%% تجمع حق اللي ولادتهم بأكتوبر ونوفمبر %% حياكم

[فطمطم]

الله ايسهل عليكم يارررررررررب يالغاليات

 

[Brounzi_girlly]

شلونكم حبايبي الحوامل اليدد انا راح انظم معاكم
انا متزوجة صارلي 4 سنوات وبس عندي بنوتة
وتوني حامل ولادتي يا اول نوفمبر او نصه لي الحين طبعا ماراجعت بس ان شاء الله هالأسبوع اروح
الي احس فيه حاليا لوعة بس مودايم انا توني ماكملت شهر على حسب تحليلي
وفيني خمول فضيع وزهقانة من نفسي صج صج احس بتعب ودي انام بس مانام وااايد
الله يهون علينا ونعدي هالمرحلة
مع التحية.....................................

 

[الراجيه مغفرته]

الله يتمم عليكم انشالله ويهنيكم
انا توني بالشهر الثاني ولادتي انشالله على اخر اكتوبر اول نوفمبر

 

[badrah]

هلا مبدعة
والله الدكتوره خالدة انا اول مره اتعامل معاها
بس والله تهبل و تعاملها حلو
واللي احسن من جذي انها شاطرررة

تدرين ان انا ماكو مكان ما رحته علشان الاجهاضات
حتى لندن و المانيا وكل مكان بالكويت ... وسويت كل التحاليل
كلهم يقولون الحمدالله سليمه.. و مو عارفين سبب اجهاضاتي المبكرة
الكل يقول خليها على الله

وهي ماشاء الله عليها مجربه معاي علاج غير الباجي ... و لحمد الله ماشي معاي ليما الحين
وغير هذا مواعيدها مضبوطه... بس اذا ما كان عندها حالة ولادة... بس على طول يخبرونج بالتلفون

و اسعارها حالها حال الباجي.... والله انا مو مثبته بس كان هامني اني الاقي دكتوره اتعرف عن حالتي و بس

وتري التوافيق من رب العالمين

 

[جنات الورد]

انا اراجع عن دكتوره مي بدار الشفاء وايد يمدحونها وقبل يوم بولدي ولدت بالهادي امبيييييييييييييييه والله تعذيب عذبوووني الله ياخذهم حدي متعقده منهم توبه اروحلهم سولي فلم رعب

عاد شلووون دار الشفاء ودكتوره مي منوو سمع فيهااا؟؟؟

 

[أم منصـ 85 ـور]

الله يهون عليكم حبيباتي

بالنسبة للدكتورة مي رحت لها بحمالي الي طاف مره بالطوارئ وشكلها خوش وحده وعبير بعد يمدحونها بس ماجربتها

انا دكتورتي ناهدة وراجعت عندها بحمالي اللي طاف اللي الله ماكتبه لي وأجهضته بالشهر 3 وألحين توني حملت وان شاء الله برد أراجع عندها والله يعيني عالزحمة وتكنسل المواعيد

بس بنات انا وايد خايفه من انه يصير فيني نفس اللي صار فيني ويموت البيبي صايرة أوسوس

يارب إني أستودعك مافي أرحامي يامن لاتضيع ودائعه اللهم ثبت حملي وأرزقني الذرية الصالحه يارب العالمين بنات أدعولي

 

[Brounzi_girlly]

حبوبة أم منصـ 85 ـور لا توسوين موزين التفكير
والله يتمم عليج وعلينا
آنا ماراح اراجع بالخاص في البداية براجع بالمستوصف إذا وصلت إن شاء الله السابع أروح عند الدكتورة إلي بتولدني
حملتي الأولى ولدتني دكتورة ماجدة اليتامى بدار الشفا بس هالمرة بغير يمكن أروح عند ناهدة
الله يتمم علينا كلنا
مع التحية.....................................

 

[مبدعة]

شلونكم يا حوامل 2008

بدرة .. حبيبتي اشكرج على الرد و انا الصراحة للحين محتارة بس شكلي راح اراجع عند دلال السالم وايد يمدحونها


جنات الورد .. الله يهون عليج حبيبتي .. الصراحة ما اعرف دكتورة مي بس تقدرين تراجعين عند اي عيادة و بعدين الدكتورة تولدج بدار الشفا اذا تبين

أم منصور .. الله يثبت حملج و يطمن قلبج لا تحاتين و خلي افكارج دايما ايجابيه و ربي يثبت حملج و يرزقج الجنين السليم المتعافي

انا اليوم ذابحني الامساك ماني عارفه شسوي ما بقى شي ما كليته فيه الياف و لا في فايده تعبت حدي ..

 

[فوز الكويت]

أنا أراجع عند الدكتوره هدى الزكري

موعدي معاها اخر شهر 3


الله يصبرنا

 

[Cacawa]

ارحب بكل الحوامل اللي انظموا للتجمع
واقولهم الف مبروك والله يتمم عليكم انشالله

عذروني ماكنت موجوده الايام اللي طافت لان النساة لاعبة فيني لعب ومالي خلق شي
بس اليوم قلت لازم ادش واشوف اخبار البنات

بالنسبة لي انا اراجع عند الدكتورة امل عبدالعزيز وعطتني فوليك اسيد ومثبت وبيبي اسبرين

ارد مرة ثانية وارحب بكل الحوامل اللي انظموا للتجمع

 

[Brounzi_girlly]

حبوبة مبدعة
كثري عصاير وخصوصا البرتقال
أكلي كورن فلكس فتنس ترى يلين البطن
جربي بعد ماي الزهر حطي شوي وزيده ماي وشربي خلي مع الماي العادي اكيد راح يمشي بطنج
ماعليج إلا العافية
مع التحية.................................

 

[Cacawa]

يقولج الامساك زين حق الحامل لان الاكل يقعد في بطنها اطول وقت ممكن عشان الجسم يمتص منه كل شي

انا حماتي قالت لي شربي عصير برتقال بس شربيه جنه دوا عرفتي لما تشربين دوا ماتحبينه اشلون جذيه وصج انا جربتها وانفعت معاي عندج بعد العنب يمشي البطن وكثري من السوائل

والله يعين الجميع

 

[أم منصـ 85 ـور]

هلا فيكم بنات الحمدلله على كل حال وان شاء الله بحاول أكون متفائلة

كاكاو .. انا ليلحين ماراجعت عادي أخذ المثبت والبيبي أسبرين من غير وصفه ؟لأن موعدي مطول بعد 10أيام

 

[شموخ الحلا]

مرحبا يالغاليات

انا الحمدلله بعد الله سبحانه حملت وانشالله ولادتي بشهر 11

بس عندي مشكله

اول ماحملت قالو الحمل ضعيف وسويت تحليل هرمون حمل طلع 57

وبعدها بكم يوم وصل 155 وبعدها بكم يوم وصل 595 هل بالفعل حملي ضعيف

لان التفكير ذبحني والحين احس بالام في بطني وظهري وعظام الحوض

امي تقول عادي شي طبيعي بس الحمدلله العوار مو قوي وايد

طمنوني الله يطمنكم

واقول للغالية ام منصور خاي ايمانج بالله قوي قادر علا كل شي سبحانه

 

[مبدعة]

ام منصور شربت عصير برتقال لما عيزت هههههه و لا في فايده ههه بس على قولتج لازم اجرب كورن فليكس فتنس و ماي زهر

كاكاوا ..الامساك مو زين للحامل ما ادري من وين يبتي هالمعلومة اهو هرمون الحمل يسبب امساك للحامل لان يبطيء عملية الايض بس مو زين لان يزيد الضغط في البطن و البيبي لو يبي يتغذى خصوصا اول الايام بياخذ من الام اي شي يمتصه سواء كلت او ما كلت ياخذ من الدم

الله يفرجها علي حدي متازمة من هالامساك

 

[Cacawa]

ام منصـ 85 ـور
حبيبتي تقدرين تاخذين مثبت في مثبت اسمه cyclogest تحاميل شرجية (على كلام الدكتورة)
اما بالنسبة حق البيبي اسبرين الله اعلم بس لاحظت انه يعطونا حق اللي عندهم حالات اجهاض من قبل

شموخ الحلا
عسى الله يثبته انشالله ويتمم عليج وديري بالج واهم شي الراحة لاتعبين روحج

مبدعة
حبيبتي هذا لنك الموضوع اللي نقلته من سايت 6abib.com
http://www.q8yat.net/showthread.php?t=138910

 

[Cacawa]

حبيبتي مبدعة انا قصدي الجسم اللي يمتص الاكل مو البيبي انا ادري ان البيبي يمتص من دم الام

لما الجسم يمتص الاكل اللي موجود في بطن الام حزتها البيبي بدوره يمتص اللي بدمها

 

[شموخ الحلا]

طيب شلون علا الجماع

انا بصراحه زوجي يطلبني وارفض واحيانا انا الي اشتاقله

يعني معقوله نقعد ثلاث شهور بدون جماااع ؟

 

[مبدعة]

شموخ الحلا اول ثلاث شهور ممنوع فيها الجماع خاصه اذا كنتي اول حمل او لج اجهاضات من قبل

و سألي دكتورتج احسن بعد..

بالنسبة حق هرمون الحمل قالوا لج ضعيف لان بالبداية يكون قليل بعدين دام ان قاعد يزيد انشالله ما عليج باس

بس اهم شي انتبهي على نفسج و راجعي الطبيب علشان تشوفين شتعطيج من ادوية

 

[مبدعة]

مشكووورة كاكاوا على الموضوع