تجمع امهات العالمية الامريكية

[Fouz]

السلام عليكم شلونكم أمهات

 

[ReeMaN]

صباح المطيرات حبايبي

شلونكم مع المطر انشالله مستانسين اشعلييج مروو جو لندن اليوم يالله استانسي

مروو اكو معاهد عليهم كل شي من تدريس وواجبات انتى بس عليج انج اتحطين له اكل وتوصلينه صار لى جم يوم اشوف اعلانات هالمعاهد

حتى حق الابتدائي يعنى الام مالها شغل بشي موليه .....

وين كاراميلااااا

 

[mr000]

هلا والله ريمان ..أي خوش جو مطر ورطوبه قته..يعني نفس جو لندن بس وأنتي قاعده بالسنترال بس تشوفينه من ورا الدريشه..صاجه ريمان كانت عندي بنت بأولى ابتدائي أمها مسجلتها بمعهد من هالطقه لأن دوامها عصر..بس والله كانت البنت ضعيفه بالدراسه يعني معناته إنه مايدرسونها عدل..يمكن يعلمونها الواجب بدون مايشرحون لها علشان يفتكون..مادري عنهم..بعد يمكن البنت استيعابها ضعيف..بس حرام الأم تدفع 150 دينار كل شهر والبنت ميح..

 

[omlolo]

شلونكم امهات شخباركم وشالدنيا فيكم من زمااان عنكم

شنسوي بهالجو ذبحنا الربو

عندكم فكره اذا المدرسه تسوي summer camp????

ودي اودي ولدي هناك عشان يغير شوي كل سنه بحضانته حبيبي صارله سنتين ماطلع من الحضانه صيف وشتا

واذا مافيه شنو احسن مكان ادخله حق الصيفي؟؟؟ بعد عمري يكسر خاطري وحيد يابعد عمري

 

[حضاره]

سلام امهات العالميه 00اشلونكم 00مرووو 00وراج وراج ماهدج هههههههههههههه

ترى انا هناك بالمكان اللي انت خابرته (((يعني عندنا اسرار)))ههههههههه

 

[mr000]

هلا والله حضاره..والله رحت نمت شويه..شسوي ماألحق عليكم..كله أركض وراكم..أم لولو اشلونج شخبارج اشلون وليدج ..ماتشوفين شر..والله ماعندي فكره عن نادي صيفي بالمدرسه بس قبل سنتين أول مانقلت ولدي سألتهم إذا عندهم قالوا لأ.. المدرسين والإداريين إجازتهم يالله شهر ونص..يمكن علشان جذي ماعندهم نادي ..بس هم سألي المدرسه تأكدي..بالنسبه حق نوادي المدارس الثانيه..آنا ماجربت بس من تجربة أخوي بنته من الحضانه كان يوديها السمر كامب مال المدرسه البريطانيه بسلوى..تالي بالأبتدائي راحت مدرسة الكويت الأنجليزيه بسلوى فبالصيف تروح نادي مدرستها..بس أعتقد أنها من العام قامت تروح نادي المدرسه البريطانيه مره ثانيه..مادري جنه عاجبها أكثر..ورفيجاتها يروحون هناك فتبي تروح معاهم..وأعتقد قال الدفع أسبوعي..آتأكد لج..بس ديري بالج من المدارس الثانيه ترى مو كلهم النوادي تابعه لهم أكثرهم يأجرون المدرسه على ناس من بره مصريين وسوريين..يعني مو مدرسين أجانب..

 

[Fouz]

السلام عليكم أمهات شخباركم

اليوم جني شفت كاراميلا، اذا لابسة أبيض اليوم فطحت عليج و اذا لأ فتحرياتي باءت بالفشل

بيلا ما شفتج اليوم الظاهر تعطلتي من الجو و الزحمة

ريمان و مرو شخباركم

ام لولو و حضارة حياكم الله

 

[mr000]

السلام اشلونكم ..فوز اشلونج..المنتدى طول الوقت معلق يبط الجبد..كراميلا حرام عليج عذبتيهم ..صارت مهمتهم الوحيده انهم يصيدونج ..خلاص كراميلا بليز باجر توقفين عند الباب المدرسه وتمسكين لافته مكتوب عليها كراميلا..أنتي الوحيده اللي موعارفينج ليلحين..ترى الخميس هاف داي الساعه 11 يطلعون..وفيه بروجرس ريبورت..

 

[mr000]

والله كان ودي أيي يوم الخميس بالهاف داي وأحاول اصيدكم كلكم..بس ما اعتقد أقدر لأن الساعه 11 آنا بحوسه مع بنت ولدي يمكن أخلي ريلي ياخذ ولدي ..

 

[Fouz]

هلا والله مرو شلونج، اي والله ما بقى الا كاراميلا من الكي جي و تالي نتفرغ حق البيج بوس ههههه يعني زهبي روحج مرو كلنا بنتحبل لج

جان زين تقدرن تمرين الخميس بس المشكلة ان بابنا بس حق الكي جي

 

[mr000]

السلام اشلونكم..هلا والله فوز..عسى السهره ماطولت عندج أكثر من ال2؟؟ الله يعينج..خل أقولج عن أحسن علاج حق نومة بنتج..سافري معاها بالصيف حق أبوكم..شوفي آنا سافرت بولدي الصغير لندن وعمره 3 أشهر..كان قبل لانروح وايد عسر وماينام..حتى ريلي قالي خليه بالكويت ..من صجج هذا مال سفر أصلا ماراح تستانسين..قلت لأ ماأقدر أهده..وطبعا معاي أخوانه وبنتي صغيره بالروضه..تصدقين مال الطلعه طول اليوم فكان أول شي مستانس عالعربانه يطالع الناس والرايح والياي فمره يدوخ ينام ومره يقعد بس نومه مقطع..علشان جذي كنت أرد بالليل الفندق عال8أو 9 وينام من ال10 لي 6 الصبح..والله حتى ماصدقت إنه قام ينام جذي...قاعده أشجعج علشان تسافرين

 

[mr000]

والله كان ودي أيي الخميس حتى ولدي مسكين يحب آخذه ويروح مجمع يشوف وايد من ربعه ويتغدى..العام كنت دايما أوديه ..بس ألحين ماأقدر إلا أقعد الصغيره من نومها من قبل ال9..عاد هي تحب تشوف اليهال بعد..اليوم بيلا مابينت.عسى ماشر بيلا..كراميلا وريمان وينكم....ماقلت لكم عن التطعيم اللي خلص..ولدي سأل بالصحه الوقائيه بالأميري..قالوله ماتحتاج شافوا شهادة ميلادها..وألحين أسمع إنه في يهال كبرها مطعمينهم بالمستوصف..ماتعرفون أحد عمره سنتين؟؟ألحين بعد ماكو فايده راح عليها..

 

[bella bambina]

صباح الخير أمهات
هلا والله مرو كاني موجوده أمس كنت وايد مشغوله مع اليهال اللي عنده بروجكت واللي عندها واجب وقلت لها نامي وآنا أكمله لأنه بالانترنت وتأخر الوقت ما هقيت ان الواجب يوهق وقعدت ليما الساعه 1 على ما أحضر حق حصصي
مرو الخميس أمي اللي تييبهم مو آنا ما أقدر أييبهم مبجر
ريمان أمس صج مطر لندن بس جو تايلند رطوووووووبه
أم لولو لأ ما يسوون سمر كامب لأن أغلب مدرسينهم يسافرون ودخلت عيالي وايد سمر كامبس بالصيف ولا شي عجبني وبعضهم دفعت وما داومت بنتي منهم الا جم يوم

 

[bella bambina]

ها كراميلا صادوج عشان جذي ما بينتي ؟
اي والله أمس كانت مناوبة قسمي بالمدرسه وقعدت ليما مشو الطلبه فتأخرت على اليهال كلمت مس مروى قالت انتي ليش حاطه ببالج اني أعاقب بنتج أو ان اهيه شيطانه بنتج سويت وكلنا نحبها وما تتشيطن بالعكس آنا وديتها الصف الثاني عشان تعاند ودايما تبي تختبر صبرنا يعني مو شطانه تطفير وتبي تعلمهم انها تقدر تمشيهم على كيفها تختبرها مثلا بالأرقام رقم 8 تقول لها 13 تستعبط وبعدين تقول الصح بس عدا عن الكتابه ذكيه وتحب القرقه و السوالف بس اذا قعدتها بالساد سبوت عشان مصلحتها فكان أحسن ان ريلي ما راح طبعا مو لأنه نسى

 

[bella bambina]

مرو التطعيم مو حق كل اليهال الظاهر فيه يهال ما كانو مطعمينهم كل التطاعيم لأن من أهلنا كلهم محد طعموه غير ولد حماتي وبشهادة الميلاد مو موجود تطعيم ال mmr

 

[mr000]

بيلا والله مادري آنا ضيقت خلقي بنت أختي قالتلي إن ولد حماها عمره سنتين وامطعمينه....بيلا الله يعينج على شغلكم والتحضير..عيل اشفي ريلي عمري ماشفته ماسك قلم بالبيت..حده يقولي اشتريلي وسائل وبطاقات وبس...يمكن يحضر بالمدرسه مادري..

 

[ساشا]

حبايبي بسالكم العالمية هي ais ?

 

[mr000]

لا أختي هذي الأمريكيه الدوليه..إ حنا uas

 

[caramella]

لالالالالالالالالالالالالالالالاع فوز هاهاهاهاهاها
صدتوني و أخيرا
إي هذي آنا أم الأبيض
مالقيت البس ابيض إلا يوم المطر الأطراف كلها توصخت
ليكون إنتي اللي كنتي وراي قاعده تتحجين بالتيلفون عن الدوام والإجازه شي جذي

 

[Fouz]

لالالالالالالالالالالالالالالالاع فوز هاهاهاهاهاها
صدتوني و أخيرا
إي هذي آنا أم الأبيض
مالقيت البس ابيض إلا يوم المطر الأطراف كلها توصخت
ليكون إنتي اللي كنتي وراي قاعده تتحجين بالتيلفون عن الدوام والإجازه شي جذي

أخييييييييييييييييييييييرا طحت عليج و هم طحتي علي
اليوم ما شفتج كنت لاهية ويا بيلا نسولف، بس و انا طالعة شفت وحدة مع ولدها و مسكين طاح أتوقع انتي لاني ما شفت ويهج لاني كنت ماشية وراج اذا كنتي انتي