تجمع للحوامل الي اوزانهم زااااايده فوق الـ 15 كيلو تعالوا اهنـي

[@رنوده@]

رد: تجمع للي متنوا بالحمل فوق ال15 كيلو شلون نزلتوهم

ببجري زدت تقريبا 12 كيلو

وبعد الاربعين ماتغير شي اكل ونوم

بس بعد الاربعين حافظت علي اكلي ماحرمت نفسي من شي بس العشا يكون خفيف او اقل من الخفيف والحلويات لاااااااا ما اقرب لهم

وكنت اشتغل بشقتي والبيبي

وضعفت تقريبا 15 كيلو خلال 4 شهور من بعد الاربعين

وكنت البس الكورسيه اللي عند الطاهر بس للبطن

والحمدلله رجع جسمي احلي من قبل

والحين ان شاالله بسوي نفس الشي بالحمال والاربعين ما احرم نفسي

وبعد الاربعين ابتدي تخفيف

 

[الـــدفـــشـــة]

رد: تجمع للي متنوا بالحمل فوق ال15 كيلو شلون نزلتوهم

اممممم انا نفس نعومه زدت تقريبا 12 كيلو وانا ليلحين بالسابع الله يستررر بالتاسع جم بصير!؟

الي ناويه اسويه ان شاءالله يوم اولد استخدم الكورسيه الاندونيسي او اي كورسيه زين من الصيدليه البسه داااائما

اشتري خيمة البخار وكريم من زين الاتات حق تذويب الدهون << كانت هالطريقه حيل نافعتني برجيمي قبل العرس والنتيجه خطييرااا

طبعا مع رجيم بس مومعناته احرم نفسي من الاكل لا آكل بس اكل صحي ومفيد
كاكاو نوووو كيك لااااااا بطاط شبس اخاف صج ههههههههههههه < اصلح اكون مذيعة دعايات هههههـ

آكل كثر مااقدر من البطاط المفيوح (بدون ملح وولازبده وولاجبن) لانه البطاط يسحب الماي الي بالجسم
وهالطريقه هم اعتمدت عليها برجيمي الي قبل ووالله العظيم حبيت وعشقت البطاط المفيوح من كثر ماضعفني

المهم

العب رياضه منها الرقص اي نعم ارقصي شرقي وغربي وفضائي بعد
واهم اهمممم شي اشفطي الكرشه طوووول ماانتي قاعدا وواقفه وماشيه

من كثر ماتعودت على الشفط صرت اشفط بطني حتى وانا حامل انسسسسى ههههههههههــ

ترا كل هذا واشياء اكثررر كنت اسويها ايام الرجيم الي نزلت فيه ماشاءالله 15 كيلو

 

[~LiBrA~]

رد: تجمع للي متنوا بالحمل فوق ال15 كيلو شلون نزلتوهم

امبيه عبالي بس انا خخخ

انا لي اول الثامن الحين زايده20 كيلو شلووووون مادري مع ان اكلي قللته وبطلت ككاو وخرابيط حدي ضايق خلقي

بس معروف الرضاعه الطبيعيه تضععععف
وانا انشالله ناويه عليها عشان هالشي ههه

واكيد ربط البطن ضروري

بس عفيه رشحو لنا كوريسهات زينه وتشد*

 

[ام حمد 85]

رد: تجمع للي متنوا بالحمل فوق ال15 كيلو شلون نزلتوهم

انا نفسكم اب 2007 حملت في البجر وزدت20 كيلو وعقب اب 2009 حملت وطاح البيبي وكنت زايده 5كيلوات فوق ال20 وسنه 2010 حملت في بنتي وزدت 20 كيلو والحين على قلبي 45 كيلو ماني عارفه اشلون انزلهم نزلت بس 4 كيلوات اشتركت اب شركة دايت ولي الحين لازم انزل 41 كيلو اشلون ماني عارفه مع انه ولادتي مره عليها اكثر من سنه وماني قادره انزل وزني تكفوووون انقذوني

 

[om deaj]

رد: تجمع للي متنوا بالحمل فوق ال15 كيلو شلون نزلتوهم

انا ولدي بيكمل السنة بس خل اقولكم شو سويت

فطمته رضاعة طبيعية بالشهر الرابع
معني ماشتغل بس ماحب اكمل
ولانه عندي شغالة يعني ماكو شغل في البيت ولا حركة

شوفي بنات جربت ماغريم دايت صكت حلجي ونزلتني 5 كيلو خلال شهرين
بس حتتت شعري حييييييييييييييييييييييييل
وللعلم نزلت الوزن الي زدته بحمالي
بس للاسف شكل جسمي اكس
توزيع الدهون مو شي ويلوع الجبد


قررت ادش نادي
الحين بالنادي كملت شهر واسبوع زدت كيلو ونص تقريبا
واسوي مساج تخسيس
بس مقاساتي نزلت 2 سم اقل شي

ومن خبرة البنات الي تعرفت عليهم بالنادي والحمدلله يحبن الخير للكل ومايخشون>>> يالنحس بطو الجربة وتقولو اسراركم

كريم البرافين للتخسيس والسونا
دهني في بطنج ولفيها بالحزام الاندنوسي او مشد البطن
لحد ياخذ مال النصر البنفسجي مو شي ويتحرك وقصير مايغطي البطن كلها
99942599 يبيعون مشد بسحابات تضيقيه كل فترة وفترة سعره 10 دك

دهني من هالكريم ولبسي المشد راح تعرقين وخلج فيه طول اليوم وفصخيه بليل

سوو هالخلطة رفيجتي وخواتها جربوها عشان ينزلون وزنهم واكتشوفو انه التاثير الاكبر كان على الكرشة
2 جيس ليبتون+ 1م ص كمون +عود دارسين +2-3 قطع زنجبيل فرش وحطيهم بالمطارة وكبي فوقهم الماي الحار واذا تبين حطي نعانماع عشان الطعم
وشربيها طول اليوم 4 اكواب تقريبا

تغذو عدل بالنفاس والمشي اذا في مجال ربع ساعة كل يوم
وخلكم شافطين بطنكم بكل وقت تشد عضلات البطن بعد

 

[aya faid]

رد: تجمع للي متنوا بالحمل فوق ال15 كيلو شلون نزلتوهم

مشكورة ام دعيج خووش نصايح


بميزان حسناتج يالغالية

 

[om deaj]

رد: تجمع للي متنوا بالحمل فوق ال15 كيلو شلون نزلتوهم

العفو بس لاننا كلنا بهالوا سوا
افيدكم واستفيد منكم

 

[yasmeen_q8]

رد: تجمع للي متنوا بالحمل فوق ال15 كيلو شلون نزلتوهم

ام دعييييج ثااانكيوووووووو
والله انج ام الكرم على هالافاده

ان شاء الله بميزان حسناتج يا رب

 

[zahoora304]

رد: تجمع للي متنوا بالحمل فوق ال15 كيلو شلون نزلتوهم

مشكوووورة ام دعيج ماقصرتي بس كريم البرافين من وين من الصيدلية ياليت في صورة حقه

 

[المسكـ]

رد: تجمع للي متنوا بالحمل فوق ال15 كيلو شلون نزلتوهم

وناسه خوش تجمع

الله يسلمكم بولدي الاول قبل 4 سنين كان وزني 57 >>>>>>>>>>>>د اااااااااااااااااخ ياقلبي بس اخ

حملت وزدت لين صار وزني 73 تقريبا زدت 16 كيلو حلو؟؟؟؟


عقب الولاده وزنت بالمستشفى >> فاااضيه لوول

لقيت وزتي 68 يعني نزلت تقريبا 5 كيلوووو

وبعدين اهتميت بنفسي بالاربعين تقريبا وصلت 66 كيلو

يعني ماكو خرابيط ولا بلعه وكله خضار مو رجيم بس تخفيف ومع الحسو وهالسوالف

بعدين الطامه الكبرى

صرت بس ابي اكل بس اكل اكل اكل اكل لين انفجرت

صار وزني>>> <<< ااخخخخخ ( 78 ) يعني عقب طلعة الاربعين بدال ما اضعف زدت دبلااااااااااااااااااات

وتميت على هالحال ليي رمضان مو اللي طاف اللي قبله

طبعا عقب زف من الولده لوول استحيت على ويهي واشتركت بفلكس غورميه وجبات + اشتراك بالنادي + خذيت جاي اعشاب من وحده بمنتدى ثاني اسمها قطوطه = نزلت 9 كيلو

لووول طبعا بشهرين كانت النتيجه مذهله وبعدين حملت

ونزلت مع الحمال 6 كيلو بدال ما ازيد اروح كل شهر نازله كيلو لا عندي ترجيع ولا شي بس سبب النزول شنو مادري

طبعا هالشهر بس بديت ازيد وزدت كيلو واحد بس


قلت قصة حياتي خخخخخخخخخخخ​

 

[Lulu_Perla]

رد: تجمع للي متنوا بالحمل فوق ال15 كيلو شلون نزلتوهم

مشكووووووووورين بنات
و الله فدتوني وايد..

نبي بعد بنات اللي عندهم خبرة
فيدونا بعد
شكثر ننزل اول ما نطلع من الولادة..
و شكثر ننزل على طلعتنا من الاربعين

؟؟؟؟؟؟؟؟

 

[yasmeen_q8]

رد: تجمع للي متنوا بالحمل فوق ال15 كيلو شلون نزلتوهم

وانتي الصاجه بريق

نبي نستفيد ما نبي نبقى دبب جذي

اب اب

 

[نـعـومـه]

رد: تجمع للي متنوا بالحمل فوق ال15 كيلو شلون نزلتوهم

اي صج بنات بفيديكم بشغله

شحقه نسوي رجيم بروحنا !؟ ليش مو عقب الاربعين ناخذ موعد مع دكتور واهوه يعطينا نظام معين عالاقل نضعف بصحه

 

[المسكـ]

رد: تجمع للي متنوا بالحمل فوق ال15 كيلو شلون نزلتوهم

صراحه مقرره اشترك بوجبات اريح واكل صحي وهم رجيم لا اروح لدكتور ولا افكر كل يوم شاااكل

 

[frfr]

رد: تجمع للي متنوا بالحمل فوق ال15 كيلو شلون نزلتوهم

عقب الولاده تقريبا من ٥ الي ١٠ كيلو الوحده تنزل وتقريبا عقب ٦ اشهر الوحده جسمها يرد طبيعي وترهلات البطن تروح بنسبه

٧٠ بالاميه ولو تلاحظون بعد كل حمله الوحده تزيد ٥ كيلو زياده عن وزنها قبل الولاده وهل ٥ كيلو تحتاج اراده قويه عشان ننرلها

يعني مثلا قبل الحمل كان وزني ٦٥ وبعد الولاده ب ٦ اشهر وزني كان ٧٠ وغصب قدرت انزله ويوم ولدت مده ثانيه صار وزني بعد الولاده

٧٥ علي ما نزلتهم خذتلي جريب السنه والله يعين اهم شي الاراده والصبر

 

[BOOBO]

رد: تجمع للي متنوا بالحمل فوق ال15 كيلو شلون نزلتوهم

اهلين انا بعد ولاتي ضاق خلقي وزنت عقبها بيومين لقيت نازله 4 بس ! توقعت اكثرررر
بس بعد 10 ايام مراجعه الدكتور وزنت لقيت نازله 10 كل يوم كيلو استانست
طبعا اانا زدت وايد وااااايد بحمالي تقربيا 26 او اكثر وليلحين احاول انزل وزني
وان شالله مع الوقت راح نقدر نرجع مثل اول .

 

[*شــوق*]

رد: تجمع للي متنوا بالحمل فوق ال15 كيلو شلون نزلتوهم

بنات عليكم بخلطة الطبيخة اللي بالحواي
شاي اعشاب اسمه الطبيخة
اخذي كفجة وحدة وطبخيه 5 دقايق
وبعدها شخلي وشربي مره وحدة كل يوم
يمشي البطن ويشيل الكرش

 

[yasmeen_q8]

رد: تجمع للي متنوا بالحمل فوق ال15 كيلو شلون نزلتوهم

شوق شكرا عالنصيحه بنجرب

 

[*شــوق*]

رد: تجمع للي متنوا بالحمل فوق ال15 كيلو شلون نزلتوهم

بس ها ياسمين تحملي العوار
راح اييج مغص وكل ساع حمام عزج الله تروحين
ولما تشربينه طعمه مر يلوع الجبد حطي شكر معاه علشان يخف مرورته

 

[yasmeen_q8]

رد: تجمع للي متنوا بالحمل فوق ال15 كيلو شلون نزلتوهم

لوووووول كل شي زين طعمه استغفر الله