تجمع امهات العالمية الامريكية

[bella bambina]

السلام أمهات
سلامات مرو ما تشوفون شر
الله يعنج فوز على السهر بس عوديها ان الليل ما تجبلينها ويه يدوب الرضعه وبامبرز والليتات مسكره عشان تميز الليل من النهار وحطي ببالج انها فترة لازم تمرون انتي والبيبي فيها وما راح يظل الحال جذي لأنج كثر ما تكونين صامدة تمر الفترة بسرعه عشان نفسيتج ما اتأثر
كراميلا عادي آنا من شلت المرارة وبس أتنفس وزني يزيد لأن المرارة تساعد على هضم الدهون ولا أكلي مو ذاك الزود عايشه على الخرابيط

 

[mr000]

كراميلا كلنا على نفس الحال أكلنا خرابيط..آنا أروح مع بنتي بنتغدى بمطعم هي تتغدى وآنا اطلب قهوه وحلو..وإذا عشا نفس الشي..إذا كلش كلش طلبت سلطات والله ماأذكر قط طلبت طبق دسم.. وإلا فيه لحم أو دياي....أي مناسبه عائليه مااقرب من البوفيه... ومع هذا وزني في زياده سنه عن سنه..اللي يشوفني يقولي هذي تضرب بالخمس..!! الكرنفال والله آنا أسمع فيه بس العام ولدي ماراح فماأدري اشسالفته..!!بيلا متى الريبورتات؟؟آخر يوم هاف داي وإلا عادي؟ أشوف ورقة الplan مالت السوشيال فيها حق يوم الخميس 1/4 مع أنها الحصه الأخيره يعني لو هاف داي جان ماحط خطه بيوم الخميس!!

 

[mr000]

فوز صاجه بيلا أحسن شي بس شبي الأبجوره وخلي إضاءتها بعد موقويه..ولو إن الياهل على مزاجه..يعني ساعات عندج خواتج المغرب وسوالف وإزعاج والليتات امشببه وهو نايم بسابع نومه وتشوفينه بالليل هدوء وظلمه وعسى ماتنقلبين إلا قعد..انزين اشرايكم بالمصاصه؟؟ آنا بصراحه ماقط عطيت عيالي ماكانوا عسرين وتحملتهم بس بولدي الاخير ماتقدرت حنان وماينام ساعتين على بعض.. قلت حق اختي الله يخليج درزن مصاصات على طريجج لا وحده ولاثنتين..بس ريلي ماكان راضي كان يقطهم بالزباله.. تروالي عادي ..اشفيها المصاصه عالأقل لي 3او 4 شهور..

 

[Fouz]

شلونكم أمهات و شخباركم
سكتوا بنتي سوت مناحة ما تبي الافتر سكول مع اني مشركتها باثنين واحد الثلاثا و الثاني الاربعا بس يوم شفتها جي قلت بلاها من سالفة تقول ما ابي كلاس روم ثاني مادري شفيها خايفة فخلاص ماكو افتر سكول علشان ما استاثم فيها


بيلا والله انا اسكر الليتات بس سبحان الله هالفترة دايما صعبة يبيلها شهرين ثلاثة علشان تتعدل الاوضاع و على قولة مرو اذا تبينها تقعد والله ما تقوم مع ان ازعاج و ليتات و اذا بغيتي تنامين حتى لو عدلتي اكفر اقعدت


كاراميلا حبيبتي علج بالعافية و فعلا احنا مو ذابحنا الا الخرابيط بس اهم شي حطي بالج على صحتج اذا دمج نازل حاولي تعوضين حتى لو حبوب، و على قولة بيلا حتى لو انتنفس نمتن استغفر الله،،، ماشاءاه اكو ناس ياكلون دبلنا علهم بالعافية و يايبين 4 و 5 يهال بس تبارك الرحمن عودهم ضعيف ما يمتن

مرو انا تعقدت من المصاصة و السبة بنتي العودة الله يحفظها لما الحين مو قادرة اقطعها منها، صج افتكيت لانها قبل طول الوقت تبيها بس الحين حزة النوم و لازم محد يشزفها يعني لا أمي أو خالتي تقول عيب بعدين يعيبون يعني عارفة انها غلط و مهي راضية تقطها، و الله يسلمج لازم 3 مصاصات وحدة بالحلج و و بكل ايد تمسك وحدة

 

[ReeMaN]

سلام امهات شخباركم حبايبي ؟؟؟

بعااااااااد عومري والله فوز الله يسهل امورج وناطرتج الى بعد الاربعين انشالله شخبارج مع النونو واحلاتها احلى شي السهر معاها بالليل خاصه ان بنتج الكبيره نايمه يعنى تقدرين تاخذين راحتج مع النونو مع ان لازم المغص وخاصه البطن مايتسلط الا اخر الليل بس صاجه مروو يمكن الحليب مايوالمها ونامي معاها بالنهار عادي .....

وكاراميلا صفيني معاج بنفس الطبايع بالخرابيط حتى انا على متنى نسبة دمي حييييييييل نازل بس هم من الثلج اللي اكله وايد ينزل االدم وسبحان الله ماادري شالحكمه من الثلج يسبب فقر الدم

مرووووووووووو هاتي مواصفات كاراميلا خن اصيدهاااا ههههههه

اليوم تاخرت عشر دقايق على ولدي وشفت بيلا ياحليلها اتحاجينى انجليزي هاي هاور يو وارد عليها كوييييييتى هههههههه

انشالله الاربعا القادم الكي جي تو عندهم رحله الى الاكواريوم مادري اذا الكي جي 1 معاهم والا بس حق الكي جي 2

 

[mr000]

السلام أمهات.. صج ريمان عندهم رحله المركز العلمي ؟ خل أودي بنت ولدي تشوفهم إذا صارت أحسن.. تحب تشوف يهال المدارس هذيك المره شافت عيال مدرسة الخليج بقت تركب معاهم الباص طول الوقت قاعده معاهم وتمشي معاهم..فوز يمكن بنتج تتعب لي ال2 علشان جذي ماتبي تروح النشاط ميخالف توها صغيره كافي عليها لي ال1..والله يعينج هالسهر.. وصاجه في يهال يتعلقون بالمصاصه لي يكبرون وصعب تقطعينهم آنا عطيته لي ال3 أشهر بس وقطعته.. بس كنت أشوفهم بلندن عيالهم كل واحد اشطوله والمصاصه بحلجه يمكن عمره 5 سنين...

 

[bella bambina]

صباح الخير أمهات
Good morning Reeman How are you
ريمان ما عليه كنت قاعده أم رفيجة بنتي مدرسه مكسيكيه فما قدرت أبدل الديسك
فوز لا تودينها حرام توها صغيرة قبل وديت ولدي واهو بكي جي 2 خذه وقت على ما تأقلم وكان يظل بدون أكل مده طويله
مرو ما دري متى الريبورت كاردز

 

[mr000]

السلام اشلونكم .. اليوم بيلا قالبه عال FM.. بيلا بس حدج السلام بالإنجليزي وإلا راح نحتاج dictionary كلما نقرا مشاركتج..

 

[ReeMaN]

هااااااااااااااي امهات العالميه كيفكم ؟؟؟؟

شو الاخبار ؟؟؟ اى مرووو انشالله الاربعا عندهم رحله جان بتودينهم عيل ماكو الا ااجر باص حق الامهات اللي يبون يصيدون مروووو ههههههههههههههههههههههه خو كيفنا عازمتهم على القهوه بالاكواريوم حياج حلووومه معانا

اليوم صدت بيلا فيس تو فيس كلمتنى كويتي وانجليزي اشوه مافشلتنى وعطتنى اسهل سؤال هاور يو؟؟ ههههههههههه قلت لها فااااااااين وبطيتها ضحك يعنى بس هذا حدي بالجواب هههههههههههههههههه

 

[ReeMaN]

مساء الخير؟؟؟؟

احد يتفضل يشرب كابتشينو معاي :nbptr:


وينكم؟؟؟ اين قومي؟؟ :eh_s(16):

 

[sara999]

السلاااااااااااااااااااااااااااااااام عليكم
شلونكم شخباركم شالدنيا فيكم
مادري انا دخلت اليوم قلت خلني اقولكم
انه ولدي بدع بالمقابلات
اول شي البرتش قالت اوكي فري قوووووود صدمني يحليله
والكويت انجلش سكول يحليله ولدي يقول حق التيشر بس راسي يعورني انا اعرف بس مابي اقول فعطته موعد عقب يومين ووديته والحمدالله قود بس اختبارهم طويييل وارسم نفسك ووصل المتشابه والاوان والاشكال واكثر من واقل من وعطوه صفحه خايسه كلها كواكب لازم يوصل النص بالنص ما حبها كلش

واستقريت على كويت انجلش سكول قلت مادري شنو السبب الي مخليني اتعلق فيها عسى خير بس
وسجلته و دفعتله عاد ننطر شهر تسعه
المطلوب باركولنا

 

[mr000]

ألف مبروك سارا وخوش اختيار إذا تقصدين اللي بسلوى قطعه 11.. مدرسه ممتازه ومستواها قوي وايد... والله يوفق وليدج يارب وتشوفينه وهو متخرج منها وعقبها معرس.. عاد يصير مخامط عليه.. اسم الله عليه.. واحنا أول ناس ترى عندنا بنت عمرها سنتين جان تبون..وهم ناوين ندخلها مدرسه أجنبيه علشان لايقول أقل من مستواي..هههههه

 

[ReeMaN]

صبااااااااااااح احير امهات العالميه شلونكم مع الغيم اليوم خوش جو الصبح اشحلاااااااااته ..........

مبروك سارا والله يوفق وليدج فيها وانشالله ترتاحين منهم وبتعاملهم

 

[أم حمودي**MALL**]

بنات بسألكم عطل المدرسه ماشيه مع الحكومه ولا لأ؟

 

[bella bambina]

السلام أمهات اشلونكم واشلون عيالكم ؟
اليوم مادري اشفيني تعب الأسبوع كله طلع علي اليوم قعدت الصبح تريقت ورديت نمت واليهال أبوهم طلعهم وقبل شوي قعدت من النوم ما ظل حلم ما حلمته طول الأسبوع ما أحلم من التعب بس الحين أبي النهام يقعد يفسر لي
سارة ألف ألف ألف مبروك والله يوفقه

 

[bella bambina]

أم حمودي لأ عطلهم ودوامهم أول ناس بالكويت مع أمريكا

 

[bella bambina]

مرو والله آنا اللي يبيلي دكشنري مع عيالي واذا قريت كلمه غلط بنتي الكبيرة تضحك علي ودلول تقول لها ابلة العربي احكي عربي ترد دلول I am talking in عربي

 

[bella bambina]

ريمان حجزي لي مكان بالباص بروح معاج
فوز اشلونج مع الحفلات والسهرات ؟
كراميلا اشلون ولدج مع مس ويندي ؟

 

[caramella]

السلام أمهات
إشلونكم و شخباركم
ريمان آنا ما ابي ايي الأكواريوم زعلا نه:lkmnkl:
إشلون ارووح وولدي وعليه مو معاي بالمدرسه :flower:
إنشالله يستانس ولدج بالرحله
تعالو جنه هالمدرسه ما يودون وايد رحلات ما هيك ؟؟؟؟
سارا مبرووك قبول ولدج إنشالله يرتاح بالمدرسه
بيلا الحمدلله ولدي وايد مستانس معاها و المحبه متبادله بينهم هذا اهم شي قاعده احاتي من الحين حق السنه اليايه ما ادري يحب المدرسه ولا لأ

 

[mr000]

السلام أمهات اشلونكم ... اليوم قعدت مبجر الصبح ورديت نمت قعدت على صوت رعد علبالي حلمانه إلا الجو غيم ومطر تالي قبل شوي قلب غبار وعفسه.. ماشاءالله كل الفصول بيوم واحد..بيلا العيال اسم الله عليهم بسرعه يكتسبون اللغه آنا ولدي من غريد 3 بدى يصلحلي ويقولي كلمات ماأعرف معناها.. والله أذكر أول مره عرفت إن كلمة lidمعناها الغطه مال العلبه علبالي أسمه cover كان توه بغريد 3 أو 4... وآنا مخلصه الجامعه تدرين ليش لأن تدريس الأنجليزي بالحكومه طريقتهم غلط آنا دخلت كذا موقع تعليم انجليزي بالانترنت يقولج لاتركزين عالقواعد بالبدايه واحنا بالحكومه كله قواعد وتصريف أفعال وآخر شي عقب 12 سنه دراسه لغتنا ضعيفه.. وشوفي المدارس الأجنبيه يركزون عالمحادثه ومعاني الكلمات والسبيلينغ والمترادفات والتعبير يعني يقرا قصص ويكتب بأسلوبه وبالتدريج يعرف القواعد...