تجمع للرجيم- من وزن 69 الى وزن 60 اللي تبي تشترك تتفضل[مدة الموضوع شهر من تاريخه]

[om keshaa]

صباح الخير بنات انا اليوم ريوقي مابي اكل شربت كوب مارميه وبشرب موكا قبل النادي واذا يعت عقب النادي باخذ رديكتيل اكيد بليل بيووووع فا راح اكل كورنفلكس

 

[عاشقة_الجمال]

هاي بنات صباح الخير شلوونكم

اليوم من قعدت من النوم حسيت بلاعيمي يحكووني شوي دليل بدايه المرض
عشان جذي سويت لي ليموون دافي وشربته والغدا اليوم بيكون صدر ديايه متسلفتها من خالتي خخخخخخخ
اليوم بتسوي غدا برياني دياي جان اقولها خالتي ابي صدر دياي تفوحينه لي ليش اني بودي ولدي الطبيب وقالت لي اوكي
يعني غداي صدر ديايه ودايت كولا وسلطه

قيرل
اي والله صاجه الوحده تكون متعقده من وزنها القبلي تصدقين انا ولددت مرتين والاثنين قيصري
وما كنت اتخيل اني صرت متينه للدرجه هذه من الولاده والحمال والسوالف هذه وريلي بعد يحب المتن فكان يخليني اتمادى
لين حسيت على نفسي وقلت لازم اسوي ريجيم ونزلت الحمدلله وايد والحين كل من شافني قال ما شاء الله وايد ضعفانه
عشان جذي ابي استمر لين اوصل حق الستين عشان ارتاح

سما الكويت
حياج الله يا الغاليه معانا ترى عادي حتى لو مشتركه بألف قرووب
والجاي الاخضر والمراميه والشومر شلون طريقتهم تفوحينهم والا تحطين عليهم ماي حار
وهل حسيتي بتغيرر ؟؟ والجاي الاخضر شنو نوعه الي تشربينه
ما شاء الله عليج ما تاكلين شي

ليموونه

ههههههههههههههههههههه حبيبتي ما في احد ما يموت على الاكل
بس اذا تبين توصلين للي تبينه لازم تضحين شووي

 

[عاشقة_الجمال]

ام كشه

صباح النور والنوير بس ترى ما يصير حرمان جذي يعني لازم تاكلين شي عشان شعرج وبشرتج وعشان جسمج لا يتعب من الريجيم

شنو فايده المراميه الصبح؟؟

 

[سما الكويت]

تونى قعدت من النوم ميته من الجوع..وجسمى ينتفض..شكله من الدوره..الله يعين..

تغديت غدا مبجر..3 ملاعق فول..جبن..جرجير..خياره وطماطه وخس ونص خبزه..واستكانتين جاى عادى..

عالساعه 2ونص او 3..يمكن اكل سلطه والا فاكهه..

عبقريه كويتيه حبيبتي الجاى اللى انا استخدمه الحين الربيع بالنعناع..قبل كنت على توينجرز بالليمون..

لاما افوحه احط بالقلاص ليبل الجاى مع كوره المشخال الصغيره وفيها شوى مراميه ((نتفه بين الاصابع مرتين)) ونص ملعقه وسط شومر..واصب عليهم الماى واخليهم لين يدفى شوى واشربه بالعافيه..

ولاوالله للحين ماحسيت مثل مايقولون البنات ان الجسم يصير صخر بس انا قطعتها فتره وبعدين رجعت يمكن علشان جذيه النتايج عندى بطيئه..

بس الحين ناويه استمر لو قلاص باليوم العوض ولا القطيعه..

 

[عاشقة_الجمال]

سما الكويت

الله يعينج انا بعد علي الدوره وحاسه اني تعبانه بس شنو نسووي لازم نتحمل عشان نوصل للي نبيه

والشومر الي تقولين عنه اهو الحبووب صح اللي بالجمعيه موجودين والا شنو ؟؟

 

[ET_girl]

السلام عليكم شلونكم يا رشيقات المستقبل....

انا اليوم قعدت الساعه 10 ورحت للكليه وهناك شربت كبتشينو على الساعه 1 ونص هم بعد شربت كبتشينو والساعه 3 رديت للبيت وسويتلي خضار نص مطبوخه +روب قليل الدسم وماي
وانشالله لي باجي اليوم بس بشرب كبتشينو
وعلى الساعه 3 العصر حطيت كريم التنحيف مال زين اتات والحين بوح اغسله .....جااااااااااااااااااو

 

[jnawi]

مرحباااااااااااااا
الاسم جناوي
الطول 158
الوزن الحالي 67
الوزن المنشود 55
الصبح قهوه أمريكيه 3 مرات لي نهاية الدوام مع مبيض لايت
الغدى اي شي مشوي بدون خبز
العصاري فاكهتين اي نوع
العشا والمغرب كورن فليكس اي نوع بس يكون اسمر
واتمنى يتحسن الجو ويخف الغبار عشان أقدر امشي

 

[وافية*]

هاااااااااي بنات شخياركم انا اليوم اول يوم لي بالنادي واللة تمصعت حدي ماكو لياقة
اول شي خذت الوزن وطلع وزني (67) انصدمت واللة نزلت من هديت العيش وانا خااااااااسة
وخذت قياساتي كلها وطولي طبعا (160) وانشاللة انزل هال7 كيلو وياكم ياااااااارب
بس من رديت من النادي ميييييييييييتة من الجوع مومترقة جان اخربها بشوية عيش مشخول وانشاللة ماياثر
والحين عالكوفي وبس وانشاللة باجر بعد عندي نادي وبنشوف شيصير ويانا
سما الكويت
عبقرية كويتية
نصيحة يابنات بالدورة لاتسوين رجيم سواء كنتي بنت ولا متزوجة لانح بتضبطين جسمج وتخربين شي ثاني(فاهميني طبعا) اكلي اشياء دايت بس اهم شي لاتحسين بالجوع بالدورة موزين
واللة يعينا وياكم

 

[عاشقة وطنها]

انـا بعـد معـاكـم


واافيه انتى بأي نـادي

ودي اشترك بنـادى بس مـادري ويين

 

[وافية*]

هلا حبيبتي انا بنادي اسمة المراة الرشيقة توني اول يوم بفحيحيل

 

[soOos]

هاي بنات شلونكم وشلون الريجيم معاكم .. انا اليوم خذيت رداكتل اول يوم والحمدالله قدرت اكمل الريجيم بدون اعصاب.. بس ماكان عندي وقت للمشي انشالله بعوضها باجر... وبنات اي نوع فيتامينات تاخذون حق الشعر

 

[عاشقة_الجمال]

هاي بنات شلونكم شخباركم توني يايه من بيت اهلي وقدرت اقاوم الاغراءات وما كليت شي

قيرل
ابي طريقه حلووه حق طبخ الخضار شلوون عطيني طريقه

جناوي

هلا فيج يا الغاليه نظامج حلوو بس دخلي خضراوت او فواكه عشان ما يتاثر جسمج وشعرج وبشرتج

وافيه

مشكوووره على المعلوومات يا قلبي بس ما اقدر اخاف ارد امتن ابي اوصل لوزن محترم بعدين ابدا اراقب نفسي
وبالدوره يزيد الوزن والا لأ ؟؟

عاشقه وطنها

هلا وغلا فيج بس ما عطيتينا المعلوومات عنج طولج ووزنج ووين ساكنه

سوسو

هلا حبوبه انا ما اخذ فيتامينات ليش اني اكل سلطه وفواكه والسوالف هذه فأحس اني قاعده اعوض جسمي

 

[نشميه]

بات ابي اشترك معاكم بس ابي ابدا الاسبوع الياي لم اخلص المسابقه اللي اا فيها


طولي 164

الوزن 63.3

الوزن المطلوب 58

 

[وافية*]

وافيه

مشكوووره على المعلوومات يا قلبي بس ما اقدر اخاف ارد امتن ابي اوصل لوزن محترم بعدين ابدا اراقب نفسي
وبالدوره يزيد الوزن والا لأ ؟؟

هلا حبيبتي اذا كليتي اكل دايت وخفيف ماراح يضرج انشاللة بس مثل ماقلت اهم شي ماتحسين بالجوع اكلي حلومة مشوية بروحها مثلا او اكلي كورن فلكس اي شي خفيف
والدورة مالها شغل بالوزن ليش يزيد يعني؟؟؟

 

[منانا]

هاي بنااات
انا هاليومين ماشية على نظام الوجبات مالت فلكس غورميه وانشالله باجر اخر يوم وناوية اليوم الي وراه على طول اسوي ريجيم وباحطلكم اياه لانه وااايد زين ايام ما كنت اراجع عند الدكتور بدر النصر الله والي حابه تمشي عليه حياها الله

الصبح : 2 حبة كيوي
الضحى : 1 كيوي +1 توست + جبن او لبنة او مرتديلا او اي شي
الغدا : سلطة + مشوي حجم كف اليد
او1- 4 ملاعق فول
2- 1 توست و جبن
3- كبابه
4- روب وخيار
5- جبن وزيتون
العصر : صحن خس + كيوي 1
العشا :
سلطة +بروكلي
بالليل : صحن خس

 

[عاشقة_الجمال]

وافيه

ما ادري والله سمعت انها تزيد الوزن وبعدين شلون حلوومه مشويه علميني طريقتها بليز
ادري سؤال غبي بس انا امووت على الحلووم

منانا

هلا وغلا حبووبه والله النظام حلوو يبيله الواحد يجربه
هذا النظام جم نزلتي عليه وشكثر المده ؟؟

 

[سما الكويت]

هاى بنات..

امس الظهر عقب غداى المبجر كليت تفاحه..

والعصر شربت قهوه مره مع جم تمره..

وبالليل عشاى كان توستتين وجبن شرايح قليل الدسم ..

والحين قاعده اشرب قلاص حليب خالى الدسم..

وافيه بعد عمرى تسلمين على النصيحه يا الغلا..وانا فعلا اخرب رجيمي لما تجينى الدوره وعلى قولتج مابي اضبط شي واخرب شي..

كنت اول مابديت رجيمى اول ماتجينى الدوره اتبع رجيم الساعتين..اللى هو كل ساعتين تاكلين شي دايت بس كميه صغيره..

بس الحين وعقب شووووووووووووووط بالرجيم شكل جسمى ماعاد يطلب الاكل..ما احس بالجوع..

وبالعكس يا الغلا الجسم قبل الدوره بيومين تقريبا واول 3 ايام من الدوره يزيد وزنه تقريبا كيلو الى كيلوين..

 

[عاشقة_الجمال]

هاي بنات صباح الخير شلوونكم شخباركم اليوم ريوقي نسكافيه مع توسته جبن وطماط

والغدا اليوم مسويه ملفووف حق ريلي على الغدا وانا راح اسويلي ستيك مع سلطه ودايت كولا

نشميه

هلا وغلا يا حلوووه حياج الله معانا

سما الكويت

والله انا سمعت ان الدوره تزيد الوزن يعني انتي متاكده من الشي هذا ليش ان علي الدوره
وما ابي انصدم بالوزن خخخخخخخخخخخ

 

[عاشقة_الجمال]

بنات اليوم انا مع الستيك حطيت جم حبه بطاط من البطاط المثلج مال الجياس وشويتهم بالفرن عادي والا في ضرر ؟؟

بليزز الرد

 

[ET_girl]

بنات اليوم انا مع الستيك حطيت جم حبه بطاط من البطاط المثلج مال الجياس وشويتهم بالفرن عادي والا في ضرر ؟؟

بليزز الرد

هلا حبيبتي غذا بس اليوم كليتي شبس عادي بس إذا قعدتي كل يوم تاكلينهم اكييييييد راح يأثر على الوزن

انتي امس سألتي عن طريقهة الخضراوات المطبوخه
انا احط معاهم شوية بهارات مشكله وملح وفلفل اسود وبس