تجمع صيف ماليزيا 2012

[كوكا كولا]

نـازك الملائكة

أي أكيد بحط لكم مقتطفات صور عالسريع وأقول لكم عالأماكن الي تستحق الزياره
وراح أتواصل معاكم هناك راح ادخل المنتدى بأيفوني ونتواصل بإذن الله أول ما احط شريحه خط ماليزية

 

[كوكا كولا]

باااااااااك

اوف تعبت اليوم رحت السوق شطبت على كل اغراضي
الحمدلله خلصت كل شي كان باقيلي تناتيف خلصتها
وشريت ميموري 32 جيجا حق كاميرتي اكس سايت مسوين تنزيلات استغليت الفرصه
الحمدلله الميموري عليها خصم كانت ب 27 صارت ب 22 دينار

الحين بتفرغ ادرس بنتي وانا مرتاحه خلصت كل شغلي بس باقي تجهيز الجنطة لما تخلص بنتي امتحاناتها
تخلص 5/6 وسفرتي 11/6 عندي جم يوم الحمدلله

 

[دمي كويتي 2]

وناااسه مرتفعات فريزر ثانكس كوكا اول ماشفت الصور طيران لزوجي اقوله يدخلها بالحسبه حدها تجنن انا سفرتي ب25من شهر 6ياارب تتممها على اخير اول مره اسافر برا وحدي خايفه وبنفس الوقت مستانسه وحجزنا عالخطوط السنغافوريه بليز اللي جربها يكلمني عنها لاني لاحظت الاغلبيه القطريه والسريلانكيه

 

[كوكا كولا]

بقعد اضبط جدولي الحين طالما فاضيه وماعندي شي
الي موجوده حياها تدردش معاي بطل عالموضوع كل شوي اشوف منو موجودة

 

[كوكا كولا]

دمي كويتي 2

حياج الله حياتي اي تهبل مرتفعات فريزر وبيني وبينج اقرب حيل من كاميرون هايلاند
كانت بخاطري كاميرون هايلاند بس ما تسوى درب 4 ساعات روحه و 4 ساعات رده
عالأقل مرتفعات فريزر مو معروفه حيل وروعه صورها وتبعد عن كوالالمبور تقريبا أقل من ساعتين يمكن ساعة إلا ربع

امممممممممممممم انا ماجربت الطيران السنغافوري وحتى القطرية أول مره اسافر عليها
شفت وايد يمدحونها حتى مكتب السفريات قال لي تنافس الأماراتية و 5 نجوم قلت اجربها ليش لأ
انا قاعدة اضبط جدول رحلتي الحين ويارب اخلصه علشان ارتاح

سفرتج ورا سفرتي على طول انا ارجع 24/6 وانتي تسافرين 25/6

 

[كوكا كولا]

الطيران السيريلانكي ما انصحج
صح رخيصه بس وييييع ريحه وخيسه بالطياره خالتي سافرت عليها دبي مع زوجها وعيالها وقالت توووووووووبه
القطرية وايد حلوة رايحين عليها أهلي فرنسا وأمريكا أكثر من مره ويمدحونها وايد

 

[دمي كويتي 2]

تسلمين كوكا الله يحيك ياقلبي ايه صج حيل قريبه هالمرتفعات شي حلوو نلحق عاليوم كامل ودامي عقبك على طول انشالله تجين مستانسه ومبسوطه وتحمسيتي على ماليزيا بس خساره ماراح نتقابل لوووووووول 

 

[كوكا كولا]

دمي كويتي 2

ايييييييي شفتي شلون انا ارد وانتي بعدي تروحين ان شاء الله
بشوف انا راح احاول اتواصل معاكم لي كان عندي مجال واشبك من ايفوني هناك
واسولف معاكم واقول لكم عن الأماكن الحلوة الي رحت لها

 

[دمي كويتي 2]

صراحه احلى شي بالسفره هاذي انها صارت بعد كوورس طويل وامتحانات تهد الحيل وياارب نجاح عشان صدق استانس 

 

[كوكا كولا]

اي والللللللللله خاصة انا بعد عقب التدريس اووووف يبيلي بريك وراحة من قلب

خلصت جدول رحلتي الحين بنزله

 

[كوكا كولا]

خط سير رحلتي

11/6/2012م
الإقلاع من مطار الكويت


12/6/2012م
الوصول إلى مطار كوالالمبور الساعه 9 الصبح
راحة + جوله سياحية حديقة الفراشات + حديقة الطيور + حديقة الزهور (كلهم يم بعض)


13/6/2012م
أكواريا + جنتنق بالتلفريك ونتغدى هناك ونرجع قبل المغرب + راحة + نتمشى ونتعشى


14/6/2012م
مرتفعات فريزر ونتغدى هناك + راحة + بالليل نتسوق ونتعشى


15/6/2012م
الخروج من الفندق والتوجه للمطار طيران داخلي إلى لنكاوي + عالم ما تحت الماء (إذا خلصنا الجيك ان بسرعه)


16/6/2012م
جولة صباحية في المنتجع + رحلة المانغروف + نتغدى ونريح + تلفريك لنكاوي + جولة في الباص البرمائي+ شلالات الآبار السبعة+ نتعشى ونتمشى


17/6/2012م
ركوب الفيل+ حديقة الفواكة الأستوائية+ نتغدى ونرتاح شوي + قرية أير هانكت (الينابيع الحاره)+ حديقة لاجندا+ ميدان النسر+ نتعشى ونتمشى.


18/6/2012م
بعد الأفطار نآخذ جوله في المنتجع والشاطئ+ راحة + التوجه للمطار للعودة لكوالالمبور+ زيارة برج (بتروناس)+ مجمع سوريا الي بنفس المجمع.


19/6/2012م
عين ماليزيا (العجلة الدوارة) + حديقة بحيرة بردانا


20/6/2012م

سيلانجور(المعبد الهندي+ الفراشات المضيئة+ شلالات تمبلر بارك+ مسجد شاه علم+ بحيرة شاه علم جوله في قارب الجندول الملكي).


21/6/2012م
أفاموسا+ جولة باص البطة البرمائي+ تسوق في مجمع ميجا مول في ملكا


22/6/2012م
تسوق


23/6/2012م
تسوق


24/6/2012م
العودة للكويت

 

[كوكا كولا]

خلاص اعتمدت الجدول أنا وزوجي
الجدول مهم للسفره علشان تعرفون وين رحتوا ووين ما رحتوا
رفيجتي ندمت انها ما سوت جدول تقول كل يوم ما ندري وين نروح
قعدنا نطلع بشكل عشوائي وبالأخير اكثر من مكان حلو ما رحنا له وندمنا

 

[شيخة الحلوة]

كوكا كولا
عليكم بالعفاية والله يوفقكم يارب


ما ش\االله
تذكرت رحتلي حق ماليزيا 2007 هههههههههههه

قبل لا اتزوج رحت مع اهلي
وكنت مملوجة
وقلت لااااازم ان شاالله ايي لنقاوي مع ريلي لانها حلوة ورومانسية

بس سبحان الله ما الله قسم اسافر الا العمرة ودبي كل سنة ههههههههههههههههههههههه

عليكم بالف عاااااافيه والله يوفقكم

 

[كراميلو]

خط سير رحلتي

11/6/2012م
الإقلاع من مطار الكويت


12/6/2012م
الوصول إلى مطار كوالالمبور الساعه 9 الصبح
راحة + جوله سياحية حديقة الفراشات + حديقة الطيور + حديقة الزهور (كلهم يم بعض)


13/6/2012م
أكواريا + جنتنق بالتلفريك ونتغدى هناك ونرجع قبل المغرب + راحة + نتمشى ونتعشى


14/6/2012م
مرتفعات فريزر ونتغدى هناك + راحة + بالليل نتسوق ونتعشى


15/6/2012م
الخروج من الفندق والتوجه للمطار طيران داخلي إلى لنكاوي + عالم ما تحت الماء (إذا خلصنا الجيك ان بسرعه)


16/6/2012م
جولة صباحية في المنتجع + رحلة المانغروف + نتغدى ونريح + تلفريك لنكاوي + جولة في الباص البرمائي+ شلالات الآبار السبعة+ نتعشى ونتمشى


17/6/2012م
ركوب الفيل+ حديقة الفواكة الأستوائية+ نتغدى ونرتاح شوي + قرية أير هانكت (الينابيع الحاره)+ حديقة لاجندا+ ميدان النسر+ نتعشى ونتمشى.


18/6/2012م
بعد الأفطار نآخذ جوله في المنتجع والشاطئ+ راحة + التوجه للمطار للعودة لكوالالمبور+ زيارة برج (بتروناس)+ مجمع سوريا الي بنفس المجمع.


19/6/2012م
عين ماليزيا (العجلة الدوارة) + حديقة بحيرة بردانا


20/6/2012م

سيلانجور(المعبد الهندي+ الفراشات المضيئة+ شلالات تمبلر بارك+ مسجد شاه علم+ بحيرة شاه علم جوله في قارب الجندول الملكي).


21/6/2012م
أفاموسا+ جولة باص البطة البرمائي+ تسوق في مجمع ميجا مول في ملكا


22/6/2012م
تسوق


23/6/2012م
تسوق


24/6/2012م
العودة للكويت

كوكولا
بقولك لاتنسي مجمع الماينز مره روعة ووتجربة ركوب القارب ..
وايضا العجلة الدواره كاماقرات انهم نقولها الى ملاكا وووصيف 2010ازالوها ولم تعد موجوده
وموووفقه:eh_s(17):

 

[كوكا كولا]

شيخة الحلوة

عسى الله يكتبها لج يارب وتروحين مع زوجج وتستانسين بأحلى شهر عسل جديد

 

[كوكا كولا]

كراميلو

أي لا تحاتين ياحياتي راح نسأل قبل لا نروح وأكيد سايق التاكسي عنده فكره اذا نقلوها او سكروها
بس ما اعتقد أنهم سكروها لأنها من أهم الوجهات في ماليزيا مثل عين لندن
راح نعلمه علشان نعرف وجهتنا معاه

 

[um meshoooo]

انا بعد معاكم بالهتجمع وانشالله سفرتي 17 \6 الي 30\6 بس اول مانوصل كوالالمبور علي طول بنطير علي بوكت طيران دلخلي لان حسيتها احسن جزيره حق اليهال وخاصه معاي 3 يهال نقعد فيها 4 ايام وبعدين نرجع كوالا ونقسم هناك عاد الطلعات من صن واي لاقون وجنتج وتسوق طبعا وحجزنا كان من الشهر الي طاف عالاتحاد من الموقع نفسه كل تذاكرنا 3 كبار و2 صغار طلعت ب1050 زين وايد واذا تذكرت شي بعد بقولكم

 

[نـازك الملائكة]

بنات المعبد الهندي وش اقرب له اروح من كوالا ولا من سلانجور

 

[نـازك الملائكة]

وبسأل عن العجلة الدوارة تستاهل من يروح لها وش فيها بالضبط لانو ما عرفتها إلا منكم

 

[كوكا كولا]

um meshoooo

حياج الله ياحياتي بهالتجمع
بتروحين جزيرة بوكت بتايلاند؟؟؟؟ ولا تقصدين جزيره بينانق؟؟؟
بتسافرين عقبي بأسبوع بس حسافه محد مثل تاريخ سفرتي
حياج شاركينا بكل شي