تجمع امهات العالمية الامريكية

[caramella]

فرصه سعيده فووز
إي هذي آنا والله ولدي مرتين اليوم طاح نفس الطيحه
أول مره بالبيت الصبح عالدري وإحنا نازلين كله تكسر زلق و طاح و طاح اليوم بعد نفس الطيحه عند المدرسه يا حبيبي عور قلبي
عيل بيلا ما شفتها اليوم آنا اعرفها من سيارتها بس إهي ما تعرفني

 

[mr000]

السلام .ها أخيرا صدتوا كراميلا..وعليه كراميلا كسر خاطري ولدج..عسى ماتعور وايد...ساعات اليهال الصبح يكونون دايخين شويه من القعده مبجر..مسكي أيده أحسن وهو نازل الدري..لا الظاهر مافي أمل لاأشوفكم ولاتشوفوني..يلا نظل بس بالمنتدى..

 

[Fouz]

السلام عليكم أمهات

وينج يا ريمان صدنا كاراميلا و باجر بحيل الله بسلم عليها و اذا بيلا معاي بيصير تعارف ثلاثي

مرو شلونج و منو قال ماكو أمل تشوفينا ما الحين باجي شهر على نهاية الدوام و ضروري نشوفج، شوفي يوم هاف داي و مرينا الباب الثاني لأن الكي جي يطلعون قبل المراحل الثانية بنص ساعة فيمدينا نشوفج و تروحين حق ولدج، طبعا هذا اقتراح و اذا ياز لج توكلي على الله و مرينا
على طاري التطعيم اسم الله عليها بنتي كملت شهرين و باجر تطعيمها، باجر مالي اهو اليوم مالكم لما تقرون هالحجي، ان شاءالله ما تصخن يارب، مرت اخوي بتروح معاي لان من غير شر العادة أبوهم يمسكهم انا مالي قلب اشوف الابرة

بيلا شخبارج، وايد استانست اليوم معاج ماشاءالله جني اعرفج من زمان لا تكلف ولا تصنع، مو اللي اعرفهم من عمر و الحين صاروا حليمة بولند بالتصنع

كاراميلا شخبارج ، تزهبي باجر حق الهجوم، انا بقول السلام عليكم اذا طلعتي انتي فضخي النظارة، هذي الحركة السرية

بنتي توها نامت، فرصة انام لاني و بكل أسف داومت فالله المستعان، أشوفكم على خير ان شاءالله

 

[mr000]

السلام أمهات اشلونكم..فوز الله يعينج عالدوام ..وعلى تطعيم بنتج ..أهم شي كمادات دافيه مكان التطعيم..وأدول على طول لاتنطرين تييها حراره..والله مابي أضيق خلقج أن شاءالله بنتج ماتصخن وكل ياهل غير عن الثاني..بس بنت ولدي تصخن على كل تطعيم وتعتفس وبجي وترجيع..وطبعا ماتتقبل أدول المستوصف آخذ لها من الصيدليه شغلات طعمها أحلى شوي ..في يمكن البنادول الوردي الشراب اللي حق الصغار..وكنت أعطيها تالينول اللي للأسف توهم يتحجون وحطوا بالجرايد هاليومين إنه في خطأ بتصنيعه والشركه المصنعه سحبته من السوق وتدعو المستهلكين إنهم يوقفون استخدامه..اشعقبه الله ياخذهم سنه ونص وإحنا نعطيها منه كلما صخنت لأنه الوحيد اللي كانت تتقبل طعمه ..على كرز مادري فراوله. ..تونا بس من كم شهر قمنا نعطيها كالبول أو بروفينال...أمس رجعت البيت قطيت التالينول..عاد شاريه 2 يدد احتياط..آنا مره سألت السستر بالمستوصف ليش جذي تصخن وتتبهدل ماأذكر عيالي كان يصير فيهم جذي خاصه من بعد السنه..قالت لأن التطعيم تغير عن قبل زايدين جرعته وتركيزه...

 

[bella bambina]

صباح الخير أمهات
حره ------حره-------حره أمس فوز يابت لي ذاك الككاو انما ايه يمي يمي لأني ما أتخشش نفسكم جنها تدري اني كنت ببتدي أسوي ريجيم بس أمس كان آخر يوم آكل فيه ككاو مشكوره فوز وايد وايد وايد دلول وميمي وايد استانسو على الهدايا أمس أسأل دلول شنو سويتو بالمدرسه تقول لي تكلمنا عن الديناصورات بس my favorite part was when I got a present والله جزاج الله خير أول مرة تطلع مستانسه ولهو بالسيارة وحده تراوي الثانيه أغراضها
أمس آنا وفوز قعدنا مع بعض بالسيارة على ما يبطلون الباب صج والله فوز بدون مجامله جني أعرفج من زمان سبحان الله وايد ارتحت لج بس ليش ما راويتيني كراميلا حسافه ما صدتها دايما آخر من يعلم اسم الله علي ولدج كراميلا على ما يكبرو اليهال يشبعون طيحات
مرو حبيبتي لا تحاتين مو كل اليهال يحتاجون حق التطعيم الظاهر كان فيه يهال مو ماخذينه اي والله الرياييل دايما شغلهم أسهل وما يحاسبونهم كثرنا
وييييييييينج ريمان ؟

 

[bella bambina]

فوز آنا عيالي ما كانو يصخنون بس التطعيم أتذكر كان بالفخذين فكان دايما فخذ واحد منهم يورم فابتدي بالكمادات أول ما ترجعين من المستوصف ولا توقفين الكمادات طول اليوم بس لا تحاتين كله يوم واحد ويعدي عطيها بندول وما عليها شر ان شاء الله

 

[omlolo]

هلا والله حضاره..والله رحت نمت شويه..شسوي ماألحق عليكم..كله أركض وراكم..أم لولو اشلونج شخبارج اشلون وليدج ..ماتشوفين شر..والله ماعندي فكره عن نادي صيفي بالمدرسه بس قبل سنتين أول مانقلت ولدي سألتهم إذا عندهم قالوا لأ.. المدرسين والإداريين إجازتهم يالله شهر ونص..يمكن علشان جذي ماعندهم نادي ..بس هم سألي المدرسه تأكدي..بالنسبه حق نوادي المدارس الثانيه..آنا ماجربت بس من تجربة أخوي بنته من الحضانه كان يوديها السمر كامب مال المدرسه البريطانيه بسلوى..تالي بالأبتدائي راحت مدرسة الكويت الأنجليزيه بسلوى فبالصيف تروح نادي مدرستها..بس أعتقد أنها من العام قامت تروح نادي المدرسه البريطانيه مره ثانيه..مادري جنه عاجبها أكثر..ورفيجاتها يروحون هناك فتبي تروح معاهم..وأعتقد قال الدفع أسبوعي..آتأكد لج..بس ديري بالج من المدارس الثانيه ترى مو كلهم النوادي تابعه لهم أكثرهم يأجرون المدرسه على ناس من بره مصريين وسوريين..يعني مو مدرسين أجانب..

مشكوووووووووره يالغاليه ماقصرتي

 

[Fouz]

السلام عليكم أمهات شخباركم

مصيييييبة على هادوام جنهم ناطريني، اليوم اجتماع و باجر اجتماع، مال اليوم الساعة 12 وربع قلت لهم ما اقدر ما يمديني اييب بنتي و باجر قلت لهم حسب ظروفي اذا بنتي مصخنة ماراح يشوفون رقعة ويهي

مرو انا سألت عن التايلنول قالولي مو هذا اللي فيه المشكلة، المقصود كان مال المفاصل و انا وصيت اختي يابت لي من امريكا و متوفر بالصيدليات، شكلي بمر الصيدلية قبل لا اروح علشان اسأل و اذا الصيدلاني أكد لي الكلام بشتري بندول لان بنتي كانت ما تحب الادول مال المستوصف بعد و ان شاءالله ما تتأذى من التطعيم

بيلا عليج بالف عافية الكاكاو و الحمدلله ان اليهال استانسوا، يوم سألت بنتي عن الصبيان قالت لي ما احبهم كله يكمشوني لا تيبين لهم هدايا ييب بس حق البنات جنها عنصرية؟؟ ، كاراميلا شفتها و انا بروح سيارتي قبل لا تطلعين مع اليهال، ان شاءالله اليوم اذا شفتها أوريج اياها و نهجم عليها

ريمان يبيلها عقاب و خصم، استخدمي صلاحياتج مرو

 

[mr000]

زين أشوه فوز طمنتيني عن الدوا..عاد ماتبيه إلا هو..ان شاءالله بنتج ماتصخن ولاتحتاج شي..بس هالله هالله بالكمادات..صج ريمان وينها..وايد تختفي..ماتشوفونها بالهده؟؟

 

[mr000]

ريمان عسى ماشر طمنينا عليج..

 

[Fouz]

شلونج مرو
الحين بغير هدومي و اروح الصيدلية مالت الجمعية للتأكيد، لأني ساءلة صيدلاني بحولي من قبل لا اولد وو قالي مال اليهال ما فيه شي بس بتطمن أكثر، و مثل ما قلت لج لو فيه شي جان ما لقته اختي بأمريكا و يابته لي، الحين ناطرة ريم تقعد علشان أبدل ملابسها و نروح حق المهمة الصعبة

أبشرج مرو اليوم شفنا ريمان اول ما فتحوا الباب و سلمنا عليها انا و بيلا و البشارة الثانية اخيييرا تم التعرف على كاراميلا عند راعي البرد و شفت بيلا طالعة من الباب فناديتها و سلمنا على كاراميلا فالحين ما بقى الا انتي ضروري نشوفج علشان تكتمل المجموعة

 

[mr000]

أي والله فوز سألي الصيدلاني الله يعافيج..وآنا هم باجر بسأل اللي بصيدلية جمعية مشرف عاد آنا كل يوم هناك بس اليوم نسيت وأطالع الصيدليه اقول مادري شنو ابي منها وآنا كنت بسال عن الدوا..والله يبيلي دوا عن النسيان بعد..يالله الله يعينج عالمهمه الصعبه..ان شاءالله السستر أيدها خفيفه على بنتج مسكينه..تمام خوش إنكم تلاقيتوا وتعرفتوا على بعض..لا آنا مااعتقد اتلاقى معاكم حسافه..وقتي غير وقتكم كلش..

 

[mr000]

لي شفتوا ريمان باجر قولولها تقولج مروو ييبي طبيه وإلا ماراح تدخلج..موعلى كيفها تغييب..

 

[caramella]

شفتي إشلون مرووو صادوني خلاص صرت من المشاهير ودخلت باب الشهره من أوسع أبوابه
شفت فوز و بيلا بس ريمان ما شفتها :eh_s(13):
الله يعينج فوووز على التطعيم والدوام ماعندهم سالفه ناطرينج يكرفونج كل هالكرف حرام عليهم
مرووو لا يجوز شرعا تعالي يوم الهاف دي ويبي بنت ولدج معاج
إي وايد ضايق خلقي لما امنعو التايلنول هم ولدي يحبه وما يحب البانادول و من زمان رحت الصيدليه أدور منه حق ولدي قال مقطووع من فتره

 

[ReeMaN]

السلااااااااااااااااااام عليكم يالخاينات اغيب عنكم يومين بسبة الايرور الكريه والقاكم صدتو كاراميلااااا

لا لا لا لا لا لا لا خيانه مااقبلها متى شفتو كاراميلا واشلون وشصار وشقلتو لها وشقالت لكم ومتى ضحكتو وليش والساعه جم وشحقه

ضحكتو بسرعه هاتو التقرييييييييييييييير @@ :eh_s(13): :eh_s(13): :eh_s(13):

اي مروووووووو محد يبينى :27d66a9c24b146327bf .....

واي طافكم اليوم اليوم قطيعه تقطعه الريال اللي واقف وراكم اول مره اشوفه يمه شكله مو صاحي واقف تحت ظلال

الشيره اتعبث بتلفونى يسوي مثلي اصافح بيلا وفوز يسوي مثلي يصافح روحه ويضحك دودهنى .....

وشسالفه اليوم اغلب اللي كانو يتيمعون بباب السفارات اليوم لقيتهم بباب المسيد ياخذون عيالهم شكلهم فقدونااا وقامو يدورون

علينا

فوز انا من زمان قاطعه التايلينول والادول ومشتقات شراب خافض الحراره احسن شي حق ولدي التحاميل لان ولدي نوعه

وانتو بكرامه يرجع عقب اى دوا يشربه ......

 

[ReeMaN]

على فكره فوز تبااااااااااااااااااااارك الرحمن عينى عليج بارده شكلج سووووو كيوت اليوم صج الحمال يلعب لعب بالام سبحان الله ....

والله كنت ناويه اعلق على شكلج بس دودهنى التعبان اللى واقف ورا......

الحين عليج الدور مرووو لالالالالالالازم نشوفج مع ان محد قال لى عن الهاف دي ولا عطو ولدي ورقه الهاف دي

 

[bella bambina]

صباح الخير
ريماااااان ليش ما قلتي عشان احنا نطفره ونيننه زياده حسافه طافنا
فوز جكت كراميلا عند راعي البرد وبعدين نادتني ريمان كنتي بعدج مو طالعه اي باجر الهاف دي أكيد اليوم يعطونه ريمايندر
اي ماشاء الله فوز وايد حلو عليج النيولوك
ريمان ماشاء الله وايد ضعفانه وترى ما شاء الله لأنج طويله فجسمج حلو (فيني عقدة الطول )
عرفت ليش كنت مو قادرة أصيد كراميلا تقول عن نفسها متينه فكنت كل يوم الحق وحده متينه وتطلع معاها بنت فطلعت كراميلا ما شاء الله سمبتيك

 

[mr000]

السلااام اشلونكم شخباركم..لايبا بدام كلكم ماشاءالله تبارك الرحمن حلوين وسمبتيك وضعاف :wqedqw:عيل لاتشوفوني أحسن.:eh_s(2):.خل أظل مجهولة الهويه أحسن..:tongue22:.هونت ماراح أيي باجر بالهاف داي أخاف تشوفون معاي الصغيره وتصيدوني:s141:

 

[ReeMaN]

قووود مورننق امهات العالميه ....

بعاااد عمري والله بيلا عيونج الحلوه ياقلبي مع انى مو نازله وايد بس جسمي وايد شد ملابسي فرقو علي وبالنسبه للطول الطويله دايما تتمنى

اتكون شوي قصيره لان القصر انوثه والعكس صحيح القصيره تتمنى الطول ....

بيلا الريال مو مال تطفر شكله مو صاحي والله و راح اتعرفينه ان شفتيه االريال اسمر طويل ايده يا مكسوره يا معاقه استغفر الله .....

 

[ReeMaN]

مرووو ماعليج من حجي بيلا ترا كلنا متبتبين حياج الله بالمنيوو وخلينا انشوووفج