تجمع صيف ماليزيا 2012

[my world]

والله دورت معلومات عنها ماكو شي وافي
انا سفرتي عشر ايام و الجنتنق بخصص له نص يوم ماراح اقيم فيها يعني فكرت اخلي من الساعه 10 لي 1 بالجنتنق و نظلع على مرتفعات الفريزر

ياليت احد يفيدني خواتي

 

[كراميلو]

بحط لك الرابط بس اخاف ممنوووع

 

[my world]

دزي لي عالخاص

 

[my world]

بنات في شلالات غير تمبلر و فريزر ؟؟؟؟؟؟؟؟

 

[كراميلو]

سووري ماقدر ارسل رسايل لان مشاركاتي قليله
بس اكتبي بقوقل
مرتفعات ( freser hill ) ... عندما تكون ( الصورة ) أجمل من البرواز
وراح يطلع لك ..

 

[my world]

مشكوره ما قصرتي حبيبتي تعبتج معاي


قريت هالموضوع بس ما عرفت المسافه اللي بين الجنتنق و فريزر ؟؟؟

 

[وين الوفاء]

السلام عليكم ورحمه الله وبركاته
انا العام سافرت لماليزيا عن طريق الطيران القطري وايد حلو ورخيص سعر التذكره تقريبا 240 دينار ومعاي اليهال
وايد حلو ماليزيا وتصلح حق اليهال من ناحيه الوناسه
وكانت مده السفره 20 يوم
ووووايد وووايد حلوه وكانت زحمه من الخليجين
وانا ناويه اسافر السنه بتاريخ 27 علي الخطوط الاتحاد
3 ليالي سلاجون
3 ليالي جنتنج
7 ليالي كوالالمبور
ماراح ارووووح للجزر لاني العام الماضي رحت وكانت رطوبه ووووايد
واي شي تبون انا حاضر
وانصحكم بفندق بالكوالالمبور فندق جراند ميلينوم وايد حلو ونظيف والبوفيه يم يم عجيب واللوبي شي عجيب ومريح وبنص الشارع العرب كل شي قريب ماتحتاجين سياره انصحكم فيه عن تجربه
وقريب يم المطاعم العربيه مثل طربوش والمطعم الايراني
واللي تحب الماكولات البحريه وراء الفندق مطعم نفس السفينه باباي ووووووووايد حلو وعجيب ونظيف والله نسيت اسمه او النوخذه​

 

[كراميلو]

مشكوره ما قصرتي حبيبتي تعبتج معاي


قريت هالموضوع بس ما عرفت المسافه اللي بين الجنتنق و فريزر ؟؟؟

يالغلا الاموجود ارجعي للتقرير وراح تلقي المدة الاتمسوي التقرير كاتب فيه كل شئ

:eh_s(7):

 

[كراميلو]

تيب من سافر ع القطرية وكان ترانزيت 8ساعات ايش سوو هل اعطوهم فندق المطار والا ايش
لاني احس المده وايد كثيره من 11الصباح لين الساعه 8ف الليل
مدري وش نسوي

 

[3needa]

كراميلو 10 او 12 يوم ما حددنا ليلحين كافي و لا يبيلها اكثر؟

 

[بينك وورد]

اب اب

 

[بنت بو متعب11]

سلامم بنات ششلونکم انا بسافر شهر عسل لمالزیا بسته ثمانیه عربی یعنی بجوون شلون بیکون الجو حر وشمس ولا

 

[كوكا كولا]

وين الوفاء

المطعم الي قلتي عنه مثل شكل سفينه باباي وين مكانه؟؟؟؟
بأي منطقة لأن انا وزوجي من محبي المأكولات البحرية

 

[كوكا كولا]

بخصوص جنتنق يكفي عليها نص يوم أذا انتي وريلج
انا بروح لها من الساعة 10 تقريبا لي العصر نتغدى هناك مخططين بمطعم صيني وايد يمدحونه
وبناخذ جوله بالمكان كله ونجكجك ونستانس ونرجع قبل المغرب ونستغل باقي اليوم في كوالالمبور بشارع العرب نتمشى ونتسوق ونتعشى




بخصوص مرتفعات فريزر
قريت عنها وايد وشفت صور وايد
أهي منطقة وايد حلوة وطبيعية مافيها مجمعات لأن الغالب عليها الطبيعه والمناظر الخلابه
يكفيها نص يوم باعتقادي تستمتعون بالمنتظر والطبيعة هناك

بحط جم صوره لها بالرد الثاني

 

[كوكا كولا]

مرتفعات ( freser hill ) ... عندما تكون ( الصورة ) أجمل من البرواز ... بحرف وافي !!!

قمة الأعجاز ... أن تكون ( الصورة ) أجمل من البرواز ...

وقمة ( الإبداع ) أن تنتصر الصورة ... وتهزم البرواز وتكسر غروره ...

في ( الفريرز هيل ) فقط ... تنقلب ( الموازين ) ... وتتغير القوانين ...

حيث ( العروس ) فائقة الحسن والجمال .... تنام بأحضان الطبيعة والخيال ...

في ( الفريزر هيل ) يشعر الحرف ... بالضعف ... ويلتزم الصمت ...

في ( الفريرز هيل ) تشعر الكاميرا ... بالحيرة ... فلاتدري أين تستقر أضوائها ...

فلنترك الحديث ( للصور ) ... فرب صورة ... تغني عن منطق !!!



نبذة عن ( فريزر هيل )






هي ( منطقة ريفية ) تقع في مرتفعات ( باهانج ) الولاية الأكثر جمالا في ماليزيا ...

أكتشفها ( الرحالة الأنجليزي لويس فريزر ) عام 1900 وجعلها ( مستوطنا ) له ...

تتميز ( فريزر هيل ) بأجوائها الرااائعة وطبيعتها الخلابة ... وأمطارها الدائمة ...

تبعد عن ( كوالا ) 100 كيلو فقط ... وهي بين ( جنتنغ والكاميرون ) ... في المنتصف بالضبط

تستحق الزيارة لمدة ( يوم فقط ) ... أو زيارة من ( 9 ص إلى 6 مساء ) ... لأنها منطقة صغيرة جدآ

تنفع ( الفريزر هيل ) لمحبي الطبيعة والجمال والهدوء ... الباحثين عن الرااااااحة والروقان

حيث الهدوء الكبير الذي ( يلف ) المنطقة ... فلاصخب ولاإزعاج ولاأسواق

تتميز المنطقة أيضآ بوجود ( محمية نادرة ) للطيور من أكثر من ( 250 فصيلة ونوع ) ...

حيث ترى الطيور بأشكالها الساحرة ... وألوانها الباهرة ... فسبحان الخالق تبارك وتعالى ...

وفيها أيضآ ( الشلالات ) الممتعة ... والجداول الصغيرة .. التي لاتعرف التوقف بسبب الأمطار الدائمة

بأختصار :

هي منطقة تستحق الزيارة والتجربة ... لراغبي الطبيعة ( البكر ) ... والهدوء والجمال ...

كيف تصل إلى ( الفريزر هيل )

* من كوالا ( المسافة ساعتين أو أقل ) ... والسعر بحدود ( 180 رنقت ) ...

* من بينانغ ( المسافة ساعتين ونصف ) ... والسعر بحدود ( 200 رنقت ) ...

* لابد من وجود التاكسي معك ... لأن التكاسي قليلة جدآ جدآ جدآ هناك

صور تكشف ( جمال ) وروعة ( الفريزر هيل ) ...

 

[كوكا كولا]

 

[كوكا كولا]

عجبني هالمكان حيل مال قعدة وغدا فيه بهالأجواء الروعه ولا شرايكم









ان شاء الله عجبتكم الصور
ومثل ما قلت المكان طبيعه وبس فيه مطاعم بس مافيه مجمعات بس اسواق عاديه
والهدف من المكان الاستمتاع والاسترخاء بالأجواء الطبيعية الخلابة لهالمرتفعات

 

[كراميلو]

كراميلو 10 او 12 يوم ما حددنا ليلحين كافي و لا يبيلها اكثر؟

يالغلا الزيارة الكافيه لماليزيا 14يوم بس ادتبيها 12 يوم

شوفي هالجدول وانتي اختاري
مدة 12يوم
يومين سلانجور
3ايام لنكاوي
3ايام بينق
4كوالا وتخصصي يوم لجنتق من الساعه 9 الى 6 المساء
:::::::::::::::::::::::::::::::::::
مدة 10ايام

يومين سلانجور ...

ثلاثة أيام لنكاوي ...

يومين بينانغ ...

ثلاثة أيام كوالا


ودي... :eh_s(7):

 

[كراميلو]

كوكولا
يعطييك العافيه ع النقل
فعلا مكان يجننن ووووطبيعه خلااااااااابه
ودي لكـ...:eh_s(7):

 

[كوكا كولا]

اييييي وااااااااايد حلو وهذا هدفنا نستمتع بالطبيعة أكثر
وأنا كنسلت كاميرون هايلاند وراح ازور بإذن الله مرتفعات فريزر