم

شوفي في موضوع مثبت اقتراحات للوجبات وتلقين بقسم التربيه والطفل بعد موضوع مثبت للوجبات لو اعرف احط روابط حطيتهم لج بس السموووحه 

اتمنئ فدتج

 

[شيهانه شماليه]

اليوم انا لبسته لبس الرياضه وفوقه لبس المدرسه وحصة الرياضه ثالث حصه قلت له اذا خلصت حصة الرياضه لاترد تلبس لبسك خلك بلبس الرياضه حرام الظهر حرررر يجيني وجهه طماطه واهو لبسه الرياضه شورت مو بنطلون طويل احسن بهالحر ولمن شفت لبس عيال المدرسه اشوا ولدي مرتب الحمدلله لانه بعضعم جم البلوزه الرياضيه طالع من تحت جم القميص ولدي يلوزته جمها اقصر من جم قميصه
كان مرتب فديته ربي يخليه لي واشوفه رافع راسي دووووووم وعيالكم بعد يارب

 

[om deaj]

انا بجري توه دش اولى ابتدائي
بصراحة الحكومة لازم تصرفلنا معاش شهري بس للقاعدة لانه الروضة الله بالخير ماميش يدرسونهم اي شي

انا ليلحين استغربت ابلة العربي طالبة منه دفتر للتعبير؟؟؟
اهو خل يكتب اسمه بعدين طلبي منه يعبر

وشغلة ثانية انا جنطة ولدي حجمها زين ماخذتها من مركز سلطان ويادوب تكفي الملفات
شالتفقق كل ابلة تبي ملفها بروح والوانها بروح

ولا سالفة انه يبدل لحصة الالعاب
على بو انه الناظرة تبي الالتزام باللبس المدرسي القميص الابيض والبنطلون الرمادي
ولدي يبدل بروحه بس انا ماحب يبدل جدام احد ومعلمته انه هذي عورة وعيب حتى ماما تشوفها

هذا الموقع راح يفيدكم وايد وتحصلون مدرسين يفيدونكم اذا بتسألون عن اي شي
منتدى ياكويت