%% تجمع حق اللي ولادتهم بأكتوبر ونوفمبر %% حياكم

[توته]

صباح الخير كروشات
امس خفت بالليل بغيت اروح الطبيب نزل علي وانتو بكرامه افراز بني غامج نفس اخر الدوره وظهري عوار موطبيعي اليوم نقس السكاكين خايفه بصراحه
ياليت تطمنوني اذا احد صار له مثلي او لا

 

[مبدعة]

اي توته انا صار فيني جذي

يعطونج ابر مثبته بس

 

[أم منصـ 85 ـور]

اللله يثبته يارب لكم ياتوته ومبدعه وكل البنات اللي موجودين

بس سؤال للي يآخذون بيبي أسبرين أنا شريته من الصيدليه مو مكتوب عليه بيبي اسبرين مكتوب اسبرين للقلب ؟؟

 

[مون14]

السلام عليكم يابنات.. انا عضوه جديده وهذه اول مشاركه لي واللي خلاني اشارك بصراحه اهوا تجمعكم هذا.... الله يسهل علينا كلنا ويتمم علينا
انا حامل اول مره بعد سنه كامله من الزواج مالله كتبلي فيها حمل واراجع الدكتوره امل عبدالعزيز مشاالله عليها وايد زينه وانا الحين في الاسبوع السابع ولايعه جبدي ليل ونهار ويوم آكل ويوم لا وممنوع علي الحركه صارلي شهر كامل قاعده بالبيت لان فيني ضغط دم واقل اجهاد يرفعلي ضغطي حتى الدوام ما اروح وانا مدرسه روضه يعني غيابي وايد صعب بس شسوي الضغط مايرحم وخطر جدا عالجنين وانا والله وايد احاتي والله يستر..

 

[Brounzi_girlly]

آنا نزل علي دم بحملتي الأولى بالإسبوع ال7 وسولي سونار وتطمنو على البيبي وعطوني حبوب تثبيت
ماعليج إلا العافية
مع التحية.........................

 

[مون14]

الله يطمنج انشالله

 

[أم منصـ 85 ـور]

وينكم بنات ؟؟

شكلكم طايحين بالوحام .. أنا من رديت من الدوام لي الحين وييع شعووووور قرف مو طبيعي الله يعينا على اللي جاي

 

[Brounzi_girlly]

اي والله ام منصور اذا كليت شي مالح احس شوي احسن ولا الحلو يقلب جبدي مالي خلق الأكل
مع التحية..................

 

[أم منصـ 85 ـور]

بعد قلبي يلا كله بأجره .. صج لاتنسون الماي مع الثلج شي مو طبيعي حق اللوعه وفي علج وصفته لي ناهده اسمه choozجربوه بنات شي عجيب

 

[سفيرة العشق]

هلا فيكم يا مكرشات
لالالا تو الناس عالكرش

والله انا الحمد لله ما تيني لوعه بس كله دايخة وودي انام باي مكان

وعوار الظهر يروح ويرد

واليوم مالت عليهم فالمدرسة اختفوا الفراشات بالهدة وما لقيت أحد يشيل غراضي جنطتي واللابتوب
والله شلتهم بس كنت حيل خايفة لأني حسيت بعوار خفيف ..

 

[سفيرة العشق]

توته حبيبتي شسم الكريم اللي وصفته لج الدكتورة؟

 

[أم منصـ 85 ـور]

سفيرة العشق لاتحاتين حبيبتي ان شاء الله سهاله بس حاولي مرة ثانية ماتشيلين شي ثقيل عالاقل لما تقل خطورةالإجهاض والله يثبت حملنا يارب

 

[مبدعة]

سفيرة العشق ديري بالج

المفرووووووووض ما تداومين زي حلاتي

مرضيات احسن لج

 

[غـــ روحــsaraــي ــلآآ]

مرحباااا بنااات


حبيت اشارك معاكم انا متزوجه صار لي سنه وعشر شهور وعندي بنتي بعد جم يوم تكمل سنه


والحين حامل يمكن توني داخله الثاني ولادتي تقريبا اول 11 وبدت معاي اللوعه والترجيع الله يعزززكم


واذا عندكم شيء يخفف اللوعه ومظمون لاتبخلون علي


والله يسهل على الجميع

 

[Brounzi_girlly]

صباح الخير أمهات لمستقبل شلونكم اليوم
آنارحت قبل شوي المستوصف افتح لي ملف عشان ابدي اراجع لي السابع بعدين اشوف أي دكتورة تولدني بالخاص
طبعا احنا بجنوب السرة ماعندنا عيادة حوامل حولوني على مستوصف صباح السالم التخصصي المهم رحت ولا تقولي الكاتبة مو اليوم يوم الخميس والصبح وأمس جنوب السرة قايلين الأحد والثلاثا طلع امراض النسا فيهم اهمال مو طبيعي يعنون الناس آنا بروحي مستأذنة من الدوام وحالتي حالة
ولما طلعت تذكرت ان الخميس عطلة والمشكلة فتح الملف لازم الصبح لأن انا ابي اراجع العصر مالي خلق كل ساعة استأذن
يالا خيرة(قلبت راسكم على الصبح)
مع التحية .........................

 

[فوز الكويت]

بنات والله احترت ماني عارفة سالفة هالشد اللي ذابحني

اليوم حاشني في الصف وان اشرح للبنات والله لا يوريكم بغيت اصرخ بس تحملت لين طق الجرس ورجعت البيت


بنات انا خايفة فيني التهاب مع اني ما فيني حرقة في البول

طمنوني تكفون شنو هذا

المبدعة بسألج شلون على الطبيات مو يقولون أكثر من 15 يوم خصم ربع الراتب وشلون اسوي مجلس طبي اخاف يطولون وبعدين ما يعطوني











اللهم أعيذ ما في رحمي بكلماتك التامة من كل شيطان وهامة ومن كل عين لامة .. اللهم أسألك أن تحفظه وتجعله معافى كامل الخلقة دون زياده أو نقصان .. اللهم حسن خلقه وخلقه وسهل حمله ومخرجه واجعله قرة عين لي واجعله من عبادك الصالحين آمين يارب العالمين

 

[أم جوري]

هلا حبوبات عضوة جديدة

انا حاليا بالشهر الثاني عندي ثلاث يهال وولادتي بمص اكتوبر ان شاء الله

هالايام احس بتعب لاني مسوية ثلاث عملبات اخرها كانت ولادة مبكرة وقبل هالحمل اجهضت

الله ان شاء الله بيثبته هالمرة ويهون علي لاني حيل نعبانة ... وأمس صار عندي هبوط ...

 

[مبدعة]

فووووووز الكويت ....

انتي اذا اخذتي مرضية اسبوعين متواصلين راح يحولونج مجلس طبي و لو كانوا محولينج من قبل و اعتمدوا مرضياتج روحي للسكرتيرة و طلبي منها نموذج اسمه رقم 1 و كتبي طلبج و الناظره توقعه و روحي المنطقة سويه

طبعا المجلس الطبي يمكن يعطونج موعد عقب شهر بس عادي اخذي هالفترة مرضيات واهما بيعتمدونها لج و بيحلونها اجازة طبيه و ما راح ينخصم عليج

 

[ام عبدالله2006]

ابي نصايحكم

 

[الفرح والدلال لي]

قوة كاكاوا شلونج

انا متزوجة من خمس سنوات وعندي بنت بتكمل الخمسة ومن بعدها الله ماكتب اني احمل بس الحين الحمدلله انا حامل بالشهر الثاني والله يتمم علي وعليكم وولادتي ان شاءالله بشهر 10