تجمع للرجيم- من وزن 69 الى وزن 60 اللي تبي تشترك تتفضل[مدة الموضوع شهر من تاريخه]

[ام _خلودي]

بنات انا بعد ويااكم تصدقون امس وقفت على الميزان انصدمت وزنى صاار 71 بعد ماكانت 69 قمة الاحبااط
فااليوم الصبح بلشت رجيم
اول ماقعدت شربت بطل ماى وبعدهاا بنص ساعه سوتلى بيضتين وعصير برتقال
والظهر على ساعه 2 شربت بطل ماى وساعه 3 ونص كليت تفاحه الساعه 5 شربت قهوة تروبيكانا
والساعة 8 كليت 2 همبرجر مشوى ودايت بيبسى وبس جذى اكون خلصت يومى بالليل كلش قبل لاانام بشرب جاى اعشاب وبطل ماى
اتمنى اضعف ابي اوصل 65 تهقون اقدر بااسبوعين ليش ورى:0bee2e8d89: سفر اخاف انفجر اهناك

 

[سما الكويت]

ام خلودى...

لاتشكين لى وابجيلج!!!!

ان شاء الله تمديج تضعفين...

 

[الحــلا]

الحلا...وزني 67 واتمنى يصير 60 او اقل لوووووول طماعه <<
طولي 161 تعبت كل شي جربته بس ماااينفع او بالاصح اني مااستمر بشي يمكن عشان جذي !!

اتمنى تفيدوني وتفيدون الي نفس حااالتي ...

 

[ام _خلودي]

لووول الساعة 12 وثلث صباحاوللحين صامده بنت قاعده بحضنى تاكل كاكاوو بس لاتهيز فينى شعره كل ماوزنى ابليس تذكرت الميزان ضااق خلقى اشوى واقوم اشر ماى وجاى اعشاب واسوى لولو وياى بنوتى كله منهاا كنت طول عمرى رشيقه 53 وكنت اكل اكل اليهد ولا ازيد جرام من يبتهاا وانا انفجرت عموما الله يخليهاا لى واشوفكم باجر مع يوم صمود جديد بببااااى

 

[سما الكويت]

ماتعشيت..

والحين قاعده اكل تفاحتين..

 

[منانا]

عبقرية كويتيه

سألتيني عن الشواية انشالله اسمها صح واذا لج روحه هناك شوفيها وتأكدي وانا اذا مريت راح اشوف واقولكم

 

[ام عيالها الغاليين]

انا مشكلتي ان يعطوني بين فتره والثانية علاج فيه كرتزون فيزيدني 4-5كيلو ،، وانا اعتبر رشيقة الحمدلله حتى لو وزني يزيد شوي جسمي جدا متناسق ،، بس انصحكم يا بنات تركوا وجبة الغدا لانكم إذا جيتوا من الدوام تعبانين راح تتغدون وتنامون وهذا قمة الغلط أجلي غداج لما تقعدين من النوم وإذا كنتي جوعانه وااااااايد أكلي تفاحة تطير الجوع كله ونامي وأفضل بعد إني حتى لما أقعد من النوم ما أتغدى أشرب قهوتي وبعدين أكل شوية فاكهه وإذا صار المغرب اتعشى شي عادي بس مو متأخر وافضل إن العشا تكون وراه طلعة حق الجمعية أو أي مكان عشان أتحرك أما الريوق فهو مهم جدا بالنسبه لي لازم اتريق عدل عدل عدل يعني لازم أشبع من قلب لأني إذا ماتريقت عدل يومي كله يتخربط بالأكل 000 وسلامتكم

 

[عاشقة_الجمال]

صباح الخير بنات شلوونكم شخباركم

امس ما تعشيت كلش ماكان لي نفس الاكل واليوم اول ما قعدت شربت بس نسكافيه والغدا صدر ديايه مفيوح

سما الكويت

الله يهداج فول بالليل هذا يتم بالمعده
وشنو تروبيكانا 3 في واحد ؟؟ قصدج العصير والا شنو ؟؟

ام خلودي
هلا فيج حبووبه ونورتي الموضوع وتقدرين توصلين للوزن اللي تبينه اذا كان في اراده وتصميم
وان شاء الله بالموضوع هذا كلنا نشجع بعض ونووصل للي نبيه
ههههههههههههههههههههه عاشت جك جك الصامده

الحلا

هلا فيج يا الغاليه امشي نظام تخفيف بالاكل احسن

منانا
اوكي انطرج حبووبه انا ريلي غثني اقووله ودني تروفاليو يقول عندج سياره روحي انتي
وانا مالي خلق اروح احب اروح وياه خخخخخخخخخخ بس اليوم غصبن عنه يوديني

حنانو

هلا فيج يا الغاليه تصدقين انا مو دايما اتريق ما احب الريوق وايد من يوم امي يابتني واحنا متعودين ما نتريق

 

[وافية*]

مرحبا شخباركم ياحلوات
انا من الصبح قاعدة والحين الساعة 12 الظهر وماكليت شي كلللللللش بس عالماي البارد وبتغدى نص دجاجة بدون خبز ولا عيش طبعا وانشاللة اكمل لليل
ياللة شدوا حيلكم واللة ماشاللة عليكم عندكم دافع وارادة قوية بس لاتخربونها عاد)

 

[ام مضاوي]

بديتو الرجيم؟؟


يالله سجلوني معاكم

وزني 65

 

[سما الكويت]

انا اليوم ماتريقت..بس شربت ماى والحين بشرب جاى اخضر..

 

[عاشقة_الجمال]

وافيه

هلا وغلا حبووبه انا بعد اليوم صدر ديايه مفيوحه وماني ماكله شي ثاني وبروح المسيله اليوم
بلبس المايوووه خخخخخخخخخخخخخخخخخخخخخخخخخخخخخخخخخخخخ

ام مضاوي
اي يا الغاليه بدينا وكل يوم احد اهو يوم الوزن وحياج الله معانا

 

[سما الكويت]

سما الكويت

الله يهداج فول بالليل هذا يتم بالمعده
وشنو تروبيكانا 3 في واحد ؟؟ قصدج العصير والا شنو ؟؟

ايه والله يا الغاليه ادرى غلط..بس شسوى..مريت بايام عصيبه..ولازم اكل..لووووووووووول...

تروبيكانا اقصد القهوه..والله لذيذه مع ان مكتوب عليها للدايت ومرضى السكر..

 

[سما الكويت]

اليوم غداى سلطه وربع صدر دجاجه وتوسته سمره..

والحين بشرب جاى اخضر..

 

[حنطاااويه]

بشترك يصير ؟؟؟؟

 

[ام _خلودي]

هاااى شلونكم انا قعدت متاخر الساعة 12 شربت بطل ماى والساعه 3 كليت 4 حبات شيش طاووق مشوى مع شوية دايت بيبسي والحين قاعده اطلع نور ومهند واشرب قهوة تروبيكاناا واى نور شنو رشيقة وبس العشاء راح يكون قبل ساعة 8 وعموما انا مابنام الى فوق ساعة 2 راح يكون خفيف يمكن سلطه مو بيضه وراح امشى ساعة اى صج بعد شوى ريلى بطلعنى الله يستر اوووفيكم بالتقرير الاخير بالليل سي يووو صكوووووووووا حلجوكم بسكم اكل ترا الدنياا فيها اشياء احلى من الاكل خلونا نلبس ونكشخ ونطامر مع عيالناا عيزناا واحنااا بعز شبابنااا

 

[مزيونه وشقره]

يالله ان شاء الله بشاركم انا سويت رجيم الكورن فلكس وعصير اناناس وكيوي وذبحت نفسي نزلت كيلو بس تخيلوا

بس ياربي وزني ثااابت عال65 شسوي ابي اصير 60 او 61

بس ما ادري ليش ثابت طبعا الدكتور قالي وزنج الطبيعي 65 وهذا اللي يناسب جسمج

بس ابي اكثر


ان شاء الله اضعف معاكم


اسمي مزيونه وشقره

الطول160 الوزن65

الرجيم

ترك النشويات نهائيا والكاكاو يعني تقريبا رجيم دشتي

وان شاء الله اكلي بيكون يعني همبرجر مشوي نقانق بيض - روب وحليب- كورن فلكس- نسكافيه - وراح اخذ زينيكال - وشاي رويال بليل قبل النوووم


والله ودي اضعف قبل السفر عشان اخذ راحتي اشوي بالاكل

وراح امشي يوميا ان شاء الله لو ربع ساعه على المشاية

وان شاء الله اكتب يومياتي مع بعض الصور ان قدرت باذن الله


------------




:stars:
:stars:

مع تحياتي ياحياتي

مزيونه وشقره​

 

[ام _خلودي]

:0bee2e8d89:مزيونة سامعه عن الحب من اول انتر
مادرى ليش استانس لماا اشوف نكج المحبة من الله
عموما حياج الله ويانا انا طولى نفس طولج والدكتور بوعباس وهم طالب الشمرى قالوا وزنى المثالى يبلش من 67 الى 59
بس انااا ودى ب53 ريلى يقولى اعطيج مااى عيونى بس عفيه ردى وزنج الى قبل طبعااا قبل الحمال والولاده صااارلى زلزلاال

 

[مزيونه وشقره]

يا حياتي تحبج العااافيه يا قلبي

انا دكتور طالب قالي وزن 66 يناسبج ووزن 65 مثالي بالنسبه لوحده متزوجه وعندها عيال

واذا نزلتي عن هالوزن راح تتعبين

بس انا ابي شلووون كنت قبل الزاج 56 شلووووووووووووووووووووووون يارب ارجع ياارب مابي 56 ابي 60

وي حتى انا زوجي يستانس اذا ضعفت مع انه متين

وان شاء الله تضعفين يااارب للوزن اللي تبينه وبصحه وعااافيه يالله نبتدي مع بعض انا بشوف لمدة اسبوعين جم انزل يارب 4 كيلو يااارب





:stars:
:stars:

مع تحياتي ياحياتي

مزيونه وشقره​

 

[سما الكويت]

حيالله مزيونة المنتدى..

شلون رجيمج الكورن فليكس؟؟

انا تونى شربت قلاص جاى اخضر مراميه وشومر مع قطعة كاكاو الرجيم..