تجمع صيف ماليزيا 2012

[*الهنوف*]

بنات قولي لنا جدولكم اليومي وين بتروحون؟؟؟؟

لان ابي استفيد انا للحين ماسويت جدول يومي بس قاعده اجمع بالمحمعات هههههههه تفكيري كله تسوق

وجم خذيتو مصروف للسياحه والتسوق ؟؟؟؟؟؟؟

 

[كوكا كولا]

هههههههههههههههههههه
انا سفرتي بعد 3 أسابيع بالضبط

سويت مخطط السفره الحمدلله
كنسلنا امس انا وزوجي كاميرون هايلاند لأنها بعيده 4 ساعات روحه و 4 ساعات رده حرام

سويت جدول بس للحين ما خلصته وفي اماكن ما حطيتها بس خل احطه لكم
وراح اسوي عليه تعديلات لأن ما خلصته للحين

 

[كوكا كولا]

احتمال نحط بدال كاميرون هايلاند مرتفعات فريزر اذا عجبت زوجي بس بشوف شنو فيها
علشان نتشجع اكثر

 

[كوكا كولا]

مخطط رحلتي التفصيلي

سفرتي مدتها 14 يوم بإذن الله
من 11/6 إلى 24/6

راح أبدأ مخططي بالتواريخ والأماكن المراد زيارتها
ترا للحين المخطط في طور التعديل والشطب والاضافه لوووووول


2012/6/11م

الإقلاع الساعة 5 ونص المغرب
الوصول إلى قطر نقعد ساعة ترانزيت
وبعدها نطير إلى ماليزيا 7 ساعات
نوصل من باجر الساعه 9 الصبح بتوقيت ماليزيا يكون تاريخ 12/6/2012م



2012/6/12م

الوصول إلى ماليزيا الساعة 9 صباحاً
راحة بالفندق + نتغدى بأي مكان من المجمعات الي بشارع العرب +
جوله سياحية إلى حديقة الفراشات و حديقة الطيور وحديقة الزهور (كلهم يم بعض حيل)
من المغرب لي الليل ما قررت شنو بنسوي للحين


2012/6/13م

نتريق بالفندق
زيارة أكواريا + نروح جنتنق بالتلفريك + نتغدى هناك بالمطعم الصيني+
ناخذ جوله كامله بالمكان كله ونرجع قبل المغرب+ نتسوق ونتعشى



2012/6/14م

نتريق بالفندق
وبعدها نروح مرتفعات فريزر+ ........................ نتسوق ونتعشى



2012/6/15م

نتريق بالفندق
نسوي جيك آوت ونخلي اغراضنا بالأمانات عند الفندق لاننا راح نرجع لهم مره ثانية ونسكن فيه
نطلع من الفندق ونتوجه للمطار للإقلاع إلى جزيرة لنكاوي
نوصل 4 العصر ونسوي جيك إن بفندق (بيلانقي بيتش) + نروح عالم ما تحت الماء اذا ما سكر حيل قريب من المنتجع مشي 3 دقايق




2012/6/16م

نتريق بالمنتجع
رحلة المانغروف صباحاً+ نتغدا + نروح قرية اورينت فيليج ونركب تلفريك لنكاوي+ لما نخلص ناخذ جوله بالباص البرمائي بالقرية+ نطلع ونروح شلالات الآبار السبعه حيل قريبه من القرية
وبعدها نريح شوي ونتعشى ونتمشى




2012/6/17م

نتريق بالمنتجع وناخذ جوله صباحية جميلة
ركوب الفيل + حديقة الفواكة الأستوائية+ زيارة قرية أير هنكت (الينابيع الحارة) +نتغدى
+ حديقة لاجندا + ميدان النسر+ نتعشى ونتسوق بالمجمع الي يمه شوي




2012/6/18م

يوم العودة لكوالالمبور
نتريق بالمنتجع ونآخذ جولة صباحية حلوة بالمنتجع والشاطئ
نسوي جيك آوت نطير ونوصل كوالالمبور الساعة 3 العصر+ نسوي جيك إن بالفندق مره ثانية وناخذ اغراضنا من الأمانات
نزور البرجين التوأمين (بتروناس) ونتسوق بالمجمع الي تحته مجمع سوريا ونتعشى فيه




2012/6/19م

نتريق بالفندق ونريح شوي
نزوع عجله ماليزيا الدوارة (عين على ماليزيا) + حديقة بحيرة بردانا يمها حيل
نتغدى+ ............................................+ نتسوق ونتعشى




2012/6/20م

نتريق بالفندق ونريح شوي
نزور سيلانجور المعبد الهندي + شلالات تمبلر بارك + نتغدى هناك+ مسجد شاه علم+ ناخذ جوله بالقارب الجندول في بحيرة شاه علم+ الفراشات المضيئة+ نرجع كوالالمبور نتسوق ونتعشى




2012/6/21م

نتريق بالفندق ونريح شوي
نروح أفاموسا + نتغدى في ميجا مول ونتسوق فيه ونرجع+ ....................................+ نتعشى




2012/6/22م

تسوق




2012/6/23م

تسوق






2012/6/24م

العودة للكويت




الجدول للحين ناقص عطوني اقتراحاتكم وتعديلاتكم عليه
وبحط رد ثاني فيه معلومات وايد عن ماليزيا والأماكن السياحية الي تستحق الزيارة الي جمعتها بنفسي

 

[كوكا كولا]

الأماكن السياحية في لنكاوي
المعلومات جمعتها من كافة المواقع الي بحثت فيها




1- قرية أير هنكت Air Hangant Village
قرية فيها الينابيع الحارة قادمة من أعلى الجبال ونافورة منحوته باليد جدارية رائعة (يفضل زيارتها صباحاً من 9 ص إلى 6 م).

2- حديقة فواكة لنكاوي Taman Agroteknologi
تغلق يوم الجمعة ويفضل زيارتها والجو غائم (من 9 ص إلى 5 م) التذكرة (15 رنجت).

3- نصب النسر Eagle Square
يفضل زيارته عصراً + قريب منه حديقه لاجندا ومجمع Fair shopping Mall.

4- عالم ما تحت الماء UnderWater aworld
قريب حيل من فندقنا دقايق مشي التذكره 38 رنجت (من 9.30 ص إلى 6.30 م) وفي العطل الرسمية
(يفتح إلى 10.30 م) + قريب منه جمعية The Zon duty free.

5- حديقة لاجندا Lagenda Langkawi قريبه جداً من نصب النصر (من 8 ص إلى 7 م).

6- شلالات دوريان قريبة جداً من قرية أير هنكت الينابيع الحارة.

7- ركوب الفيل Langkawi Elephant Adventure (من 10 ص إلى 6 م) الشخصين 250 رنجت يفضل صباحاً
5 دقائق 80 رنجت / 15 دقيقة 200 رنجت.

8- قرية أورينت Orient Village (من 10 ص إلى 10 م) + فيها تلفريك لنكاوي + قريب منها شلالات الآبار السبعة+ فيها الباص البرمائي.

9- تلفريك لنكاوي Langkawi Cable car
سعر التذكرة (30 رنجت) من الاثنين إلى الخميس (من 10 ص إلى 5 م)
جمعة وسبت وأحد والعطل الرسمية (من 9.30 ص إلى 5 م) الأربعاء (من 12 م إلى 5 م)
في الطريق يوجد أشجار المطاط روعه Rubber trees.

10- رحلة المانغروف Mangrove Tour
الحجز عن طريق الفندق ومدة الرحلة 3 ساعات قيمة التكلفة من 150 إلى 250 رنجت(صباحاً وحتى قبل المغرب)

11- مجمع لنكاوي بارادِ Langkawi TSH Parade مجمع صغير وحلو.

12- رحلة القارب الزجاجي Glass Bottom Boat أو جزيرة بايار رحلة المياه الشفافة والشعب المرجانية

13- في لنكاوي جزيرة خاصة صغيره

 

[كوكا كولا]

المطاعم في لنكاوي


1- مطعم بحري عند ميناء رحلة المانغروف (أسألوهم)
مطعم بحري فوق البحر أكله طازج تختار السمك والربيان حي ويطبخونه لك.

2- مطعم بابا دام PaPa dam صيني هندي وعربي.

3- مطعم صيني بحري Tang Lung

4- مطعم بحري Osteria يفتح من 12 الظهر إلى الليل.

5- مطعم Lan Kawi Fong صيني ياباني.

6- مطعم بحري عجيب Lobster live seafood Restaurant Village
الغدا من 12 م إلى 2.30 م العشا من 6 م إلى 11 م

7- مطعم علاء الدين Taj Mahal Restaurant مطعم هندي.

8- مطعم بحري فوق البحر Restauran Langkawi fishs farm يفتح من 11.30 ص إلى 11 م.

9- مطعم ليالي الشام عند فندق لنكاوي لاجون الي فيه فلل الأكواخ عالبحر.

10- مطار لنكاوي فيه كافية عجيب Chocolate Loungr

11- مجمع Jetty Point Duty Free مجمع تجاري ملاصق لمرسى السفن الفيري (العباره) فيه كنتاكي وفرايد تشيكن وستاربكس.

 

[كوكا كولا]

ناطرة آراااااائكم وتعديلاتكم وإضافاتكم على مخطط رحلتي التفصيلي

 

[*الهنوف*]

انا سفرتي ٣١-٥ عالاتحاد مدتها ١٥ يوم


للحين ماخططت شسوي وافتر مخي من كثر ما بحث
نايمه بالعرب المسافرون نوم

 

[كراميلو]

[quoteجنتغ مافيها شي سياحي حراااااام عليج فيها شغلات واجد
بعدين احنا شباب ونبي حركه وفله مانبي هدوء
دشي العرب المسافرون وشوفي تقارير جنتغ روووووعه فندق الفرست وورد نفس صن وي لاجون

][/quote
هههه يالغلا انا حسبتك بتروحين بنتغ
مو جنتق الا جنتق حماس وجورائع
ولاتفووتك ههههههاي حصل لبس في الكتابه

واداتبي المغامرة والفله لاتفوتي لنكاااوي لان فيها كل شئ احسن من بيانغ وووومولازم لنكاوي يروحوها العرسان لا هاي نظريه خاطئة

وانتي وراحتش

 

[كراميلو]

مشكورين ام سيف و كراميلو.. انا حطيت خطتي و ابي تساعدوني اذا ترتيبي صح و لا لا ( كوالالمبور-سلانجور-جنتنج-لنكاوي-كوالالمبور)

يالغلا قولي كم يوم وراح نساعدك بالترتيب الحلو
:eh_s(7):

 

[كراميلو]

والله اانا مثلك يالهنوف 24ساعه في العرب المسافرون
خخخخ
رحلتنا يووم 6/8/1433 وعندنا ترانزيت في قطر 8ساااااعات

 

[كراميلو]

كوكولا انصحك تخشي العرب المسافرون وووتكتبي جدولك ووالخبراء راح يفيدوكي وخشي جدولي هناك بموضوع سؤال
كاتبتة فجر 2012الا هو انا

 

[*الهنوف*]

ضعنا والله باسامي هالمناطق ههههه

اي لنكاوي الكل يقول للعرسان وانا ما من معرس خخخخ معاي اخوي

 

[*الهنوف*]

والله اانا مثلك يالهنوف 24ساعه في العرب المسافرون
خخخخ
رحلتنا يووم 6/8/1433 وعندنا ترانزيت في قطر 8ساااااعات

شنو استفدتي علميني

 

[كراميلو]

كثير استفدت افرق بين المناطق عرفت الاماكن الاتستحق الزيارة عرفت احصل جدول مناسب لرحلتنا وادا انتي مسجله فيه شوفي دليل لنكاوي وراح تغيري نظرررررتك لها ههههه

 

[my world]

كوكاكولا افيديني اكثر عن مرتفعات الفريزر ؟؟؟

جم ساعه اقعد فيها و وين نقعد بأي مجمع او منتجع ؟؟؟؟؟؟

 

[كراميلو]

ورحلتنا
1-سلانجور يومين فندق الخيول الذهبيه
2-لنكاوي 3ايام فندق الفوربيت شيراتون اووهولدي فيلا
3-بينغ 3ايام فندق البيوفيتش
4-جنتق يومين فندق الفيرست وورلد
5- كوالا 5ايام ومنها يوم لزيارة مرتفعات فريزرهيل فندق الدورسيت ريجنسي
والذهاب الى لنكاوي طيران
ومن لنكاوي الى بينغ عبر الفيري

 

[كراميلو]

كوكاكولا افيديني اكثر عن مرتفعات الفريزر ؟؟؟

جم ساعه اقعد فيها و وين نقعد بأي مجمع او منتجع ؟؟؟؟؟؟

يالغلا مرتفعات فرزيز هيل هي هي منطقة تستحق الزيارة والتجربة ... لراغبي الطبيعة ... والهدوء والجمال ... وبهالشلالات والطبيييعه الخضرااء ... وتستحق كماقرأت يوم واحد فقط تروحيها من الساعه9 الى الساعه 6
ادخلي العرب المسافرون وراح تلقي تقرير عنها
ووالمسافه من كوالا ساعتين او اقل ومن جنتق نص ساعه اعتقد
ودي...:eh_s(7):

 

[my world]

مشكوره يا عمممري يعني اخلي جدولي الجنتنق و عقبه مرتفعات فريزر احنا كبار ما معنا اطفال يعني ماراح نطول بالجنتنق اللهم التلفريك وانتغدا فوق و نطلع

ولا اشرايج ؟؟؟؟؟؟

 

[كراميلو]

مشكوره يا عمممري يعني اخلي جدولي الجنتنق و عقبه مرتفعات فريزر احنا كبار ما معنا اطفال يعني ماراح نطول بالجنتنق اللهم التلفريك وانتغدا فوق و نطلع

ولا اشرايج ؟؟؟؟؟؟

انتي بتجلس كم يوم في جنتق ؟؟اذايومين خلي اليوم الاول لجنتق والثاني ل الفريزر ,,,,

انصحك تسجلي في موقع العرب المسافرون وتسألي الخبراءافضل مني يعطوكي الجواب الشافي
بالنسبة لي انا بجلس يومين في جنتق
والفريزرهيل بخصص لها يوم من كوالا ..


:eh_s(7):