تجمع صيف ماليزيا 2012

[الجوري الكندري]

انا سكنت بفندق ويستن حلو وموقعه حلو بس الافضل فندق الميلينيوم وايد حلو وراقي اخوي سكن فيه موقعه في وسط شارع العرب ويمج كل المجمعات بس ليلته جنه ٣٧ او٤٢ بس فندق ويستن ارخص وفعلا انصحج بجزرة بينانج وايد حلوه وفيها اماكن حلوة تروحين لها*

 

[*الهنوف*]

واخييييييرا
تم الحجز
هم وانزاح

صنوي لاقن 4ايام
بنتغ 3يوم
بينانغ 2يوم
ابيوه 2يوم
كولالمبور 4يوم

 

[*الهنوف*]

بنات
كل وحده تقول جم طلعت عليها التذكره ؟ ومتي احجزتها؟ وعلي اي طيران؟
داحنا طلعت علينا 215 عالاتحاد وتونا حاجزين

اخوي يقول حيل غاليه
يمكن لان سفرتنا اول 6

 

[my world]

بالعكس الهنوف وايد مناسب سعر تذاكركم احنا دايركت الكويتيه ب 315 و تو ما حجزنا فندق الله يتمم على خير ونستانس كلنا

 

[كوكا كولا]

*الهنوف*

ليش كنسلتي لنكاوي حرااااااااااام والله تهبل بحرها صافي وشفاف وفيها الرحله البحرية المشهورة المانغروف
وفيها تلفريك لنكاوي الي بقرية اورينت فيليج وغير شلالات الآبار السبعه
ورحلة القارب الزجاجي بخاطري اركبه تشوفين الشعب المرجانية الملونه تحتج شي روعه وخيال

وفيها جزيرة برايفت تقعدين فيها بالساعات الي تبينها وسايق الطراد يراقب لكم حول الجزيرة لأنها صغيره
وايد قريت عن الجزيرتين
لنكاوي الهدوء والرومانسية والمغامرة بينانق الصخب والحركة والسوق والمباني ما تحسين انج قاعدة بجزيرة صج

عالعموم الله يوفقج يارب

حسافه تأخرت بالرد كنت بقول لج ان الطيران الداخلي افضل شي وارخص شي اير آسيا والأفضل تحجزينها من هني

 

[كوكا كولا]

انا سفرتي بإذن الله 11/6
حجزت على القطرية من شهر 3 مبجر علشان الأسعار ما ترتفع خذينا التذكره بـ 205 دينار

فنادقنا

في كوالالمبور (سويس جاردن 4 نجوم شقق فندقيه) روعه

في لنكاوي (بيلانقي بيتش 5 نجوم) نظام اكواخ عالبحر وجدامج تشوفين قطع الجزر متناثره شي روعه وخيال

انا للحين قاعده اضبط مخططنا اليومي لأن كل يوم قاعدة اكتشف أشياء جديدة
بس حسافة توني دريت ان look out point سكروه كنت حاطته باول اللسته

 

[كوكا كولا]

بنات خلونا نشعلل الموضوع ونفيد بعض بمخططاتنا وكل شي حاطينه باللسته

 

[حــنــيــن]

كوكا كولا ترا الهنوف مو مع زوجها مع اختها واخوها ف لنجاوي ماتصلحلهم لانها روماسيه واهي تبي مغامرات ورحلة المنجروف عاديه بالنسبه لهم وكل هذا بتلاقيه ببنق عرفتي

وبخصوص الجدول انا اهم شي عندي بلنجاوي رحلة المنجروف وميدان النسر وحديقة الفواكة اما بخصوص الابار السبعه واجد مايمدحونها

اما كوالالمبور اخترت الاماكن البعيده الصبح والعصر بخليها بشارع العرب عن الفندق لان بحجز ماريوت

مثلا عندج مجمع اسمه ميجا مول يبعد عن كوالالمبور بنص ساعه لايطوفج قريت كذا تقرير يمدحونه وكبير حيل

هدا اللي عندي الحين واذا سويت جدولي بقولكم

 

[my world]

بنااااااااااااااااااااااااااات تحححححححححححذير لازم جوازاتكم فيها مجال 6 شهور على ما تنتهي عشان تطلعون للكولامبور

اهئ اهئ انا يبيلي تجديد لان جوازي صالح لمدة 4 شهور

 

[كوكا كولا]

حــنــيــن

بالعكس انا احب الشلالات وايد
وشفت فيديو وتقارير عن شلالات الآبار السبعه بصراحة رووووووووعة ومن احلى الشلالات
للحين ما ضبطت مخططي وايد حاطه شغلات يبيلها تنسيق واخلي القريب مع بعض

 

[كوكا كولا]

my world

هههههههههههه افا عليج انا زوجي يشتغل بإدارة الجنسية والجوازات الكويتية
يعني لو منتهيه جوازاتنا خلال ساعة يجددهم

بس زين علمتيني ماكنت ادري وعلشان الي ما تعرف تنتبه وتجدد جوازها

 

[كوكا كولا]

وينكم؟؟؟؟؟
ليش التجمع نايم
يالله مانبي نوم

نبي حركة نشاط وشعلله

 

[مررريضه]

مرحباًأنا انشأ لله رحلتي أنا وزوجي ١٦يوم
وحجزت التذاكر ع القطريه وجدوالنا من شهر ٢ اشتغل فيه طبعا إحنا رايحين شهر عسل تجديد


٢صن وأي
٤بينغ طيران اسيا
٢ لنكاوى ويسن الفيلا
من بينغ الي لنكاوى السفينه اربع ساعات
٦كولالمبور فيها يوم جنتنغ. ويوم افاموسا وأماكن الباقيه وتسوق
وامااااانه عطوني رأيكم بجداول

 

[كوكا كولا]

مررريضه

الله يسهل اموركم يارب بس متى السفره؟؟؟؟
ويستن لنكاوي الفلل روووووعه بس غالية علشان جذي ما حجزتها بخليها السفره الجايه ان شاء الله
انا كان بخاطري اروح بينانق بس زوجي خيرني بين بينانق ولنكاوي واخترت لنكاوي اكيد

ماراح تروحين كاميرون هايلاند؟؟؟
انا حطيتها بجدول رحلتنا لأن بخاطري اشوف الشلال هناك يقولون وايد حلو وبخاطري بعد اشوف مزارع الشاي
عالطبيعه واقعد فيق الجبل واشوف المزارع واشرب الشاي مالهم هناك اهي منطقة ريفيه
فيها مزارع الشاي والفراولة والعسل وتشترين هناك شاي من محلات المزارع نفسها روعه
وفيها شلالات عجيبه اذا ماني غلطانه اسمه شلال اسكندر
انا ترا مارحت ولا مره ماليزيا بس من شهر 3 وانا اثقف نفسي واقرا وايد علشان يكون عندي خبره بكل مكان

 

[كوكا كولا]

انا للحين ما خلصت خط سير الرحلة أمس انشغلت اسوي مراجعه علوم حق بنتي برابعه ابتدائي
اليوم ببدأ دراسه معاها وبسوي جدول رحلتنا واخذ رأيكم

 

[بينك وورد]

قوه بنات

بسألكم من وين اقدر اشتري واجهز للسفره قمصان طويله يكون الكم منها وفيها ما يحتاج اللبس تحته قميص ولا توب يغطي الاكمام
انتو عارفين ابروح ماليزيا حاره وما ودي اقمت عمري باللبس والله يعينه عالحر
ابي القمصان حلوه ورزه وعمليه مع الحينز

 

[بينك وورد]

رفففففففففع

 

[بينك وورد]

اب اببببب

 

[كراميلو]

الهنوف ترى لنكاوي احسن من بنتغ
لان بنتغ لسى مفيها شئ كثر سياحي
اما لنكاوي فيها كل المتعه والمغامرات
وانتي وراحتش حبينا نفيدك ونقولك لاتطوفيها ههه

 

[حــنــيــن]

مرحبا ورد بتلاقين واجد منهم بالاسواق مثلا عندج المعلم الي بالسالميه وفي بعد الايوب اللي بحولي نفس اللي قلتي وبيعجبج

بنات وينكم نبي نشاط وكل وحده تحط جدولها

انا ناويه بعيد الفطر اروح