تجمع للصف الاول ابتدائي للعام الدراسي 2012 / 2013

[om deaj]

موضوع الوجبات

مايحب اكلهم ولا ياكل وصدمني لما دريت انه عندهم مقصف
يهال متى يمديهم يشترون وياكلون
انا احطله وجبة خفيف وبسكوت وقمت اعطيه مصروف بايده

 

[om deaj]

وبصراحة انا وايد متفائلة من اليهال لانه دراستهم حدها خفيفة ومافي شي جايد
استغرب من الي يقولون صعبة مناهجهم؟؟؟

ياليت المدرسات يشاركونا بوجهة نظرهم لانهه احنا الامهات بتاخذنا العاطفة على عيالنا واهمه ادرى بقوانين المدرسة

 

[om deaj]

للعلم انا جربت التدريس مادة العلوم بمدرسة صبيان وايد كرهت عمري شهر وانحشت وقعدت في البيت خاشة اعصابي عشان الي عندي
راجعو لعيالكم اول باول وعلموهم المحافظة على نظافة الدفتر ومكانه بالصف
علموهم هالشغلات الاساسية

اذا تعرضلك صبي
1- وخره عنك
2- بلغ اقرب شخص كبير ويفضل تكون المدرسة
3- لا تحتك بالصبيان الكبار ولا تروح صوبهم
4- لا تسمع كلام اي صبي كبير يناديك او اي ريال برة عند باب الهدة
خرعوهم شوي انه يبوقون اليهال وماراح اشوفك وجذي
زمن يخرع لا يامن لاي احد

ويفضل تحفظونهم ارقام الموبايل للام والاب

 

[بقلبي انت]

والله سالفة لبس الالعاب تحت الزي المدرسي مصخره والله حرام حر احنا يالله متحملين ملابسنا الخفيفه هالدور
بلوزتين وشورت وبنطلون لجاهل عمره 6 وبعضهم 5 ونص مثل ولدي عشان بريستيج المدرسه وطلب الناظره !

المهم خليته يروح بلبس الالعاب بدون لبس المدرسه وعادي الوضع ماشي ماقالوا شي

الريوق المفضل عنده كورن فلكس كوكاو او الديك او بقصم سمسم الفيصل بسسسسس غيره ماياكل

اعطيه اكل بطاط وعصير وكيكه او بسكوت معاه للمدرسه طبعا ولدي كريم يوزع علي الربع ومايبقاله شي

وسالفه التحذيرات انا معلمته مايماشي احد اكبر منه ولا يروح للكبار يكلمهم وان كلموه يعلم الابله
والله اني احاتي هالشغلات لكني كل يوم ادعي ربي يحفظه منهم ويبعدهم عنه

لااا واليوم الحبيب متهاوش مع واحد يقول قعد يسبنا وطقنا انا وربعي واحنا طقيناه وصطرناه قلت يا حظي وانت بالبدايه
بس وجذي بديت تتمشكل الله يستر باقي السنه شبتسوي طبعا هاوشته وقلت له علم الابله ثاني مره عشان تعاقبه
والحمدلله محفظه ولدي رقمي ورقم ابوه من زمان والله يحفظهم لنا ويوفقهم بدراستهم

 

[بقلبي انت]

مشكوره ام دعيج عالنصايح ودراستهم احس حلوه وبعمرهم مو صعبه والولد يفهم بسرعه
خاصه الصور والالوان اهي تخليهم ينتبهون اكثر ويحبون الماده

بس ولدي للحين مادرس العربي ولا كتب شي بالدفتر
وصج الابله خذت دفترين تعبير واملاءبس غير الواجب والصف يكونون معاه

 

[أم بتول*]

أنا بنتي لسه بالعربي ما بلشو فيه ولا كتبو شي بس بالرياضيات بلشو بالنمط والدين اخدو بكتاب الاسلامية درس وبالعلوم درس
والباقي لسه
الله يوفق الجميع

 

[دلوعة حمني]

الله يوفقهم و يحميهم و يخليهم لنا قولوا امين

بالنسبة للأكل انا عيالي حيييييل دقيقين مادري طالعين على منو ؟؟؟

قمت اسوي لهم الأكل اللي يجذب انتباهم كب كيك ريمبو ... جوز الهند حق ولدي خليهم يساعدوني و اسوي البيتزا و هم يحطون المكونات اللي تعجبهم

بالنسبة لكب كيك الأوريو ...

المقادير :
125 جرام زبدة طرية
3\4 كوب سكر ناعم
1 ملعقة صغيرة فانلا سائلة
3 بيضات
1 1\2 كب طحين
1 1\2 ملعقة صغيرة باكينج باوردر
1\3 كوب حليب
1\2 كوب اوريو مفتت تلقينه جاهز في الجمعيات

الطريقة:
1- سخني الفرن لى درجة 180 و جهزي صينية الكب كيك و فيها الورق
2- اول شي اخلطي الزبدة و السر لين يصير لونه اصفر و قوامه خفيف
3- حطي البيض وحدة وحدة و معاهم الفانيلا السائلة.
4- انخلي الطحين و الباكينج باوردر و خلطيهم مع مع الخليط السابق و ضيفي الحليب
5- حطي الاوريو في لخليط و شوي شوي خلطية مع بعض لين يمزج عدل
6- حطي الخليط في اكواب الكب كيك و دخليهم الفرن 25 دقيقة

و بالعافية... بليز اذا استفدتوا من اللي اكتبه ادعوالله يوفق عيالي و يخليهم لي

 

[Q8_QT]

مساءالخير
اليوم رحت المدرسة أستفسر عن كتاب العلوم طلع موموزعينه على كل الطلبة ماوصلهم وانصدمت من ولدي اليوم يقول طاحت منه الجنطة مومسكرها عدل وطاحوا اغراضه ولا كتاب الانجليزي مال التمارين والدفتر موموجودين يااااحسرتي اقوله وينهم الأبلة خذتهم يقول مادري الاغراض طاحت مني والابلة ساعدتني شكلي برد اروح باجر المدرسة واشوف شسالفة
آنا حاطتله اغراضه وكتبه بملفات كل مادة ملف بس ولدي الله يهداه لي خلص من مادة مايرد الكتاب بالملف يحذفه اهو والملف داخل الجنطة



وعلى سالفة لبس الألعاب حتى احنا مدرسة ولدي مايرضون يلبس لبس الألعاب بروح مع ان اول عادي وماشوف فيها شي بس لي الحين شكلهم ماالعبو ولدي يقول ان مافصخ بنطرونه قاعد بهدومه مادري شقصتهم



والوجبات آنا ولدي نوعه مايحب يتريق اول مايقوم من النوم بس انا اخلي الخدامة الصبح تسويله اللي يبي وياكل شوي اهم شي مايروح المدرسة بمعدة فاضية وعادة ياكل بيض او خبز وجبن

بالنسبة للدراسة بالعربي عطوه يكتب اسمه واسمه طويل وهم عطتهم اوراق عمل تلوين والرياضيات خذوا الأنماط والاسلامية سورة الفاتحة والانجليزي جنهم مابلشوا ماشوف يعطونه شي والعلوم اخذ حصة الاسبوع اللي طاف وباجر الثانية

 

[لوزين]

دلوعة حمني تسلميييييييين ياقلبي


والله يوفق عيالج ويخليهم لج يارب

 

[ام عبدالله2006]

:eh_s(15):

 

[أم بتول*]

دلوعة حمني الله يوفق عيالك ويخليهم لك ورح جرب الوصفة إن شاء الله
وانا بناتي ما بياكلو شي قبل المدرسة يا دوب يلبسو بيكون الباص تحت ما في وئت وهنن مو متعودين يتريقيو بكير
يا رب توفق كل عيالنا

 

[بقلبي انت]

مشكوره ام حمني عالمقادير شكلي بسويها لعيالي

كويتيه كيوت ولدي ابلته الانجليزي خذت منه الدفتر وكتاب التمارين بس خلت معاه كتاب التلميذ الوردي يمكن ابلة ولدج
خذتهم وهو ناسي
وسالفة الكتب والملفات نفس ولدي الله يصلحه لطق الجرس حذف الكتاب والملف بالجنطه تحسين يتسابقون منو يدخل بالاول
اغراضه

بس اليوم ولدي غايب جته امس حراره وجسمه حار وراسه من ورا يعوره تحت من عند رقبته انا حسيتها ضربة شمس
لان مو اول مره هذي ثاني مره تجيه ولليوم الصبح حراره توه تحسن الحمدلله


عاد مدرسته اليوم مسوين اجتماع تنويري لاولياء الامور الصف الاول عشان نتناقش معاهم عن طريقة التدريس

 

[Q8_QT]

مشكوره ام حمني عالمقادير شكلي بسويها لعيالي

كويتيه كيوت ولدي ابلته الانجليزي خذت منه الدفتر وكتاب التمارين بس خلت معاه كتاب التلميذ الوردي يمكن ابلة ولدج
خذتهم وهو ناسي
وسالفة الكتب والملفات نفس ولدي الله يصلحه لطق الجرس حذف الكتاب والملف بالجنطه تحسين يتسابقون منو يدخل بالاول
اغراضه

بس اليوم ولدي غايب جته امس حراره وجسمه حار وراسه من ورا يعوره تحت من عند رقبته انا حسيتها ضربة شمس
لان مو اول مره هذي ثاني مره تجيه ولليوم الصبح حراره توه تحسن الحمدلله


عاد مدرسته اليوم مسوين اجتماع تنويري لاولياء الامور الصف الاول عشان نتناقش معاهم عن طريقة التدريس

حبيبي مايشوف شر سلامته ان شاءالله
تهقين لاني سألته يقول مادري بنطر لي باجر واشوف
وحلوة سالفة اللقاء التنويري جان زين مدرسة ولدي يسوون جذيه لاني حدي حايسة وموعارفة ادرسه واهو لي الحين مومتقبل يدرس او يحل واجباته كل شي حنة ولبحة الله يوفقهم ويهديهم يارب

 

[دلوعة حمني]

والوجبات آنا ولدي نوعه مايحب يتريق اول مايقوم من النوم بس انا اخلي الخدامة الصبح تسويله اللي يبي وياكل شوي اهم شي مايروح المدرسة بمعدة فاضية وعادة ياكل بيض او خبز وجبن

حبيبتي مو تدخل مني في تربيتك و حياتك بس لو انتي اللي تسوين الأكل له و توكلينه صدقيني راح ياكل انا عيالي ما يحبون الأكل بس اسويلهم شخصيات بالأكل يعني اقوله هذي بطة و هذي سمكة و طيارة و كل الاشياء اللي يحبا بس علشان ياكلون و مرة عن مرة تفرق معاج....ترى مهما كان الخدم قلبهم مو على عيالنا...و اسمحيلي حبيبتي:eh_s(7):

 

[دلوعة حمني]

دلوعة حمني تسلميييييييين ياقلبي


والله يوفق عيالج ويخليهم لج يارب

اللــــــه يسلمج حبيبتي و بالعافية مقدما و تقدرين تسوين كب كيك على قوس قزح راح يحبونه وااااايد راح احط الطريقة بعد شوي :eh_s(15):

 

[دلوعة حمني]

دلوعة حمني الله يوفق عيالك ويخليهم لك ورح جرب الوصفة إن شاء الله
وانا بناتي ما بياكلو شي قبل المدرسة يا دوب يلبسو بيكون الباص تحت ما في وئت وهنن مو متعودين يتريقيو بكير
يا رب توفق كل عيالنا

مشكورة حبيبتي ... حبوبة خليهم ينامون بكير و يصحوا بكير انا اصحيهم 5:30 علشان يصحصحون عدل :d

 

[دلوعة حمني]

مشكوره ام حمني عالمقادير شكلي بسويها لعيالي

كويتيه كيوت ولدي ابلته الانجليزي خذت منه الدفتر وكتاب التمارين بس خلت معاه كتاب التلميذ الوردي يمكن ابلة ولدج
خذتهم وهو ناسي
وسالفة الكتب والملفات نفس ولدي الله يصلحه لطق الجرس حذف الكتاب والملف بالجنطه تحسين يتسابقون منو يدخل بالاول
اغراضه

بس اليوم ولدي غايب جته امس حراره وجسمه حار وراسه من ورا يعوره تحت من عند رقبته انا حسيتها ضربة شمس
لان مو اول مره هذي ثاني مره تجيه ولليوم الصبح حراره توه تحسن الحمدلله


عاد مدرسته اليوم مسوين اجتماع تنويري لاولياء الامور الصف الاول عشان نتناقش معاهم عن طريقة التدريس

بالعافية حبيبتي ... نبهي ولدج لا يقعد بالشمس وايد... يا ربي لما يسوون مدارس المفروض تكون مضلله او مكيفة احنا صيفنا 11 شهر و الحمدلله على كل حال :tek:

 

[دلوعة حمني]

مقادير الريمبوداش ....( هذا الاسم اللي عيالي يسمون فيه الكب كيك :ioljnmlk: )

المقادير:

1.25 كاس دقيق

1.5 ملعقة صغيرة بيكنج بودر

0.25 ملعقة صغيرة ملح

0.5 كاس زبدة لينة (فى درجة حرارة الغرفة)

2\3 كاس سكر ناعم الحبيبات

1 ملعقة صغيرة فانيليا

2 بيضة كبيرة

0.5 كاس حليب

الطريقة:

1- يسخن الفرن 170م الرف الاوسط

2- يخفق الزبد مع السكر جيدا جدا حتى يصبح الخليط كريمى ابيض هش

3- يضاف البيض والفانيليا ويخفق

4- يضاف الحليب ويخفق

5- يضاف خليط الدقيق والملح والبيكنج بودر تدريجيا مع التقليب بخفة

6- يقسم الخليط على حسب الألوان الموجودة عندنا و يوضع في اكواب الكب كيك بالتدريج

7- يدخل الفرن لمدة 20 دقيقة و بالهناء و الشفاء oster_av1: و فعلا لذيذة

ملاحظات:
1- الالوان تلقونها في الجمعيات او مركز سلطان و غيره.
2- انا اسنخدم اكواب القياس و الملاعق القياسية
3- اي استفسار انا حاضرة :eh_s(22)::33_1185028183:

 

[لوزين]

مقادير الريمبوداش ....( هذا الاسم اللي عيالي يسمون فيه الكب كيك :ioljnmlk: )

المقادير:

1.25 كاس دقيق

1.5 ملعقة صغيرة بيكنج بودر

0.25 ملعقة صغيرة ملح

0.5 كاس زبدة لينة (فى درجة حرارة الغرفة)

2\3 كاس سكر ناعم الحبيبات

1 ملعقة صغيرة فانيليا

2 بيضة كبيرة

0.5 كاس حليب

الطريقة:

1- يسخن الفرن 170م الرف الاوسط

2- يخفق الزبد مع السكر جيدا جدا حتى يصبح الخليط كريمى ابيض هش

3- يضاف البيض والفانيليا ويخفق

4- يضاف الحليب ويخفق

5- يضاف خليط الدقيق والملح والبيكنج بودر تدريجيا مع التقليب بخفة

6- يقسم الخليط على حسب الألوان الموجودة عندنا و يوضع في اكواب الكب كيك بالتدريج

7- يدخل الفرن لمدة 20 دقيقة و بالهناء و الشفاء oster_av1: و فعلا لذيذة

ملاحظات:
1- الالوان تلقونها في الجمعيات او مركز سلطان و غيره.
2- انا اسنخدم اكواب القياس و الملاعق القياسية
3- اي استفسار انا حاضرة :eh_s(22)::33_1185028183:

ماشاءالله تبارك الرحمن عليج
الله يخليهم لج وتفرحين فيهم بأعلى المناصب يارب
:eh_s(7):

 

[ام مريووووم]

صباح الورد امهات
الرياضيات خلصت الانماط والعلوم ماشين حلو العربي قالتلها اقري الاناشيد مادري في حفظ والا لا