تجمع امهات العالمية الامريكية

[ReeMaN]

السلااااااااااااااااام عليكم \

بيلا شخبارج عادي صيدينى اى وقت اصلا انا قمت احط القاموس الناطق بمخباتى لا نزلت من السياره من اشوفج بشغله اهو يحاجيج بدالي ههههههههه

مروو انشالله رحلتهم باجر بالتسع اتمنى اتكونين هناك عشان اتديرين بالج على ولدي ههههه وترا اهمه راح يدشون موفي جنى عن الفراشات

اذا مانى غلطانه يمكن تصيح حفيدتج تبي اتدش معاهم ......

كاراميلا االله يصبرنى على هالخدم انا بالى طويل على الاخر معاهم وعادي اشرح من الحين الى باجر عسل على قلبي بس لاتطلع روحي وانا

اشرح لها واتقول لى اوكي مدام وتطلع مو فاهمتنى افترسها ومرات تفهم علي اطلب منها شغلات بسيطه بس من كثر ماتخاف مني اتقول لى

مافهمت ههههههه......

فوز شخبارج ياحلوه وناسه مابقى شي بتطلعين من الاربعين انشالله وبنسولف بالدرايش

 

[ReeMaN]

امهات انشالله الاسبوع الياي تبدي عطلة الايستر

شرايكم كل وحده اتقول شنو برنامجكم مع اليهالوين بتطلعونهم اماكن ترفيهيه و خاصه للامهات اللي عندهم دوامات شيسوون بتخلونهم بالبيت مع الشغالات واتداومون ؟؟

 

[mr000]

السلام أمهات اشلونكم.. اليوم عطوهم ورقه عن الكرنفال ب17/4 من ال11 لي 4 العصر.. وراح يبتدون يبيعون التذاكر من باجر بقيمة 5 دنانير(دفتر التذاكر)!! الخميس هاف داي.. وبيسوون حفله بالصف.. يعني بس اييبون أكل..راح أوصي كيك أند بيك باجر وآخذه الخميس الصبح من حولي!!

 

[caramella]

السلام أمهات
ريمان عندنا و عندج خير وكل ما اطلب شي تسويلي شي غييييييييييييييييييييييييييييير ما ادري شلون تستوعب ربي لك الحمد والشكر أول اعصب الحين لا قمت ما اعصب لأن قامت تكسر خاطري و هذا مستوى تفكيرها
مروو دزولنا ورقه عن إجازة الإستر و إن الخميس بيكون هاف دي لا يابو طاري الكرنفال ولا يابو طاري إن يبون اكل الظاهر بس حق الكبار
ريمان والله مادري شبنسوي بهالإجازه لي الحين ما خططنا على شي

 

[bella bambina]

السلام أمهات
هلا والله ريمان أصيدج أصيدج هالمره ناويه أكلمج ايطالي بشوف اشلون مترجمج بيشتغل ؟
على فكرة شغالتي اللي سافرت أغبى من خدمكم كلمهم بس هذا ما يمنع اني أحبها لا وما صار لها يوم واحد من سافرت واشتقت لها خلاص خذيت على وجودها بالبيت حتى لو بدون هدف فقيرة لو عليها ماتبي ترد بس أحن عليها آنا واليهال وترجع وناويه المرة اليايه لما اتيي بشق جوازها ووهقها :eh_s(15):

 

[bella bambina]

برنامجنا حافل على طول باجازة الايستر قبل سنتين ولدي لعب بالولاعه وحرق غرفة أبوه وكانو شغالتين بالبيت بس كان حاب يجرب شيصير بس بسرعه لحقو عليه السنه شغاله وحده وآنا بالدوام الله يستر

 

[mr000]

ريمان والله ماأعتقد أوديها..هي ماتقعد قبل ال10 وعلى مانوكلها وتكرمين أوديها الحمام يروح الوقت يصير ظهر..وهم بسبحها آنا ماأطلعها لما أسبحها أخاف تمرض وهي توها مخلصه المضاد الحيوي... انزين بنات هي عندها تطعيم عادي نطعمها وهي فيها كحه؟؟الطبيبه بالمستوصف قايله حق أمها عادي..انزيت راح تصخن على تطعيم السنتين؟؟ عاد ماصدقنا تطيب...

 

[Fouz]

صباح الخير أمهات، شخباركم، اليوم السهرة صباحي الله وكيلكم، مسكينة ذابحتها الغازات و اليوم حايشها امساك والله ماني عارفة شسوي لها تصرخ من العوار :eh_s(16):

بيلا شلونج، و الله يعينج على سفر الخدامة، تصدقين العام سافرت خدامتي و ظليت شهرين بدون خدامة واااااااااااااااااااااااااااااااااااااااي مت مع ان خدامة امي تييني و خدامة بيت عم تكرمون يوميا تغسل الحمامات و تشيل الزبالة بس هم الشغل ما يخلص و كنت حامل و انا ما ادري فمن كثر اللوية و كملتها بحادث سيارة طاح البيبي
، ان شاءالله ترجع الخدامة علشان الوضع يستقر عندج و خطاكم السو على الحريجة حطي بالج و نبهي الخدم مع انهم ما يستوعبون

مرو شلونج، وعليه حفيدتج جنها بنتي ما فيها صحة كله مريضة، و الله يعينكم عى روحة الخدامة، تصدقين انا كنت دايما اقول المفروض م نعتمد على الخدامة لما طلعت روحي ويا بنتي تصدقين ما ترضى حتى تبدلها يعني كل شي انا و مرات تكونين مستعيلة و ودج تخلصين بس تسوي لي مناحة من كثر الصراخ و كله تقولي ما تعرف تبدلني و ما تعرف تمشطني!!! الحين ماني مكررة الغلط لازم اخلي الياهل ويا الخدامة علشان ما تتعود علي مثل اختها

سارة العفو حبيبتي و الله يوفق ولدج ان شاءالله

يا حيا الله ليالي عاش من شافج :eh_s(9):

كاراميلا شخبارج، اي والله فكيت عمري من يوم الخميس و ان شاءالله ترد تداوم عقب الاجازة بانتظام، و لا تيبين طاري الغباء سبحان الله مادري من وين يحصلون خدم يبردون القلب عليهم بالعافية، اللي عندنا غباء و برود يرفع الضغط، انا تحرني خدامتي كل شي حده حده يعني اذا خلص الشي قالت لي مدام مافي ودي اذبحها خاصة الحين و انا بالنفاس يعني ما اطلع و ريلي مو هني فمنو بيب الشغلة بالليل وااااااااااااااااااااي، اقولها لو معجون اسنانج و الا النيفيا اللي تدهنين فيه 24ساعة جان من توصل العلبة لي النص لبحتي و قلتي ابي اغراض الجمعية،، أما سالفة الباستا جنج مقصرة على بيتج يفشلون حسبي الله عليهم، ذاك اليوم رايحة حق أمي تقولها ما عندنا عصير منجا!!!!!!!!!!!!!!!!! ويعة يدي انا كل يوم اطرش السايق و اعطيه لسته بالاغراض اللي تنقصني ليش رايحة حق أمي ما ادري

ريماااااااااااااااااااااااااان :friends: رفيقة المواقف شلونج، يالله ما بقى شي و نستأنف الحوارات الدرايشية، عاد صج زهقت من قعدة البيت، بروحه النفاس كئيب و مع قعدة البيت تكمل الكآبة
دمج عسلللللل موتيني من الضحك على القاموس الناطق ههههه بس لازم يكون بعدة لغات، بيلا متحلفة بالايطالي هاد خلي الفرنسي و الاسباني احتياط عن التوهق
ان شاءالله ولدج يستانس بالرحلة و عليهم بالعافية، بالنسبة لي انا ماكو دوام فبقعد ويا بنتي و يمكن أوديها العاب المنصورية او كارتون نتوورك قراب علي و ما يكونون زحمة وايد، و اختي بتوديها السينما تقول اكو فيلم حلو و سلامتج​

 

[caramella]

أمبيه فوز والله عورتي قلبي لما اقرا الوقت اللي تكتبين فيه ردودج
الله عداج الشر بالحادث والحمدلله ربي عوضج خير إنشالله يارب تفرحين فيها بس ديري بالج على نفسج والله ترى إحنا كله شطه العمر يخلص و الشغل ما يخلص
ريومه حبيبتي رحمي الماما و نامي بالليل
لووووووووووووووووووول حلوه ويعة يدي خخخخخخخخ
إي إنرفزون شي مو طبيعي ساعات امي تعلمها طبخه ولا شي تنح بويه امي تقولها بس إحنا ما عندنا جذي تقوم امي تعطيها
من بيتهم ارجع شقتي ولا اشوف ماجله من بيت ابوي
طقة ذاك اليوم يايبه كرتون برتقال من بيت ابوي قلت لها ليش جان تقول ماما قالت لي عصري عصير برتقال حقج و آنا قلت لها عندنا سكري انتي ما تحبين تشربينه ------> ريلي يايب هالسكري بالغلط بغيت انحرها قلت لها و إنتي شكو تقولين حق ماما القصه قوليلها إنزين و خلاص يا كثر هذرتهم
ادق على امي تقول يما ما فيها شي عشان إنتي دمج نازل و لازم تشربين
صاجه جنه مقصرين على بيتنا وإحنا الجمعيه الله وكيلج مرتين بالإسبوع وترس عربانه و إحنا بس 3 انفار لو يدري بس ريلي جان قتلها
يفشلوووون لعنه عليهم
ريمان إنشالله يستانس ولي العهد بالرحله يارب
ما تشوف شر حفيدتج مرووو

 

[caramella]

الله عداكم الشر بيلا
خل يديرووون بالهم الخدم عليهم
قوليلهم ما ابي منكم شي لا تنظيف لا طباخ بس جابلووهم لما ارجع يصير خير اهم شي سلامتهم يامعوده

 

[bella bambina]

صباح الخير أمهات
الحمدلله الله عوضج خير فوز عادي هالفترة البيبي كله غازات وعوار بطن بس اهي فترة وتعدي ان شاء الله اذا ترضعينها من صدرج هذا مو امساك عادي الياهل ما يخرج كل يوم لأن حليب الأم نظيف ما فيه شوائب وحاولي لا تاكلين أشياء تسوي غازات ولا تشربين منبهات
بنتي الكبيرة اليوم بيودونهم ينظفون البحر صوب ماكدونالدز مستانسه فازعه من الفير اليوم

 

[mr000]

السلام أمهات اشلونكم..فوز الله يعينج على هالفتره ميخالف الياهل كله جذي..بيلا مثل ماقالت كراميلا فترة الإجازه خلي الخدامه تحط إيدها على خدها وتقعد تجابلهم حتى لو تاكلون من المطعم بس لاتغفل عنهم ولا دقيقه والتنظيف تالي لي رديتي من الدوام.. اسم الله عليهم اليهال يطلعون بفناتق..أول أمس آنا قاعده بالصاله وبنت ولدي يمي تلعب والله بغمضة عين إلا صوت شي طاح أثاري ساحبه الدي في دي من وايره وامطيحته من على الطاوله زين اللي ماطاح على ريلها.. صج الياهل من يوصل هالعمر يبيله حضانه لأنها طول الوقت تتعبث بكل شي من الملل...البارحه خابه عمري ورحت مشرف وصيت على معجنات ودونت حق يوم الخميس حق ولدي وهو من البارحه بدى يتحلطم إنه بيغيب.. وقبل شوي دازلي مسجات من المدرسه إنه بيغيب وماكو مواد مهمه..قلت والله ولا أعور قلبي معاه بالطقاق دقيت عالمحل وكنسلت الطلب!!

 

[ReeMaN]

سلام امهات

شخباركم ؟؟؟ فوز شخبارج رفيقه الدريشه اشللون النونو وناسه ممشيتج على كيفها ههههه لا اتغشمر معاج هالفتره عادي ييها عوار البطن وغازات من الحليب وترا اكلج ياثر عليها مثل ماقالت بيلا اذا انتى تشربين منبهات ياثر بالنونو ماكو الا تفطمينها احسن

كاراميلامشكوره حبيبتى الحمدلله استانس ولي العهد ودو ولدي الفيلم اقوله اشلون الموفي يقول عادي طارت الفراشه و انفجرت و ماتت قلت له حرام مو خوش قصه قال عادي امها ما صيحت لان عندها وايد فراشات هههههههه

بيلا هاور يو ليدي ؟ هذا الناطق الرسمي يحاجيج حتى يطبع بروحه هههه الله يعينج على المحاتاة الله يحفظهم خو مانقدر ناخذهم معانا الدوام . وعلى فكره ترا بسجل ولدي بالباص يوديه وايبه نهايه الدوام بس عشان انحاش منج هههههه .... حتى قمت ايبه متاخر بسبة دوامي وهم القاج بالمدرسه ههههههه هاف انايس دي

مروو خل تطيب النونو عدل مدل عادي مايضرها تاخر التطعيم اسبوع الى عشر ايام المهم اتكون بعافيتها عشان تقدر تتحمل الصخونه لان الحراره تهد الحيل واهى مسكينه بروحها طالعه من الانفلونزا

 

[ReeMaN]

مروو الله حفظها هالنونو الحمدلله ماطاح الجهاز على ريلها صج لا قالو لا غفلو الاهل عن اليهال تحرسهم الملائكه

اتذكر من جم سنه ببيت اهلى على ايام التلفزونات الكبار والثقال ولد اختى كان عمره اربع سنين ركب مكتبه التلفزون واخذ شغله من فوق التلفزون واهو بينزل سحب التلفزون معاه وبغى يطيح عليه وسبحانه الحافظ واير التلفزون كان قصير ومثبت بالطوفه والحمدلله لحقنا عليه والا جان راح فيها ....

 

[bella bambina]

السلام أمهات
أكيد مرو مفكرة أقفل غرف البيت كلهم وأخليهم مع الشغاله بغرفه ولا بصاله عشان لا تغفل عنهم واحنا طول الشهرين بنقزرها بيت أهلي ومطاعم على ما اتيي حبيبة القلب ماريا (أخاف من زين طباخها )علي آنا والله أفضل جيس بطاط ولا بفك وأحلي ببرد باسكن ما أحب الطباخ
مرو عادي يصير يطعمونها اذا ما فيها حرارة ومو كل تطعيم الياهل يصخن واذا صخنت عطوها بندول نفس يوم التطعيم
بوناسيرا ريمان كومستاي بيني ؟ من زمان ما شفتج آنا أول وحده تدخل المدرسه وآخر وحده تطلع بسبة دلول ولويتها ماله داعي للباص فيه دري جانبي حق كي جي 2 ممكن تستخدمينه اذا تبين تنحاشين :RoadRunner:

 

[ReeMaN]

بوناسيرا ريمان كومستاي بيني ؟؟؟؟؟؟؟؟ امهات اخاف قاعده اتسبنى هالبنيه وانا مادري :gr4uu:

بيلا ترا انا عندي حزام اسود بالكارتييييييييييييييه :j013: <--- فيها هوشه غصب

 

[caramella]

السلام أمهات
اليوم ولدي ييه من المدرسه عادي نام شويه العصر قام على صرخه وحده
يصرخ من صمونته-------> الحجيه اللي ورا
قلت له من شنو
قال اليوم نلعب كره و ريفيجي دزني عشان ما يبيني افوز و طحت و تعورت ولي الحين يشتكي منها
اقوله الأبله ما كلمت الصبي
قال إمبلا
قلت له لمتك قال لأ لأن آنا سكت من البجي عور قلبي
ياربي في يهال دفاشه

 

[أم الهيل]

السلام بنات اشلونكم والله من كلامكم جني بحط بنتي في هالمدرسه بس انا عندي سؤال هالمدرسه ثنائيه اللغه؟

 

[mr000]

السلام أمهات اشلونكم! أم الهيل المدرسه موثنائيه اللغه يعني المواد كلها يدرسونها بالانجليزي والعربي والدين نفس مناهج الحكومه!والله يوفق بنيتج إن شاءالله

 

[bella bambina]

صباح الخير أمهات
بونجورنو دونا ريمان اشدعوه كاراتيه آنا حدي هند لاوبعد والله ناسيه من زمان مو لاعبه