تجمع للصف الاول ابتدائي للعام الدراسي 2012 / 2013

[دلوعة حمني]

السلام عليكم ...
الصراحة تجمع وايد حلوو الله يعطيكم العافية...

انا شريت شوية اغراض ما عرفت شنو اشتري ؟؟؟ بس الحمدلله عندي اللي قلتوا عنه

 

[المشتاقة لله]

صاجه ام مريوم ارتب وخصاصا بهالعمر مو عارف شيطلع حق الابله من الجنطه بشتريله اللوح والملفات باذن الله

 

[ام مريووووم]

العربي. كبير صغير. فوق تحت امام خلف بعدها توصيلات سهله
والدرس الاول قصة امل لونها ابيض ماتبيه وتبي الوان نفس اسراء
المستفاد من الدرس يعرف لون امل ابيض اسراء ملونه ونشكر الله خالفنا على نعمه. اي الرضا بقسمة الله

هذا عطيته مويم اليوم مع شوية انجليزي وراجعنا اسمها والارقام وحاولت ابين لها ولو انه صعب طريقة التاريخ بالصفحه
وسلامتكم

 

[ام مريووووم]

وعلى فكره. ناااااامت ثمان ونص اهم شي [/CO

 

[بقلبي انت]

صح كل ماده ملف والالوان الخشبيه حطوها بمقلمه احسن من القوطي مالها عشان يسهل عليهم يطلعون الالوان ويردونها
وبالطو العلوم ينحط مع كتاب العلوم داخل الملف عشان لايضيع واغراض الرسم هم انا احطهم بملف ارتب

وكل ماده لازم نلزق من وراها سبوره لازقه يعني العربي والرياضيات والانقليزي
واذا ماعندج سبوره لازقه جيبي ورقة من كراسه الرسم او ورقة طابعه وجفسيها بعدين جلديها بجلاد شفاف

ودفاتر للعربي 4وللانقليزي2 بس اشتري جم واحد زياده احتياط يمكن يضيع او يخلص يكون عندج ماتتوهقين

 

[بقلبي انت]

ياحليلج يا ام مريوم تصدقين والله احس البنت اريح من الاولاد ولدي الله يهديه عسر يالله امسكه عشان اعلمه
جم شغله ويتأفف ويالله متي اخلص بلعب بلاي ستيشن جنني والنومه للحين ماينام إلا 12 او 1 بالليل

والله اتذكر بناتي قبل كانوا متحمسين للدراسه ادرسهم بالعطله ويندمجون معاي ارتاح لعلمتهم الله وحده بسادس ووحده
بخامس الله يوفقهم ويسهل دراستهم

 

[ام مريووووم]

الله يوفقهم
والله ياختي مشكله انا ذكر اهلي قبل لي ردت المدارس ماكوا بلاي ستيشن والتلفزيون بعد الواجبات والنومه والله امي سبع تنومنا وايام الامتحانات ماكوا تلفزيون نهائياً بس عيالنا الله يهديهم مدلعين ودلالهم صعب

 

[بقلبي انت]

ياحليل اهلنا والله كانوا صارمين معانا وصاجه ماكو تلفزيون وقت الامتحانات والنومه حدنا 9 تلاقين البيت خرمس
وانا نوعيتي جذي ماكو بلاي ستيشن ولا ايبود ولا شي الكتروني إلا الخميس والجمعه بس ماشيه علي هالنظام من دشوا
بناتي المدرسه والنومه 9نايمين

بس والله احس اني بتعب مع ولدي بالتدريس والله يعيني

 

[فجر 1]

قوة امهات اولى ابتدائى ..
الله يوفق عيالكم ان شاء ولا يضيع تعبكم ..
السنه الى طافت كنا نفسكم نحاتى شنو يبون .. واشلون الدراسة
بنتى رايحه ثانية .. الله يحفظه
لاتحاتون سهالات ان شاء الله ..!!
اهم شىء يعرف يكتب اسمه ..
عودوهم على مسكة القلم ..
وعلموهم الحروف عربى وانجليزى ..
والباقى سهالات ان شاء الله ..!!
اى سؤال انا حاضره ..!!
:eh_s(7)::eh_s(7)::eh_s(7):​

 

[المشتاقة لله]

ماتقصرين فجر ١ وربي يوفق بنيتج بسنه ثانيه

اليوم نام ريوضي٩ ونص الحمدلله بدت تتعدل نومته شريت له بالطو علوم وملفات حق كل المواد ووديته بو اميه كودت له من الاستكرات استانس

 

[أم بتول*]

متى الدوام لو سمحتو انا بنتي مدرسة الاخلاص الاهلية بس مو عارفة ايمتى الدوام

 

[مظلومة حيل]

انا بنتي هالسنة اولى ابتدائي وخايفة عليها تنخطف من عند الباب او تضيع وااايوننضم لكم و منكم نستفيد

 

[بقلبي انت]

ام بتول انا إلي اعرفه ان تاريخ 17/9 اول يوم دوام لاولي ابتدائي والصفوف الباقيه تاريخ18/9

مظلومه حييل ضحكتيني والله اشلون طرت هالفكره ببالج قولي تخاف تبجي او احد يطقها لكن تنخطف
ان شاءالله ماكو إلا العافيه ولا توسوسين اصلا اول يومين بتحاتينها لكن بعدين بيصير شي عادي
اهم شي قولي الدعاء هذا لراحت المدرسه اللهم اني استودعتك ابنتي فحفظها لي فانت خير الحافظين

المشتاقه لله والله انا ماخليت استيكر لا عند بوميه ولا بالمكاتب إلي علي شخصية بن تن متحطم فيه ولدي
كودتهم عنده ويقولي ابي بعد الله يصلحهم

 

[بقلبي انت]

مظلومه حيل علمي بنتج توقف بمكان معين عند المدرسه لا تروح يمين او يسار لين تجينها
واصلا المدرسه تحط كل صفوف اولي ابتدائي بالساحه او بالمسرح وانتي تدخلين تاخذين بنتج يعني مامن خوف
ان شاءالله

 

[دمعاتي تونسني]

سلام شلوووونكم بنات شلون استعدادكم للمدارس
انا اليوم رحت شريت لولدي اغراض المدرسه والله الا يشوفني يقول موشايفه خير كل شي شريته وماخليت استيكر وماخذيته ومساطر التزين حتي زوجي انصدم مني يقول بشوفج بعد جم سنه شتسوين وخذيت له طاوله لدراسه علي سبايدر مانكان نفسي اخذ كل الا فالمكتبه من الوناسه
بس باقي ملابس المدرسه بيروح زوجي يجيبها باجر

 

[ام عواشوو]

بعدقلبي حق الي ردو. علي ودخلو. بموضعي فديتكم
ماتقصرون. نفيدبعضنا ونساعد بعضنا والله يعينا
ويهدي عيالنا اميييين.

 

[ام مريووووم]

والله يادمعاتي الحال من بعضه ماودنا ننقص عليهم شي لماخلصت شري تذكرت ابوي الله يطول بعمره وكان مايعجبنا ماقول الا الله يجزا الاهل عن عيالهم كل خير ويصلحهم

اولى يوم الاثنين الجاي بأذن الله وراها باجي الصفوف
وتسلمين يافجر نورتينا الموضوع موخوف كثر ما اهو قلب الام نفس الاخت الي تقول اخاف تنخطف هههههه ضحكتني اهم شي انتي دخليها داخل وماتطلع الا بيدج بأذن الله

 

[المشتاقة لله]

لووووول بقلبي انت طماع وليدج يدري بكرمج ربي يخليج له
اللي تقول بنتي اخاف تنخطف استودعيها الله وحرصو على عيالكم سالفة الحمامات عزكم الله لحد يدخل معاهم من اليهال وحرصو عليهم ان عورتك مايصير احد يشوفها ترا والله رفيجتي مدرسه تقول ابتدائي ونشوف بلاوي كله من هاللي يحطونه بهالالفزيونات ربي يحفظ عيالنا من كل سوء

 

[ام مريووووم]

اي والله يامشتاقه لله. هالتلفزيون فتح عيونهم انا اغلب قنوات الاطفال حذفتها من بينهم ام بيسي ٣ والله سمع اذني تقول بالرسوم كيف تعجبين الشاب هذا الجاسوسات وويراونهم شلون اخدود البنات حمر لما تشوف ولد الله يستر عيالنا الحين ماكوا الا اجيال سمسم الجزيره اطفال وطيور الجنه هههههه. على الاقل تغني ليش تكذب ياوليد

 

[دولمة]

السلام عليكم بنتي كات بلخاص السنة الجاية تروح ثانية ابتدائي بس بوديها حكومة وايد خايفة بس الكل يقول احسن عشان العربي والقران بلحكومة افضل بوايد الخاص مو هداك الاهتمام بس هم خايفة اخاف ماتمشي