تجمع امهات العالمية الامريكية

[حرم_طيار]

هلا امهات اشلونكم


داشه عرض انا ولد اختي السنه اليايه بروح kg1 واختي معاكم بالتجمع

بس حبيت اسلم عليكم واطلع ديروا بالكم على اختي لووووووووول

باي

 

[ReeMaN]

انشالله راح اوصي مس غاده عليه لان بخاطره يركب الباص ويروح مع صفه ........... وماكو الا العافيه انشالله

 

[mr000]

السلام أمهات اشلونكم..أذا الرحله لاسمح الله تكنسلت قولولي لا أودي بنتي.. وماقلتولي الساعه كم الرحله علشان تشوفهم..

 

[bella bambina]

صباح الخير أمهات
تبون الصج حق الرحلات لازم يكتبون انكم تؤمنون بالقضاء والقدر وانهم راح يهتمون باليهال بس لا سمح الله صار حادث أو شي انكم ما تلومونهم لأن احنا مع عيالنا ممكن يصير شي وهذا مو معناته انهم ماراح يهتمون باليهال
فوز لا تحاتين عملية اللحميه سهله ويطلع الياهل نفس اليوم وايد يهال من أهل زوجي سووها بس اذا سووها والياهل صغير ترد تطلع
آنا عيالي كلهم أنزلهم عند الباب يدخلون بروحهم بس بالهده أنزل أستلمهم بالنسبه حق الروضه وباجي المراحل يطلعون على 2:30 ويطلعون كل صف مع المدرسه وناخذهم يم الباب ما يخلونهم يعبرون بروحهم الا اذا كبار

 

[bella bambina]

اشلونكم مرو وفوز وكراميلا وريمان ما قمت أشوفج من كلمتج انجليزي انحشتي ؟

 

[mr000]

السلام اشلونكم شخباركم..

 

[caramella]

السلام عليكم أمهات
إشلونكم
اليوم دازين لنا ورقة تبرع حق اتحاد الرفق بالحيوان ويلبسون اللي يبون يوم الخميس

 

[caramella]

أم ليون منو إختج عشان ندير بالنا عليها ؟؟؟

 

[mr000]

والله هو الرفق بالحيوان زين وشي حلو يعلمونهم هالمبادئ بس آنا عندي والله أتبرع حق هالفقاره والأيتام المسلمين أهم وأثوب ! مادري آنا هذا رايي

 

[caramella]

صاجه مرووو :friends:

 

[mr000]

السلام اشلونكم .. اليوم ولدي راد منبطه جبده يقول يعني لازم يخربون علينا الاجازه.. عنده تست ساينس أول مايرد من إجازة الإيستر وبروجكت انجلش في كتابه وايد مثل البحث.. بعد مايندرى عن باقي المواد مني لي الخميس شنو يقولون لهم..مادري ليش مايخلونهم يرتاحون حتى بعطلة العيد نفس الشي..بعد آنا نكدت عليه زياده مسكين قلتله من السنه اليايه بالهاي سكول بعطلة الكريسمس لازم تقعد تدرس لأنه بعدها راح يكون عنده امتحانات نهاية الكورس الأول كل المواد بالكتاب كله مو مثل ألحين بس بالعربي والدين..يقولي أوف كريهه هالمدرسه..بس أشوه اللي ماعزمت عالسفر بهالإجازه جان اختربت السفره..

 

[Fouz]

السلام عليكم أمهات، شخباركم

هلا والله بيلا و ان شاءالله بتوكل على الله و اسوي اللحمية حق بنتي مسكينة ما تتنفس عدل و أبوها مطول هناك ، الاربعا ان شاءالله بوديها الدكتور و اشوف شيقول

كاراميلا شلونج و شفت الورقة مالت يوم الخميس بس بنتي ماراح تداوم لان بنفس اليوم عندنا عرس واحد من اهلنا و اختي ما تقدر تقعد الصبح توديها و دام انه هاف داي بلاها من روحة لان حزة طلعتها ما عندي احد اييبها

هلا مرو و صاجة الفقارة أولى، و يا شين الامتحانات عقب الاجازة حدها نحاسة صراحة، يعني الواحد يقضي الاجازة دراسة و شغل كلش مو شي

ريمان اظهر و بان عليك الامان خلاص بيلا بتكلمج عربي بس لا تغطين عنا

أم ليون حياج الله انتي و اختج و نفس سؤال كاراميلا ما قلتي لنا منو اختج

 

[bella bambina]

صباح الخير أمهات اشلونكم واشلون عيالكم ؟
آنا بفترة حداد شهرين سافرت ماريا وللي ما يعرف ماريا اهيه مربية اليهال صار لها أكثر من 10 سنين عندنا أمس كلنا بجي ومناحه وايد نحبها أحس انها جدة اليهال وبنتي الكبيرة من كثر ما بجت عليها ظلت قاعده بسريرها ليما مشت

 

[sara999]

ألف مبروك سارا وخوش اختيار إذا تقصدين اللي بسلوى قطعه 11.. مدرسه ممتازه ومستواها قوي وايد... والله يوفق وليدج يارب وتشوفينه وهو متخرج منها وعقبها معرس.. عاد يصير مخامط عليه.. اسم الله عليه.. واحنا أول ناس ترى عندنا بنت عمرها سنتين جان تبون..وهم ناوين ندخلها مدرسه أجنبيه علشان لايقول أقل من مستواي..هههههه

اي مرو انا اقصد الي بقطعه 11 مافي غيرها الي شعارها الابراج وتسلمين على هالدعاوي العسل يا بعد قلبي .... وي فديته يوم يصير معرس ويوم يتخامطون عليه ربي يهديه ويبلغني فيه ....وبنيتكم دام انتي النينه اكيد مالنا حجي بعد ناخذ واحنا ساكتين الفهاميه كلها والسنع يا بعد قلبي ....

 

[sara999]

مشكورين يا امات واشكر كل من ريمان + فوز+بيلا +كراميلا+مرو والكل الكل
اللف شكر على انكم باركتولي
<<<<<شدعوه سارا سويتيها ندوه ؟؟

 

[sara999]

الحمدالله انشالله يتوفق فيها حدي احاتي الكل فيها حتى الي اعرفهم ولا ادري عيالهم بأي مدرسه اكتشفت انهم هناك .....ز ويقولون الكل يقول وايد واجبات ووايد شغل ويتعبون الياهال
بس بكل مكان واجبات وتعب وبعد شنو نبي عيالنا يوصلون بدون ما يسوون شي !!
انشالله خير وربي يوفق عيالكم بم\درستهم وربي يوفق ولدي وعيال الناس الي انقبلو وياه

 

[mr000]

السلام أمهات اشلونكم ..وي بيلا الله يعينكم ..صج الواحد نادر يحصل خدامه زينه هالأيام تكون مخلصه وقلبها عاليهال ... سكتي إحنا راح يصير فينا مثلكم بشهر 5 لما خدامة ولدي تسافر هي صج بس قعدت سنتين.. بس بصراحه خوش وحده مع أنها صغيره بالعشرين بس والله تراعي الصغيره بضمير وفاهمه مايحتاج توصينها ألحين آنا أحاااااتي وضايق خلقي إنها بتروح لأن بصراحه جنتي واااايد معتمده عليها يعني الصغيره بتتلعوز عند اليديده.. بس شنسوي حاولنا فيها بكل طريقه وبكل المغريات وزيادة معاش وتذكره تروح وترجع ماكو فايده زوجها موراضي تقعد أكثر..!! سارونه لاتحاتينه ان شاءالله بيمشي بالدراسه حاله حال غيره.. بس هي مرحلة الأبتدائي لازم الواحد يجابل الياهل!!

 

[caramella]

فوز إفتكيتي من سالفة يوم الخميس ما يمديج تقطين الياهل إلا لازم تاخذينه
بيلا الله يساعدج والله صج صج صعبه لما تسافر الخدامه اللي متعوده عليها يامعوده الله يردها بالسلامه و يقر عينكم بشوفتها
مرووو اكره ما عندي اعلم خدامه يديده خو آنا خدامتي صار لها سنه عندي و لي يومج اعلم فيها لوعت جبدي
شوفو الطماشه امس إختي مارتني يايبتلي دجاج متبل حق طبخه معينه
المهم قعدت تفهم خدامتي تسوين جذي و جذي و تفوحين الباستا و خلطيهم مع بعض
الفهيمه راحت غطت بالمطبخ و يات جان تقول حق إختي بس إنتي ما يبتي لنا الباستا لوووووووووووووووووووووووول
قلت لها بعد خل تشتري لنا اغرض الجمعيه كلها
روحي إحنا نشتري الباستا شكو إهي تيبها زين منها يابت الدجاج
الخدم بدعه ماكو فايده فيهم لو تعلمينهم ادهر:eh_s(4):

 

[lyale]

السلام مامات شلونكم فردا فردا خخ
كراميلاااااااااا لوووووووووووووووووووول خدامتج بدعت

 

[caramella]

هلا والله ليالي حيالله من زارنا
والبدايع آتيه بالطريق بعد
هذا شي من لا شي قلبي وارم منها بس اللي مصبرني عليها إنها فقيره