%% تجمع حق اللي ولادتهم بأكتوبر ونوفمبر %% حياكم

[Cacawa]

الحمدالله زين تبتي
انا خالتي مستنفرة علي ماتبيني اسوق تبي ريلي يوديني وايبني بس ماعرف

قمت شسوي لما انزل على الخط السريع احطه Cruise اللي يثبت السيارة على سرعة معينة وتسوق بروحها بدون مادوسين بانزين وخف الشد علي

 

[Mar Mar]

و أخيرا سويتلي توقييع و صااااااااار )))

 

[مبدعة]

هم دير بالج كاكاوا و احسن انج تتدلعين بهالفترة

انا عموما ما اطلع محبوسه بالبيت بس لو طلعت احد يوديني ما اسوق حاليا لما تستقر حالتي

 

[مبدعة]

مر مر ..

متى اخر دورة لج ؟ جنج معاي بالضبط !!

 

[Cacawa]

عالبركة Mar Mar على التوقيع

مبدعة
لاتشوفين الدلع واللي انصدمت منه ان خالتي مدلعتني بعد وناسة

 

[Mar Mar]

مبدعة انا آخر دورة كانت 16/1
الله اباركك فيج Cacawa

 

[مبدعة]

لا مر مر حسبت طلعت انا قبلج باسبوع تقريبا

الله يثبت حملنا وحملكم و يرزق كل من يتمنى

 

[Cacawa]

آمين يارب

 

[أم منصـ 85 ـور]

الله يهون علينا يابنات ويثبت حمالنا ويرزقنا من فضله .. مبدعة أنا حمالي اللي طاف جذي ينزل على افرازات لونها بني وقالت لي الدكتورة لاتتحركين كلش انا الله وكيلج افرفر بالبيت صاعدة نازلة والله ماكتبة لي .. وديري بالج ياقلبي لاتتحركين كلش الا عزج الله للحمام .. والله يثبت حملج ويرزقج يارب

كاكاوة حتى انا ممنوعه من الجماع أول 3 شهور لأن أغلبنا سبق لهم إجهاضات والله كريم ان شاء الله

 

[كويتيه عسوله]

شلونكم بنات شخباركم..

مشاءالله الله يتمم علينا بخير

مرمر انا اخر دوره لي 19\1 تقريبا معا بعض

تكفون بنات ابي شي يخفف اللوعه والترجيع كليت حبوب بس ماكو فايده

وحدي متأذه

اللي تعرف اي شي زين تقولي

 

[badrah]

انا ولادتي يوم 12-10-2008

 

[الزمن ماله أمان]

هااااااااااي بنات أنا معاكم ولادتي انشالله شهر 10 هذا ثاني حمال لي بس آنا خايفة إني أمتن أنا بحملي الأول متنت وايد بشكل مو طبيعي وبعد الولادة قدرت ولله الحمد أنزل تقريبا نصف اللي متنته بس قدر الله وحملت مره ثانية آنا خايفة اني أمتن نفس قبل فارجوا اللي عندها طريقة للمحافظة على الوزن أثناء الحمل تقول لي مو رجيم لأن الرجيم مو زين بس طريقة نستفيد منها كلنا

والله يوفقكم ويثبت حمل الجميع ...... وشكرا

 

[مبدعة]

الزمن ماله أمان ..

اشتركي دايت كير يحافظون على وزنج ما يزيد و لا يقل

 

[Brounzi_girlly]

هاي بنوتات شلونكم
انا صراحة حدي تعبانة اللوعة مأزمتني بس بدون ترجيع والمزاج كله متعكر وماشتهي اقرب يم ريلي صج صج تعبانة و والأكل مرة آكل ومرة ماآكل وهم خايفة أمتن لأني زايدة كيلو ’ بحمالي الأول وايد زاد وزني وبالغصب ضعفت فا خايفة مرة ثانية أمتن أصلا ملابسي بادية تضيج وآنا توني
مع التحية.......................

 

[سفيرة العشق]

هلا حبيباتي
انا هذا ثالث حمل لي والله يثبته
ويرزقني ببنوته حلوة عندي ولدين ...الله يخليهم لي

وانشالله بتكون ولادتي شهر 11

 

[سفيرة العشق]

بنات انا أحس بعوار بظهري من أول ما حملت

وخايفة وايد اول مرة ايييني هالعوار؟؟

 

[توته]

عادي سفيره توني كنت عند الدكتوره وعطتي دهان للظهر
عسى الله يثبت حملنا ان شاء الله

 

[Cacawa]

ام منصـ85 ـور
الله يثبت حملنا انشالله

الزمن ماله امان
الحمدالله والله يثبت حملج انشالله وبالنسبة حق الاكل لاتاكلين شي زايد طبعا الوجبات الاساسية الثلاث تقدرين تخلينها 6

Brounzi grilly
نفس الحالة لوعة جبد ومالي خلق اليوم نمت الظهر وقعدت المغرب لاعت جبدي زيادة ومزاجي صار اكس الله يعينا ويهون علينا

سفيرة العشق
حياج الله بالتجمع والله يعطيج على قد نيتج ويرزقج بنوتة حلوة وتكون من الذرية الصالحة وبالنسبة حق عوار الظهر شي طبيعي انا من قبل لا ادري اني حامل وانا ظهري يعورني

 

[Cacawa]

كويتية عسولة

بالنسبة حق الترجيع الصبح اكلي بسكوت مالح قبل لاتقومين من الفراش
او تريقي توست وجبن حطيها بالشواية حمصيها شوي انا نفعت معاي

 

[كويتيه عسوله]

حبيباتي ليش محد رد علي؟؟؟