%% تجمع حق اللي ولادتهم بأكتوبر ونوفمبر %% حياكم

[om3boood]

قووه خواااتي انا بنضم لكم .... انا ان شاءالله ولادتي اخر 10 ...
الله يتمم علينا اجمعين ان شاءالله

بالنسبه لي المزاج حده تحت الصفر وجبدي طاقه ... انطر اعدي الثالث عشان تخف النسات

وهذا حملي الثاني

 

[أم منصـ 85 ـور]

الله يهون علينا يارب بنات كل وحده تقولنا تراجع عند منو وشنو ميزة دكتورتها وشلون عالزحمة

 

[badrah]

مبدعه....
حق الامساك مو تشربين عصير برتقال
اكلي برتقال و افندي لان شفتي القشور البيضه فيهم اهيا المفيدة
ولما تعصريننه ... ما تكون معاه هل القشور فتقل الفايده

وانا سمعت ان التفاح مفيد ويسكر الرحم حق اللي عندها نزيف او افرازات
ويقولون نقعي علج البان وشربي مايه حق اللوعه
وبعد ماي اللقاح يخفف اللوعه... والله اعلم

قلت افيدكم للي تبي تستفيد:klhfl:

 

[مبدعة]

بدره مشكورة على هالمعلومات

عاد انا من فترة نمت بالمستشفى بسبب افرازات بنيه قامت تنزل علي و عطوني ابر مثبته و قالوا لي لا تتحركين كلش

بجرب التفاج بس مشكلته يسوي امساك بعد

صرت اخاااااااف اكل شي كله اخاف من الامساك هههه

اليوم شربت ماي لما عيزت بنبط من الماي و الله يسهل علينا

 

[مبدعة]

ام منصور

بالنسبة حق المراجعات انا دكتوري ما راح ينفعج لان اصلا انا حملت بعلاج و اهو مو تخصص نساء وولادة و راح اغيره انشالله قريبا

واحتمال كبير اروح عند خالده المجيبل او دلال السالم

على فكرة حيييييييييل عجبني توقيعج

 

[Cacawa]

شموخ الحلا
حبيبتي شنسوي بعد لازم تمتنعين عن الجماع لمدة 3 اشهر وانشالله من عقبها سهالات

مبدعة
لا شكر على واجب

ام منصـ85 ـور
انا اراجع عند الدكتورة امل عبدالعزبز الصراحة خوش دكتورة وما افكر اغيرها من اول ماشفتها ارتحت لها وحتى ريلي من اول مرة شافها ارتاح لها وايد وبالنسبة للزحمة اذا رحتي على دورج ماطولين الحين النظام اللي مسويته حلو تاخذ 4 حالات بالساعة يعني مثلا خل نقول موعدج الساعة 8 الصبح وفي بعد 3 غيرج اذا رحتي امبجر نقول وصلتي 8 اذا انتي اول وحدة من ال3 الباجي دورج يصير 1 واذا وصلتي وفي وحدة قبلج يصير دورج عقبها على طول

om3boood
حياج الله بالتجمع والله يتمم عليج ويهون علينا كلنا انا بعد ناطرة اعدي الثالث عشان تخف النساة

badrah
انا عصير البرتقال نفع معاي
وبالنسبة حق علج البان كلامج صح ومو شرط تنقعينه عادي اكليه جذي

 

[om shoyokha]

مادري معلومات غريبه مادري من وين تيبوونها انا حامل من قبل ولا عمرنا سمعت احد يمتنع عن الجماع 3 شهووور شدعوه؟؟؟؟

مافيها شي الجماع بس علاقل يكون بحرص مو دفاشه وان شاءالله ماكو الا الخير

بليز بنات لاتخرعوون بعض ترى مو لي هالدرجة !!!!!!!!!!!!

 

[Mar Mar]

مبروك للجميع و الله اثبتنا انشاء الله و اسهل علينا حبيت اشاركم التجمع
انا ولادتي 23\10 و هذا 3 بيبي و اراجع عند فوزية القطان و عطتني مثبت و فولك أسد لأن كنت مطيحة ..

 

[مبدعة]

هلا فيج ام شيوخه بتجمعنا

احنا ما خرعنا بعض و المعلومات هذي قلنا حق اللي نفس حالاتنا ما عممناها عالكل

يعني اللي حامل عقب جم سنة و بعلاج الطبيب يمنعها منع بات عن الجماع

و اللي مطيحه 3 او 4 مرات الطبيب نفس الشي يمنعها

يعني مو كلام من عندنا او من وحي الخيال من اللي قالوه لنا الاطباء

حياج الله

 

[Cacawa]

صح كلام المبدعة

انا دكتورتي منعتني عن الجماع حاليا ولاني كنت مطيحة من قبل
اهيا موسالفة تخريع سالفة تحذير

 

[Cacawa]

حياج الله Mar Mar بالتجمع
والله يثبته انشالله ويتمم عليج

 

[om shoyokha]

الله يثبت حملنا جميعا ان شاءالله

 

[Cacawa]

آمين يارب

 

[hard2get]

الله يسهل عليكم ان شاءالله

 

[Mar Mar]

مشكورة حبيبتي Cacawa آمييييين انزين بنات كل وحدة اتقولنا شنو حاسة انه فيها بنت ولا ولد ؟
و انا اول وحدة بقولكم احساسي حاسة انه ولد مع العلم انه عندي بنت و وولد و هذا الحمال غيير واايد عنهم بس مدري ليش حاسة انه ولد ))

 

[فوز الكويت]

كيفكم

بنات بسألكم من يومين قاعد يصير لي شي غريب وخاصة وقت المغرب يجيلي شد في اسفل البطن شديييييييد ويستمر لمدة ساعة تقريبا ما يوقف وامس ما قدرت اتحمل لين اخذت حبتين بنادول وخف شوي بس بعدها حسيت خلاص اني جسمي مكسر لين نمت وتميت تعبانة والشد من قوته انه يشد رجولي معاه

بنات تكفون طمنوني هذا شي عادي او في شي





اللهم أستودعك ما في رحمي فسهل ويسر حمله وولادته
اللهم أقر عيني وعين والده به
اللهم آمين
يا رب لك الحمد و لك الشكر

 

[badrah]

والله يا مرمر هذا ول حمال حقي فما ادري
اللي ايي من الله حياه الله:68_asmilies-com:

وحلمت ذاك اليوم اني لابسه ساعه
عاد مادري شنو تفسيره

وترى ام شييخه
صج ...حتى انا الدكتوره مانعتني من الجماع اول الاشهر
لان عندي اجهاضات من قبل

عاد انا قلت مو بس اول الاشهر ... الله وكيلج ليما التاسع:68_asmilies-com:
كل شي ملحوق عليه

 

[Cacawa]

Mar Mar
خالتي حلمانه وتفسير الحلم بنية وانا اتمنى بنية
واللي ايي من الله حياه الله

فوز الكويت
انا صار معاي جذي وحتى لما اسوق السيارة ريلي تشد والشد يوصل لى ظهري
الله يعينا بس حطي بالج وارتاحي

badrah
لوووووووووول شكلي بسوي مثلج لى التاسع

 

[مبدعة]

فوز حبيبتي ما عليج باس انشالله انا كان اييني شد بس يروح و يرد بس للحين ما قلت حق الطبيبة عنه

اختي ايام حمالها نفس الشي و قالت لها الطبيبة هذا من نقص الحديد و الله اعلم

لا تكثرين بنادول

كاكاوااااااا ... انا لما اسوق سياره اتعب بعد و كان اييني نزيف مع اني ما اسوق كلش الا بين فترة وفترة ابوق السياره و عقبها ينزل علي دم تكرمين اخر مرة بس استوعبت اني لما اسوق يصير فيني جذي

الحين عقلت و تبت

 

[توته]

السلام عليكم
ممكن اشارك وياكم
ولادتي ان شاء الله اول 11 ان الله سهل
وهذا ثاني حمل عندي ولد الله يخليه لي
ولحد الحين ماراجعت