تجمع امهات العالمية الامريكية

[Fouz]

السلام عليكم
شلونكم أمهات، المنتدى مادري شفه من أمس و كتبت رد شطوله و انمسح جان اطنقر و اسكره
سارة مبروك قبول ولدج
بيلا شخبارج ان شاءالله بخير
ريمان عاش من شافج و الجو اليوم خطير كل الفصول مع بعض
مرو شلونج ان شاءالله بخير
اهلين كاراميلا شخبارج

الله يسلمكم السهرات و الحفلات المسائية مستمرة حتى اشعار اخر
الاسبوع الياي عندي موعد مع دكتور الولادة حق الجرح و رة وحدة بودي بناتي الله يحفظهم حق د شمساه دام انهم بنفس العيادة فطلعتي وحدة، ابيه يشوف بنتي العودة لاني بسويلها عملية لحمية و ابي استشارته و هم ابيه يشوف الصغيرة لاني ما وديتها الطبيب من يبتها
أحد عنده فكرة عن اللحمية؟؟ المشكلة ان زوجي مطول ماراح يرجع قبل شهرين و نص فاذا العملية تخرع بنطره و اذا سهالات بسويها لها بأسرع وقت

 

[mr000]

السلام امهات اشلونكم..فوز اشلونج شخبارج..شوفي آنا سويت اللحميه حق بنتي لما كان عمرها 8 سنين وكان المفروض نسويها قبل لأن وايد كانت متأذيه منها ماتقدر تتنفس وهي نايمه.. وكبرت اللحميه وايد اللي لما شافها الطبيب قالي واضح البنت تتنفس من حلجها طول الوقت وهذا اللي مسبب لها التهاب واحتقان باللوز دايما.. بس بالعمليه ماشالولها اللوز قالي ماتحتاج... بس الغريبه إنها ألحين من كم سنه ردت تشتكي من اللحميه.. يقولون ترجع مره ثانيه.. عموما ماكانت صعبه يعني دشت المستشفى ليلة العمليه وطلعت بعدها بيوم وبالبيت بعدها بيومين هي تلعب عادي..آنا سويت لها بالصباح .. وولد أختي سواها بالهادي بس كانت مع عملية اللوز وسحب ماي من ورا طبلة الأذن فقعد يمكن يومين أو 3 بالمستشفى وبالبيت أخذ اسبوعين علشان اللوز مو اللحميه ! يعني اللحميه بروحها موصعبه...!! وسلامتها ماتشوف شر

 

[caramella]

صباح الخير أمهات
إشلونكم و شخباركم
باجر ولدي طالبين منه حرف ال k
فوز و بيلا طالبين منكم اي حرف ؟؟

 

[mr000]

السلام امهات اشلونكم

 

[jolie_q8]

السلام عليكم امهات العالميه

ان شاءالله على السنه الدراسيه اليايه راح انظم معاكم

بس عندي سؤالي وياليت تجاوبوني بصراحة وكل وحده تقولي وجهة نظرهاب الموضوع

سمعت اشاعة قويه عن المدرسه انها فيها مخدرات !! وحده من المصادر كانت وكيله عندهم والحين استقالت منهم

وانه الصبيان الكبار يحطون المخدارت حق الصغار بالكيك والمفن ويبيعونه !!

هل هالكلام صحيح !! وانا قايله باجر بسأل المدرسه وبشوف شنو صاير !!

 

[Fouz]

هلا والله مرو شلونج، و طمنتني على اللحمية لان بنتي وايد متأذية مسكينة و ان شاءالله اوديها الدكتور و اشوف شيقول

كاراملا شلونج، طالبين حرف j حطيت لها jelly o jam الاسبوع اللي فات طلبوا حرف K و حطيت لها Ketchup o key

جولي حياج الله معانا بس سالفة المخدرات أول مرة أسمعها عن هالمدرسة، انا سامعة عن نيو انجلش سكول مع ان ماشاءالله الطلب عليها مو طبيعي و ما يقبلون الا بطلعة الروح و هم اللي سمعته كلام ماكو اثبات، بالنسبة لي ما سمعت شي عن هالموضوع و اكيد الامهات اللي معانا ما قط سمعوا بهالشي و عسى الله يكافينا و يكافيكم شر البلاوي

 

[mr000]

أمبيه شنو هالحجي..اول مره أسمع هالشي الحمدلله ولدي من العام فيها مامر علينا هالشي.. وبعدين الأكل يشتريه من الكنتين ماياخذ أكل من احد..ومااييبون كيك ودونت وموفن إلا لما المدرسين يقولون لهم بنسوي حفله قبل العطله مثلا الكريسمس او الايستر وياكلون أكل صفهم بس ماياخذون اكل من صفوف ثانيه والمدرسين ياكلون معاهم من المعجنات والحلو اللي اييبونه.. لا والله ماسمعت بهالشي.. وتطمني مااعتقد هالكلام صحيح .. وبعدين نوره الغانم حريصه مومعقوله تترك المدرسه سايبه جذي..وإذا فيه كم طالب من الثانويه لاسمح الله عندهم هالشي وتعلموا منهم بعض الطلبه اللي أصغر فأعتقد هذا راجع لعدم مراقبة الاهل لان وايد اهالي يخلون عيالهم يطلعون مع صبيان أكبر منهم ومايكونون عارفينهم عدل. يعني اقصد هالشي يتعلمونه بره المدرسه مو داخلها ... الله يستر على عيالنا وعيالكم ويحفظهم من كل شر... وآنا عموما من زمان حتى عيالي الكبار اللي درسوا بالحكومه دايما أوصيهم ماياخذون من أحد حتى علج ولاحلاوه..لأني كنت أخاف من هالسوالف اللي أسمعها

 

[jolie_q8]

هلا فوز ,,
الله يحييج

حتى انا ماقط سمعت ووايد اعرف حتى خريجين من المدرسه وقاعده اسألهم يقولون بالعكس المدرسه تعتبر من انظم المدارس

انا هم باجر بدق على المدرسه وبسال وبتأكد وانا اللي خرعني سالفه انه الكبار يحطون المخدارت بالاكل!!!!!!!!

بقولهم جود يحرصون اكثر

 

[Fouz]

حياج الله جولي و ما فها شي اذا كلمتي المدرسة
بس اللي أعرفه ان الفرص مختلفة حسب العمر يعني الكبار بروح و الصغار بروح و كلام مرو وايد يطمن لان ولدها اسم الله عليه كبير مو مثلنا عيالنا بالكي جي فأكيد اذا سامع شي بيبلغ مرو، الله الحافظ ان شاءالله

جولي عيالج اسم الله عليهم بأي مرحلة؟؟

 

[caramella]

هلا والله فوز زين قلتيلي عن الكتشب ما طرت على بالي خل احطله جان عندي من الجياس الصغار مالت المطاعم
آنا بحط له
kettle
kiwi
kyte
key
وفكرت بالكتن بس ما عتقد عندي قطوه بالبيت البيت متروووس سيايير و كور
أمبيه شنو هالموضوع الخطير اللي تتناقشون فيه يمه بسم الله إنشالله ياربي مافي شي من هالقبيل

 

[jolie_q8]

أمبيه شنو هالحجي..اول مره أسمع هالشي الحمدلله ولدي من العام فيها مامر علينا هالشي.. وبعدين الأكل يشتريه من الكنتين ماياخذ أكل من احد..ومااييبون كيك ودونت وموفن إلا لما المدرسين يقولون لهم بنسوي حفله قبل العطله مثلا الكريسمس او الايستر وياكلون أكل صفهم بس ماياخذون اكل من صفوف ثانيه والمدرسين ياكلون معاهم من المعجنات والحلو اللي اييبونه.. لا والله ماسمعت بهالشي.. وتطمني مااعتقد هالكلام صحيح .. وبعدين نوره الغانم حريصه مومعقوله تترك المدرسه سايبه جذي..وإذا فيه كم طالب من الثانويه لاسمح الله عندهم هالشي وتعلموا منهم بعض الطلبه اللي أصغر فأعتقد هذا راجع لعدم مراقبة الاهل لان وايد اهالي يخلون عيالهم يطلعون مع صبيان أكبر منهم ومايكونون عارفينهم عدل. يعني اقصد هالشي يتعلمونه بره المدرسه مو داخلها ... الله يستر على عيالنا وعيالكم ويحفظهم من كل شر... وآنا عموما من زمان حتى عيالي الكبار اللي درسوا بالحكومه دايما أوصيهم ماياخذون من أحد حتى علج ولاحلاوه..لأني كنت أخاف من هالسوالف اللي أسمعها

اي والله صاجه الزمن يخرع ولازم الاهل يحرصون العيال

والظاهر هذي اشاعه قويه,, واذكر لما كنت بالثنويه هم طلعو اشاعه انه مدرستنا فيها مخدرات

ودايما المدارس الخاصه يطلع فيها هالاشاعات

ولدج باي مرحله؟

 

[jolie_q8]

حياج الله جولي و ما فها شي اذا كلمتي المدرسة
بس اللي أعرفه ان الفرص مختلفة حسب العمر يعني الكبار بروح و الصغار بروح و كلام مرو وايد يطمن لان ولدها اسم الله عليه كبير مو مثلنا عيالنا بالكي جي فأكيد اذا سامع شي بيبلغ مرو، الله الحافظ ان شاءالله

جولي عيالج اسم الله عليهم بأي مرحلة؟؟

ان شاءالله واحد يروح ثانيه - والثاني ثالثه

وعندي واحد يدخل كي جي1

 

[bella bambina]

صباح الخير أمهات
هلا والله جولي وايد من أهلنا بالمدرسه ومتخرجين منها ما سمعنا ان فيه سوالف مخدرات
هلا فوز وكراميلا حطيت حق دلول
jug
jeep
jacket
jeans
juice
jump robe

 

[mr000]

السلام أمهات اشلونكم.. هلا والله جولي آنا ولدي بغريد 8 ... وعلى طاري سالفة المخدرات والله آنا أتطمن حق المدارس الخاصه أكثر من الحكومه...عالأقل في إدارات تتحمل المسؤوليه..موناس تتهرب ولي صارت مشكله عمرج ماتطلعين بنتيجه كل واحد يقطج عالثاني ويلفون ويدورون عليج لما يطلعون نفسهم من الموضوع ويطلعون الأهل أهم الغلطانين ولا في عقاب فعلي للطالب اللي سلوكه سيئ أو يطق غيره ماعندهم إلا يفصلونه يوم علشان يستانس طول النهار ويفتر بالمجمعات..خاصة الكبار اللي بالمتوسط والثانويه.. لي درجة أن الوزاره طلعت نشره للنظار إن مايكون فيه قرار فصل إلا للشديد القوي ومن بعد ماتوافق عليه المنطقه التعليميه من كثر المشاكل اللي قامت تطلع من الطلبه المفصولين.. يعني خله داخل المدرسه وعالجه بدال ماتفصله.. بس وين الناس اللي تهتم بهالأمور وتحلها بشكل صحيح قليل اللي يشتغلون بضمير وقلبهم على الطلبه خاصه للأسف اللي موكويتيين..

 

[ReeMaN]

سلام امهات العالميه شخباركم حبايبي ؟؟؟

كاراميلا شخبارج انا حسبالي كل الكي جي بيروحون الرحله ..... عيل قضبي ارضج لاتيين معانا وصاجه جنى مافي رحلات وايد نفس باجي المدارس .....

وبعدين اتصدقين مكتوب بالورقه المدرسات مو مسؤولين عن اى حوادث اتصير حق الطلبه بالرحله ؟؟؟ بالله الله لا يقوله احد منهم ضاع والا شي هم مو مسؤولين حلوه هذي .... انتى اشرايج ؟ اول مرره اشوف بيودون اليهال رحله ويكتبون مو مسؤولين عن اى حوادث


فوز ماتشوف شر بنيتج ولدرفيجتى كان عمره 3 سنوات سوا عمليه اللحميه عند الدكتور عبدالله العلي استشاري انف واذن وحنجره وايد

شاطر سوته بالهادي وطلع بنفس اليوم ... عموما عمليه اللحميه الحمدلله مو نفس قبل ماعليه خوف الحين يسوونها سهالات


جولي اول مره اسمع بهالاشاعه ونوره الغانم ماتغشمر مع هالنوعيه من السوالف حيل شديده والطلبه حتى الاجانب يخافون منها

الله يكافينا شر هالبلاوي ويبعد عن عيالنا عن عيال الابليس

 

[mr000]

اشلون يعني مو مسؤولين عن اللي يصير بالرحله؟ أول مره أشوف مدرسه تكتب جذي ..عيل لايودونهم أحسن.. ان شاءالله ماكو إلا العافيه وانتي وصي مدرسته عليه بعد..

 

[ReeMaN]

هلا مروو والله انا قلت يمكن بكل الرحلات يكتبون جذي بس ماننتبه على الملاحظه.. هالمره قريتها واستغربت بشوف باجر اكلمها انشالله بفهم يعنى شنو اى حوادث اتصير حق الطلبه المدرسه مو مسؤوله عنها لا وروضه بعد بالله شلون بيعرفون حق نفسهم

 

[jolie_q8]

اي والله حتى انا ولا مره سمعت بهالشي

بالعكس انا مختارتها علشان سمعتها ونظامها وادري انه نوره الغانم شديده وماراح تعرض سمعة مدرستها حق هالكلام الفاضي ,,

المهم ,, ابي تعطوني نصايحكم وتجاربكم ,, مع المدرسه

خاضه حق الكي جي - وقريد1 و2

يعني تختارون مدرساتهم وصفوفهم .. والا اهما يوزعونهم

شلون على طريقه التوصيل تنزلون معاهم؟ وادخلونهم صفوفهم؟

شنو ازهب لهم ,,

يعني ابي تقولون لي تجاربكم واذا كان في اشياء صارت لكم غلط علموني عنها علشان اتجنبها

هلب مي

 

[caramella]

السلام أمهات
إشلون مو مسئولين عن اي حوادث ؟؟؟
ما يصير هذيل ميهله لازم احد ينتبه لهم
ريمان وصي مدرسته عليه ما بينفع هايدا الحكي
أول مره اسمع مدرسه تكتب جذي يمكن لأن صايرة لهم مشكله ولي امر مشتكي عليهم بشغله
جولي الصراحه آنا وايد مرتاحه بالمدرسه ولدي بكيجي 1 إلعام آنا وفوز طلبنا يكونون عيالنا عند مس ويندي لأن وايد مدحوها
ولدي حطوه بس بنتها لأ ما ادري ليش هل صج حطوا ولدي بناء على رغبتي ولا صار الموضوع صدفه مادري الصراحه
ولدي ةايد يحب مس ويندي ماشالله عليها خوش مدرسه تعرف شلون تجذب الياهل ومساعدتها مس لينا هاديه حيل تنفع تكون بين اليهال يعني شكلها ما تتنرفز و بالها طويل هذي تجربتي و إنشالله البنات يفيدونج

 

[Fouz]

السلام عليكم شلونكم أمهات و شخباركم

مرو و ريمان و كاراميلا شخباركم ، على طاري ورقة الرحلة ترى دايما يكتبون هالجملة ان الادارة مو مسئولة عن اي حادث خارج ارادتنا، أتوقع صايرة لهم مشكلة و بيخلون مسئوليتهم، انا شايفة هالجملة يوم يروحون حديقة الحيوانات و الجزيرة الخضرا، و صج ما يودون اليهال رحلات وايد يعني طول السنة ما راحوا الا هالمكانين!!!

بيلا شخبارج

ريمان مشكورة عن المعلومات مالت اللحمية و ان شاءالله سهالات

جولي انا كنت ابي مس ويندي بس مثل ما قالت لج كاراملا ما حطوا بنتي عندها فما ادري اذا فعلا اخذون راي الاهل و لا لأ، بالنسبة حق بنتي بكي جي ون أوصلها الى باب الصف و اخذها من الصف، ما عندي فكرة عن الابتدائي شلون نظامهم، ان شاءالله بيلا تفيدج