تجمع صيف ماليزيا 2012

[كراميلو]

افضل لك لان كاميرون وايد بعيييده 4ساعات روحه و4 ساعات رجعه
مووفقه يالغلا....:eh_s(7):

 

[بينك وورد]

قوه بنات

ها شالجديد على سفرياتكم
انشالله الامور ظااابطه وياكم

 

[كوكا كولا]

كراميلو

أي صح كلامج ما تسوى 8 ساعات رايحه من يوم كامل
وصار اختيارنا الحين مرتفعات فريزر

 

[كوكا كولا]

بينك وورد

انا خلصت كل شي الحمدلله بس للحين ارتب واضبط بمخطط الرحلة
يوم ارتب ويوم اشطب ويوم اضيف ريلي كل يوم له رأي تعبت
بس حاليا استقرينا الحمدلله عالمخطط بس قاعدة اضيف الأماكن الأخيرة وارتب

بس بمخططي آخر يومين ماكو شي ماكو اماكن سياحية بس سوق

 

[كراميلو]

الحمدلله الييوم كملنا حجز الفنادق والباخره الابنطلع منها لبينق من كوالا..
وفنادقنا
ف سلانجور الخيول الذهبيه
ف لنكاوي البيو بيتش شيراتون
ف بينق فلامنقوو
ف جنتق الفرست وورلد
ف كوالا الدورسيت ريجنسي
وووسلامتكم :eh_s(7):

كوكولا ...شكلك ف كل المنتديات كوكولا هههه شفت مواضيعك ف العرب :eh_s(7):

 

[Winter Q8]

السلام عليكم .. انا معاكم ان شاءالله مسافرة بآخر سته .. بس كلش ما اعرف شي عنها و لا خططت لشي .. معتمدة على زوجي
المهم شكثر اودي معاي مصروف (من غير السكن) على العلم مشترياتي مو وايد .. و احنا شخصين

 

[sadeem yam yam]

السلام عليكم بنات
احنا ان شاء الله سفرتنا اخر شهر سته واول مره نروح لها
ابيكم تشوفون الجدول وتفيدوني طبعا خذيت جم فكره وحطيت الاماكن الي حابه ازورها

الرحله 12 يوم

يومين سلانقور
3 بينانق
3 لنكاوي
4 كوالا ( من ضمنه يوم جنتق ويوم مرتفعات فريز)

* الوصول الساعه 2 ظهرا باذن الله والانتقال الي سلانقور فندق البيراميد
الراحه - جوله في البيراميد والعشاء

* زياره شلالات تمبلر بارك (3ساعات) + مسجد شاه علم وجوله بالقارب في البحيره والمرور بالفراشات المضيئه

* جوله سياحية إلى حديقة الفراشات و حديقة الطيور وحديقة الزهور (كلهم يم بعض حيل)اذا يسعف الوقت
ثم العوده للفندق استعداد للذهاب جوا الي بينانق

* الوصول للمطار والذهاب لفندق هارد روك والاستراحه على الشاطئ ثم النزول للسوق الليلي والعشاء

* الذهاب بتاكسي لهضبه بينانق والصعود بالقطار لمشاهده بينانق والمرور على مصنع القهوه والشوكولا وحديقه الفراشات
ثم العوده للفندق للاستراحه
ثم الذهاب للسوق الصيني والعشاء ( السوق الليل وين يوجد باي منطقه ؟)

* زياره الشلالات ثم الذهاب للفندق الساعه 12 ظهرا للاستعداد لرحلة الصيد والغداء في جزيره القرود والعوده للفندق للانتقال الي لنكاوي بالطيران ايضا

*الوصول الي لنكاوي لفندق برجايا
الراحه ثم التجول والذهاب لميدان النسر
والتسوق في الفيرمول والعشاء والعوده للفندق

* جوله من الساعه 9 لحديقه الفواكه ثم الذهاب بالتلفريك ثم القريه الشرقيه وزياره الشلالات والحدائق ومزرعه الخيول ( ابي ركوب الفيله وين صايره ؟)
ثم جوله على لنكاوي لمده 4 ساعات

* رحله المانقروف والمرور بالجزيره العذراء الحامل
الذهاب لقرية اورينت فيليج وجوله بالباص البرمائي في القريه ( اذا فيه وقت ) والذهاب للابار السبعه وشلالاتها

1* الذهاب بالباص نايس لكوالا مده الرحله 4 ساعات ( او رحله القارب الزجاجي والعوده جوا لكوالا) < محتاره ؟

* الوصول لفندق سويس قاردن
واذا فيه وقت الذهاب لحديقه البرجين والمساء التوجه لشارع العرب والعشاء

* التوجه لجنتق والعوده -- يوم كامل
وزياره التايم سكوير والعشاء

* افاموسا ثم الذهاب لسوق الماينز والعشاء

* مرتفعات فريزر من الصباح للساعه 6 مساء ثم العوده للفندق
وفي المساء التجول في شارع العرب والعشاء

* التسوق (ياليت تنصحوني بأماكن تسوق في كوالا قريبه وسعرها معقول)
والتوجه للمطار الساعه الخامسه للعوده لارض الوطن باذن الله

 

[كوكا كولا]

كراميلو

لا حرااااام عليج اصلا من قلتيلي حطي في العرب المسافرون جدولك
على طول سجلت وحطيت بس 3 مواضيع استفسار عن الشحن ومطعم بحري وجدولي

 

[كوكا كولا]

sadeem yam yam

حلو جدولج انتي مسويته ولا احد مسويه لكم؟؟؟؟
انا سويت جدولي من خلال تصفحي وقرائتي لكل شي سياحي في ماليزيا
وخاصة الأماكن الي يم بعض خليتهم مره وحده علشان ما نرجع لهم

الي بخاطري صج صج اني اركب الجندول القارب الملكي الي ببحيرة شاه علم
الجندول هو قارب مثل قوارب ايطاليا تقريباً الي في فينيسيا

وللحين ما خلصت مخطط جدولي قاعده اضيف والغي واعدل عليه ماصار مخطط لوووووول

 

[sadeem yam yam]

كوكا لاوالله انا مسويته من الفراره وقراءه المواضيع
بَـسّ هم احس مو مرتب عدل
لانه ماظمن وقت المواصلات ومابي التنقل كله طيران وبنفس الوقت اقول اختصااار مابي تضيع السفره تنقل

وفعلا القارب الي قلتيه خاااطري فِيَھ شفته بموضوع ونسيته
فماكنت اذكر مكانه الحين عرفت من ردج آنھہ بسلانقور < اذا مو مضيعه بعد لوووول

واحس بعد فِيَھ شغلات غلط بالجدول الي اهو توقيت الطيران اكيد راح يلغي شغلات بحكم الوقت
وهم احس فِيَھ ايام ضاغطه الجدول ومادري فِيَھ امكانيه ومرونه ولا لا

والله حالي من حالج اضيف واشيل وارد اعدل احس للحين تخبط لووووول

 

[نياره]

اب اب

 

[كراميلو]

كوكولا
امزح معاك وكان دعابه معك لاغير هههه
موفقه يالغلا وووان شاء الله تستانسي ف سفرتك ....:eh_s(7):



sadeem yam yam



اذا مامعكم اطفال لا تروحي افا موسى واكتفي بالفريزرهيل وجنتق
اما اذامعك اطفال روحي افا موسى وجنتق واتركي الفريزرهيل
وهذي نصيحه اخذتها من خبراء بماليزيا ...
والراي رايك يالغلا:eh_s(7):

 

[sadeem yam yam]

هلا كراميلو
معاي ولدي وخاطري يمر الالعاب ويستانس
وثاني شغله ريلي يموت بشي اسمه طبييييعه

فقلت فريزر هيل حلو ومن الصور شكله رۈۋ‏عـِھّ
عشان جذي ادرجتهم بالجدول اهو وافاموسا

 

[كراميلو]

زين يالغلا
الفريزر حلوة طبيعه وخضرة
اما مدام معك ولدك فروحي افاموسي لانه سفاري وعروض خلية ينبسط ههه
الله يوفقكم ...:eh_s(7):

 

[sadeem yam yam]

حبيبتي فديييتج
واجمعييين يارب

 

[كوكا كولا]

sadeem yam yam

اي انتي مثلي من خلال قرائتج وتصفحج سويتي الجدول ترا جذي حلو
شرايج نضبطهم مع بعض انا صرت خبره لوووووول من كثر ما امبققه عيوني عالخرايط والأماكن

هذا قارب الجندول عجييييييييييب يبيله من قلب

 

[كوكا كولا]

كراميلو

أدري لووووووووووووول عارفه انك تمزحين ياحياتي
انا زوجي غرامه عالم الحيوان والطبيعه
علشان جذي حطيت افاموسا وفريزر باللسته
انتي جم مره رحتي ماليزيا؟؟؟

 

[كوكا كولا]

بضبط جدولي الحين للمره الثانية
وبعدل شغلات وايد فيه

برب

تعديل جدول رحلتي تاااااااااايم هههههههههههه

 

[sadeem yam yam]

كوكا وااااااي يشششوق يبيييله
بَـسّ المصيبه الوقت عندي ضيييج

ماكو الا نضبط جداولنا او انتي ضبطي وانا ببوق منج ههههههههه

انا خلاص يومين وبثبت هالجدول ان شاءالله تعبت نفسياً كل ماشفت مكان حلو قلت بروحله لووول

بنات خاطري اروح لافاموسا من سيلانجور
جم المسافه

 

[كراميلو]

كوكولا
والله يالغلا كنت بسافر لماليزيا قبل 3سنوات وحجزنا ورتبنا وكل شي ورحنا المطار ع اساس رحلتنا وووفي الاخير ربي ماييسر لنا نسافرماليزيا سافرت الجناط ماليزيا واحنا سافرنا مصر هههه>>>حصلت قصه خخخ بس الحمدلله
ووهالسنه اذاربي ارارد ويسر اول مرة نزور ماليزيا
اما من ناحية المعلومات لان من شهر واحد وانا ادور ف هالمنتديات من منتدى لمنتدى ووواقرأتقارير وووابحث والحمدلله عرفت كل شئ واستفدت وان شاء الله ربي يوفقنا ووويوفق الجميع
ودي للكل :eh_s(7):