تجمع امهات العالمية الامريكية

[ReeMaN]

بيلا مااذكر انى ناديتج اخاف فوز لان بالطلعه ماشفت ولا وحده فيكم انحشتووو :>

 

[mr000]

السلام أمهات:tongue22:

 

[Fouz]

شلونكم أمهات،، شخباركم

أمس ما طعموا بنتي قالولي تعالي الخميس لان المستشفى اللي ولدت فيها ما عطوا بنتي التطعيم يوم ولادتها فبالتالي تطعيمها بيكون 6 مايو

مرو سألت الصيدلية و كل واحد يعطيني حجوة ، كلمت اختي تقولي انا شايفته من جم يوم بأمريكا بس قالت بسألج و ترد علي، هم دزيت مسج حق حماتي لانها بأمريكا و ماردت علي لان فرق الوقت وايد يمكن كانت نايمة و ناطرة ردودهم، ماراح اعطي بنتي تايلنول لما يردون علي، والله خوفي لا يكون الموضوع تنفيع أشخاص يخرعونا من دوا علشان يمشون دوا ثاني

انا عن نفسي مو سمبتيك أبدددددد يبيلي سنة علشان ارد سمبتيكة فهذا مو عذر ،، كلنا نطالب نشوفج قبل لا يخلص الكورس و ممنوع التنكر :tongue22:

 

[Fouz]

ريمان مااااااااااااااااااااااااا أقدر ترى أصير مغرورة، يبيلي أخزن كلامج و كلام بيلا عن النيو لوك و أطرشه حق ريلي، يختج هالرياييل ما يعلقون أبد، يمكن اذا شاف حجيكم تتحرك مشاعره، تسلمين حبيبتي و كلج ذوق
استغفر الله منو هذا اللي تقولين عنه، تصدقين ما انتبهت له كلش، بس اذا واحد ايده مبتورة الحمدلله الذي عافانا ،، انا اشوفه ياخذ ولده و يلبس دشداشة بدون غترة اذا كان اهو يا معودة خل انتبه له الحمدلله و الشكر

شفتي شلوووون شفنا كاراميلا، اليوم بعد شفتها يا حلوها صج ويهها سمح ماشاءالله، و اتفق مع بيلا 100% على سالفة المتن، كاراميلا كانت مسوية تمويه لان تبارك الرحمن مالها علاقة بالمتن أبد

ماشاءالله ريمان عسى الله يحفظج، انا بعد اعاني من سالفة الطول عيني عليج باردة الطول حلو ،،، خاصة اني قاعدة في بيت محد فيه قصير الا انا:flower: حتى يوم تزوجت خذيت واحد طوله 183 علشان تكتمل العقدة عدل

باجر هاف داي يطلعون الساعة 11 غريبة ما بلغوج ريمان، شوفي يمكن اليوم عطوا ولدج الورقة

 

[Fouz]

بيلا حبيبتي مشكورة على الوردة، يا حلوها دلال و اهي توزع الورد عسى الله يحفظها لج يارب، بيلا دلول قالت لج شي عن لبسهم باجر؟؟ بنتي تقولي شورت و ما كملت الموضوع، قلت لها أسأل أم دلال شوف شالسالفة، مادري الظاهر تتوهم لان شمو الشورت بالهاف داي

كاراميلا شلونج عسى الطقطقة اللي يمكم خفت و الا مستمرين؟؟

انا ما اظن اقدر اييب بنتي باجر بوصي ولد اخوي اييبها لان الدوام الحلو يبوني ضروري و ما اظن يمديني اخذها

 

[Fouz]

بيلا مااذكر انى ناديتج اخاف فوز لان بالطلعه ماشفت ولا وحده فيكم انحشتووو :>

بتلييقف و اشرح الموضوع

فوز جكت كراميلا عند راعي البرد وبعدين نادتني ريمان كنتي بعدج مو طالعه

فوز جكت كراميلا عند راعي البرد وبعدين نادتني،،،، ريمان كنتي بعدج مو طالعه


بيلا نست تفصل الجملتين

 

[ReeMaN]

هلا والله المزيونه فوز خلاص بسميج المزيونه

الله يعينها على التطعيم باجر انشالله ماتصخن ولا تعورها الابره واي احنا جم مره نتهاوش مع ممرضات التطعيم اغلبهم مصريات وتعرفين ايدهم شلون صايره جنى ايد الرياييل والغزه اتصير عنيفه ..........

صدقتى فوز هذا اهو اللي اقولج عنه امس كان لابسه دشداشه ومو مغتر بس دام ياخذ ولده من المدرسه اكيد مافيه شي الريال انا شفته تحت المظله ودشينا واهو مادش معانا ومانتبهت عليه بالطلعه .....

العياره كاراميلا قصت علينا واتقول مربربه وانا ادور على وحده متينه وبيضه اصلا واهى حامل بالشهر الاخير تبارك الرحمن ماكانت متينه... راح اصيييييييييييييدها الشيطونه .....

يالله مروو الدور عليج باجر تعالى مبجرشوي عشان نشوفج بس بنضحك عليج اشوي ههههههههه امبيه لاااا اتغشمر ياقلبي بس فرصه نتشاوف هالمره مايندرا يمكن اخر هاف دي باجر وخلاص الشهر الياي يعطلون اليهال

 

[bella bambina]

السلام أمهات
اي والله عليج نور فوز زين عدلتي جملتي والعفو على الوردة دلول ما يناخذ منها حجي تقول اي الأبله قالت لبسو جينز وبلوزه صفره ومنقطه على بامبي كلش مو جذابه
مروو منو قال سمبتيك آنا متروسه حتى لما أضعف لأن عظمي عريض ان شاء الله نشوفج عن قريب أمي باجر تييب اليهال

 

[Fouz]

هلا والله ريمان يا رافعة معنوياتي انتي
الحمدلله و الشكر انا دايما اشوفه بس ما قط ثبت تصرفاته لاني كنت اشوفه يوم كنت حامل يالله اخذ بنتي و امشي بس بثبت حركاته اذا شفته، و الله يسمع منج و ما يعورونها حبيبتي والله، امس اللي كانوا بالمستوصف كويتيات ما يندرا باجر منو بتطعمها، ياشين اللي تطعم جنها داشة هوشة خاصة اليهال وعليه يشلعون القلب اذا بجوا

بيلا عيل تلبس لبس المدرسة خلاص مالي شغل بكلامها، قاعدين يلعبون علينا اللي تبي شورت و اللي تبي جينزلاقينا مقصة هالبنات

 

[caramella]

حرام عليكم أي سمبتيك أي بطيخ افضح روحي وزني 72 كيلو المربرب إشلون صاير ؟؟؟
آنا عندي السمبتيك اللي مثلا طولها 160 ووزنها 55 كيلو إهني سمبتيك
واي رفعتو معنوياتي ليش كل اللي حوالي يقولون لي طافحه واولهم ريلي ؟؟؟ و صج آنا اشوف نفسي مربربه
ريمان يا يا إشعليج يقولون طويله وجسمج حلو ماشالله عيل آنا مع شلة القصار للأسف وإذا مو حامل مستحيل ارووح بيت حمولتي مو لا بسه كعب لأن ماشالله حمواتي و خالتي أصير يمهم عقلة الإصبع بس ريلي قصير للأسف ما خذا الطول منهم
ماشالله فوز والله إنتي اللي سمحه وويهج ماشالله مريح عاد آنا ما شفتج قبل بس ماشالله حلو لوكج وإنتي اللي محليته
بيلا ماشالله عليج حلوه و بنتج هم حلوه بس بنتج ما تشبهج غير و مولايق عليج مدرسه كلش الله يساعدج عالتدريس والله
باجر ما بنشوفكم بيلا و فوز حسافه يالله إذا بتيين ريمان يا تصيديني يا أصيدج:ceaf32e183:
و مرو عن العياره حياج خل نشوفج مو قاصرج شي ماشالله

 

[ReeMaN]

هللا والله كاراميلا شخبارج يا رشيقه ريلج يقولج طافحه يمكن لان ماخذج رشيقه وسمبتيكه ومايدري ان اللي تحمل يتغير جسمها بس الشاطره

اللى تحافظ على رشاقتها واهى حامل <-- مثل كاراميلا ماشالله عليها ...... بس لااااااااااااااااا من باجر بدور الرشيقه انشالله اصيدج

ياااارب .... وفوز وبيلا من صج مايعتبرون قصار وايد بالعكس طولهم حلوو والله عيل شتقولون عن القصيره وايد بس انا معاج بنقطه

وحده بيلا لاتصلح للتدريس ويهها ماشالله بيبي فيس وشكلها صغيره بالعمر مو كبيره تبارك الرحمن ؟؟؟ مادري شتدرس يهال والا ثانويه ؟؟

 

[caramella]

فوز للأسف لي الحين فيه طقطقه لوع جبدنا والله من 6 الصبح انطر بس السايق إييني 7 إلا عشر وأطير انحاش من الطقطقه والدرلات لوعة جبد وما ارجع البيت إلا العصر يكونون خالصين طبعا لما ارجع اخدامه نفسها حامضه حدها ما تبي اي احد يكلمها من كثر ما راسها مصدع و ما اقدر اوديها معاي بيت اهلي لأن من بينظف الشقه و يجهز الغدا صعبه كل يوم آخذها معاي
وكل ما ارووح شقه ما تترس راسي الصراحه ماني لاقيه شي يعجبني

 

[mr000]

السلااام اشلونكم..آنا من عقب ما سمعت سوالفكم..وأوصافكم..no way تشوفوني :27d66a9c24b146327bf..واحتمال باجر آخذ ولدي بس ماراح أوطوط يم بابكم.:ada:.بظل قاعده بالسياره..:0bee2e8d89:

 

[mr000]

كراميلا الله يعينج عالإزعاج..العام بيت ييرانا بنوا دور حق ولدهم ..الله وكيلج بقيت أطلع أأجرلي شقه صج طفرت..ماتهنيت بعطلة الصيف كل يوم أقعد من ال5 مع بداية شغلهم..بليييز طرشولي صوركم بالأيميل..واااااي احتريت كلكم تعرفتوا على بعض إلا آنا ماشفتكم..بيلا الساعه كم توصلين اليهال الصبح؟خل أدور وين أكو وحده حلوه وبيبي فيس وشكلها صغير...فوز عادي عادي ترى الرياييل كله جذي..آنا بالبيت ألبس بجامه يديده وكلش نو كومنت..ولي لبست شي لابسته 100 مره قالي اللله هذا متى شريتيه..ومره قصيت شعري ..يعني اشدعوه يبين الشعر الطويل من القصير..سايلنت ولاكلمه..ذاك اليوم يمي بمركز سلطان لبناني طول الوقت لما يكلم زوجته يا حياتي ياحبيبتي وياروح ألبي..وأطل بويه مرته إلا جنها قاعده من النوم ويايه كلش ولاأي لون وشعرها ولبسها آخر بهدله..يعني لو كويتي جان سمعت منه كلام يسم بدنها..مادري ليش ماأخذت لبناني حسافه..

 

[سيدة الكويت]

السلام عليكم

يحليكم يا حبايبى سوالفكم تونس

شخيارج مرو والله الجمال جمال الروح اهم من كل جمال

 

[caramella]

سيده صاجه الجمال جمال الروووح أتفق معاج 100%

 

[mr000]

صاجه سيده..كلامج عدل..بس آنا أقصد فيه رياييل يحبون زوجاتهم ويحترمونهم ودايما يشوفها بعينه حلوه حتى لو ماتكشخ أو تتزين...بس آنا أشوف هالأيام بالمجمعات منظر يضيق الخلق هالرياييل وايد منهم زوجته تمشي يمه وماعليها قاصر أو منقبها وعبايه..وهو يخز بالبنات والحريم..ماكو احترام كلش للمره..

 

[lyale]

السلااااااام امهات العالميه شوقتوني علي شوفتكم ريمان فوز كراميلا وبيلا الله يتمم عليكم جمعتكم الطيبه وترااا اذا عزمتوني ما اقول لااا ,,, لقافه بس ودي بشوفتكم وبشوفة مروو
مروو الجمال جمال الرووح وكافي ان احنا حبيناج من سوالفج وهذا المهم روحج الحلوه واكيد هالشي بينعكس علي شكلج في ناس من سوالفها تحسينها قشره لو شنو جميله وما ودج تكلمينها تسد نفسج عن السوالف حتييي
مرووو انا بعد ابس لبناني الي عندي سايلنت علي طول اقص اصبغ البس ما البس عادي ما مافي تعبير فرح وحزن

 

[ملكة بيتها]

شلونكم يا مامات يا جميلات
والله تشوقت أشوفكم ..بس ها إذا عزمتوني أنا مثل مروو بنخش :eh_s(22): لأني كنت ضعيفه وصرت مربربه والحين متينه ..
مروو ..مثل ما قالو البنات ترى الجمال جمال الروح والأخلاق وما شاء الله عليج إنتي الأثنين عندج وأنا متأكده إن طلتج حلوه بعد بس ها شرايج أنا أشوفج الأول قبل البنات ..ههه شراييج أعزمج على الإنجلش تي ونتشاوف والموعد حدديه إنتي ها شرايج موافقه ..

وبنات ما تدري مروو أسويها لها مفاجأه أعزمكم كلكم عقب نص ساعه وتطيحون عليها ..فكره ها شرايكم :O_SHH_:

 

[Fouz]

شلونكم أمهات

وناااااسة جان زين كلك اتيون ليالي و ملكة و طبعا مالنا غناة عن مرو الغالية و الله نتشرف بشوفتكم

على طاري اللبناني صدقوني لو ماخذينه جان زهقتوا من كثر الحجي الحلو، على قولتهم القط ما يحبش الا خناقه، مادري ليش الكويتي غير حتى لو يدقرون بس شحلاتهم

ملكة خوش فكرة انا اول وحدة أعلن تأييدي

مرو صاجة يا كره اللي ما يحترم زوجته، ذكرتيني بوحدة كانت معاي بدوامي الاولي مسكينة على نياتها و ريلها موديل بو عيون زايغة مع ان زوجته تينن ماشاءالله، المهم كان كله يقولها ياويلج اذا رحتي هالمكان و حط فيه 100 عيب، شرايكم كل ما اروح هالكافيه القاه ويا ربعه خز في بنات خلق الله، مسوي روحه حجر و مسكت و اهو الحمدلله و الشكر عنده مرة ذهبة و 4عيال و هم عينه مو متروسة